Карбас (Иньва район)
| Карбас Карбас | |
| Му: | Рочму |
| Статус: | грезд |
| Дорму: | Перым край |
| район: | Кудымкар район |
| Медводдза казьтыштӧм: | 1800 |
| Инлыдпасъяс: | 59°11′23″ с. ш. 54°30′51″ в. д.GЯO |
| Мутас: | 1 км² |
| Официал кыв | коми, роч |
| Олысьяс | 173 морт (2009) |
| Час кытш: | UTC+5 |
| Телефон код: | +7 34260 |
| Пошта индӧс: | 619556 |
| Автомобиль код: | 59, 81, 159 |
Карба́с — Бевоёв овмӧдчӧмин улӧ пырысь коми грезд.
Ним йылысь
Карбас грезд ним йылысь сьӧкыд мыйкӧ шуны. Кодсюрӧ чайтӧны, карбас (ыджыд пыж) вылӧ муныштӧ да, тадзи и шусьӧ. Рочьяс войдӧр грездсӧ шуӧмаӧсь Карбасова.
География
Карбас грезд пукалӧ Ошмушашор да Метшкӧр юяс дорын, Бевоёв сиктсянь войвылӧ 6 км ылнаын да Кудымкарсянь рытыв-войвывладор 25 км ылнаын.
Орчча грездъяс
Орччӧн аддзам грездъяс: войвылас 1,5 км ылнаын Илля, вой-асыввылас 1,7 км ылнаын Козвовчи, вой-рытыввылас кык километра мында ылнаын Епанов да лунвылас 2,7 км ылнаын Важ Чигас.
Матыс ландшафтъяс
- Крутӧй мыск (асыввылас)
- Кузькерӧс, сэтчӧс туй, сёнъяс, эндӧм ыбъяс (лунвыв-асыввылын)
- Палё́ж
- Пожума вӧр
- Фермаыб, гараж = Метшкӧрдор (войвылас)
- Юсай (Метшкӧр сайын)
- Яг (кӧдзаяс да сён, орччӧн нюр; лунвылын)
Юкӧнъяс
Карбасын куим му юкӧн:
- Карбас (ю веськыд вадорын)
- Васай (ю шуйга вадорын)
- Потев (ю веськыд вадорын, рытыввылас)
Туйяс
Карбасын арталӧны квайт туй [1]:
| Коми ним | Роч ним |
|---|---|
| Вапӧв туй | ул. Набережная |
| Ликачов туй | ул. Лихачева |
| Шӧрӧт туй | ул. Центральная |
| Рочов туй | ул. Рочева |
| Том туй | ул. Молодёжная |
| Юсай туй | ул. Заречная |
История
1869 вося лыддьӧг серти Карбасын мездлун сетігкежлӧ вӧлӧма 31 овмӧс, олӧмаӧсь 120 айморт да 126 ань.
Перым губерняса Совкар уездысь Бевоёв вӧлӧсьтын, тані вӧлі Карбас обществолӧн шӧрин.
1926 воӧ йӧзӧс гижалігтырйи Карбасын олӧмаӧсь 497 морт (226 айморт, 271 ань), кутӧмаӧсь 88 овмӧс. Рочыс вӧлӧмаӧсь сизим морт, мукӧдыс — комияс.
Бевоёв районса) Карбас сельсӧветлӧн шӧрин.
1970-80 воясӧ Карбасын вӧлі совхоз.
Бевоёв овмӧдчӧминӧ.
Веськӧдлӧм
Ӧні Карбас грезд пырӧ Бевоёв овмӧдчӧминö.
Йӧз
Олӧны Карбасын карбасо́вса, ӧти морт йылысь шуӧны карбасо́вскӧй либӧ карба́сісь.
Кабалаяс серти 2009 во пансигӧн Карбас грездын олӧма 173 морт, найӧ кутӧны 62 горт овмӧс.
Медваж овыс тані Рочев.
Олысьяс комиӧсь, сёрнитӧны комиӧн.
Овмӧс да быт
Ӧні йӧзыс олӧны асторъя овмӧсъясӧн.
Ас машинаяс абу уна. Ветлӧ автобус куим пӧв луннас Кудымкарлань. Туйыс асфальтируйтӧм сӧмын лавкаӧдзыс.
Лавкаыс эм сӧмын Бевоёв сельполӧн. Вӧлі нӧшта асторъя, но ӧні пӧдлалӧма.
Быт службаяс абуӧсь, шырсьыны да мый ветлӧны Бевоёвӧдз либӧ Кудымкарӧдз.
Позьӧ видзӧдны телевизор, сёрнитны мобильник пыр (Мегафон, UTEL).
Эм ФАП.
Гуалӧны карбасовчи Ярашутёмас (Козвовчиланьын) либӧ Белоёвланяс.
Культура
Челядь сад да ичӧт школа Карбассьыс пӧдлалӧмаӧсь. Челядь велӧдчӧны Бевоёвын.
Эм культура керка (клуб), сэні вӧлӧмаӧсь кружокъяс, ӧні коли сӧмын библиотека, актӧвӧй зал пӧртӧмаӧсь физзалӧ, кытӧн ворслӧны волейболӧн да баскетболӧн. Фольклор котыр абу.
Клубас пасйӧны став роч гажлун.
Войтырыс пасйӧны Пӧкрӧв, кодӧс татӧн чайтӧны престольнӧй гажлунӧн.
Карбасын пӧ вӧлӧма часовня (?). Ӧні татчӧс йӧз ветлӧны юрбитны Кудымкарӧ.
Мыгӧрпасъяс да видзӧдӧминъяс
Археологияса аддзӧмин эм Нёпинын.
Ӧшмӧсъяс
- Коми-Пермяцкий национальный округ. Москва-Ленинград, 1948.
Ыстӧдъяс
Шаблон:Бевоёв овмӧдчӧминъяс оланінъяс