Рочев

Рочев — Комиын тшӧкыда паныдасьлысь ов.

Этимология

Тайӧ овыслысь этимологиясӧ гӧгӧрвоӧдӧны уна ног. Ӧти-кӧ, коми роч кывсянь «локтӧм морт» вежӧртасын. Рочнас вермисны нимтыны и коми мортӧс, коді дыр ветлӧдліс роч муын. Мӧд-кӧ, роча («кыйсян вӧралан керка») роч кывйысь либӧ ротча («ю кузя ыліса чери кыян участок») роч кывйысь .

История

1720 воӧдз Рочевъяс овмӧдчӧмаӧсь Сыктыв вожын. Уна Рочев олӧ Изьва да Печӧра пӧлӧн. Налӧн лыд содӧмыс сэн волӧм татшӧм: 1721 воын - 6 семья, 1795 воын - 25, 1816 воын - 46, 1858 воын - 52.

Нималана йӧз

• Рочев Александр Андреевич — Комиысь шылад тэчысь, велӧдысь.
• Рочев Василий Васильевич — лызьӧн коми котралысь, ставмирса чемпион, тӧвся Олимпиада (Турин, 2006) дырйи ыргӧн медаль шедӧдысь. Россияын лыжиӧн котралӧмысь спортса нимӧдана мастер.
• Рочев Василий Павлович — лызьӧн нималана коми котралысь, СССР-са чемпионатъясын 12-ысь вермысь, мирса чемпионатъясын мӧд да коймӧд места босьтысь, тӧвся Олимпиадаын (Лейк-Плесид, 1980) зарни да эзысь медальяс босьтысь, СССР-са спортын нимӧдана мастер (1980), Россияса нимӧдана тренер (1998).
• Рочев Василий Прокопьевич — коми сьылысь.
• Рочев Владимир Парфёнович — медводдза класса тракторист, механизатор, рационализатор, СССР-са донор (1984), общественник, уджвывса ветеран.
• Рочев Егор Васильевич — нималана коми гижысь.
• Рочев Николай Васильевич — общественнӧй удж вӧчысь.
• Рочев Николай Никитич — коми история туялысь, история наукаясса кандидат, Коми наука шӧринысь Кыв, литература да история институтса веськӧдлысь (1970—1985).
• Рочев Юрий Герасимович — коми фольклор да литература туялысь, филология наукаяс кандидат (1974).
• Рочев Яков Митрофанович – коми гижысь, вуджӧдчысь.
• Рочева Нина Петровна — Совет кадся лызьӧн котралысь, тӧвся Олимпиадаын (Лейк-Плесид, 1980) эзысь медаль шедӧдысь, ставмирса чемпионка, СССР-са чемпионка (куимысь), СССР-са спортын нимӧдана мастер (1974).

Топоним

Рочев (рочӧн Рочево) – Коми Республикаын Сыктыв районса Визин сикт овмӧдчӧмин улӧ пырысь грезд.

Ыстӧгъяс