Кокконен Паула
| Кокконен Паула | |
|---|---|
 | |
| Чужан лун | 1951-ӧд вося йирым тӧлысь 4-ӧд лун (74 арӧс) |
| Страна | |
| Мыйся уджыс | лингвист, Finno-Ugrist, гижысь |
Кокконен Паула Риитта Хелена (финн кыв: Kokkonen Paula Riitta Helena, 1951-ӧд вося йирым тӧлысь 4-ӧд лун) — финн лингвист, коми кыв туялысь, философияса магистр.
Олантуй
Паула Кокконен чужӧма 1951-ӧд вося йирым тӧлысь 4-ӧд лунӧ Суомиын Сяяминки инын. 1981-ӧд воын помалӧма Хельсинкиса университет «Финн-йӧгра кывъяс» специальносьт серти, босьтӧма философияса магистр ним. Велӧдчӧм бӧрын водзӧ туясьӧма: вӧлӧма туялысьӧн Финляндияса кывъяс туясян шӧринын (1987—1989), Финляндияса наукаяс академияын (1991—1992). Уджалӧма ассистентӧн Хельсинки университетса финн-йӧгра юкӧнын (1989—1991, 2004), М. А. Кастрен нима котырын секретарӧн (1990—1991)[2].
1989-ӧд восянь 1998-ӧд воӧдз велӧдӧма финн кыв иностранечьяслы курсъяс дырйи, на лыдын Россияса финн-йӧгра регионъясын. 1994-ӧд восянь 2002-ӧд воӧдз уджалӧма Сыктывкарса канму университетын финн-йӧгра факультетса коми да финн-йӧгра кыв туялан кафедраын доцент должносьтын[2].
2004-ӧд восянь 2012-ӧд воӧдз сектретаритӧма Финн-йӧгра котырын (Хельсинки). 2012-2015-ӧд воясын велӧдӧма финн кыв Петыркарса канму университетын. 2015-ӧд восянь дасьтӧ кыккывъя электроннӧй кывкудъяс (Komi-suomi-sanakirjahanke), а сідзжӧ пырӧдчӧ ыджыд проектӧ, мый котыртӧма вӧлі Норвегияса Арктика университетысь Саами кывлы технология Шӧринӧн (Giellatekno).
Небӧгъяс
• Syrjänische Texte, gesammelt von T. E. Uotila. Übersetzt und herausgegeben von Paula Kokkonen. Band I, II, III, IV. Suomalais-Ugrilaisen Seuran Toimituksia 186, 193, 202, 221. Helsinki, 1985, 1986. 1989, 1995 (Зырянские тексты, собранные Т. Э. Уотилой. Перевод и подготовка к изданию Паулы Кокконен);
• «Komisyrjäänin kielioppia ja tekstejä». Apuneuvoja suomalais-ugrilaisten kielten opintoja varten IX, Suomalais-Ugrilainen Seura (Коми-зырянская грамматика и тексты).
Наградаяс
• Еджыд роза Рыцарь орден (2001);
• «Kalevala Koru» культура фондлӧн лауреат (2015)[3].
Пасйӧдъяс
Литература
• Пунегова Г.В. Кокконен Паула Риитта Хелена // Исследователи коми языка: Биобиблиографический указатель. — Сыктывкар: ООО «Анбур», 2017. — С. 120—122.