Коми АССР-са почёт нимъяс
Коми АССР-са почёт нимъяс (рочӧн Почётные звания Коми АССР) — Коми АССР-ын лӧсьӧдӧм канму наградаяс, мый сетісны Коми АССР-ын бура уджалӧмысь 1919 восянь 1994 воӧдз.
История
Медводдзаысь почёт нимъяс йылысь шуӧмсӧ вӧлі примитӧма 1939 вося моз тӧлысь 19-ӧд лунӧ Коми АССР-са Медвылыс Сӧветлӧн Президиум чукӧртчӧм вылын да йӧзӧдӧма сылӧн 6 №-а протокол подув вылын. Медводдза почёт нимъясӧн вӧліны «Коми АССР-са техникаын да наукаын нимӧдана уджалысь», «Коми АССР-са нимйӧза артист», «Коми АССР-са нимӧдана артист», «Коми АССР-са искусствоясын нимӧдана уджалысь», «Коми АССР-са школаясын нимӧдана велӧдысь»[1].
Коми АССР-са почёт нимъяс сетӧм йылысь шуӧмсӧ кырымаліс Коми АССР-са Медвылыс сӧветлӧн Президиум. Тайӧ шуӧмъяссӧ быть йӧзӧдлісны газетъясын.
Почёт нимъяссӧ сетісны овмӧсын да культураын торъя бур уджысь. Коми АССР-са почёт нимъяссӧ сетісны Народнӧй комиссаръяслӧн, республикаса профсоюзнӧй организацияяслӧн, уджалысь йӧзлӧн депутатъяс Сӧветъяслӧн окружнӧй да районнӧй исполнительнӧй комитетъяслӧн представление серти. Йӧзлы, кодъяслы сетісны Коми АССР-лысь почёт ним, сетісны тшӧтш и Коми АССР-лысь Почёт грамота. Коми АССР-лысь почёт нимсӧ вермис мырддьыны сӧмын Коми АССР-са Медвылыс Сӧветлӧн Президиум[2].
Коми АССР-ын 1939—1994 воясӧ вӧлі лӧсьӧдӧма татшӧм почёт нимъяс[3]:
1994 во бӧрын кутісны сетны Коми Республикаса почёт нимъяс.
Пасйӧдъяс
- ↑ Календарь знаменательных дат (рус.). НБРК. Шыӧдчан кадпас: 31 йирым тӧлысь 2025.
- ↑ Свод правовых актов и иных документов, принятых органами законодательной власти Республики Коми. Том I, июль 1938 - апрель 1945. — Сыктывкар: Государственный Совет РК, 1998. — 122-123 с.
- ↑ Коновалова М. Почётные звания Республики Коми // Республика Коми. Энциклопедия. Том II. — Сыктывкар: Коми книжное издательство, 1999. — С. 495.