Коми Республикаса нимйӧза артист

Коми Республикаса нимйӧза артист
Коми Республикаса нимйӧза артист
Канму	Коми Республика;
Сикас	почёт ним[d]
Статистика
Лӧсьӧдан кадпас	1994-ӧд вося йирым тӧлысь 24-ӧд лун

Коми Республикаса нимйӧза артист (рочӧн Народный артист Республики Коми) — Коми Республикаса почёт ним.

История

«Коми Республикаса нимйӧза артист» почёт ним сетӧны кино, театр, эстрада артистъяслы да режиссёръяслы, а сідзжӧ сьылысьяслы, радио да телевидениеса дикторъяслы да искусствоын мукӧд уджалысьлы ыджыд профессиональнӧй мастерствоысь, вылын художествоа образъяс, спектакльяс, шылада произведениеяс лӧсьӧдӧмысь да республикаса театр, музыка, кино, телевидение, радиовещание сӧвмӧдӧмӧ ыджыд пай пуктӧмысь и енбиа том йӧзӧс быдтӧмысь.

Тайӧ почёт нимсӧ вӧлі вынсьӧдӧма «Коми Республикаса канму наградаяс йылысь» 1994 во йирым тӧлысь 24-ӧд лунся 1-РЗ №-а Коми Республикаса оланпасӧн^[1] да «Коми Республикаын наградаяс да ошкӧмъяс йылысь» 2011 во рака тӧлысь 1 лунся Коми Республикаса оланпасӧн^[2].

Сетанног

Оланпас серти, тайӧ почёт ним вылӧ вӧзйӧны Коми Республикаса Почёт грамота сетӧм бӧрын 5 воысь оз водзджык. Но эм кӧ Коми Республика водзын торъя тӧдчана заслугаяс, кутшӧмъясӧс Коми Республикаын, Россия Федерацияын, войтыркостса тшупӧдын пыдди пуктӧма канмусянь да йӧзкотырсянь, позьӧ вӧзйыны Коми Республикаса Почёт грамота сетан кадколаст вылӧ видзӧдтӧг.

Почёт нимкӧд тшӧтш сетӧны «Коми Республика водзын торъя заслугаясысь» морӧсвыв пас да Коми Республикаса почёт ним сетӧм йылысь эскӧданпас.

Видзӧдӧй тшӧтш

• Коми Республикаса почёт нимъяс

Литература

Коновалова М. Почётные звания Республики Коми // Республика Коми: энциклопедия: в 3-х т. — Сыктывкар: Коми кн. изд-во, 1999. — Т. 2. — С. 495.

Ыстӧдъяс

[1] Закон Республики Коми от 24 октября 1994 года N 1-РЗ "О государственных наградах Республики Коми"

[2] Закон Республики Коми "О наградах и поощрениях в Республике Коми"

[1]

[2]