Коми Республикаса нимйӧза кывбуралысь

Коми Республикаса нимйӧза кывбуралысь
Коми Республикаса нимйӧза кывбуралысь
Канму	Коми Республика;
Сикас	почёт ним[d]
Статистика
Лӧсьӧдан кадпас	1994-ӧд вося йирым тӧлысь 24-ӧд лун

Коми Республикаса нимйӧза кывбуралысь (рочӧн Народный поэт Республики Коми) — Коми Республикаса почёт ним.

История

«Коми Республикаса нимйӧза кывбуралысь» почёт ним сетӧны нималана кывбуралысьяслы уна вося ыджыд творческӧй да общественнӧй уджысь, кодъяс лӧсьӧдісны вылын художествоа литература гижӧдъяс, кодъяс торъя тӧдчанаӧсь да кодъясӧс ёна радейтӧны республикаын.

Тайӧ почёт нимсӧ вӧлі вынсьӧдӧма «Коми Республикаса канму наградаяс йылысь» 1994 во йирым тӧлысь 24-ӧд лунся 1-РЗ №-а Коми Республикаса оланпасӧн^[1] да «Коми Республикаын наградаяс да ошкӧмъяс йылысь» 2011 во рака тӧлысь 1 лунся Коми Республикаса оланпасӧн^[2].

Сыӧдз вӧлі «Коми АССР-са нимйӧза гижысь (поэт)» почёт ним, мый вӧлі лӧсьӧдӧма 1984 вося лӧддза-номъя тӧлысь 15-ӧд лунӧ.

Сетанног

Оланпас серти, тайӧ почёт ним вылӧ вӧзйӧны Коми Республикаса Почёт грамота сетӧм бӧрын 5 воысь оз водзджык. Но эм кӧ Коми Республика водзын торъя тӧдчана заслугаяс, кутшӧмъясӧс Коми Республикаын, Россия Федерацияын, войтыркостса тшупӧдын пыдди пуктӧма канмусянь да йӧзкотырсянь, позьӧ вӧзйыны Коми Республикаса Почёт грамота сетан кадколаст вылӧ видзӧдтӧг.

Почёт нимкӧд тшӧтш сетӧны «Коми Республика водзын торъя заслугаясысь» морӧсвыв пас да Коми Республикаса почёт ним сетӧм йылысь эскӧданпас.

Видзӧдӧй тшӧтш

• Коми АССР-са нимйӧза гижысь
• Коми Республикаса почёт нимъяс

Литература

Коновалова М. Почётные звания Республики Коми // Республика Коми: энциклопедия: в 3-х т. — Сыктывкар: Коми кн. изд-во, 1999. — Т. 2. — С. 495.

Ыстӧдъяс

[1] Закон Республики Коми от 24 октября 1994 года N 1-РЗ "О государственных наградах Республики Коми"

[2] Закон Республики Коми "О наградах и поощрениях в Республике Коми"

[1]

[2]