Кочанова Анастасия Евгеньевна
| Кочанова Анастасия Евгеньевна | |
|---|---|
 | |
| Чужан лун | 1992-ӧд вося кӧч тӧлысь 23-ӧд лун (33 арӧс) |
| Чужанін | |
| Страна | |
| Мыйся уджыс | балерина, циркын гимнастка |
Кочанова Анастасия Евгеньевна (1992-ӧд вося кӧч тӧлысь 23-ӧд лун, Кулӧмдін, Коми Республика) — коми балерина да циркын гимнастка.
Олантуй
Анастасия Кочанова чужис Коми Республикаса Кулӧмдін сиктын 1992 вося кӧч тӧлысь 23-ӧд лунӧ. Йӧктыны кутіс Кулӧмдінса шӧр школаын коймӧд классын велӧдчигӧн: ветлӧдліс школаса йӧктан кружокӧ.
Сэсся велӧдчис Коми Республикаса Юралысь бердын искусствояс гимназиялӧн йӧктан юкӧдын.
Гимназия бӧрын Настя помаліс Коми Республикаса искусствояс колледж. Велӧдчигӧн мукӧд студентыскӧд ӧттшӧтш йӧктіс Коми Республикаса опера да балет театрлӧн сцена вылын[1].
Колледж бӧрын Настя кӧсйис пырны уджавны Коми Республикаса опера да балет театрӧ, но нывъёртыс вӧзйис корсьны шудсӧ Коми муысь ылынджык. Йошкар-Ола бӧрти кольччӧма Москваӧ, йӧктӧма «Корона Русского балета» театрын. А 2012 воӧ вуджӧма Классическӧй балетлӧн национальнӧй театрӧ. Труппаас морт 30. Уджъёртъясыскӧд гастрольясӧн кытшовтӧма став мирсӧ нин: Франция, Португалия, Канада, Малайзия, Ирландия, куимысь вӧлӧма Испанияын да Китайын, кыкысь Америкаын.
2013 воын Америкаын гастрольяс дырйи йӧктіс Нью-Йоркса сцена вылын Барак Обама президентлӧн ичӧт нылыскӧд, Наташа Обамакӧд. Кулӧмдінса балериналӧн йӧктӧмыс кажитчис президент Барак Обамалы[2].
2015 воын Анастасия муніс балетысь да кутіс уджавны воздушнӧй гимнастӧн «Королевскӧй циркын»[3].
Семья
Верӧс сайын. Верӧсыс — Эдуард Махов[4].
Пасйӧдъяс
- ↑ Лютоев Н. Танцы перед Бараком (рус.). Комиинформ (17 тӧвшӧр тӧлысь 2014). Шыӧдчан кадпас: 4 вӧльгым тӧлысь 2025.
- ↑ Балерина из Коми станцевала перед Бараком Обамой (рус.). Комионлайн (17.01. 2014). Шыӧдчан кадпас: 4 вӧльгым тӧлысь 2025.
- ↑ Любтоев Н. Танцовщица из Усть-Кулома стала воздушной гимнасткой (рус.). Трибуна (5 тӧвшӧр тӧлысь 2017). Шыӧдчан кадпас: 4 вӧльгым тӧлысь 2025.
- ↑ Гранина Е. Как балерина из Усть-Куломского района станцевала перед Бараком Обамой и сменила сцену на купол цирка (рус.). БНКоми (25 косму тӧлысь 2022). Шыӧдчан кадпас: 4 вӧльгым тӧлысь 2025.