Кристослӧн Рӧштво

Кристослӧн Рӧштво
«Рождество Христово». «Кристослӧн Рӧштво» Андрей Рублёвлӧн ӧбраз.
Сикас	вуджлытӧм кыкдасӧд ен гаж (православиеын) вуджлытӧм кыпыд гаж (католицизмын)
Официальнӧя	Рождество во плоти Господа Бога и Спасителя нашего Иисуса Христа (церк.-слав. Є҆́же по пло́ти ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀) Торжество Рождества Христова (латин Sollemnitas in Nativitate Domini)
Вежӧртас	православнӧй вичкоса медшӧр гаж
Вынсьӧдӧма	Иисус Кристослӧн чужӧм
Кадпас	Православнӧй вичкоын: - юлиан календар серти: ӧшым тӧлысь  25-ӧд лун (тӧвшӧр тӧлысь 7-ӧд лун); - выль юлиан календар серти: ӧшым тӧлысь 25-ӧд лун. в Католической церкви и протестантских церквях: - григорий календар серти ӧшым тӧлысь 25-ӧд лун. Армяналӧн апостольскӧй вичкоын: - тӧвшӧр тӧлысь 6-ӧд лун. Копт православнӧй вичкоын: - 29 койяка (тӧвшӧр тӧлысь 7-ӧд лун).
Медиафайлы на РУВИКИ.Медиа

Кристослӧн Рӧштво (рочӧн Рождество Христово, важ греч Ἡ κατὰ σάρκα Γέννησις τοῦ Κυρίου καὶ Θεοῦ καὶ Σωτῆρος ἡμῶν Ἰησοῦ Χριστοῦ, церк.-слав. Е́же по пло́ти Рождество́ Го́спода Бо́га и Спа́са нашего Іисуса Христа) — Иисус Кристос чужӧмлы сиӧм православнӧй вичкоса гаж, пасйӧны тӧвшӧр тӧлысь 7-ӧд лунӧ.

Эскӧмъяс

Рӧштвосянь Ва вежӧдан лунӧдз кадколастсӧ шуӧны Вежадыр (Эжва вожын), Вежа пӧра (Изьва вожын), Светтьӧ (Луздор вожын). Тайӧ лунъясас оз позь печкыны, тшӧтшӧдны гыж, шырсьыны, пеславны кӧлуй. Шуӧны, кутан кӧ та кадӧ печкыны, кутир-катирыс дзугас став печкан уджтӧ, либӧ куттяыс сіталас да кудзалас кудель вылад. Печкантӧ оз позь кольны сёр вылӧ.

Ворсӧм

Рӧштвосянь кык вежон чӧж (кӧнсюрӧ – сӧмын ӧти вежон) ворсӧны ыж шегйӧн. Эскӧны, мый татшӧм ногӧн позьӧ содтыны ыжлысь лыдсӧ.

Челядьӧс повзьӧдлӧм

Йӧзыс чайтӧны, мый тайӧ лунъясас ветлӧдлӧны «куттяяс», кодъясӧн повзьӧдлӧны челядьӧс: «водз игнасьӧй, куттяяс мед оз пырны». Челядьсӧ оз лысьтны рытъяснас лэдзны ывлаӧ.

Тшыкӧдчӧм

Йӧзыс эскӧны, мый лёк вынъяс вермӧны пырны картаӧ да тшыкӧдны мӧстӧ, кодлӧн сэсся вошӧ йӧлыс. Медым видзчысьны лёкторйысь, кӧзяйка пернапасалӧ керка-карта ӧдзӧсъяс, лыддьӧ молитва.

Куття-войса

Шуӧны, мый Рӧштвоӧдз колӧ быдлаысь бус чышкавны. Оз кӧ чышкавны, сэтчӧ овмӧдчӧ «куття-войся» (куття, кити-коти, куття-даддя, шора, куль, шы пуляк). Йӧзыслӧн чайтӧм серти, куттяяс петӧны ваысь, сэтчӧ жӧ вермасны кыскыны йӧзсӧ.

Войпук

Том йӧз чукӧртчывлӧны войпукъяс вылӧ, кӧні гажӧдчӧны – сьылӧны, йӧктӧны, ворсӧны. Емва вожса сиктъясын войпук дырйи ворсӧны «Приятель» да «Старик» ворсӧмъясӧн.

Кругӧн йӧктігӧн сьывлӧны «Из-за лесу», «Дай, дай, сваття», «Да сьылім, сьылім, сьылім» да «Тшуи» сьыланкывъяс.

Ӧшмӧс

• Коми календар. 2009 во / Лӧсьӧдіс Ӧльӧш Рассыхаев. Сыктывкар, 2008.