Льӧмва
| Льӧмва | |
|---|---|
 Льӧмва Усваӧ усьтӧдз | |
| Характеристика | |
| Кузьта | 180 км |
| Бассейн | 9650 км² |
| Ва визлас | |
| Ю йыв | юяс ӧтлаасянін: Ичӧт Льӧмва и Ыджыд Льӧмва |
| • Ин | Вой кытшбердса Урал |
| • География координатаяс | 65°25′15″ с. ш. 61°04′49″ в. д.GЯO |
| Ю вом | Усва |
| • Ин | 325 км шуйга вадортіыс |
| • География координатаяс | 66°30′14″ с. ш. 61°59′25″ в. д.GЯO |
| Ин | |
| Ва система | Усва → Печӧра → Баренц саридз |
|
|
|
| Страна | |
| Регион | Коми Республика |
| Район | Инта муниципальнӧй кытш |
| Канму ва реестрын код | 03050200112103000066770[1] |
| Географическӧй нимъяслӧн канму каталогын номер | 0168316 |
|
|
|
 — исток,  — устье |
|
 Медиафайлы на РУВИКИ.Медиа | |
Льӧмва[2] (комиӧн Льӧмва[3]) — Коми Республикаын ю, Усва юлӧн шуйга вожыс. Вӧрзьӧдны позьтӧм ю, кӧні кульмӧ сьӧмга[4].
Этимология
Ю нимыс артмӧма льӧм да ва кывъясысь (рочӧн черемуховая река, вода)[3].
Гидрография
Кузьтаыс — 180 км, ва чукӧртан бассейныс — 9650 км²[5]. Льӧмва артмӧ Ыджыд Льӧмва да Ичӧт Льӧмва кык ю ӧтлаасьӧмӧн Вой кытшбердса Ураллӧн рытыввыв пӧкатъясын Ханты-Манси асвеськӧдлан кытшкӧд граница дорын[6].
Визувтӧ войвылӧ овтӧминъясӧд, ӧдйӧ чукӧртӧ уна лыда вожъясысь васӧ. Выліас визулыс бушкола да тэрыб, воргаас зэв уна кось. Шӧрас юыслӧн ӧдыс чинӧ, сійӧ визувтӧ мылькъяинын, берегъясыс джуджыдӧсь, вӧраӧсь. Пасьтаыс 50-60 метра гӧгӧр. Мукӧддырйи юыс юксьӧ висъяс вылӧ да артмӧдӧ вӧра гырысь діяс.
Улынджык визувтӧ нюрсялӧм парматі, артмӧдӧ уна вис да ді. Льӧмва усьӧ Усваӧ Абезь пристаньсянь 1,5 км вылӧджык[7].
Вевттьысьӧ йиӧн йирым тӧлысь помын, а воссьӧ ода-кора тӧлысь помын [4].
Вожъяс
Вожъяссӧ лыддьӧдлӧма ю вомсянь ю йылӧдз.
• 7 км: Юнъяха ю[8]
• 17 км: Кыдзрасъёль шор[7]
• 23 км: Льӧмва-Вис ю[7]
• 36 км: Пага ю[9]
• 44 км: Гына-Куръя-Ёль ю[9]
• 49 км: Харута ю[9]
• 59 км: Кузь-Куръя-Ёль шор[9]
• 70 км: Нерцета ю[9]
• 75 км: Грубе ю[9]
• 84 км: нимтӧм ю[10]
• 110 км: Тангепте ю[10]
• 127 км: Ичӧт Надота ю[10]
• 131 км: Хайма ю[10]
• 146 км: Парнока ю[6]
• 149 км: Ыджыд Надота ю[11]
• 180 км: Ыджыд Льӧмва ю[6]
• 180 км: Ичӧт Льӧмва ю[6]
Паcйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Лемва (№ 0168316) / Реестр наименований географических объектов на территорию Республики Коми по состоянию на 5.10.2020 // Государственный каталог географических названий / rosreestr.ru.
- ↑ 1 2 Коми Республикаса топонимия (А. П. Афанасьев серти) | Коми кывтӧдӧм. Шыӧдчан кадпас: 13 урасьӧм тӧлысь 2022. Архивируйтӧма 23 ӧшым тӧлысь 2021.
- ↑ 1 2 Ветошкина Н. Лемва // Республика Коми. Энциклопедия. Том II. — Сыктывкар: Коми книжное издательство, 1999. — С. 197.
- ↑ Лемва : [рус.] / verum.wiki // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ 1 2 3 4 Лист карты Q-41-87,88 р Парнокаю. Масштаб: 1 : 100 000. Издание 1979 г.
- ↑ 1 2 3 Лист карты Q-41-51,52 Абезь. Масштаб: 1 : 100 000. Издание 1982 г.
- ↑ Лист карты Q-41-53,54 Ярпияг. Масштаб: 1 : 100 000. Издание 1982 г.
- ↑ 1 2 3 4 5 6 Лист карты Q-41-63,64 Ошпер. Масштаб: 1 : 100 000. Издание 1979 г.
- ↑ 1 2 3 4 Лист карты Q-41-75,76 возвышенность Пальникмусюр. Масштаб: 1 : 100 000. Издание 1979 г.
- ↑ Лист карты Q-41-85,86 Санавож. Масштаб: 1 : 100 000. Состояние местности на 1991 год. Издание 1994 г.
Литература
• Кеммерих А. О. Приполярный Урал: Путеводитель. — М.: Физкультура и спорт, 1970.
• Льӧмва // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Лемва // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.