Мамченко Владислав Никанорович
| Мамченко Владислав Никанорович | |
|---|---|
 | |
| Чужан лун | 1929-ӧд вося урасьӧм тӧлысь 28-ӧд лун |
| Чужанін | |
| Кулан лун | 2006-ӧд вося вӧльгым тӧлысь 13-ӧд лун (77 арӧс) |
| Куланін | |
| Велӧдчӧм | |
Мамченко Владислав Никанорович (1929-ӧд вося урасьӧм тӧлысь 28-ӧд лун, Смоленск обласьт — 2006-ӧд вося вӧльгым тӧлысь 13-ӧд лун, Сыктывкар) — россияса скульптор, Россия Федерацияса нимӧдана серпасалысь (2005), Коми АССР-са искусствоясын нимӧдана уджалысь (1980).
Олантуй
Чужлӧма Смоленск обласьтлӧн Слӧбӧг районса Шугайлово грездын. Бать-мамсӧ репрессируйтісны. 1941 вося ода-кора тӧлыссянь 1942 вося йирым тӧлысьӧдз вӧлі блокаднӧй Ленинградын, вӧлі ранитчӧма чужӧмас бомбёжка дырйи[1]. Эм «Блокаднӧй Ленинградын олысьлы» пас.
1946 воын пырӧма велӧдчыны В. И. Мухина нима Ленинградса вылыс художественно-промышленнӧй училищеын.
Училище помалӧм бӧрын В. Мамченкоӧс мӧдӧдісны Таджикистанлӧн юркарӧ — Сталинабадӧ (Душанбеӧ) архитектура делӧяс кузя веськӧдланінӧ распределение серти. Воысь неуна дырджык уджалӧм бӧрын сійӧ, Ю. Борисов корӧм серти, 1953 воын воис Сыктывкарӧ. Тані лоӧ Коми Республикаса скульпторъяс медводдзаяс лыдын[2].
Нималӧ тӧдчана творческӧй уджалысьяслӧн портретъясӧн: танцовщица Т. Маегова да актриса Ю. Трошева, поэт В. Кушманов да сьылысь Э. Шмеркович, режиссёр И. Аврамов да серпасалысь С. Торлопов, композитор Д. Шостакович — разнӧй характеръяс да темпераментъяс, найӧс ӧтувтӧ олӧм тырлун да авторлӧн ассьыс геройясӧс пыдди пуктӧм[3].
Мамченко В. — Сыктывкарын некымын памятниклӧн автор. Медводз Коми Республикаса опера да балет канму театр водзын изэрд вылын Иван Куратовлы памятник, а сідзжӧ «Нэмӧвӧйся слава» мемориал.
Наградаяс
• Россия Федерацияса нимӧдана художник (2005);
• Коми АССР-са искусствоясын нимӧдана уджалысь (1980);
• Коми АССР-са канму премия (куимысь);
• Ёртлун орден;
• Петровскӧй наукаяс да искусствояс академияса действительнӧй член (1999)[4].
Пасйӧдъяс
- ↑ Орлова Ольга Владимировна. Мамченко Владислав Никанорович / Составители: Беляева Н. Ж., Кочерган Л. И.. — Художники Республики Коми - участники Великой Отечественной Войны. — Сыктывкар: Коми республиканская типография, 2015. — С. 94. — 192 с.
- ↑ Художники, прошедшие войну: Владислав Никонорович Мамченко (1929-2006 гг.) (рус.). Вӧртас. Шыӧдчан кадпас: 4 моз тӧлысь 2025.
- ↑ Время не властно над именем / Составители: Л.Н. Чупрова/И.В. Колегова. — Сыктывкар: Центральная городская библиотека, 2008. — С. 195. — 205 с.
- ↑ Мамченко Владислав Никанорович (рус.). Национальная галерая Республики Коми. Шыӧдчан кадпас: 4 моз тӧлысь 2025.
