Аврамов Иван Иванович

Аврамов Иван Иванович
Аврамов Иван Иванович
Чужан лун	23 кӧч (6 йирым) 1915
Чужанін	Вӧлӧгда губерния, Россияса империя[d];
Кулан лун	1985-ӧд вося ода-кора тӧлысь 10-ӧд лун (69 арӧс)
Куланін	Сыктывкар, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз;
Мыйся уджыс	актёр
Ошканпасъяс да премияяс	; ; ;

Аврамов Иван Иванович (1915—1985) — нималана коми актёр, СССР-са нимйӧза артист, режиссёр.

Олан туй

Чужӧма 1915-ӧд вося йирым тӧлысь 6-ӧд лунӧ Вӧлӧгда губерняысь Усть-Сысольск уездса Слӧбӧда сиктын (ӧні Сыктывкар каркытшлӧн Эжва районын юкӧн). Батьыс — Микӧла вичкоса псаломщик Иван Алексеевич Аврамов, мамыс — Елена Леонтиевна (нывд. Юркина).

1928-ӧд воын помалӧма Слӧбӧдаса школа. 1932-ӧд воын пырӧма уджавны Коми передвижнӧй театрлӧн труппаӧ. 1933-ӧд воын велӧдчӧма Н.К. Крупская нима Москваса театральнӧй техникумын, 1934—1936-ӧд воясын — Ленинградса театральнӧй техникумын коми студияын. 1936—1937-ӧд воясӧ да 1945-ӧд восянь уджалӧма Коми драмаа театрын.

1939—1945-ӧд воясӧ служитӧма армияын Ылыс Асыввылын. Айму вӧсна Ыджыд тыш кадӧ тышкасьӧма Япониякӧд.

1961-ӧд воын ГИТИС бердын режиссёрлысь вылыс курсъяс помалӧм бӧрын сійӧс индӧмаӧсь Драма театрын главнӧй режиссёрӧн, кӧні режиссёралӧма 1982-ӧд воӧдз.

Кулӧма 1985-ӧд вося ода-кора тӧлысь 10-ӧд лунӧ Сыктывкарын, гуалӧма карса Шӧр шойнаын.

Гозъя олӧм

Гӧтырыс — Ростиславина Софья Сергеевна (1920—2005), Коми АССР-са нимйӧза артистка.

Ворсӧмъяс

Наградаяс

• Коми АССР-са нимӧдана артист (1947)
• Коми АССР-са нимйӧза артист (1951)
• РСФСР-са нимӧдана артист (1958)
• РСФСР-са нимйӧза артист (1961)
• СССР-са нимйӧза артист (1976)
• Коми АССР-са канму премиа босьтысь (1970)
• Уджвывса Гӧрд Дӧрапас орден

Ӧшмӧсъяс

• Театральная энциклопедия

Ыстӧдъяс