Манукян Андраник Александрович

Андраник Александрович Манукян
Андраник Александрович Манукян
	армяна Անդրանիկ Մանուկյան
Чужан лун	1916 вося ода-кора тӧлысь 10-ӧд лун
Чужанін	Бнунис, Сюникскӧй обласьт, Армения
Кулан лун	1986 вося косму тӧлысь 4-ӧд лун
Куланін	Ереван
Звание
Часьт	медводдза Белорусскӧй фронтса медводдза гвардейскӧй танкӧвӧй армиялӧн 8-ӧд гвардейскӧй механизируйтӧм корпусса медводдза гвардейскӧй танкӧвӧй бригада
Командуйтіс	разведкаӧн
Тышъяс/вӧйнаяс	Айму вӧсна Ыджыд тыш
Отставкаын	1946 восянь

Манукян Андраник Александрович (армяна Անդրանիկ Մանուկյան; 1916 вося ода-кора тӧлысь 10-ӧд лун, Бнунис, Сюникскӧй обласьт, Армения — 1986 вося косму тӧлысь 4-ӧд лун, Ереван) — Айму вӧсна Ыджыд тышын участвуйтысь, Комиысь Сӧветскӧй Союзса Герой, медводдза Белорусскӧй фронтса медводдза гвардейскӧй танкӧвӧй армиялӧн 8-ӧд гвардейскӧй механизируйтӧм корпусса медводдза гвардейскӧй танкӧвӧй бригадаын разведкаса начальник, полковник^[1].

Олантуй

Андраник Манукян чужӧма 1916 вося ода-кора тӧлысь 10-ӧд лунӧ Арменияса ӧнія Сюник обласьтса Бнунис сиктын служащӧй семьяын. Помаліс педагогика техникум да педагогика институтлысь куим курс, сы бӧрын вуджис Бакуӧ, кӧні уджаліс школаын велӧдысьӧн.

Сэтысь 1940 воын сійӧс босьтӧмаӧсь Гӧрд Армияӧ. Вӧлі разведчикӧн да автоматчикӧн, участвуйтіс Севастополь дорйӧмын, Сталинградса да Курскса тышъсын, Днепр, Днестр, Одер форсируйтӧмын, Украина да Польша мездӧмын, Берлин босьтӧмын^[2]. Повтӧмлунысь да бур службаысь вӧлі командируйтӧма комсоставлӧн «Выстрел» курсъяс вылӧ. Найӧс помалӧм бӧрын 1943 воын сійӧс индісны разведкаса начальникӧн медводдза гвардейскӧй танкӧвӧй бригадаын (8-ӧд гвардейскӧй механизированнӧй корпус, медводдза гвардейскӧй танкӧвӧй армия, медводдза Белорусскӧй фронт)^[3].

Гвардияса капитан Андраник Манукян 1945 вося тӧвшӧр тӧлысь 15-ӧд лунӧ разведчикъяскӧд писькӧдчис противник тылӧ Цецылювка сикт дорын (Варка карсянь лунвылынджык, Польша), босьтіс пленӧ офицерӧс да вайӧдіс сійӧс штабӧ. Кык лун мысти разведка группакӧд босьтіс Ежув нӧрыс (Лодзь карсянь асыввылынджык) да кутіс сійӧс шӧр вынъяс матыстчытӧдз. Тайӧ жӧ вося тӧвшӧр тӧлысь 18-ӧд лун босьтіс пленӧ Поддембина кӧрт туй станцияса (ӧні Тушин кар пытшкын) начальникӧс, коді юӧртіс вӧйска тыра эшелонъяс воӧм йылысь.

СССР-са Медвылыс Сӧвет Президиумлӧн 1945 во урасьӧм тӧлысь 27-ӧд лунся Индӧдӧн командованиелысь заданиеяс образцӧвӧя олӧмӧ пӧртӧмысь да немецко-фашистскӧй захватчикъяскӧд тышын повтӧмлун да героизм петкӧдлӧмысь гвардияса капитан Андраник Александрович Манукянлы сетӧма Сӧветскӧй Союзса Геройлысь ним Ленин орден да «Зарни Кодзув» медаль (5141 №) сетӧмӧн.

Война бӧрын, 1946 воын петіс отставкаӧ майор званиеын. Помаліс педагогика институт, уджаліс партия горкомын Бакуын.

1955-1973 воясӧ служитӧма пытшкӧсса делӧяс министерстволӧн войскаын, тшӧтш и 83-ӧд Сыктывкарса конвойнӧй дивизияын полкса командирӧс вежысьӧн. Полковник званиеӧдз служитӧм бӧрын 1973 воын петіс отставкаӧ^[1].

Отставка бӧрас вуджис овны Ереванӧ, кӧні велӧдіс 32 №-а школаын.

Кувсис 1986 вося косму тӧлысь 4-ӧд лунӧ Ереванын.

Наградаяс

• Сӧветскӧй Союзса Герой
• «Зарни Кодзув» медаль (5141 №)
• Ленин орден (1945.02.27)
• Кык Гӧрд Дӧрапас орден
• Айму вӧсна Ыджыд тышса I тшупӧда орден
• Гӧрд Кодзув орден
• Медальяс

Литература

• Воспоминания разведчика-педагога / А. А. Манукян. Ереван: Луйс, 1985. — 64 с.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Книга памяти Республика Коми. Т. 12 / сост. А. А. Карпов, О. А. Сергичева, Л. Н. Двинская. — Сыктывкар, 2013.
• Герои Советского Союза – сыны Азербайджана: [Очерки] / Акад. наук АзССР. Ин-т истории ; [Ред. В. А. Мурадян и Е. И. Меерович]. – Баку,1965.
• Попель Н.К. Впереди — Берлин! — М.: 2001.
• Бабаджанян А.Х., Попель Н.К., Шалин М.А., Кравченко И.М. Люки открыли в Берлине: Боевой путь 1-й гвардейской танковой армии. – М., , 1973.
• Дрёмов, И. Ф. Наступала грозная броня. – Киев, 1981.
• Соболев, А. М. Разведка боем. Записки войскового разведчика. – М., 1975.
• Шумилов, В.Е. Раздумье у рейхстага. – Воронеж, 2000.

Пасйӧдъяс

↑ ¹ ² Репортаж №25. Наш Герой – майор бронетанковых войск Манукян Андраник Александрович
↑ Манукян Андраник Александрович Архивса копия 3 урасьӧм тӧлысь 2008 Wayback Machine ресурсын
↑ 1-я гвардейская танковая бригада Архивса копия 14 лӧддза-номъя тӧлысь 2012 Wayback Machine ресурсын

Ыстӧгъяс

Манукян Андраник Александрович (рус.). Сайт «Герои страны».

[:1-1] ¹ ² Репортаж №25. Наш Герой – майор бронетанковых войск Манукян Андраник Александрович

[2] Манукян Андраник Александрович Архивса копия 3 урасьӧм тӧлысь 2008 Wayback Machine ресурсын

[3] 1-я гвардейская танковая бригада Архивса копия 14 лӧддза-номъя тӧлысь 2012 Wayback Machine ресурсын

[1]

[2]

[3]