Матросов Александр Матвеевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Матросов.
Матросов Александр Матвеевич
Alexander Matveyevich Matrosov.jpg
Чужигӧн сетӧм ним рочӧн Александр Матвеевич Матросов
Чужан лун 1924-ӧд вося урасьӧм тӧлысь 5-ӧд лун(1924-02-05)[1]
Чужанін 
Кулан лун 1943-ӧд вося урасьӧм тӧлысь 27-ӧд лун(1943-02-27) (19 арӧс)
Куланін 
Канму  СССР
Войска сикас Гӧрд Армия[d]
Служитан вояс 1942—1943
Звание красноармееч
Тышъяс/вӧйнаяс Айму вӧсна Ыджыд тыш
Наградаяс да премияяс
Сӧветскӧй Союзса Герой
Ленин орден
Логотип РУВИКИ.Медиа Медиафайлы на РУВИКИ.Медиа

Матросов Александр Матвеевич (1924-ӧд вося урасьӧм тӧлысь 5-ӧд лун[1], Днепропетровск[d] — 1943-ӧд вося урасьӧм тӧлысь 27-ӧд лун, Чернушки[d], Тверь обласьт) — Сӧветскӧй Союзса Герой (1943), красноармееч, Калининскӧй фронтса генерал М. Н. Герасимовлӧн оперативнӧй группаса 6-ӧд Сталинскӧй Сибирскӧй добровольческӧй стрелкӧвӧй корпуслӧн И. В. Сталин нима 91-ӧд торъя сибирскӧй добровольческӧй бригадаса 2-ӧд торъя стрелкӧвӧй батальонса стрелок-автоматчик, ВЛКСМ-ӧ пырысь. Пӧгибнитіс 19 арӧсӧн, аслас морӧсӧн тупкис немеч ДЗОТ-лысь амбразурасӧ, сетіс позянлун аслас взводса боечьяслы пӧдтыны прӧтивниклысь бисӧ. Сылӧн подвиг йылысь паськыда гижисны газет-журналъясын, литератураын, киноын, и сійӧ лои роч кывйын зумыд кывтэчасӧн («подвиг Александра Матросова», «подвиг Матросова»).

Олантуй

[вежны | Вежны кодировкаын]

Официальнӧй версия серти, Александр Матвеевич Матросов чужлӧма 1924 вося урасьӧм тӧлысь 5 лунӧ Украинаса ССР-лӧн Екатеринославскӧй губерняса Екатеринославын (ӧні — Днепропетровск)[2].

1942 вося кӧч тӧлысь 30-ӧд лунсянь заводитіс велӧдчыны Краснохолмскӧй пехотнӧй училищеын 5-ӧд ротаса курсантӧн. 1942 вося вӧльгым тӧлысьын пырис комсомолӧ. 1942 вося ӧшым тӧлысьын училищеса курсантъяскӧд тшӧтш мӧдӧдӧмаӧсь Астраханьӧ (либӧ Астрахань обласьтса Харабальӧ) сборнӧй пунктӧ велӧдчыны.

1943 вося тӧвшӧр тӧлысь 18-ӧд лунӧ Чкалов (ӧні Оренбург) областьса Платовка станциясянь училищеса курсантъяскӧд тшӧтш доброволечӧн мӧдӧдчис Калининскӧй фронт вылӧ. 1943 вося урасьӧм тӧлысь 12-ӧд лунӧ Матросов воис частьӧ, служитіс И. В. Сталин нима 91-ӧд торъя Сибирскӧй добровольческӧй бригадаса (бӧрынджык 56-ӧд гвардейскӧй стрелкӧвӧй дивизияса 254-ӧд гвардейскӧй стрелкӧвӧй полк, Калининскӧй фронт) 2-ӧд торъя стрелкӧвӧй батальонын (мукӧд мыччӧдъяс серти, 3-ӧд батальонса 1 ротаын), сійӧс бӧрйисны группокомсоргӧн да индісны взводса агитаторӧн. 1943 вося урасьӧм тӧлысь 15-ӧд лунӧ, 18:00 часын, 91-ӧд бригада петіс Земца станциясянь Локня карлань.

Фронт вылын[вежны | Вежны кодировкаын]

1943 вося урасьӧм тӧлысь 25-ӧд лунӧ 91-ӧд бригада кык батальонӧн тышкасис Черное да Брутово оланінъяс вӧсна. 1943 вося урасьӧм тӧлысь 26-ӧд лунӧ 91-ӧд бригада, Чернушка Северная грезд асыввывсянь кытшовтӧмӧн, петіс Плетень грезд дорӧ, кӧні колӧ вӧлі флангӧ кучкӧмӧн бырӧдны Чернушка да Черная грездъясын противникӧс да босьтны найӧс. Фронт вывсянь Чернушка вылӧ наступайтіс 4-ӧд батальон. Батальонсӧ противник торйӧдіс биӧн 3 группа вылӧ. Чорыд тыш бӧрын батальон ӧтувтчис, та дырйи батальонса командир капитан Афанасьев ранитчис. Противник ёна водзсасис, лыйліс шӧркодь миномётъясысь, артиллерияысь да сьӧкыд миномётъясысь.

Подвиг

[вежны | Вежны кодировкаын]

1943 вося урасьӧм тӧлысь 27-ӧд лунӧ 2-ӧд батальонлы сетісны приказ атакуйтны Калинин обласьтса Локнян районса Чернушка грезд дорын опорнӧй пункт. Мыйӧн сӧмын сӧветскӧй салдатъяс воисны вӧрӧ да петісны сикт помӧ, найӧ веськалісны противниклӧн чорыд би улӧ — ДЗОТ-ясын куим пулемёт тупкисны сикт дорӧ матыстчанінъяссӧ. Би пӧдтӧм вылӧ вӧлі мӧдӧдӧма кык морта штурмӧвӧй группаяс. Штурмӧвӧй группаяслы удайтчис бырӧдны кык флангса ДЗОТ. Но шӧр ДЗОТ-ысь пулемёт водзӧ лыйліс Плетень сикт водзвывса сёнсӧ. Сійӧс эз артмы бырӧдны.

Чернушки грезд дорын немеч ДЗОТ, сылысь амбразурасӧ тупкис Александр Матросов

Сэки ДЗОТ-лань кыссисны красноармеечьяс Пётр Александрович Огурцов (чужлӧма 1920, Балаково, Саратов обласьт) да Александр Матросов. ДЗОТ дорӧ матыстчигӧн Огурцов вӧлі сьӧкыда ранитчӧма, и Матросов шуис помавны операциясӧ ӧтнасӧн. Сійӧ матыстчис флангсянь амбразура дорӧ да шыбитіс кык граната. Пулемёт ланьтіс. Но мыйӧн сӧмын боечьяс кыпӧдчисны атакаӧ, ДЗОТ-сянь бара вӧлі восьтӧма би. Сэки Матросов чеччис, уськӧдчис ДЗОТ дінӧ да аслас тушанас тупкис амбразурасӧ. Аслас олӧмӧн сійӧ отсаліс збыльмӧдны подразделениелы приказсӧ.

Противниклӧн би чинӧм бӧрын батальон пыр жӧ заводитіс мунны водзӧ. Плетень грезд вӧлі босьтӧма 4-ӧд батальонлӧн фронтальнӧй атакаӧн да 2-ӧд батальонлӧн флангӧвӧй атакаӧн. Чернушка сиктӧ туйсӧ вӧлі восьтӧма, и 13 часын 4-ӧд батальонлӧн вынъясӧн сиктсӧ вӧлі босьтӧма. Старшӧй лейтенант Пётр Ильич Волков, 91-ӧд отдельнӧй стрелкӧвӧй бригадаса политическӧй отделса агитатор, юӧртіс политическӧй отделӧ А. Матросовлӧн подвиг йылысь. Сылӧн донесениеын вӧлі индӧма, мый Матросов героическӧя пӧгибнитіс тышын Калинин обласьтса Локнян районса Чернушка грезд дорын[3]. Ӧні сиктъясыс абуӧсь, Плетень сиктлӧн мутасыс пырӧ Михайловскӧй вӧлӧсьтӧ, а Чернушка сиктыс — Псков обласьтса Локнян районлӧн Самолуковскӧй вӧлӧсьтӧ.

Подвигсӧ нэммӧдӧм

[вежны | Вежны кодировкаын]

Матросовлӧн подвиг йылысь медводз гижис сӧветскӧй журналист Михаил Бубеннов[4]. Сӧветскӧй литератураын Матросовлӧн подвигыс лои повтӧмлунлӧн да Чужан му дорӧ муслунлӧн символӧн.

Александр Матвеевич Матросовӧс медводзсӧ гуалӧмаӧсь Чернушки грезд дорын, а 1948 воын сылысь шойсӧ выльысь дзебӧмаӧсь Великолукскӧй обласьтса Великие Луки карын.

Матросовлӧн гуыс Чернушки грезд дорын
Гу вылын паметник Великие Луки карын, 1954.07.25

СССР Медвылыс Сӧвет Президиумлӧн «Гӧрд Армияса начальникъяслы да рядӧвӧйяслы Сӧветскӧй Союзса Герой ним сетӧм йылысь» 1943 во лӧддза-номъя тӧлысь 19-ӧд лунся Индӧдӧн «немецкӧй захватчикъяскӧд тыш нуӧдігӧн командованиелӧн боевӧй заданиеяс образцӧвӧя олӧмӧ пӧртӧмысь да та дырйи повтӧмлун да героизм петкӧдлӧмысь» сетӧма Сӧветскӧй Союзса Герой ним кулӧм бӧрас[5][6].

СССР-са оборонаса Народнӧй комиссариатлӧн 1943 вося кӧч тӧлысь 8-ӧд лунся 162 №-а приказӧ вӧлі гижӧма: «Матросов ёртлӧн ыджыд подвигыс лоас примерӧн воинскӧй доблестьлы да героизмлы Краснӧй Армияса став воинъяслы». Тайӧ жӧ приказӧн А. М. Матросовлысь нимсӧ вӧлі сетӧма 254-ӧд гвардейскӧй стрелкӧвӧй полклы, а ачыс сійӧс нэм кежлас вӧлі пыртӧма тайӧ полкса медводдза рота лыддьӧгӧ[7].

Александр Матросов лои медводдза сӧветскӧй воинӧн, кодӧс нэм кежлас пыртӧма часть лыддьӧгӧ.

Мӧд версияяс

[вежны | Вежны кодировкаын]

Разведротаса вӧвлӧм командир Л. И. Лазаревлӧн видзӧдлас серти, Матросовӧс вӧлі виӧма пулемётнӧй ӧчередьӧн сійӧ здукас, кор сійӧ кыпӧдчис, медым шыбитны граната, мый сы бӧрын сулалысь боечьяслы кажитчис, кыдзи найӧс аслас тушаӧн биысь сайӧдны зільӧм.

Гижысь-фронтовик Виктор Астафьевлӧн кывъяс серти, коді ыстысьӧ лоӧмторсӧ аддзылысьяслӧн письмӧяс вылӧ, Матросов гӧгыльтчӧма вылісянь амбразура вылӧ, зільӧма улӧдз кусыньтны кузь пулемёт стволсӧ дженьыдик кад кежлӧ, мый эськӧ вӧлі тырмымӧн кадыс сылӧн полкса ёртъясыслы, но немечьяс нетшыштӧмаӧсь стволсӧ, и Матросовӧс виӧмаӧсь[8]. Пётр Огурцов, коді Матросовкӧд ӧтлаын заводитліс бырӧдны немеч ДЗОТ, да 4-ӧд батальонса военфельдшер Галина Суднова тырвыйӧ эскӧдӧны асланыс ёрт подвиглысь официальнӧй версиясӧ.

Башкыр историк Айрат Багаутдиновлӧн туялӧм серти, коді видлаліс сӧветскӧй воинскӧй частьяслысь документъяс да вермахтлысь немеч документъяс, Александр Матросов подвигсӧ вӧчис аслас медводдза да медбӧръя тышын 1943 вося урасьӧм тӧлысь 25-ӧд лунӧ (а эз урасьӧм тӧлысь 27-ӧд лунӧ). Немецкӧй 93-ӧд пехотнӧй дивизиялӧн боевӧй действиеяслӧн журнал эскӧдӧ сӧветскӧй войскаӧн асывнас Чернушкисянь асыв-лунвылын немецкӧй оборона линия писькӧдӧм. Александр Матросовлӧн 2-ӧд стрелкӧвӧй батальон писькӧдіс немечьяслысь оборона визьсӧ Чернушки дорын урасьӧм тӧлысь 25-ӧд лунӧ водз асылын Чёрнӧй сиктсянь 2 км асыв-войвылын. Подвиг вӧчанінсӧ удайтчис тӧдмавны сӧветскӧй да немеч документъяс подув вылын — Чернушки (лунвыв) сиктсянь 1 км 200 метр асыввылынджык вӧрлӧн асыввыв дорын. Сійӧ вӧлі орччӧн немечьяслӧн оборона опорнӧй пункткӧд[9].

Айрат Багаутдинов анализируйтіс вермахтлысь документъяс да медводдзаысь тӧдмаліс, мый Чернушки (лунвыв) да Чернушки (войвыв) сиктъяссӧ дорйис 1943 вося урасьӧм тӧлысь 10-ӧд лунсянь урасьӧм тӧлысь 27-ӧд лунӧдз 285-ӧд охраннӧй дивизиялӧн 113-ӧд охраннӧй полкса 3-ӧд батальонлӧн 11-ӧд рота, коді воюйтіс Тиман группа составын 93-ӧд дивизиялӧн веськӧдлӧм улын. 3-ӧд батальонса командирӧн вӧлі майор Теодор Ванке. 11-ӧд ротаса командирӧн вӧлі гауптман Роберт Стратман. 11-ӧд ротаын вӧлі кык взвод. Медводдза взводса командирӧн вӧлі обер-лейтенант Макс Доринг, а мӧд взводса — лейтенант Макс Рабл. Тайӧ кык взводысь ӧтиыслӧн личнӧй составыс вӧлі Чернушки сиктдорса ДЗОТ-ясын[9].

Татшӧм жӧ подвиг вӧчысь мукӧд йӧз

[вежны | Вежны кодировкаын]

Татшӧм подвигсӧ война воясӧ вӧчисны 400-ысь унджык морт[10]; туялысь Н. Н. Смирновлӧн юӧр серти, 2000 во кежлӧ наӧн вӧлі тӧдмалӧма татшӧм подвиг вӧчысь 402 воинӧс[11].

Наградаяс

[вежны | Вежны кодировкаын]

Паметь

[вежны | Вежны кодировкаын]
  • Пошта конверт (1983)

    Пошта конверт (1983)

  • Пошта марка (СССР, 1944 во)

    Пошта марка (СССР, 1944 во)

  • Пошта марка (СССР, 1963 во)

    Пошта марка (СССР, 1963 во)

  • Казьтылан пӧв А. Матросов нима уличаын Петыркарын

    Казьтылан пӧв А. Матросов нима уличаын Петыркарын

  • Матросовлӧн медводдза гуаланін схема

    Матросовлӧн медводдза гуаланін схема

  • Война воясӧ «Окна ТАСС» лэдзӧма «Комсомолеч Александр Матросовлӧн подвиг» агитационнӧй плакат.
  • Великие Луки карын Матросов гу вылӧ паметниксӧ вӧчӧмаӧсь скульптор Е. В. Вучетич да медшӧр архитектор В. Артамонов. Бронзаысь вӧчӧм скульптуралӧн джудждаыс 4,2 метр, гранит постаментлӧн — 4,32. Подувсӧ вӧчӧма полируйтӧм лабрадорит плитаясысь. Паметниксӧ восьтісны 1954 вося сора тӧлысь 25-ӧд лунӧ. Площадьсӧ вӧлі нимтӧма сы нимӧн[13].
  • Пыртӧма 53129 МПК-332 Петропавловск-Камчатскӧй в/ч лыддьӧгӧ.
  • 1943 вося кӧч тӧлысь 8-ӧд лунӧ Матросовлысь нимсӧ сетӧма 56-ӧд гвардейскӧй стрелкӧвӧй дивизияса 254-ӧд гвардейскӧй стрелкӧвӧй полклы, асьсӧ сійӧс нэм кежлас пыртӧма тайӧ частьса 1 рота лыддьӧгӧ. Айму вӧсна Ыджыд тыш помасьӧм бӧрын полк дислоцируйтчис Таллинын (92953 в/ч). 1994 воын Сӧветскӧй Союзса Герой Александр Матросов нима 254-ӧд гвардейскӧй стрелкӧвӧй полксӧ вуджӧдісны Смоленск обласьтса Ельня карӧ да 2000 воӧдз бырӧдісны. 2004 вося февраль 23 лунӧ Улыс Новгородын пыр дась 3-ӧд мотострелкӧвӧй дивизияса 752-ӧд мотострелкӧвӧй полкӧс нимтісны Александр Матросов нима 254-ӧд гвардейскӧй мотострелкӧвӧй полкӧн, сэсся вуджӧдісны 9-ӧд торъя мотострелкӧвӧй бригадаӧ (в/ч 54046), кодӧс 2010 воӧдз бырӧдісны. 2019 воын котыртӧм Рытыввыв военнӧй кытшса гвардейскӧй мотострелкӧвӧй полклы, кодӧс шуӧма 254-ӧд гвардейскӧй стрелкӧвӧй полклӧн преемникӧн, 2020 воын лоӧ сетӧма «Александр Матросов нима» почёт ним[14].
  • Александр Матросовлӧн усьӧминӧ сувтӧдӧма мемориальнӧй комплекс.
  • Александр Матросовлысь нимсӧ сетӧма Россияса да СНГ-са уна карын некымын уличалы да парклы. 2015 воын Александр Матросовлысь барельефсӧ сувтӧдӧма Пионер-геройяс аллея вылӧ (Ульяновск)[15].
  • Александр Матросовлысь нимсӧ сетӧма «Пассажирречтранс» компаниялӧн пассажирскӧй теплоходлы, коді ветлӧдлӧ Енисей кузя «Красноярск — Дудинка» маршрут серти.
  • Александр Матросовлысь нимсӧ сетӧма Ивановоса челядь керкалы (1960 восянь), кӧні сійӧ оліс 1937—1939 воясӧ[16].
  • 1978 восянь Ульянов обласьтын нуӧдӧны Сӧветскӧй Союзса Герой А. Матросовлӧн паметьлы сиӧм традиционнӧй легкоатлетическӧй котӧртӧм[17].
  • Сӧветскӧй Союзса Герой А. Матросов нима челядьлы карсайса дзоньвидзалун бурмӧдан лагерь (Станция-Охотничӧй)[18].
  • РСФСР-са Министръяс Сӧветлӧн 1973 во урасьӧм тӧлысь 27-ӧд лунся Шуӧм серти Александр Матросовлысь нимсӧ сетӧма Ульянов обласьтса «Баратаевскӧй» совхозлы[19].
  • Сы нима комсомольскӧй слава музей (Великие Луки).
  • Сӧветскӧй Союзса Герой А. Матросовлӧн мемориальнӧй музей воссис 1960 воын Ивановка сиктын. Музейсӧ пыртӧма Москва карса Поклоннӧй гӧра вылын боевӧй да трудӧвӧй слава музейяс лыддьӧгӧ[20].
  • 1958 вося урасьӧм тӧлысь 8-ӧд лунӧ вӧлі восьтӧма казьтылан пӧв стрӧйба вылын, кӧні оліс Саша Матросов (Ивановка сикт)[16].
  • СССР-са пошта 1944 да 1963 воясӧ лэдзис пошта маркаяс (видзӧд фотояс).
  • 1973 воын СССР-са связь министерство лэдзис конверт, кӧні серпасалӧма «Сӧветскӧй Союзса Герой Александр Матросовлӧн подвиг» скульптура, Ивановка сикт, Ульянов обласьт[21].
  • 1983 воын Александр Матросовлӧн пӧгибнитӧмсянь 40 во тыригкежлӧ лэдзӧма маркируйтӧм пошта конверт.

Паметникъяс[вежны | Вежны кодировкаын]

Александр Матросовлы вӧлі сувтӧдӧма уна паметник сиктъясын да каръясын:

  • Анжеро-Судженск;
  • Барнаул;
  • Великие Луки;
  • Днепропетровск (бырӧдӧма 2023 воын);
  • Дюртюли;
  • Ишеевка;
  • Ишимбай — А. Матросов нима шӧр паркын;[22]
  • Коряжма;[23]
  • Краснодар — 14 №-а школаын;
  • Красноярск;
  • Курган (1987, скульптор Г. П. Левицкая);[24]
  • Октябрьский;
  • Салават — бюст (1961), скульптор Л. Ю. Эйдлин;
  • Ленинград (ӧні Петыркар);
  • Сибай;
  • Севастополь;
  • Стерлитамак;
  • Тольятти;
  • Ульяновск;
  • Ивановка ;
  • Станция-Охотничья;[18]
  • Баратаевка;[25]
  • Высококолков сикт овмӧдчӧмин — стела (2016);[26]
  • Уфа — Ленин нима паркын (1951, скульптор Эйдлин Л. Ю.[27]); бюст Уфаса юридическӧй институтын; мемориал А. Матросовлы да М. Губайдуллинулы Вермӧм паркын (1980, скульпторъяс Л. Кербель, Н. Любимов, Г. Лебедев);
  • Харьков;
  • Галле — ГДР (1971);[27]
  • Казьтылан пас: Михайло-Коцюбинское;[28]
  • Оренбург обласьтса Платовка сиктса школаын бюст (скульптор — Николай Игнатьевич Колесников).

Галерея[вежны | Вежны кодировкаын]

  • А. Матросовлӧн бюст Армавирын, Краснодар край

    А. Матросовлӧн бюст Армавирын, Краснодар край

  • А. Матросовлы паметник Галлеын, Германия

    А. Матросовлы паметник Галлеын, Германия

  • А. Матросовлы паметник Днепропетровскын, Украина

    А. Матросовлы паметник Днепропетровскын, Украина

  • А. Матросовлӧн бюст Дятьковичиын, Брянск обласьт

    А. Матросовлӧн бюст Дятьковичиын, Брянск обласьт

  • А. Матросовлӧн бюст Ельняын, Смоленск обласьт

    А. Матросовлӧн бюст Ельняын, Смоленск обласьт

  • А. Матросовлӧн бюст Кунакбаевоын, Башкортостан

    А. Матросовлӧн бюст Кунакбаевоын, Башкортостан

  • А. Матросовлӧн бюст Резекнаын, Латвия

    А. Матросовлӧн бюст Резекнаын, Латвия

  • А. Матросовлӧн бюст Салаватын, Башкортостан

    А. Матросовлӧн бюст Салаватын, Башкортостан

  • А. Матросовлы паметник Петыркарын

    А. Матросовлы паметник Петыркарын

  • А. Матросовлы паметник Уфаын

    А. Матросовлы паметник Уфаын

Искусствоын

[вежны | Вежны кодировкаын]

Кинояс[вежны | Вежны кодировкаын]

Гижӧдъяс[вежны | Вежны кодировкаын]

  • Анвер Бикчентаев. Право на бессмертие'. — М.: Советский писатель, 1950. — 288 с.
  • Багаутдинов Айрат Маратович, Багаутдинов Рушан Айратович. Подвиг Александра Матросова: анализ советских и немецких документов. Монография. Уфа. РИЦ БашГУ. 2021. — 223 с. ISBN 978-5-7477-5317-4
  • Бикчентаев А. Г. Орёл умирает на лету. — Уфа, 1966.
  • Журба П. «Александр Матросов»
  • Пантелеев «Гвардии рядовой»

Шылад[вежны | Вежны кодировкаын]

  • Александр Матросовӧс казьтӧма «Гражданская Оборона» котырлӧн «Свобода» сьыланкывйын («И чему посмеивался Санька Матросов…»).

Пасйӧдъяс

[вежны | Вежны кодировкаын]
  1. ↑ 1 2 Aleksandr Matveyevich Matrosov // TracesOfWar
  2. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  3. ↑ Семен Экштут, доктор философских наук. Километры и секунды Александра Матросова. Полная реконструкция подвига, совершенного 75 лет назад. Публикуется впервые.
  4. ↑ Память народа
  5. ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 19 июня 1943 года // Ведомости Верховного Совета Союза Советских Социалистических Республик : газета. — 1943. — 23 лӧддза-номъя тӧлысь (№ 23 (229)). — С. 3.
  6. ↑ Наградной лист в электронном банке документов «Подвиг народа».
  7. ↑ О ПРИСВОЕНИИ 254-му ГВАРДЕЙСКОМУ СТРЕЛКОВОМУ ПОЛКУ ИМЕНИ АЛЕКСАНДРА МАТРОСОВА. Шыӧдчан кадпас: 14 сора тӧлысь 2022. Архивируйтӧма 15 йирым тӧлысь 2019.
  8. ↑ Ужасная правда о войне без вымысла и мифов от писателя-фронтовика: Беседа В. Астафьева с кинорежиссёром Н. Михалковым. Шыӧдчан кадпас: 2 лӧддза-номъя тӧлысь 2019. Архивируйтӧма 9 вӧльгым тӧлысь 2018.
  9. ↑ 1 2 Багаутдинов, А. М. Подвиг Александра Матросова: анализ советских и немецких документов // Проблемы востоковедения : журнал. — 2021. — № 3 (93). — doi:10.24412/2223-0564-2021-3-15-23.
  10. ↑ «Герои Советского Союза» (По материалам книги: Иванов Г. Знаменитые и известные бежечане. В 3-х книгах. — М.: Вече, 2005.). Информационный сайт города Бежецк. Шыӧдчан кадпас: 8 тӧвшӧр тӧлысь 2016. Архивируйтӧма 13 рака тӧлысь 2010.
  11. ↑ Возможно, выйдет новая книга о героях. Об актах самопожертвования советских воинов в годы Великой Отечественной войны. // Военно-исторический журнал. — 2001. — № 3. — С.9.
  12. ↑ Наградной лист в электронном банке документов «Подвиг народа» (архивные материалы Центральный архив Министерства обороны Российской Федерации. Ф. 33. Оп. 793756. Д. 30. Л. 228).
  13. ↑ Подвиг Александра Матросова.
  14. ↑ Единственному в ВС РФ гвардейскому мотострелковому полку ЗВО вернут почётное имя Александра Матросова и вручат и боевое знамя нового образца / mil.ru, 28 декабря 2019. Шыӧдчан кадпас: 29 ӧшым тӧлысь 2019. Архивируйтӧма 29 ӧшым тӧлысь 2019.
  15. ↑ В Ульяновске открыли Аллею пионеров-героев. Официальный сайт полномочного представителя Президента Российской Федерации в Приволжском федеральном округе. Шыӧдчан кадпас: 4 вӧльгым тӧлысь 2020. Архивируйтӧма 24 лӧддза-номъя тӧлысь 2020.
  16. ↑ 1 2 История детского дома - Ивановский детский дом. i-detdom.ru. Шыӧдчан кадпас: 8 йирым тӧлысь 2020. Архивируйтӧма 24 йирым тӧлысь 2020.
  17. ↑ Главная - Ивановский детский дом. i-detdom.ru. Шыӧдчан кадпас: 8 йирым тӧлысь 2020. Архивируйтӧма 14 йирым тӧлысь 2020.
  18. ↑ 1 2 О лагере. www.lagermatrosova.ru. Шыӧдчан кадпас: 8 йирым тӧлысь 2020. Архивируйтӧма 15 йирым тӧлысь 2020.
  19. ↑ Ульяновская правда, 27.2.1973 г. Совхозу - имя героя.
  20. ↑ История детского дома - Ивановский детский дом. i-detdom.ru. Шыӧдчан кадпас: 8 йирым тӧлысь 2020. Архивируйтӧма 24 йирым тӧлысь 2020.
  21. ↑ с.Ивановка СКУЛЬПТУРА МАТРОСОВА 1973 ХМК КТ9 конверт Ульяновск.область. meshok.net. Шыӧдчан кадпас: 8 йирым тӧлысь 2020.
  22. ↑ Никулочкин, Д. В. Хранители истории Ишимбая : ч. VI-II // Подметки+ : газ. / ред. Г. Р. Ямалова. — Ишимбай : РИК «Аспект», 2018. — № 20 (16 ода-кора тӧлысь). — С. 2. — ISSN 2220-8348.
  23. ↑ Коряжма. Памятники Архивса копия 26 кӧч тӧлысь 2016 Wayback Machine ресурсын.
  24. ↑ Фотография памятника Александру Матросову в Кургане Архивса копия 22 лӧддза-номъя тӧлысь 2015 Wayback Machine ресурсын.
  25. ↑ 2GIS Captcha. captcha.2gis.ru. Шыӧдчан кадпас: 11 йирым тӧлысь 2020.
  26. ↑ В Ульяновской области открыли памятный знак Александру Матросову. 1ul.ru. Шыӧдчан кадпас: 11 йирым тӧлысь 2020. Архивируйтӧма 17 йирым тӧлысь 2020.
  27. ↑ 1 2 Изобразительное искусство. Шыӧдчан кадпас: 12 тӧвшӧр тӧлысь 2013. Архивируйтӧма 25 йирым тӧлысь 2012.
  28. ↑ Информация о памятнике. Шыӧдчан кадпас: 24 косму тӧлысь 2013. Архивируйтӧма 24 сора тӧлысь 2013.

Литература

[вежны | Вежны кодировкаын]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 382—383. — 595 с. — ISBN 5-94461-009-3.
  • Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 81—82. — 155 с.
  • Бикчентаев А. Г. Орёл умирает на лету. — Уфа : Башкирское книжное издательство, 1966. — 262 с. — 100 000 экз.
  • Бондаренко-Снитин О. Правда и вымысел // Ватандаш : журнал. — 2005. — № 2. — С. 107—112. — ISSN 1683-3554.
  • Борисов Н. Бросок в бессмертие // Жи­вая па­мять: Ве­ли­кая Оте­че­ст­вен­ная: прав­да о вой­не. М., 1995. Т. 1.
  • Вклад за­клю­чен­ных ГУЛага в по­бе­ду в Ве­ли­кой Оте­че­ст­вен­ной вой­не // Новая и новейшая история. 1996. № 5.
  • Коваленко А. П., Сгибнев А. А. Бессмертные подвиги. — М.: Воениздат, 1980. — 351 с.
  • Ко­ва­лен­ко А. П. Прав­да о Мат­ро­со­ве и мат­ро­сов­цах. М., 1994
  • 2194579 / Колганов А. М. // Маниковский — Меотида [Электронный ресурс]. — 2011. — С. 382. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 19). — ISBN 978-5-85270-353-8.
  • Легостаев И. Т. Бросок в бессмертие: к 40-летию подвига А. Матросова / предисл. И. С. Медникова. — 2-е изд., перераб. — М.: Молодая гвардия, 1983. — 111 с. — (Герои комсомола).
  • Имя с первой полосы. — М., 1985. — С. 540—548.
  • Молодые герои Великой Отечественной войны. — М., 1970. — С. 141—153.
  • Славные сыны Башкирии. — Уфа, 1965. — Т. 1. — С. 19—28.
  • Шкадаревич И. И. Подвиг Матросова. — М.: Воениздат, 1961. — 104 с.
  • Шкадаревич И. И. Бессмертный подвиг Александра Матросова. — М.: Просвещение, 1973. — 192 с.
  • Матросов, Александр Матвеевич // Золотые Звёзды : Книга о дважды Героях и Героях Советского Союза, уроженцах Днепропетровщины / сост. Н. С. Головин, В. Н. Петрищева; при участии Ф. А. Матюшко, А. И. Посаднев; ред. М. А. Штейн. — Днепропетровск : Промiнь, 1967. — С. 245—247. — 432 с. — (Герои Советского Союза).
  • Матросов, Александр Матвеевич // И генерал, и рядовой… : Очерки о Героях Советского Союза, уроженцах Днепропетровской области / Н. И. Воробьёв, С. А. Герасименко, В. Л. Головко и др. ; сост. А. Ф. Снитко; ред. Г. В. Николенко, К. К. Чернышев. — Днепропетровск : Промiнь, 1983. — С. 313—317. — 567 с. — (Герои Советского Союза). — ББК 63.3(2Ук)722.78.
Босьтӧма "https://kv.ruwiki.ru/w/index.php?title=Матросов_Александр_Матвеевич&oldid=329841"-ысь