Налимов Василий Петрович
| Василий Петрович Налимов | |
|---|---|
 | |
| Чужан лун | 7 (19) рака 1879 |
| Чужанін | Вӧлӧгда губерняын Выльгорт вӧлӧсьтса Седьяков грездын (ӧні Выльгортлӧн юкӧн), Россия империя |
| Кулан лун | 1939-ӧд вося ӧшым тӧлысь 28-ӧд лун (60 арӧс) |
| Куланін | |
| Канму |
|
| Наука юкӧн | география, антропология, коми йӧзлӧн этнография |
| Уджаланін | Москваса университет |
| Велӧдчӧм | |
.svg){kind=small}
Налимов Василий Петрович (1879-ӧд вося рака тӧлысь 19-ӧд лун, Вӧлӧгда губерняын Выльгорт вӧлӧсьтса Седьяков грездын (ӧні Выльгортлӧн юкӧн) — 1939 вося ӧшым тӧлысь 28-ӧд лун, Сыктывкар) — коми этнограф, финн-йӧгра войтырлысь оласног да культура туялысь.
Олантуй
Василий Налимов чужӧма 1879-ӧд вося рака тӧлысь 19-ӧд лунӧ Вӧлӧгда губерняын Выльгорт вӧлӧсьтса Седьяков грездын (ӧні Выльгортлӧн юкӧн)[1]. Василий Петровичлӧн вӧлі некымын вок, и ставныс найӧ вӧліны сыысь ыджыдджыкӧсь. Медыджыд Фёдор вокыс вӧлӧма Василийысь 16 арӧсӧн ыджыдджык. Вӧліны нӧшта Ӧльӧксей, Илья, Андрей, Николай вокъяс.
Велӧдчӧма Выльгортса земскӧй школаын, сэсся — Усть-Сысольск карса училищеын. Детинкалысь сямсӧ казялӧм бӧрын земство мӧдӧдіс сійӧс Москваӧ вылыс тшупӧда образование босьтӧм могысь, кӧні сійӧ велӧдчис 1894 восянь 1897 воӧдз, сэсся бӧр воис чужанінас фельдшер дипломӧн. 1897 восянь сійӧ уджаліс профессия серти вит во гӧгӧр Комиын да Москваса клиникаясын[1].
Тайӧ каднас сійӧ ветлӧдліс Коми му пасьтала. Гашкӧ, буретш тасянь и заводитіс чукӧртны коми йӧзлӧн культура да олӧм-вылӧм йылысь материалъяс. Тайӧ кадас сылӧн чужи мӧвп босьтны мӧд высшӧй образование.
1903 воын сійӧ вуджӧ овны Москваӧ. Сійӧ сьӧлӧмсяньыс занимайтчӧ этнографияӧн, петӧны медводдза гижӧдъяс сійӧ кадся медбур наука журналын — «Этнографическӧй обозрениеын». 1903-ӧд воын Василий Петрович ветлӧма финн профессор Юрьё Вихманкӧд Визинӧ, кӧні тӧдмӧдӧма уджъёртсӧ Иван Куратовлӧн ки помысь гижӧдъясӧн.
1905 воын сійӧ пырӧма Москваса университетлӧн физико-математическӧй факультетса естественнӧй отделениеӧ, кӧні велӧдчӧма 1912 воӧдз «антропология да география» специальносьт серти[1]. Студенталігас Василий Петрович велӧдіс Россияса Войвылын олысь войтырлысь этнография да антропология Д. Н. Анучинлӧн веськӧдлӧм улын.
1917 воын — приват-доцент Казаньса университетын, 1918 восянь уджалӧ Улыс Новгородса университетын география да антропология кафедраса профессорӧн да ӧттшӧтш Улыс Новгородса пединститутын профессорӧн[1].
1922 воӧ вуджӧ овны Москваӧ да уджалӧ некымын вузын ӧттшӧтш (Москваса канму университетын, Медико-педологическӧй институтын, Геодезия да картография институтын да наука институтъясын)[1].
1938-ӧд вося моз тӧлысь 28-ӧд лунӧ Налимовӧс мыждӧмаӧсь кыдзи финн шпионӧс, арестуйтӧмаӧсь да этапируйтӧмаӧсь Сыктывкарӧ. 1939-ӧд вося ӧшым тӧлысь 28-ӧд лунӧ Василий Петрович кулӧма Сыктывкарса 1 №-а тюрмалӧн изоляторын[1].
Семья
Пиыс — нималана математик Василий Налимов.
Уджъяс
• Некоторые черты языческого миросозерцания зырян // Этнографическое обозрение. — 1903. Кн. LVII. — № 2. — С. 76—86.
• Зырянская легенда о паме Шипиче // Этнографическое обозрение. — 1903. Кн. LVII. — № 2. — С. 120—124.
• Рецензия на «Этнологический очерк зырян» К. Ф. Жакова // Этнографическое обозрение. — 1903. Кн. LVII. — № 3. — С. 177—179
• Загробный мир по верованиям зырян // Этнографическое обозрение. — 1907. Кн. LXXII-LXXIII. — № 1-2. — С. 1—23.
• К вопросу о взаимном избегании полов // Землеведение. Периодическое издание Географического отделения Императорского общества любителей естествознания, антропологии и этнографии. — М., 1910. — Т. XVII. Кн. 1. — С. 155—156.
• Сущность и значение этнографии // Вестник Нижегородского университета. — 1918. — № 8. — С. 6—10.
• К этнологии коми // Коми му. — 1924. — № 3. — С. 43—50
• К материалам по истории материальной культуры коми // Коми му. — 1925. № 2 (12). — С. 15—19; № 3 (14). — С. 59—68. № 5 (15). — С. 23—30.
• Роль малых народов на фоне общечеловеческой культуры // Вотяки. Сборник по вопросам этнологии, быта и культуры вотяков / под. ред. В. П. Налимова и К.Герда. — М., 1926. — С. 1—8.
• Священные рощи удмуртов и мари // Охрана природы. — 1928. — № 4. — С. 6—8.
• Одежда, украшения и их возникновение // Арт (Лад). — 1999. — № 3. — С. 136—145.
Литература
- Несанелис Д. А., Семенов В. А., Терюков А. И. Пути «инородца» в России. Василий Петрович Налимов // Налимов В. П. Очерки этнографии финно-угорских народов. — Ижевск; Сыктывкар, 2010.