Налимов Семён Иванович

Налимов Семён Иванович
Налимов Семён Иванович
Чужан лун	1857-ӧд вося урасьӧм тӧлысь 1-ӧд лун
Чужанін	Выльгорт, Коми Республика, РСФСР либӧ ; Усть-Сысольск уезд, Вӧлӧгда губерния, Россияса империя[d];
Кулан лун	1916-ӧд вося моз тӧлысь 22-ӧд лун (59 арӧс)
Куланін	Петыркар, Россияса империя[d];
Страна	Россияса империя[d];
Мыйся уджыс	шылада инструментъяс вӧчысь

Налимов Семён Иванович (1857 вося урасьӧм тӧлысь 13-ӧд лун, Вӧлӧгда губерняысь Усть-Сысольск уездса Выльгорт вӧлӧсьтлӧн Сретенньӧ общество — 1916 вося моз тӧлысь 22-ӧд лун, Петроград) — шылада инструментъяс (балалайка, домра, гусли) вӧчалысь. Войтырсикас серти коми.

Олантуй

Семён Налимов чужӧма Вӧлӧгда губерняысь Усть-Сысольск уездса Выльгорт вӧлӧсьтлӧн Сретенньӧ обществоын (ӧні Коми Республикаса Выльгорт сикт) 1857 вося урасьӧм тӧлысь 13-ӧд лунӧ (важ стиль серти урасьӧм тӧлысь 1 лун)^[1].

Томдырсяньыс плотникалӧма да столяралӧма. 1878 восянь 1884 воӧдз вӧлӧма военнӧй служба вылын, запасӧ мӧдӧдӧмаӧсь старшӧй унтер-офицер чинын^[1]. 1885 воын мунӧма чужанінсьыс нажӧтка корсьны.

1895-сянь 1916 воӧдз служитӧма В. В. Андреевлӧн имениеын Твер губерняын Вышневолок уездса Марьино сиктын, вӧчалӧма сылӧн оркестрыслы шылада инструментъяс^[1].

Кулӧма Петроградын 1916 вося моз тӧлысь 22-ӧд лунӧ^[1]. Петыркарса Шӧр канму история архив серти, гуалӧма Ыджыд Охтаса шойнаын.

Шылада инструментъяс вӧчалӧм

Вяткаса балалайка подув вылын лӧсьӧдӧма медводдзаӧн реконструированнӧй ичӧт домра – сылӧн кузолыс вӧлӧма сизим клёпка вылын. Сы бӧрын вӧлі вӧчӧма альт да бас домраяс, а сэсся — тенор да контрабас домраяс.

Кызь во чӧжӧн, 1895-сянь 1915 воӧдз мастер вӧчӧма 300 гӧгӧр инструмент. Сылӧн инструментъясӧн дыр кад чӧж ворсӧмаӧсь йӧзкостса инструментъяслӧн канмуса роч оркестр.

Паметь

Казьтылана пӧв культура керкалӧн стенмын (Сыктывдін районса Выльгорт сикт)
С.А. Налимов нима Выльгортса шылада школа
Ыргӧн памятник Выльгорт сиктын (2005) (скульпторыс — Роман Бендерский).

Литература

Пересада А. И. Балалаечных дел мастер. — Сыктывкар: Коми кн. изд-во, 1983. — 56 с.
Пересада А. И. Балалайка. — М.: Музыка, 1990. — С. 53—55. — 64 с. — ISBN 5-7140-0245-8.
Налимов Семён Иванович // Народник : Информационный бюллетень / Ред. Д. Г. Белинский. — 1994. — № 4.
Музыкальный мастер Налимов Семён Иванович (1857-1916), БАЛАЛАЙКА, ДОМРА Эпоха Возрождения, Архив Дмитрия Белинского - официальный сайт Квартета "СКАЗ"

Ыстӧгъяс

↑ ¹ ² ³ ⁴ Чисталев П., Тихомирова А. Налимов Семён Иванович // Республика Коми. Энциклопедия. Том II. — Сыктывкар: Коми книжное издательство, 1999. — С. 314.

[РКЭ-1] ¹ ² ³ ⁴ Чисталев П., Тихомирова А. Налимов Семён Иванович // Республика Коми. Энциклопедия. Том II. — Сыктывкар: Коми книжное издательство, 1999. — С. 314.

[1]