Нэм
Нэм (сідзжӧ сё во) — кад мурталан единица, мый лӧсялӧ 100 волы [1]. Дас нэм артмӧдӧ сюрсво.
Россия Федерацияын нэм единицаӧн позьӧ вӧдитчыны ӧтлаын кад единицаяскӧд, кутшӧмъясӧс лӧсьӧдӧма единицаяслӧн войтыркостса системаын (СИ). Сылӧн нимыс да пасйӧдыс СИ дольнӧй да кратнӧй приставкаясӧн оз вӧдитчы[2].
Векньыдджык вежӧртасын нэмӧн шуӧны оз ставнас сё вося кадколаст, а стӧч, номера кад юкӧн, мый повторяйтчӧ быд 100 во, заводитчаніныс зависитӧ вӧдитчана календарысь (во лыддянногысь).
Григорий календарын
Григорий календарын I нэм миян эраын заводитчис 1 вося тӧвшӧр тӧлысь 1 лунӧ да помасис 100-ӧд вося ӧшым тӧлысь 31-ӧд лунӧ. II нэм заводитчис 101-ӧд воын, III нэм - 201-ӧд воын да с. в. Нэмлӧн бӧръя во заводитчӧ тайӧ нэмлӧн номерсянь (шуам, 2000 во - XX нэмлӧн бӧръя во). Та вӧсна, мыджсьыны кӧ Григорий календар серти арталӧм вылӧ, оз лоны инаӧн шуӧм, мый XXI нэм да 3-ӧд сюрсво заводитчисны 2000 вося тӧвшӧр тӧлысь 1 лунӧ; збыльвылас тайӧ лои 2001 вося тӧвшӧр тӧлысь 1 лунӧ. Таысь кындзи, тайӧ системаас абу «нулевӧй нэм»: миян эраӧдз I нэм бӧрын заводитчис миян эраса I нэм [3][4][5].
| 200 | 199 | ... | 102 | 101 | 100 | 99 | ... | 2 | 1 | 1 | 2 | ... | 99 | 100 | 101 | 102 | ... | 199 | 200 |
| м.э. II нэм | м.э. I нэм | I нэм | II нэм | ||||||||||||||||
| м.э. 1 сюрсво | 1 сюрсво | ||||||||||||||||||
Гижӧм
роч кывйын (а сідзжӧ маддяр, испан, итальян, каталан, поляк, португал, румын да франсуз) нэм номерсӧ гижӧны римскӧй лыдпасъясӧн; англичан кывъя странаясын ӧткымын учёнӧйяс босьтӧмаӧсь тайӧ гижанногсӧ. Но ӧткымын роч кывъя энциклопедияын (шуам, Большая советская энциклопедия, Большая российская энциклопедия) места видзӧм да гӧгӧрвоӧмсӧ кокньӧдӧм могысь нэмъяссӧ гижӧны арабскӧй лыдпасъясӧн [6].
Ыстӧгъяс
- ↑ Деньгуб В. М., Смирнов В. Г. Единицы величин. Словарь-справочник. — М.: Издательство стандартов, 1990. — С. 30. — 240 с. — ISBN 5-7050-0118-5.
- ↑ Положение о единицах величин, допускаемых к применению в Российской Федерации. Архивировано 2 вӧльгым тӧлысь 2013 года. Утверждено Постановлением Правительства РФ от 31 октября 2009 г. N 879
- ↑ ГОСТ ИСО 8601-2001 Представление дат и времени.
- ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 198. — 478 с. — 105 000 экз. — ISBN 5-02-014354-5.
- ↑ The 21st Century and the 3rd Millennium. When Did They Begin? (англ.). U.S. Naval Observatory. (13 йирым тӧлысь 2017). Дата обращения: 13 йирым тӧлысь 2017.
- Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.