Перымса Степан
| Перымса Степан | |
|---|---|
 | |
| Чужан лун | 1340 или 1340-е |
| Чужанін | |
| Кулан лун | 1396-ӧд вося косму тӧлысь 26-ӧд лун |
| Куланін | |
| Страна | |
| Мыйся уджыс | путешественник-исследователь, священник |
 Медиафайлы на РУВИКИ.Медиа | |
Перымса Степан (рочӧн Стефан Пермский, Степан Симеонович Храп; ылӧсас 1340-ӧд вояс, Югдiн — 1396 вося косму тӧлысь 26-ӧд лун, Москва) — бурсьылысь, пыртӧма Кристослы эскӧмӧ коми войтырӧс; коми анбур лӧсьӧдысь, вуджӧдчысь (комиӧдӧма некымын вичкоса гижӧд), медводдза коми школаяс лӧсьӧдысь, философ, серпасалысь[1].
Лӧсьӧдӧма Перым епархия, и 1383 воын лоӧма сэн медводдза епископӧн.
Роч православнӧй вичкоӧн пыртӧма вежа йӧз лыдӧ, казьтылӧны косму тӧлысь 26-ӧд лунӧ (ода-кора тӧлысь 9-ӧд лун).
Олантуй
• Чужӧма 1340-ӧд воясын Югдiнын. Сылӧн мамыс — Мария вӧлӧма коми, батьыс — Симеон вӧлӧма роч. Степанлысь чужӧмсӧ водзвыв висьталӧма веськыда олысь Прокопий Устюжский, коді ӧтчыд копыртчылӧма Мариялы, куим арӧса нывкалы на, татшӧм кывъясӧн: «со локтӧ великӧй Степанлӧн, Перымса епископлӧн да велӧдысьлӧн мамыс»[2].
• Велӧдчӧма Ростовса манастыр школаын ӧтлаын Епифаний Премудрыйкӧд.
• Медым оригиналын лыддьыны Вежа Гижӧд да Вичко Батьяслысь гижӧдъяс, Степан велӧдіс грек кыв. Сэсся сійӧ босьтчис вуджӧдны перым кыв вылӧ православнӧй вичколысь богослужениеяс, вуджӧдіс грек кыв вылысь весиг сійӧ понятиеяссӧ, кутшӧмъяс колины вуджӧдтӧг славян кывъясын. Важ Перым анбур лӧсьӧдӧм могысь Степан вӧдитчис грек, славян да важ тюрк алфавитъясысь шыпасъясӧн, а сідзжӧ важ коми пасъясӧн.
• 1372 воын вӧлі лӧсьӧдӧма коми анбур, а сэсся сы бӧрын важ коми гижӧд кыв да комиӧдӧма важ славян да эллин кывйӧн гижӧм вичко небӧгъяс.
• 1364 воын великӧй князь Дмитрий Иванович Донской зэв ёна скӧрмӧма ростовса князь Константин вылӧ да мырддьӧма сылысь Ростов да Устюг да перым муяс[3]. Том аскетлӧн перым войтыръяс дорын миссионерӧн лоны кӧсйӧмыс, тыдалӧ, лӧсяліс Москваса политикалы.
• Митрополит Алексий кулӧм бӧрын регыд Степан мӧдӧдчис Москваӧ, кӧні Русьса митрополит Михаил (Митяй) кафедраса наместник отсаліс сылы да епископ Герасим Коломенский пуктіс пресвитерӧн.
• 1379 воын епископ Герасимлӧн бласлӧвитӧм бӧрын иеромонах Стефан юрнуӧдіс миссионерскӧй походӧн перым муясӧ[3][4] да эз нин бергӧдчы Великӧй Ростовӧ, кӧні олысьясыс ӧнӧдз пыдди пуктӧны сійӧс ростовса вежаяскӧд тшӧтш. Великӧй князь вӧлі сетӧма Степанлы охраннӧй грамота.
• Устюгса йӧз отсӧгӧн Степан воис Пырасӧ (ӧнія Котлас), кӧні Эжва ю усьӧ Войвыв Двинаӧ, да заводитіс висьтавлыны христианскӧй велӧдӧм. Сэсся Степан вуджис Емдін сиктӧ, кӧні вӧлі медся ыджыд языческӧй вежаин. Сійӧс жугӧдӧм бӧрын тані вӧлі кыпӧдӧма медводдза вичко.
• Житие юӧртӧ Степан да Пам костын вензьӧм йылысь[5].
• тшыг 1387 воын отсаліс перым йӧзлы Устюнысь да Вӧлӧгдаысь няньӧн[1].
• 1391 воын аслас сёрниясӧн дугӧдіс Перым муяс вылӧ Вяткасянь уськӧдчӧмъяссӧ[1].
• Степан нӧшта некымынысь вӧлі Москваын да 1383 воын митрополит Пимен пуктіс сійӧс выль Перымса епархияӧ медводдза епископӧн. Аслас епархияын сійӧ ыджыд ӧдӧн заводитіс стрӧитны вичкояс Москваысь сетӧм сьӧм вылӧ («жалованием князя великого Дмитрия Ивановича и бояр его почал строити святые церкви и монастыри») да сьӧлӧмсяньыс бырӧдіс язычестволысь став культӧвӧй паметникъяссӧ («кумирници пермскии поганые, истуканные, изваянные, издолбленные боги их в конец сокрушил, раскопал, огнём пожегл, топором посекл, сокрушал обухом, испепелил без остатку…»)[3]. Коми йӧзысь унаӧн босьтісны Кристос эскӧм, а кодъяс эз вежны ассьыныс важъя эскӧмсӧ, муналісны мӧд муясӧ[6].
• 1396 вося тулысын епископ Степан аслас епархиялӧн делӧяс кузя воис Москваӧ митрополит Киприан дорӧ да сувтіс Кремльса Спасо-Преображенскӧй манастырӧ. Сэні сійӧ висьмис.
• 1396 вося косму тӧлысь 26-ӧд лунӧ кувсис. Сійӧс дзебисны Бор вылын Спас манастыр соборын, войвыв стена дорын[7].
• Степанӧс пыдди пуктӧм йылысь висьталӧ 1472 воын Пахомий Сербовлӧн Вежа Степанлы служба текст гижӧм[8].
• Став вичкоӧн пыдди пуктӧм могысь Стефан Пермскӧйӧс канонизируйтісны 1549 воын Макарьев соборын. 1610 воын полякъяслӧн уськӧдчытӧдз сылӧн мощиясыс, предание серти, вӧліны восьсаӧсь, а сэсся вӧлі дзебӧмаӧсь[9], да но эз вӧв сетӧма Перымӧ, Перымса олысьяслӧн унаысь корӧм вылӧ видзӧдтӧг.
Перымса Степан йылысь колис уна сикас коми предание[10][11].
Перымса Степан мунӧ Москваӧ
Перымса Степан кералӧ «ловъя» кыдзсӧ
Митрополит Пимен локтӧ Владимирӧ да пыртӧ Степан Храпӧс Перымса епископӧ.
Лицевӧй летописнӧй сводысь миниатюра
Степанлӧн кувсьӧм да сійӧс гуалӧм
«Зырянскӧй Троича» ӧбразсӧ, предание серти, гижис ачыс Перымса Степан
Перымса Степан «Россиялы сюрс во» памятник вылын
Паметь
• Вежа Перымса Степанлысь ӧбразсӧ нэммӧдісны Великӧй Новгородын «Россиялы сюрс во» памятник вылын.
• 2009 вося ӧшым тӧлысь 21-ӧд лунӧ Коми Республикаын Полярнӧй Ураллӧн нимтӧм гӧра йывлы сетӧма «Вежа Перымса Степанлӧн гӧра» ним[12].
• Вежа Перымса Степан нимӧн шуӧма Коми Республикаса Сыктывкарлысь шӧр изэрдсӧ.
• Роч православнӧй вичколӧн Сыктывкарса епархиялысь кафедральнӧй соборсӧ вежаӧдӧма Вежа Степан нимӧн. 2013 вося ода-кора тӧлысь 7-ӧд лунӧ Степан соборлӧн мутасын сувтӧдӧма вежа Степанлы паметник[13].
• Сійӧ нимӧн вежаӧдӧма Котласын, Владимир обласьтса Налескинын, Великӧй Устюгын, Вылыс Юсьваын, Сылваын да Куедын (куимнанныс — Перым крайса), Перымын (Роч старообрядческӧй православнӧй вичко), Емдінса Михаило-Архангельскӧй да Ыбса Серафимовскӧй манастыръясын, Укваын, Екатеринбургын, Хабаровскӧй крайса Десногорскын, Тырмын, Москваын храмъяслысь медшӧр престолъяссӧ[14].
• Перымса Степан — В. А. Рохинлӧн скульптура (1995—1996).
• Перымса Степан — Владислав Мамченколӧн скульптура (1996).
Литература
• Попов Е. А. Пятисотлетие в 1879 году проповеди св. Стефана Пермского — Пермь: 1879. — 6 с.
• Попов Е. А. Святитель Стефан Великопермский. Жизнь его с литографированным изображением. — Пермь: Типография губернского правления, 1885. — 94 с.
• Барсов Н. И. Перымса Степан // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1901. — Т. XXXIa. — С. 637—638.
• Вычегодско-Вымская (Мисаило-Евтихиевская) летопись о Стефане Пермском // Историко-филологический сборник Коми филиала АН СССР. Выпуск 4. — Сыктывкар: 1958. — С. 257—271.
• Красов А. В. Апостол зырян святый Стефан, первый епископ Пермский и Устьвымский (1383—1396). — Санкт-Петербург: Тип. В.В. Комарова, 1896. — 41 с.
• Федотов Г. П. Стефан Пермский // Святые Древней Руси. — М., 1990. — С. 130—139.
• Стефан Пермский и современность : Сб. ст. / Редкол.: Г. Г. Бараксанов (отв. ред.) и др. — Сыктывкар : Коми НЦ УрО РАН, 1996. — 105 с. — ISBN 5-7691-0634-4
• Korpela, Jukka. Stefan von Perm'. Heiliger Täufer im politischen Kontext // Jahrbücher für Geschichte Osteuropas. 2001. — T. 49. — S. 481—499.
• Лимеров П. Ф. Мотив плавания на камне в устном повествовательном цикле о Стефане Пермском // Поморские чтения по семиотике культуры: Сб. науч. ст. Вып. 2: Сакральная география и традиционные этнокультурные ландшафты народов Европейского Севера: [Материалы II Поморских чтений по семиотике культуры, 23-27 июля 2006 г.]. — Архангельск, 2006. — С. 302—318
• Виноградова Е. А. К истории иконы «Святая Троица Зырянская» в Вологде // Вестник церковной истории. 2007. — № 4 (8). — С. 61-72.
• Морозов Б. Н., Симонов Р. А. К проблеме источников древнепермской письменности Стефана Пермского (около 1340—1396) // Древняя Русь. Вопросы медиевистики. 2009. — № 1 (35). — С. 5—16.
• Духанина А. В. Издание жития Стефана Пермского: современное состояние и перспективы // Древняя Русь. Вопросы медиевистики. 2010. — № 4 (42). — С. 20—41.
• Котылев А. Ю. Учение и образ Стефана Пермского в культуре Руси / России XIV—XXI веков. — Сыктывкар, 2012. — 218 с.
• Морозов Б. Н. Неизданная поэма XIX в. о великом книжнике XIV в. Стефане Пермском // Обсерватория культуры: журнал. 2016. — № 5 (т 13). — С. 612—622.
Ыстӧгъяс
- ↑ 1 2 3 Мартынов В. Стефан Пермский // Республика Коми. Энциклопедия. Том III. Сыктывкар: Коми книжное издательство, 2000. С.90.
- ↑ Исторические сказания о жизни святых, подвизавшихся в Вологодской епархии. — Вологда: Тип. В. А. Гудкова-Белякова, 1880. — С. 131—173. — 692 с.
- ↑ 1 2 3 Вычегодско-Вымская (Мисаило-Евтихиевская) летопись Архивса копия 12 ода-кора тӧлысь 2011 Wayback Machine ресурсын
- ↑ Историко-филологический сборник Коми филиала АН СССР. — Сыктывкар, 1958. — Вып. 4.
- ↑ Епифаний Премудрый. Слово о житии святого Стефана, бывшего епископом в Перми Архивса копия 23 урасьӧм тӧлысь 2022 Wayback Machine ресурсын. Православная энциклопедия «Азбука веры». (Шыӧдчан кадпас: 9 ода-кора тӧлысь 2020)
- ↑ Май: Стефан Пермский. Святитель земли Коми
- ↑ Воронов А. А. Спасо-Преображенский монастырь на бору // Монастыри Московского Кремля. — М.: Изд-во ПСТГУ, 2009. — 160 с. — ISBN 978-5-7429-0350-5
- ↑ Попов Е. А. Святитель Стефан Великопермский Архивса копия 14 сора тӧлысь 2014 Wayback Machine ресурсын — Пермь, 1885. — 94 с.
- ↑ Стефан, епископ Пермский // Словарь книжников и книжности Древней Руси — Электронные публикации Института русской литературы РАН.
- ↑ Стефан Пермский
- ↑ Лимеров Павел Фёдорович ЗЫРЯНСКИЙ АПОСТОЛ: ОБРАЗ СТЕФАНА ПЕРМСКОГО В ХУДОЖЕСТВЕННОЙ СЛОВЕСНОСТИ НАРОДОВ РУССКОГО СЕВЕРА // Вестник РХГА. 2020. № 1. URL: https://cyberleninka.ru/article/n/zyryanskiy-apostol-obraz-stefana-permskogo-v-hudozhestvennoy-slovesnosti-narodov-russkogo-severa (дата обращения: 07.11.2024).
- ↑ [https://rulaws.ru/goverment/Postanovlenie-Pravitelstva-RF-ot-21.12.2009-N-1043/ Постановление Правительства Российской Федерации № 1043 от 21 декабря 2009 года
- ↑ В Сыктывкаре установлен памятник святителю Стефану Великопермскому. Шыӧдчан кадпас: 9 ода-кора тӧлысь 2013. Архивируйтӧма 19 рака тӧлысь 2015.
- ↑ Все храмы Стефана Пермского. Народный каталог православной архитектуры. Шыӧдчан кадпас: 13 тӧвшӧр тӧлысь 2020. Архивируйтӧма 2 ода-кора тӧлысь 2021.