Рохин Владимир Афанасьевич

Рувикиын эмӧсь мукӧд йӧз йылысь статьяяс, кодъяслӧн овыс Рохин.

Владимир Афанасьевич Рохин
Чужан лун	1939-ӧд вося урасьӧм тӧлысь 17-ӧд лун(1939-02-17)
Чужанін	Сыктывкар, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз
Кулан лун	2020-ӧд вося рака тӧлысь 17-ӧд лун(2020-03-17) (81 ар)
Куланін	Сыктывкар, Россия
Гражданство	СССР→ Россия
Гӧтыр	Майя Ивановна Волкова
Жанр	монумент скульптура[d], станковӧй скульптура[d] и казьтылан скульптура[d]
Велӧдчӧм	Суриков В.И. нима Москваса канму академическӧй художественнӧй институт[d] Москваса академическӧй художественнӧй лицей[d]
Наградаяс

Рохин Владимир Афанасьевич (1939-ӧд вося урасьӧм тӧлысь 17-ӧд лун, Сыктывкар — 2020-ӧд вося рака тӧлысь 17-ӧд лун, Сыктывкар) — скульптор, Коми Республикаса нимйӧза серпасалысь, Россияса нимӧдана серпасалысь.

Олантуй

Владимир Рохин чужӧма 1939-ӧд вося урасьӧм тӧлысь 17-ӧд лунӧ Сыктывкарын.

Скульптураӧн заводитӧма занимайтчыны челядьдырйиыс на. 1951 воын 12 арӧсӧн пырӧдчис челядьлӧн изобразительнӧй творчестволӧн ставсоюзса выставкаӧ. Выставка вылын выло донъялісны сылысь «Том геолог» удж.

1958—1964 воясӧ велӧдчӧма В. И. Суриков нима Москваса канму художественнӧй институтын (2015 восянь — Россияса художествоа академия бердын В. И. Суриков нима Москваса канму академическӧй художественнӧй институт). Велӧдчӧма скульптура факультетын СССР-са нимйӧза художник Матвей Манизер мастерскӧйын. 1964 воын Рохин бура помаліс институт да бӧр локтіс Сыктывкарӧ.

Кулӧма 2020-ӧд вося рака тӧлысь 17-ӧд лунӧ Сыктывкарын.

Удж

Владимир Рохин уджаліс станкӧвӧй, монументальнӧй, монументально-декоративнӧй скульптураын. Сідзжӧ вӧчавліс паметникъяс, портретъяс да композицияяс. Уджаліс мифология сюжетъясӧн.

Скульптор кужис уджавны разнӧй материалӧн: пуӧн, кӧртӧн, бронзаӧн, гранитӧн, мраморӧн, эпоксиднӧй сирӧн да с. в.

Скульптор пыр пырӧдчыліс ставроссияса ((«Советский Север», «Советская Россия»), республикаса да ставсоюзса художественнӧй выставкаясӧ. Некымынысь участвуйтліс суйӧрсайса художественнӧй выставкаясын (Венгрия, Болгария).

1967-ӧд восянь СССР-са серпасалысьяслӧн котырӧ пырысь.

1999 воын Рохин лоис Петровскӧй наукаяслӧн да искусствояслӧн академияса действительнӧй членӧн — ӧтйӧза организацияӧн, коді ӧтувтӧ учёнӧйясӧс, исследовательясӧс да искусствоын уджалысьясӧс.

Ассьыс творческӧй уджсӧ ӧтувтіс велӧдӧмкӧд: вӧлі Питирим Сорокин нима Сыктывкарса канму университетын искусствояс факультетын изобразительнӧй искусство кафедраса доцентӧн.

Аслас творческӧй уджын Рохин лоис Коми Республикаса медбур скульпторъясысь ӧтиӧн, коді пуктіс ыджыд пай став сикас объёмнӧй пластика сӧвмӧдӧмӧ. Художниклӧн уджъясыс эмӧсь Государственнӧй Третьяковскӧй галереялӧн, Коми Республикаса национальнӧй галереялӧн да Россия Федерацияса мукӧд музейлӧн коллекцияясын, а сідзжӧ частнӧй коллекцияясын. Сідз, сылӧн ӧти удж — «Мазі видзысь» - вӧлі вӧчӧма СССР-са нимйӧза артист Иосиф Кобзонлӧн тшӧктӧм серти Москваса мэрлы (1992-2010) Юрий Лужковлы козин пыдди.

Наградаяс

Коми

• Коми комсомоллысь премия босьтысь (1968)
• Коми АССР-са искусствоясын нимӧдана уджалысь (1979)
• В. А. Савин нима Коми АССР-са канму премия босьтысь (1990)
• Коми Республикаса нимйӧза серпасалысь (1993)
• Коми Республикаса Веськӧдлан котырлысь премия босьтысь (2003)

Россияса

• Россияса нимӧдана серпасалысь (2012)
• Наукаяс да искусствояслӧн Петыркарса академияӧ збыль пырысь (1999)

Нималана уджъяс

• «Пасечник»;
• «Тундра»;
• «Домна Каликова»;
• «Кага черепаха вылын»;
• «Сёйысь ош»;
• «Ӧшмӧс дорын»;
• «Чужӧм»;
• «Стремление»;
• «Артефакт»;
• «Пӧль нукъяскӧд да сёркниӧн»;
• «Лаваын»;
• «Войвыв ныв»;
• «Пӧль да нук»;
• «Челядьдыр»;
• «Тӧвся этюд»;
• «Стрӧитчысь»;
• «Тӧвся чери кыйӧм»;
• «Коми зонка»;
• «Лызьӧн котралысь»;
• «Вой»;
• «Гожӧм»;
• «Рыбацкая байка» композиция;
• «Геологъяс»;
• «Вӧрын шойччӧм»;
• «Кось»;
• «Фёдор Прядунов. Руда тӧдысь»;
• «Перымса Степан»;
• «И.А. Куратовлӧн портрет»;
• «А. В. Журавскийлӧн портрет»;
• «Журавский А. В.»;
• «В. А. Малышевлӧн портрет»;
• «Академик Н. П. Юшкинлӧн портрет»;
• «Нывлӧн портрет»;
• «Художник А.М. Колчановлӧн портрет»;
• «Ульдӧм»;
• «Мазі видзысь»;
• «Никита вермасьӧ бескӧд»;
• «Яг Морт»;
• «Пера-багатыр да Яг Морт» композиция;
• «Мамлун»;
• «Зонка корӧсьӧн»;
• «Мужичӧйлӧн портрет. Лоцман»;
• «Мужичӧйлӧн портрет»;
• «Фронт вылӧ»;
• А.А. Католиков да зонка»;
• «Кер кылӧдысьяс»;
• «Птица счастья»;
• «Пусьысьяс»;
• «Раиса Сметаниналӧн портрет» да мукӧд.

Галерея

• 

  «Лаваын»

• 

  «Челядьдыр»

• 

  «Мамлун»

Литература

• Плоскова С. Пигмалион и Галатея // Вестник института геологии Коми научного центра Уральского отделения РАН. — 2009. — № 2.

Ыстӧгъяс