Пузиновский Александр Юрьевич
| Пузиновский Александр Юрьевич | |||
|---|---|---|---|
 | |||
| Чужан лун | 1987 вося тӧвшӧр тӧлысь 23-ӧд лун | ||
| Чужанін | Сыктывкар, Коми АССР, РСФСР, СССР | ||
| Кулан лун | 2009 вося сора тӧлысь 12-ӧд лун | ||
| Куланін | Чечня, Россия | ||
| Канму |
 Россия |
||
| Войска сикас | Россияса пытшкӧсса войска | ||
| Служитан вояс | 2006 — 2009 | ||
| Звание | младшӧй сержант | ||
| Часьт | Россияса ПДМ-лӧн спецназса 20-ӧд отряд (в/ч №7463) | ||
| Тышъяс/вӧйнаяс | Войвыв Кавказын терроризмкӧд тышкасьӧм (2009—2017) | ||
| Наградаяс да премияяс |
|
||
Пузиновский Александр Юрьевич (1987 вося тӧвшӧр тӧлысь 23-ӧд лун, Сыктывкар, Коми АССР — 2009 вося сора тӧлысь 12-ӧд лун, Чечня, Россия) — Россияса ПДМ-лӧн пытшкӧсса войскалӧн Волга бердса командованиелӧн торъя мога отрядысь разведка группаса старшӧй стрелок-гранатомётчик, младшӧй сержант, Комиысь Россияса Герой (2010, кувсьӧм бӧрас)[1].
Олантуй
Чужис 1987 вося тӧвшӧр тӧлысь 23-ӧд лунӧ Сыктывкарын. Мамыс — Наталья Игоревна Пузиновская, батьыс — Юрий Анатольевич Пузиновский. Помаліс Сыктывкарса 25 №-а шӧр школа[2].
2006 воын босьтісны армияӧ Россияса пытшкӧс делӧяс министерстволӧн пытшкӧсса войскаӧ. Служитӧма Сыктывкарын велӧдчан полкын, велӧдчан курссӧ помалӧм бӧрын мӧдӧдӧмаӧсь торъя мога отрядӧ Саратовӧ санитар-стрелокӧн. 2008 воын служба помасьӧм бӧрын кольччис тайӧ жӧ отрядас служитны контракт серти.
Служитіс Россияса ПДМ-лӧн Волга бердса кытшса пытшкӧсса войскалӧн 7463 №-а войскӧвӧй часьтса спецназса старшӧй стрелок-гранатометчикӧн.
2009 вося сора тӧлысь 7-ӧд лунӧ пытшкӧсса войскалӧн торъя мога отрядса разведгруппалы, кӧні вӧлі Пузиновский, вӧлі сетӧма мог — нуӧдны разведка-корсьысян мероприятиеяс, медым эрдӧдны Ачхой-Мартановскӧй районса Бамут дорысь оланпаслы паныд вооружитчӧм формирование. Младшӧй сержант Пузиновский вӧлі главнӧй дозорын да, противникӧс аддзӧм бӧрын заводитчис тыш. Тыш дырйи группаса командир старшӧй лейтенант Владимир Михеев ранитчис; Александр Пузиновский локтіс сылы отсӧг вылӧ, но командирӧс тышысь петкӧдігӧн веськаліс вомӧна би улӧ да сьӧкыда ранитчис. 2009 вося сора тӧлысь 12-ӧд лунӧ 23.20 часын торъя мога группаса стрелок-гранатометчик младшӧй сержант Александр Юрьевич Пузиновский кувсис.
Чечня Республикаса Президент Рамзан Кадыровлӧн Индӧд серти Александр Пузиновскийлы кувсьӧм бӧрас сетісны «Чечня Республика дорйысьлы» медаль. 2009 вося ӧшым тӧлысь 23-ӧд лунӧ Сыктывкарса администрацияӧн веськӧдлысь Роман Зенищев сетіс Пузиновскийлӧн рӧдвужлы медаль.
Россия Федерацияса Президентлӧн 2010 во моз тӧлысь 4-ӧд лунся 978 №-а Индӧдӧн «Россия Федерацияса Войвыв Кавказ регионын воинскӧй мог олӧмӧ пӧртігӧн петкӧдлӧм повтӧмлунысь да героизмысь» Александр Пузиновскийлы вӧлі сетӧма Россия Федерацияса Герой ним (кувсьӧм бӧрас).
2010 вося кӧч тӧлысь 14-ӧд лунӧ Россия Федерацияса пытшкӧсса делӧяс кузя министр Рашид Нургалиев сетіс Александр Пузиновскийлӧн бать-мамлы «Зарни Кодзув» медаль[2].
Дзебӧма Сыктывкарса Вылыс Чов шойнаын[3].
Наградаяс
• Россия Федерацияса Герой ним (2010.08.04);
• «Зарни Кодзув» медаль (2010.08.04);
• «Чечня Республика дорйысьлы» медаль (2010).
Паметь
• Сыктывкарын сувтӧдӧма Пузиновскийлы стела;
• Сыктывкарса 25 №-а школаын сувтӧдӧма казьтылан пӧв[4].
Пасйӧдъяс
- ↑ Герои страны: Пузиновский Александр Юрьевич, warheroes.ru. Шыӧдчан кадпас: 19 урасьӧм тӧлысь 2025.
- ↑ 1 2 Уроженцы Коми - Герои России: кто они, komiinform. Шыӧдчан кадпас: 18 урасьӧм тӧлысь 2025.
- ↑ Лобанов В.П. Книга памяти Республики Коми.Они живы в памяти нашей.... — Сыктывкар, 2023.
- ↑ Черных А. История еще одного Героя России из Коми: сыктывкарец Александр Пузиновский погиб, спасая товарища, Комсомольская правда. Коми. Шыӧдчан кадпас: 19 урасьӧм тӧлысь 2025.
Ыстӧгъяс
- Афанасьева Ю. «Мы в добрый снах домой придём». // «На боевом посту» (журнал ВВ МВД России). — 2012. — № 5. — С.18-23.
- Роман Зенищев вручил медаль родным погибшего в Чечне военнослужащего из Сыктывкара. (рус.). сайт администрации города Сыктывкар (24 ӧшым тӧлысь 2009). Шыӧдчан кадпас: 16 кӧч тӧлысь 2010.
- Надежда Горчева. Мэр Сыктывкара вручил медаль родственникам погибшего в Чечне военнослужащего из Коми (рус.). КомиИнформ (23 ӧшым тӧлысь 2009). Шыӧдчан кадпас: 16 кӧч тӧлысь 2010.
- Герой Российской Федерации ПУЗИНОВСКИЙ Александр Юрьевич (рус.). сайт МВД России. Шыӧдчан кадпас: 16 кӧч тӧлысь 2010.
- Мужество в бою. Родственники погибших на Кавказе героев-спецназовцев получили награды (рус.). Российская газета. Башкортостан (15 кӧч тӧлысь 2010). Шыӧдчан кадпас: 16 кӧч тӧлысь 2010.
 |
|---|
