Рогов Николай Абрамович
| Рогов Николай Абрамович | |
|---|---|
 | |
| Чужан лун | 29 вӧльгым (11 ӧшым) 1825 |
| Чужанін | |
| Кулан лун | 1905-ӧд вося моз тӧлысь 16-ӧд лун (79 арӧс) |
| Куланін | |
| Страна |
|
| Мыйся уджыс | антрополог, лингвист, этнолог |
Рогов Николай Абрамович (коми-перым Рогов Ӧврам Микӧл) (1825-1905) — роч этнограф да филолог, ас му туялысь, лесничӧй, перым коми кыв туялысь. Тӧдса кыдзи перым коми кывлӧн медводдза да медся тырвыйӧ кывкудлӧн автор, кытчӧ пыртӧма матӧ 13 000 кыв.
Олантуй
Чужлӧма 1825 вося ӧшым тӧлысь 11-ӧд лунӧ[1] (юлиан календар серти — вӧльгым тӧлысь 29-ӧд лунӧ) Шӧр Ёгваын Строгановъяс крепостнӧй семьяын. Велӧдчис вӧр лэдзысьӧн Строгановъяслӧн Петыркарын му вӧдитӧм да горнозаводскӧй наукаяс кузя школаын.
1846—1850 воясӧ уджаліс таксаторӧн (вӧр бурмӧдӧм да вӧр-ва видзӧм кузя специалистӧн).
Перым комияс пӧвстын олігӧн Рогов велӧдіс перым коми кывсӧ. Крепостнӧй право киритӧм бӧрын уджаліс велӧдысьӧн [2].
1850—1856 воясӧ уджаліс лесничӧйӧн Строгановъяслӧн Иньваса дачаын.
1856 воын вӧлі пуктӧма веськӧдлыны Кынса заводӧн. Сы отсӧгӧн вӧліны восьтӧмаӧсь нывъяслы да зонъяслы велӧдчанінъяс [1].
1864 воын котыртӧма Россия империяын медводдза потребительскӧй общество (кооператив)[3][4].
Кувсис 1905 вося моз тӧлысь 16-ӧд лунӧ (важ ногӧн — моз тӧлысь 3-ӧд лунӧ). Дзебӧмаӧсь Перымын[5].
Туялӧмъяс
Пуктіс ыджыд пай перым коми кыв велӧдӧмӧ. 1846 восянь 1858 воӧдз Николай Абрамович уджаліс Соликамса уездса Иньваса дачаын, Строгановъяслӧн имениеын. Тані унджыкыс вӧліны перым комияс, тані оліс 35 сюрс морт. 1849 восянь дасьтіс кывкуд, а 1860 воӧ сылӧн петіс «Опыт грамматики пермяцкого языка» небӧг.
1849 восянь Николай Абрамович уджаліс «Пермяцко-русский и русско-пермяцкий словарь» лӧсьӧдӧм вылын, сійӧс йӧзӧдісны Петыркарын 1869 воын. Кывкуд водзкывйын Рогов гижӧ:
«Пермякъяс рочмӧны, тасянь и кывйыс налӧн кутас вошны либӧ вежсяс роч кывйӧн. Тайӧ и ышӧдіс менӧ 1849 воын вӧчны дзонь перым кывкуд, медым дорйыны тайӧ кывйыслысь паметьсӧ»
(рочӧн ...прожив затем между Пермяками три года, узнал, что коренные Пермяки заметно русеют и что природный язык их начинает теряться и заменяться Русским: так в настоящее время все взрослые Пермяки мужескаго пола весьма удовлетворительно говорят по-русски, а иных ни по наружности и ни по языку нельзя уже отличить от окрестных русских; многие малолетки и все женщины в некоторых селениях говорят исключительно по-русски; есть дома (в Юсьвенском приходе), в которых забыт уже природный язык; напротив, только в стороне от главных селений и больших дорог все малолетки и многия женщины не знают русскаго языка, но и между ними заметно русское влияние. Такое положение Пермяков и Пермяцкаго языка подали мне повод думать, что Пермяцкий язык со временем вовсе выйдет из употребления и потеряется. Чтобы сохранить памятник этого языка, я в 1849-м году счел нужным составить полный Пермяцкий Словарь... )[1]
Сійӧ жӧ воас Николай Рогов шыӧдчис императорскӧй роч географическӧй обществоӧ юалӧмӧн: колӧ-ӧ вӧчны перым коми кывлысь кывкуд. Обществосянь шуисны, мый татшӧм кывкудйыс колӧ. Сэки Рогов, академик А. М. Шёгрен вӧзйӧм серти, тӧдмасис коми кывлӧн грамматикаӧн, кытысь босьтіс системасӧ да алфавитсӧ.
Кывкуд артмис кык юкӧнысь. Медводдза юкӧнын — перым-роч кывкудйын дас сюрс гӧгӧр кыв. Кывкудйӧ пырисны коми перым кывлӧн иньваса да нердваса сёрнисикасъясысь 13 000 гӧгӧр кыв. 2007 воын кывкудсӧ выльысь йӧзӧдіс Коми перым небӧг лэдзанін[6].
«Опыт грамматики пермяцкого языка» небӧгыс артмӧма куим юкӧнысь: 1) Шыпасъяс йылысь (фонетика); 2) Кывъяс йылысь, налӧн сикасъяс да вежласьӧмъяс йылысь (морфология); 3) Сёрни йылысь (синтаксис). Перым коми кывъяс гижан подулӧн босьтӧма роч азбука некымын выль шыпас содтӧмӧн.
Грамматика дорӧ Рогов содтіс устнӧй народнӧй творчество (нӧдкывъяс, шусьӧгъяс, сьыланкывъяс, мойдъяс роч кыв вылӧ вуджӧдӧмӧн), разговорник, этнографическӧй материал перым комияслӧн оласног вылысь, Матвейсянь Евангелиеысь вит юр вуджӧдӧм[2].
Н. Роговлысь уджъяссӧ отсаліс редактируйтны нималана финно-угровед Ф. Видеман[7].
Историк А. А. Дмитриев «Пермская старина» небӧгын тадзи висьталӧ Рогов йылысь:[8]
Ми висьтавлім нин, кутшӧм ыджыд тӧдчанлуна Н. А. Роговлӧн перым комияс йылысь филологическӧй уджъясыс, мӧд ногӧн кӧ, сылӧн перым грамматикаыс да кывкудйыс. Сылӧн жӧ и перым комияс йылысь «Материалы для описания быта пермяков» медбур этнографическӧй очеркыс. Ни Роговӧдз, ни сы бӧрын некод эз серпасав перым комияслысь олӧмсӧ татшӧм пыдіа. Мукӧд гижысьяс тшӧкыда босьтлісны сылысь жӧ.
Наградаяс
Аслас уджысь Николай Абрамовичӧс унаысь вӧлі наградитӧма:
• 1859 воын — Наукаяс Академиясянь мӧд тшупӧда (джынвыйӧ) Демидовлӧн премия «Опыт грамматики пермяцкого языка» рукописьысь (вӧлі йӧзӧдӧма 1860 воын);
• 1860 воын — «Почёта гражданин» ним.
Небӧгъяс
Н. А. Рогов дасьтіс да йӧзӧдіс 50-ысь унджык удж[3]:
• Иньвенская дача и хозяйственный быт населяющих ее пермяков // Журнал Министерства внутренних дел. — 1855. — № 2;
• Опыт статистического обозрения Иньвенской дачи // Пермские губернские ведомости. — 1856. — № 36—44;
• О движении народонаселения в Иньвенской даче, Соликамского уезда // Вестник Императорского Русского географического общества. — 1857. — Кн. 5;
• Материалы для описания быта пермяков // Журнал Министерства внутренних дел. — 1858. — Т. 29. — № 4, апр., отд. 3. — С. 45—126;
• Материалы для описания быта пермяков // Пермский сборник. — М., 1860. — Кн. 2, отд. 2. — С. 1—127;
• Опыт грамматики пермяцкаго языка. — СПб., 1860. — 164 с.;
• Пермяцко-русский и русско-пермяцкий словарь. — СПб., 1869. — 414 с.;
• Кыновской завод // Пермские губернские ведомости. — 1872. — № 3;
• О приготовлении учителей для народных школ в Пермской губернии // Пермские губернские ведомости. — 1875. — № 35;
• К истории Пермского губернского земства // Екатеринбургская неделя. — 1882. — № 35. — С 533—536;
• Материалы для истории Пермского заповедного имения графов Строгановых. Пермь, 1892;
Пасйӧдъяс
- ↑ 1 2 3 О некоторых моментах из жизни и творчества Николая Рогова, Коми-пермяцкий окружной государственный архив. Шыӧдчан кадпас: 19 урасьӧм тӧлысь 2025.
- ↑ 1 2 Туркин А.И. Рогов Николай Абрамович // Коми язык. Энциклопедия.. — М.: ДИК, 1998. — С. 407-408.
- ↑ 1 2 Рогов Николай Абрамович (Авраамиев) Архивса копия 4 рака тӧлысь 2017 Wayback Machine ресурсын//Энциклопедия «Пермский край»
- ↑ Учёный и кооператор, выходец из крепостных Рогов Николай Абрамович (1825-1905), Кооператоры России. Шыӧдчан кадпас: 19 урасьӧм тӧлысь 2025.
- ↑ Н. А. Рогов: (Некролог) Архивса копия 4 рака тӧлысь 2017 Wayback Machine ресурсын//Пермские губернские ведомости. 1905. 6 авг. № 167
- ↑ Издан «Пермяцко-русский и русско-пермяцкий» словарь Архивса копия 4 рака тӧлысь 2017 Wayback Machine ресурсын Телеканал «Культура», 11.01.2007
- ↑ Некрасова О.Н. Рогов Николай Абрамович // Исследователи коми языка. — Сыктывкар: Анбур, 2017. — С. 247-249.
- ↑ А. Дмитриев. Пермская старина. Вып. 1. Глава 2. Степень культурного развития обитателей древней Перми по данным раскопок. Скептики Биармии. Шыӧдчан кадпас: 19 урасьӧм тӧлысь 2025.
Литература
• Попова, Р. П. Николай Абрамович Рогов — исследователь коми-пермяцкого языка / Р. П. Попова // Вопросы финно-угорской филологии : межвузовский сборник научных трудов / Министерство образования и науки Российской Федерации, ГОУ ВПО «Сыктывкарский государственный университет». — Сыктывкар : Сыктывкарский государственный университет, 2010. — С. 105—109.
• Попова, Р. П. Вклад Николая Абрамовича Рогова в исследование коми-пермяцкого языка / Р. П. Попова // ПЕРМИСТИКА 13: Вопросы пермского языкознания : Сборник статей на материалах XIII Международного симпозиума, Сыктывкар, 20-21 октября 2010 года. Том Выпуск 69. — Сыктывкар: Институт языка, литературы и истории Коми НЦ УрО РАН, 2012. — С. 163—167
• Костромина, И. Н. Крепостной лингвист. — «Красное знамя», 1988, 23 июля.
 |
|
|---|
