Семёнов Виктор Анатольевич
| Семёнов Виктор Анатольевич | |
|---|---|
 | |
| Чужан лун | 1945-ӧд вося йирым тӧлысь 31-ӧд лун |
| Чужанін | |
| Кулан лун | 2020-ӧд вося сора тӧлысь 12-ӧд лун (74 арӧс) |
| Куланін | |
| Страна | |
| Мыйся уджыс | историк, археолог |
| Ошканпасъяс да премияяс |
 |
Семёнов Виктор Анатольевич (1945-ӧд вося йирым тӧлысь 31-ӧд лун, Ломоносов[d], Ленинград обласьт — 2020-ӧд вося сора тӧлысь 12-ӧд лун, Сыктывкар) — коми йӧзлысь оласног да археология туялысь, история наукаяс доктор, профессор.
Олантуй
Чужӧма 1945-ӧд вося йирым тӧлысь 31-ӧд лунӧ Ленинград обласьтса Ломоносов карын. Помалӧма Ленинградса канму университет (1973), Ленинградса канму университетысь история факультетын археология кафедраса аспирантура (1976). 1976-ӧд вося ӧшым тӧлысьсянь уджалӧма Сыктывкарса канму университетын история факультетын: быдмӧма ассистентсянь профессорӧдз. 2000-ӧд восянь веськӧдлӧма источниковедение, археология да этнография кафедраӧн[1].
Уджаліс Кыв, литература да история институтын Роч Войвывлӧн история-демография да история-география туялӧмъяс секторын медшӧр научнӧй сотрудник должносьтын.
Куліс 2020-ӧд вося сора тӧлысь 12-ӧд лунӧ Сыктывкар, гуалӧма сора тӧлысь 15-ӧд лунӧ[2];[3].
Туялан удж
1979-ӧд воын Ленинградса университетын дорйӧма история наукаяс кандидат ним вылӧ диссертация, 1996-ӧд воын — Санкт-Петербургын Пётр Великӧй нима антропология да этнография музейын доктор ним вылӧ диссертация.
Туялӧма коми йӧзкостса оласног, фин-йӧгра да яран костын йитӧдъяс археология да этнография материал подулын, Россияса Асыв-Войвылын да Рытыв-Войвылын водзкӧрт эпохаса археология.
Йӧзӧдӧма 120 сайӧ туясян удж, на лыдын — кык монография, 4 велӧдан пособие, кык справочник. Тӧдчанаджык уджъясыс: «Традиционная семейная обрядность народов Европейского Севера» (С-Пб., 1992), «Европейский Северо- Восток в эпоху бронзы» (соавторъяскӧд, Сыктывкар, 1997).
Небӧгъяс
• Семёнов В.А. Традиционная семейная обрядность народов Европейского Севера: К реконструкции мифопоэтических представлений коми (зырян). — СПб., 1992. — 152 с.
Наградаяс
• Россияса наукаын нимӧдана уджалысь (2008).
Пасйӧдъяс
- ↑ Семёнов Виктор Анатольевич (рус.). Комионлайн. Шыӧдчан кадпас: 30 йирым тӧлысь 2025.
- ↑ Сыктывкарса канму университет (2020.07.16-ӧд лун; рочӧн)
- ↑ Жеребцов И.Л. Наш профессор (Ушел из жизни известный археолог и этнограф Виктор Семёнов) // «Красное знамя» юӧр сетанін (2020.07.13-ӧд лун; рочӧн)
Литература
• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000.
• Кыв, литература да история сайтын В.А. Семёнов йылысь