Социальнӧй справедливосьт ставмирса лун

Социальнӧй справедливосьт ставмирса лун ( ООН-лӧн официал кывъяс вылын: англичан World Day of Social Justice, араб اليوم العالمي للعدالة الاجتماعية, испан Día Mundial de la Justicia Social, китай 世界社会公正日, рочӧн Всемирный день социальной справедливости, француз Journée mondiale de la justice sociale ) — войтыркостса лун, вӧлі лӧсьӧдӧма ООН-са Генеральнӧй Ассамблеяӧн 2007 во ӧшым тӧлысь 18-ӧд лунся A/RES/62/10 №-а торъя резолюцияын. Пасйӧны быд во урасьӧм тӧлысь 20-ӧд лунӧ 2009 восянь.

История

Резолюцияын шуӧма, мый войтыркостса котырлы колӧ водзӧ содтыны вынъяссӧ гӧльлун бырӧдӧм могысь, йӧзӧс тырвыйӧ уджӧн могмӧдӧм вӧсна, мужичӧйяслы да нывбабаяслы ӧткодь инӧдъяс сетӧм вӧсна, ставлы социальнӧй бур олӧм да социальнӧй справедливосьт вӧсна.

Социальнӧй справедливосьтлысь ставмирса лун медводдзаысь лӧсьӧдны вӧзйис Кыргызстанса президент Курманбек Бакиев. Водзӧ тайӧ вӧзйӧмнас Кыргызстанса иностраннӧй делӧяс кузя министр Эднан Карабаев сёрнитіс Генеральнӧй Ассамблеялӧн 62-ӧд сессия вылын ӧтувъя дискуссия дырйи.

Темаяс

• 2021 во — «Цифраа экономикаын социальнӧй справедливосьт корӧм»
• 2020 во — «Социальнӧй справедливосьт судзӧдӧм могысь неравенство бырӧдӧм»
• 2019 во — «Кӧсъянныд кӧ мир и сӧвмӧм, лӧсьӧдӧй социальнӧй справедливосьт»
• 2018 во — «Уджалысьяс корсьӧны социальнӧй справедливосьт»
• 2017 во — «Бур удж отсалӧ видзчысьны конфликтъясысь да видзны мир»
• 2016 во — «Бур вежсьӧмъяс — экология боксянь зумыд экономика да йӧзкотыр»
• 2015 во — «Дугӧдны вузавны йӧзӧс да мырдӧн найӧс уджӧдны»
• 2011 во — «Ставлы социальнӧй дорйӧм шедӧдӧм»

Видзӧдӧй тшӧтш

• Йӧзлӧн ӧтувъялун войтыркостса лун
• Гӧльлун бырӧдӧм вӧсна тыш нуӧдан войтыркостса лун

Ыстӧгъяс

• Резолюция Генеральной Ассамблеи
• Выступление представителя Киргизии на 62-й сессии Генеральной Ассамблеи
• Страница на сайте ООН