Сёян-юан ставмирса лун
| Сёян-юан ставмирса лун | |
|---|---|
| Файл:Word food day poster FAO.gif | |
| Сикас | ООН-лӧн войтыркостса лунъясысь ӧти |
| Официальнӧя | ООН-лӧн официал кывъяс вылын: англичан World Food Day, араб يوم الأغذية العالمي, испан Día Mundial de la Alimentación, китай 世界粮食日, рочӧн Всемирный день продовольствия, француз la Journée mondiale de l'alimentation |
| Вежӧртас | ООН-лӧн сёян-юан да видз-му овмӧс организация лӧсьӧдӧм (FAO) |
| Вынсьӧдӧма | 1979 во |
| Пасйӧны |
 ООН |
| Кадпас | йирым тӧлысь 16-ӧд лунӧ |
 Медиафайлы на РУВИКИ.Медиа | |
Сёян-юан ставмирса лун ( ООН-лӧн официал кывъяс вылын: англичан World Food Day, араб يوم الأغذية العالمي, испан Día Mundial de la Alimentación, китай 世界粮食日, рочӧн Всемирный день продовольствия, француз la Journée mondiale de l'alimentation ) — ООН-лӧн войтыркостса лунъясысь ӧти, пасйӧны быд во йирым тӧлысь 16-ӧд лунӧ.
Тайӧ лунсӧ вӧлі вынсьӧдӧма 1979 воын ООН-лӧн сёян-юан да видз-му овмӧс организация (FAO) конференция вылын. Войтыркостса лунлӧн могыс — кыпӧдны йӧзлысь мирса сёян-юан мытшӧд йылысь тӧдӧмлунсӧ да ёнмӧдны тшыгъялӧмкӧд, тырмытӧма сёйӧмкӧд да гӧльлункӧд тышкасьӧмын ӧтувъялун. Тайӧ луныс пасйӧ 1945 воын FAO-лы подув пуктӧм.
1980 воын ООН-лӧн Генеральнӧй Ассамблея торъя резолюцияын (A/RES/35/70 №) ошкис быд вося Сёян-юан лун нуӧдӧм.
ООН-са Генеральнӧй секретарлӧн 2005 вося Сёян-юан ставмирса лунлы сиӧм посланиеын висьтавсьӧ, мый кӧть и сёяныс тырмымӧн, мир пасьталаын тшыгъялӧны 850 000 000 мортысь унджык. Сійӧ корис кык пӧв содтыны вынъяс, медым пӧртны олӧмӧ Сюрсовся Декларациялысь медводдза могсӧ — чинтыны тшыгъялысь да гӧль йӧзлысь лыдсӧ кык пӧв.
Быдвося темаяс
• 1999 — «Том йӧз тшыгъялӧмлы паныд»
• 2000 — «Тшыгъялӧмысь мездан сюрсво»
• 2001 — «Гӧльлун чинтӧм могысь тшыгъялӧмкӧд тышкасьӧм»
• 2002 — «Ва: сёян-юанӧн могмӧдан ӧшмӧс»
• 2003 — «Тшыгъялӧмлы паныд войтыркостса альянс»
• 2004 — «Сёян-юанӧн могмӧдӧм да биоразнообразие»
• 2005 — «Видз-му овмӧс да культураяс костын сёрни»
• 2006 — «Видз-му овмӧсӧ сёян-юанӧн могмӧдӧм могысь инвестицияяс»
• 2007 — «Сёян-юан вылӧ инӧд»
• 2008 — «Ставмирса сёян-юан безопасносьт: ывласям вежсьӧм да биоэнергия»
• 2009 — «Кризис дырйи сёян-юан безопасносьт могмӧдӧм»
• 2010 — «Тшыгъялӧмлы паныд тыш нуӧдӧмын ӧтувъялун»
• 2011 — «Сёян-юан вылӧ донъяс — кризиссянь зумыдлунӧдз»
• 2012 — «Видз-му овмӧс кооперативъяс вердӧны мир»
• 2013 — «Судзсяна сёян-юан системаяс кыдз сёян-юанӧн могмӧдан инструмент»
• 2014 — «Семья фермер овмӧсъяс: вердны мирсӧ — видзны планета»
• 2015 — «Социальнӧй дорйӧм да видз-му овмӧс: сиктса гӧльлунлысь лёк кытш орӧдӧм»
• 2016 — «Ывласям вежсьӧ, а сыкӧд тшӧтш вежсьӧ сёян-юан да видз-му овмӧс»
• 2017 — «Вежам миграция визувъяслысь аскиа лунсӧ. Инвестируйтам сёян-юан боксянь видзчысянлунӧ да сикт сӧвмӧдӧмӧ»