Тарабукин Иван Анатольевич
| Тарабукин Иван Анатольевич | |
|---|---|
| Чужан лун | 1986 вося кӧч тӧлысь 7-ӧд лун |
| Чужанін | Керчомъя, Кулӧмдін район, Коми Республика |
| Страна | |
| Мыйся уджыс | киноактёр |
Тарабукин Иван Анатольевич (1986 вося кӧч тӧлысь 7-ӧд лун, Керчомъя, Кулӧмдін район, Коми Республика) - киноын ворсысь.
Олан туй
Иван Тарабукин чужис 1986 вося кӧч тӧлысь 7-ӧд лун, Керчомъя сиктын, Кулӧмдін район, Коми Республика. Мамыс уджаліс велӧдысьӧн, батьыс уджаліс вӧрын, сэсся совхозын.
Ичӧтдырсянь зэв ёна радейтіс кыйсьыны. Витӧд классянь сылӧн вӧлі нин аслас вӧралан туй, кодӧс сылы дӧверитіс батьыс.
Керчомъяса школаысь кӧкъямысӧд класс бӧрын Иван муніс велӧдчыны Коми Республикаса Юралысь бердын искусствояс гимназияӧ. Сэсся пырис Сыктывкарса университетӧ финн-йӧгра факультетӧ. Сэсянь вуджис велӧдчыны Санкт-Петербургса театральнӧй искусство академияӧ.
Театральнӧй академияын витӧд курсын велӧдчигӧн Иван Комиысь мукӧд студентъяскӧд тшӧтш пуктіс Сыктывкарса сцена вылын "Колян гожӧм Чулимскын" вампиловскӧй пьеса.
2010 воын помаліс СПбГАТИ.
Медводдза кино, кӧні снимайтчис И. Тарабукин, - том режиссёр Илья Северовлӧн "Бездна" кино. Сэсся петкӧдчис "Фокусник-2", "Государственная защита-2", "Последний бой", "Невский", "Ленинград 46" да мукӧд киноясын. Унджык киноын сійӧ ворсӧ бандитӧс либӧ полицейскӧйӧс[1].
Фильмография
«Бездна» (2009), «Фокусник-2» (2010), «Государственная защита-2» (2011), «Морские дьяволы. Судьбы – 2» (2013), «Литейный (8-й сезон)» (2013), «Последний бой» (2013), «Улицы разбитых фонарей-13» (2013), «Шеф-2» (2013), «Ленинград 46» (2014), «Невский» (2014), «Чужой» (2014), «Дружина» (2015),«Такая работа» (2015), «Ментовские войны-10» (2016), «Троцкий» (2017); «Алиби» (2018); «Мажор-3» (2018); «Неотложное дело» 33-я серия (2018); «Улицы разбитых фонарей-16» (2018); «Лишние люди» 21-я серия (2019); «Великолепная пятёрка-2» (2019); «Тень за спиной» (2019); «Рискованная затея» 46-я серия (2020); Свои-3 (2020); «Шерлок в России» (2020); «Магистраль» (2021); «Улики из прошлого. Забытое завещание» (2021) [2] [3].
Ӧшмӧсъяс
- Макарова, Е. Страшный человек и палач: Устькуломцу Ивану Тарабукину грозят набить морду за то, что он арестовал Константина Хабенского / Екатерина Макарова // Трибуна. 2017. 17 нояб. С. 16.