Керчомъя (Кулӧмдін район)

Сикт
Керчомъя
комиӧн Керчомъя
61°28′33″ с. ш. 53°54′42″ в. д.
Страна	Россия
РФ-са субъект	Коми Республика
Муниципальнӧй район	Куломдін
Сикт овмӧдчӧмин	Керчомъя
Шӧрин вылна	104 м
Йӧз
Олысь лыд	▼744 чел. (2021)
Лыдпаса идентификаторъяс
Пошта индекс	168079
ОКАТО код	87248845001
ОКТМО код	87648445101
Керчомъя Москва

Керчомъя — Коми Республикаын сикт, Кулӧмдін районысь Керчомъя сикт овмӧдчӧминса шӧрсикт.

Ним артмӧм

Туялысьяс чайтӧны, мый Керчомъя сикт ним артмӧма «кер» да «чом» кывъясысь, сідзкӧ «керъя чом» (медводдза оланін). "Керчема сикт Эжва ю вылын" (1646), "Керчама сикт Эжва ю вылын" (1678), 1859 воын - Керчемскӧй (Керчомья); 1846 вося карта вылын - Керчем: коми керчом "пу чом, пу керка", кер чомъя "пу керкаа". Тыдалӧ, тыр нимнас вӧлӧма Керчомъяін - "места, кӧні сулавлӧма кер керка". Кад кольӧм бӧрын ин "места" географическӧй термин уси да артмис Керчомъя вундӧм формаыс .

Фольклор

• Керчомъя шуӧны мӧд Украинаӧн: водзынсӧ няньыс бура вӧлі воӧ да.
• Керчомъя сиктсаясӧс нимтӧны кержакъясӧн. Тадзи вӧлі шуӧны Никон кадӧдз Енлы эскысьясӧс (рочӧн: старовер).

География

Керчомъя пукалӧ Эжва юлӧн шуйга бокын. Сиктсянь Кулӧмдін юрсиктӧдз 38 км.

Ывласям

Шӧркодь континентвывса ывласям, уна лымъя кузь кӧдзыд тӧв да дженьыд ыркыд гожӧм. Вогӧгӧрся шӧр температураыс −1 - 0 °С. Медся шоныд тӧлысьлӧн (сора) шӧркодь температураыс 16°C; медся кӧдзыд тӧлысьлӧн (тӧвшӧр) - −16°C. Кӧдзыдтӧм кадколастыс нюжалӧ 180-190 лун. Вогӧгӧрся шӧркодь лым-зэрыс усьӧ 500-600 мм. Зумыд лым веркӧсыс кутчысьӧ 165-175 лунӧдз .

Кад кытш

Керчомъя, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ. .

История

• Медводдза йӧз татчӧ овмӧдчылісны сёр неолит кадӧ на: ӧнія сиктсянь лунвылӧджык, Эжва юлӧн шуйга берегын вӧлӧма налӧн сувтланін. Археологъяс серти, йӧзыс тані олісны и «ыргӧн нэмӧ» да весиг «кӧрт нэмӧ».
• 1646 во — Медводдзаысь казьтыштӧма переписнӧй небӧгын: «Дер Керчема на реке Вычегде»: ӧти овмӧсын олісны Денис да Сысой Тимофеевич вокъяс. Овсӧ абу индӧма.
• 1678 во — Керчомъяын 5 овмӧс, но сэні олысьяс лыдын абу воддза олысьясыслӧн нимъясыс. Ӧти овмӧсын вӧлі олӧ Парфён Фёдорович Лодыгин челядьыскӧд: «... у него дети Евтихейко, Стенька, Карпушка, Мишка, Ивашко, Онтипко ...»; нывъяслысь нимъяссӧ абу индӧма. Мукӧд олысьяслысь овъяссӧ абу пасйӧма.
• 1686 во — Керчомъяын кыпӧдісны пу вичко, и грезд лои погостӧн. Тані лоисны вичкоын уджалысьяслӧн овмӧсъяс: поп, дяк, пӧнӧмар да прӧсвирнялӧн.
• 1720 во — Керчомъяын 18 овмӧс, индӧма олысьяслысь овъяссӧ. На серти позьӧ шуны, мый йӧзыс воисны Сыктыв да Емва вожысь. Шуам, Золотарёвъяс, Ладановъяс, Лютоевъяс да Лодыгинъяс эмӧсь Сыктыв вожын, а Гичевъяс — Емва вожын.

Олысь лыд

Грездын олӧны комияс.

Вояс да олысь лыд
1859	1926	1939	1959	1970	1979	1989	1992	2000	2007
1534	2996	3384	2119	2462	2104	1838	1821	1741	1437

Медводдза овъяс

• 1678 – Лодыгин
• 1707 – Жикин, Кузнецов
• 1720 – Ваддоров, Воробьёв, Гилев, Золотарёв, Кочанов, Лютоев, Попов, Самарин, Тарабукин

Культура

Велӧдӧм

Сиктын эм школа.

Нималана йӧз

• Ваддоровъяс — Айму вӧсна Ыджыд тыш дырся нималана йӧз.
• Кочанова Дарья – Гражданскӧй тыш дырся героиня, кодӧс еджыдъяс лыйлісны 1919 воын.
• Уляшев Виталий Васильевич (1946) — коми гижысь, журналист.
• Лютоев Николай Александрович (1948) — коми журналист.
• Лютоев Иван Андреевич (1953) — коми гижысь.
• Тимушев Эдуард Алексеевич (1962–2006) – коми поэт, журналист.
• Шахова Анна Вячеславовна (1987) - коми гижысь.
• Катаев Евгений Фёдорович (1914 - 1972) - Cӧвет кадся канморт .
• Тимушев Алексей Степанович (1935 - 1975) - коми гижысь .
• Тарабукин Андрей Степанович (1936 — 1977) — коми гижысь.
• Уляшев Владимир Андреевич - артист-сьылысь (ӧткӧн сьылысь), сценавывса нуӧдысь мастер. "Парма" фольклорно-этнографическӧй ансамбльын сьылысь да 1998 восянь Национальнӧй театрын ворсысь .
• Тимушев Алексей Егорьевич (1908 - 1968) - Айму вӧсна Ыджыд тышын участвуйтысь
• Гичев Александр Павлович (1873 - 1918) - партийнӧй ячейка да сиктса гӧль йӧзлысь комитет котыртысь.
• Мозымов Василий Иванович (1912 - 1941) - Коми АССР-са медводдзаысь бӧрйӧм Медвылыс Сӧветса депутат (1938-1941)
• Тарабукин Иван Анатольевич (07.09.1986) — кино ворсысь .

Тӧдчана эмторъяс

• Иван вичко (рочӧн храм во имя Предтечи и Крестителя Господня Иоанна);
• Вежа мученица Татианалӧн храм (рочӧн храм Святой мученицы Татианы);
• Кадамын быдвося лыжи марафон (рочӧн Кадамский марафон);
• Вад ты вылын гожӧмнас быдвося Пыжа гаж.

Тӧдчана инъяс

Иоанн Предтечи нима вичко - тайӧ важ вичко, коді сулалӧ Керчомъя сиктын, катыдладорын. Вичкосӧ медводз лэптылӧмаӧсь пуысь 1755-1756 воясын, бокас лӧсьӧдлӧмаӧсь колокольня. 1846 воын пуысь вӧчӧм вичко места лэптiсны выль изйысь вӧчӧм вичко колокольнякӧд ӧттшӧтш. Вежӧдісны сійӧс 1847 вося ӧшым тӧлысь кӧкъямысӧд лунӧ. 1859 воӧ локтіс Иоанн Попов, кодлысь нимсӧ новлӧ вичко.

Керчомъя сиктын Иоанн Предтечи вичко

Ӧтуввез

• Керчомъя сикт овмӧдчӧминса Веськӧдланінлӧн сайт

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Игнатов М.К. Взгляд сквозь годы. — Сыктывкар: Коми небӧг лэдзанін, 1998. — 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). — Сыктывкар, 2009. — 366 с.
• Усть-Куломский район в годы Великой Отечественной войны. Труженики тыла / Сост. Игнатов М.К. — Сыктывкар: ООО «Коми республиканская типография», 2015. — 264 с.
• Сивкова А. Наследие Керчомъи (Хранительницей памяти самобытного коми села стала вчерашняя горожанка Нина Самарина) // Республика, 2012 во, косму тӧлысь 28 лун, 83 № (рочӧн).

Ыстӧдъяс

Керчомъя сиктувса оланінъяс
Ӧнія оланінъяс: Керчомъя •