Тукмаков Владимир Алексеевич
| Владимир Алексеевич Тукмаков | |
|---|---|
 | |
|
| |
 Коми Республикаса Веськӧдлан котырӧн Веськӧдлысь
 |
|
| 2014.09.19 — 2016.03.10 | |
| Президент |
Вячеслав Гайзер Сергей Гапликов |
| Водзвывса уджалысь | чиныс лӧсьӧдӧма |
| Удж водзӧ нуӧдысь |
Лариса Максимова (у. в.), Сергей Гапликов |
|
Коми Республикаса Юралысьӧс вежысь - Коми Республикаса сьӧм овмӧс министр
|
|
| 2011.02.17 — 2014.09.19 | |
| Удж водзӧ нуӧдысь | Галина Рубцова |
|
|
|
| Чужис |
1969 вося тӧвшӧр тӧлысь 28-ӧд лун Сыктывкар, Коми АССР, РСФСР, СССР |
| Велӧдчӧм | Петыркарса лесотехническӧй академия, РФ-са Веськӧдлан котыр бердын сьӧм овмӧс академия |
| Наградаяс | Коми Республикаса Почёт грамота, «Коми Республика водзын заслугаясысь» отличие пас, Россия Федерацияса сьӧм овмӧс министрлӧн аттьӧалӧм. |
Тукмаков Владимир Алексеевич (1969-ӧд вося тӧвшӧр тӧлысь 28-ӧд лун, Сыктывкар, Коми Автономнӧй Сӧветскӧй Социалистическӧй Республика) — россияса канморт, Коми Республикаса сьӧм овмӧс министр (2011—2014) да Коми Республикаса Веськӧдлан котырӧн веськӧдлысь (2014—2016).
Олантуй
Тукмаков В. А. чужис 1969 вося тӧвшӧр тӧлысь 28-ӧд лунӧ Сыктывкарын.
• 1987 восянь служитіс армияын.
• 1993 воын помаліс Петыркарса лесотехническӧй академия «хӧзяйственнӧй уджын бухгалтерскӧй учёт, контроль да анализ» специальносьт серти, а 2007 воын велӧдчис Россияса Веськӧдлан котыр бердын сьӧм овмӧс академияын «канму сьӧм контроль» уджтас серти[1].
• 1993 восянь — «Комибанк» АКБ-ын специалист, шӧр специалист, секторӧн веськӧдлысь, юкӧнса начальник.
• 1996 восянь — экономист, «Комисоцбанк» КБ ВАК-ын юкӧнса начальник.
• 2002 восянь — Коми Республикаса Юралысьлӧн да Коми Республикаса Веськӧдлан котырлӧн Администрацияын Контрольӧн веськӧдланінса юкӧнӧн веськӧдлысь.
• 2002 восянь — Коми Республикаса сьӧм овмӧс министерстволӧн сводно-аналитическӧй юкӧнса начальник.
• 2004 восянь — Коми Республикаса сьӧм овмӧс министрӧс вежысь.
• 2005 восянь — Коми Республикаын сьӧм да сьӧмкуд дӧзьӧр федеральнӧй службалӧн мутас веськӧдланінӧн юрнуӧдысь.
• 2009 восянь — Коми Республикаса экономика сӧвмӧдан министрӧс медводдза вежысь.
• 2010 восянь — Коми Республикаса Юралысьӧс вежысь[2].
• 2011 восянь 2014 воӧдз — Коми Республикаса сьӧм овмӧс министр.
• 2014 восянь 2016 воӧдз — Коми Республикаса Веськӧдлан котырса юрнуӧдысь (Коми Республикаса Премьер-министр).
• 2016 вося рака тӧлысь 10-ӧд лунӧ сійӧс мездісны чинысь коррупция скандал вӧсна дӧверие воштӧмкӧд йитӧдын. Официал юӧр серти, Коми Республикаса Веськӧдлан котырӧн юрнуӧдысьӧн уджалігӧн 2011 вося урасьӧм тӧлыссянь 2015 вося моз тӧлысьӧдз быд тӧлысь сылы сетісны козин пыдди 100 сюрс шайт, индӧм кадколастнас ставнас — 5,5 млн шайт[3]. Правительствосӧ вӧлі мӧдӧдӧма отставкаӧ[4].
• 2017 вося урасьӧм тӧлысь 14-ӧд лунӧ лои тӧдса, мый сійӧс индісны С. М. Киров нима Петыркарса канму лесотехническӧй университетын экономика да инновацияяс сӧвмӧдӧм кузя проректорӧн[5]. Вӧліс свидетельӧн «Гайзерлон делӧ кузя»[6].
• 2022—2023 воясын уджаліс Сыктывкарса канму университетын инфраструктура сӧвмӧдан департаментӧн веськӧдлысьӧн да пырис Коми Республикаса эмбур да му йитӧдъяс комитет бердын Ӧтйӧза сӧветӧ[7].
• 2023 вося арсянь — «Комиавтротранс» предприятиеса генеральнӧй директорӧс медводдза вежысь.
Наградаяс
• Коми Республикаса Почёт грамота (2011),
• Россияса ёрд приставъяслӧн федеральнӧй службалӧн Почёт грамота (2012),
• «2010 вося Ставроссияса олысьяслысь перепись нуӧдӧмын заслугаясысь» медаль (2012),
• «Коми Республика водзын заслугаясысь» отличие пас (2014),
• Россия Федерацияса сьӧм овмӧс министрлӧн аттьӧалӧм (2014)[1].
Пасйӧдъяс
- ↑ 1 2 Кто есть кто. Тукмаков Владимир Алексеевич. Комионлайн. Шыӧдчан кадпас: 13 ода-кора тӧлысь 2025.
- ↑ Заместитель главы Республики Коми—министр финансов Республики Коми — В. А.Тукмаков.
- ↑ Распоряжение Главы Республики Коми от 10 марта 2016 № 51—р.
- ↑ Премьер Коми уволен, правительство региона отправлено в отставку.
- ↑ Владимир Тукмаков стал проректором Санкт—Петербургского лесотехнического университета.
- ↑ Владимира Тукмакова ничего не настораживало в сделках «Фонда инвестпроектов Коми».
- ↑ Утвержден новый состав Общественного совета при Комитете РК имущественных и земельных отношений. Комиинформ (23 рака тӧлысь 2023). Шыӧдчан кадпас: 13 ода-кора тӧлысь 2025.