Усачёв Сергей Анатольевич

Усачёв Сергей Анатольевич
Усачёв Сергей Анатольевич
Чужан лун	1960 вося моз тӧлысь 15-ӧд лун
Чужанін	Коми Республика, Сыктывкар
Страна	Рочму;
Мыйся уджыс	Каналан Сӧветӧн веськӧдлысь

Видлалӧм гижӧд

Усачёв Сергей Анатольевич (1960 вося моз тӧлысь 15-ӧд лун, Сыктывкар) - политология наукаяс кандидат, Коми Республикаса Каналан Сӧветӧн веськӧдлысь VII созывын^[1].

Олан туй

Чужис 1960 вося моз тӧлысь 15-ӧд лунӧ Коми АССР-ын, Сыктывкарын.
Велӧдчӧма Сыктывкарса канму университетын, босьтӧма"Физика" специальносьт (1983); Рытыв-Войвывса государственнӧй служба академияын "Юриспруденция" специальносьт серти (2001). Политология наукаса кандидат (2007).

Удж:
1977 во - Эжваса судно стрӧитан да судно дзоньталан заводын ОРС сӧвтчысь-ректысьысь, Сыктывкарса вӧр пилитан да пу обработайтан комбинатын уджалысь;
1977 - 1978 вояс - 1 N-а СПТУ-ын лаборант (Сыктывкар);
1978 во - Эжваса судостроительно-судоремонтнӧй заводлӧн ЦДО-са уджалысь (Сыктывкар);
1982 - 1983 вояс - Сыктывкарса канму университетын лаборант, инженер;
1982 - 1985 вояс - армияын служитӧм;
1985 во - Сыктывкарса вӧр пилитан да пу обработайтан комбинатын сортировщик;
1985 - 1986 вояс - Сыктывкарса сӧветскӧй вузасян техникумын физика велӧдысь;
1986 - 1999 вояс - государственнӧй безопасносьт органъясын служитӧм;
1999 во - "Россия Федерацияса инӧд видзан органъяслӧн ассоциация" КРОПО-са олӧмӧ пӧртысь директор (Сыктывкар);
1999-2015 вояс - Коми Республикаса лицензируйтан службаӧн юрнуӧдысь;
2016 - 2020 вояс - "Сыктывкарса ликёр-водка завод" акционер котырса медыджыд директор.

Коми Республикаса Каналан Сӧветлӧн VІІ созыв: 2020 вося кӧч тӧлысь 24-ӧд лунӧ бӧрйисны Коми Республикаса Каналан Сӧветӧн Веськӧдлысьӧн^[2]^[3]^[4]^[5].

Наградаяс

«СССР-са Оружьеа Вынъяслы 70 во» юбилейнӧй медаль (1988);
«Вӧеннӧй службаын отличиеысь» III тшупӧда медаль (1997);
Коми Республикалӧн Почёт грамота (2009);
«Коми Республика водзын заслугаясысь» отличие пас (2010);
«Коми Республикалы 90 во» почёт пас (2011);
«Коми Республикаса нимӧдана уджалысь» почёт ним (2015);
Рочму Федерацияса Юстиция министерстволӧн Почёт грамота (2015);
Коми Республикаса Каналан Сӧветлӧн Почёт грамота (2020).

Ыстӧгъяс

[1] Председатель Государственного Совета Республики Коми VII созыва

[2] Спикером Госсовета Коми стал Сергей Усачев

[3] Председателем Госсовета Коми стал Сергей Усачёв

[4] Спикером Госсовета Коми избран единоросс Сергей Усачев

[5] Госсовет Коми возглавил Сергей Усачёв

[1]

[2]

[3]

[4]

[5]