Час
| Час | |
|---|---|
| ч, h | |
 Вой шӧр 1 часӧдз 24 часа лыдпаса циферблатын | |
| Ыджда | Кад |
| Сикас | производнӧй |
 Медиафайлы на РУВИКИ.Медиа | |
Час (дженьдӧдӧм: ч; войтыркостса: h англ. hour - "час") — кад мурталан внесистемнӧй единица. Ӧнія определение серти часын стӧч 3.600 секунда, мый лӧсялӧ 60 минутлы либӧ 1/24 Академическӧй час кыссьӧ 45 минут. «Лӧнь час» [1][2] больничаясын, шойччанінъясын да челядьлы учрежденияясын (челядьӧс видзанін, лагеръяс) — 120 минут.
Час оз ло Международнӧй единицаяс системаса (СИ) единицаӧн, но та дырйи позьӧ вӧдитчыны Международнӧй единицаяс (СИ) системаса единицаясӧн тшӧтш. Та дырйи оз позь вӧдитчыны доляа да кратнӧй приставкаяса единица нимӧн да пасъясӧн[3].
История
Медводдзаысь луна-воясӧ час вылӧ юклӧмыс (но разнӧй кузьтаа часӧн) паныдасьлӧ Важ Египетын миян эраӧдз 2100 во гӧгӧр, тайӧ системанас кадын ориентируйтчӧм могысь вӧдитчылісны египетса жрецъяс. Тайӧ луна-вояын 24 часыс артмыліс татшӧм юклӧмысь: ӧти час асъя рӧмыд, дас час лун, ӧти час рытъя рӧмыд да дас кык час вой. Миян эраӧдз 1300 во гӧгӧр тайӧ лыдпассӧ вӧлі вежӧма: луна-вояын югыд да пемыд кадсӧ юклӧма 12 юкӧн вылӧ лӧсялӧмӧн, мый вӧсна «лунся» да «войся» часлӧн кузьтаыс вежласис сезон серти [4].
Вавилонын сідзжӧ вӧлі лун да вой 12 час вылӧ юклӧм. Геродотлӧн «История» серти (II, 109), Вавилонысь тайӧ системасӧ босьтісны важ грекъяс, бӧрынджык, тыдалӧ, наысь босьтісны и римляна. Шуам, тӧвнас «лунся часлӧн» кузьтаыс Римын вӧлі 45 гӧгӧр минут.
Час термин медводдзаысь лоис грек кывйын миян эраӧдз IV нэм мӧд джынйын[5]. Клавдий Птолемей, коді оліс миян эраса II нэмын, официальнӧя юкис луна-воясӧ 24 час вылӧ[6].
Важ Римын лунся часъяссӧ ӧтувтлісны нёль ӧткодь кадколастӧ, сідзжӧ войся часъяссӧ ӧтувтлісны нёль «стражаӧ» (караул нуан кадколастъясӧ), куим часӧн быдӧн: кык стража вой шӧрӧдз, и кык - вой шӧр бӧрын[7].
Шӧр нэмъясса Европаын луна-воя кадыс юксьыліс вичко службаяс вылӧ, налысь заводитчӧмсӧ да кузьтасӧ арталісны древнеримскӧй луна-воя арталӧм серти[7].
Новгородса республикаын луна-воялӧн югыд кадыс сідзжӧ юксьыліс 12 час вылӧ, кыдзи и XV нэмся Москваын. Тайӧс позьӧ гӧгӧрвоны митрополит Филипп I кулӧм йылысь юӧрысь[8].
XVI-XVII нэмъясӧ Россияын кадсӧ арталісны луна-вояӧн, ӧти часыслӧн кузьтаыс вӧлі вежласьтӧм, но сійӧ либӧ мӧд тӧлысьлӧн торъя лун серти, вежласис «лунся» да «войся» час лыдыс. Налӧн лыдыс вермис лоны 7-сянь 17-ӧдз[9]. Тайӧ расписание сертиыс нуӧдісны вичко службаяс, но сійӧс вӧлі дугӧдӧма синодӧн 1722 воын важ чассӧ общеевропейскӧйясӧн вежигӧн, та дырйи луна-воя заводитчӧмнас лои вой шӧр, а эз асыв, кыдзи вӧлі войдӧр [8].
Вежласяна кузьтаа часыс вӧлі дыр кад чӧж (Средиземноморьеса ӧткымын странаын - XIX нэмӧдз) [5].
Пасйӧдъяс
- ↑ День в пионерских лагерях.
- ↑ Мёртвый час.
- Правительства РФ от 31 октября 2009 г. № 879.
- ↑ Бикерман Э. Хронология древнего мира. Ближний Восток и античность. — М., 1976. — С. 11-12
- ↑ 5,0 5,1 День
- ↑ День и ночь — сутки прочь
- ↑ 7,0 7,1 И. Н. Гансвинд «Время как цикл. Почему циферблат часов размечен цифрами от 1 до 12» Архивируйтӧма 17 тӧвшӧр тӧлысь 2008 вося.
- ↑ День, в древней Руси // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Л. В. Черепнин «Русская хронология», § 14. Сутки и их деление
Ыстӧгъяс
- World time zones (англ.)
- Accurate time vs. PC Clock Difference (англ.)