Чувьюрова Лидия Даниловна

Чувьюрова Лидия Даниловна
Чувьюрова Лидия Даниловна
Чужан лун	1949 вося рака тӧлысь 13-ӧд лун
Чужанін	Кулӧмдiн районса Дереваннӧй сикт
Кулан лун	1993 вося ода-кора тӧлысь 15-ӧд лун
Куланін	Сыктывкар
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	шылад тэчысь, гижысь

Чувьюрова Лидия Даниловна (1949 вося рака тӧлысь 13-ӧд лун, Кулӧмдiн районса Дереваннӧй сикт — 1993 вося ода-кора тӧлысь 15-ӧд лун, Сыктывкар) — Коми Республикаын нималана шылад тэчысь, кывбуръяс гижысь.

Олантуй

Чужӧма 1949 вося рака тӧлысь 13-ӧд лунӧ Кулӧмдiн районса Дереваннӧй сиктын. Семьяын вӧлӧма нёльӧд кагаӧн. 1965 воын помалӧма шӧр школа. 1965—1969 воясын велӧдчӧма Сыктывкарса шылада училищеын хорӧн дирижируйтӧм юкӧнын. 1969—1976 воясын велӧдчӧма Римский-Корсаков нима Ленинградса консерваторияын^[1].

Велӧдлӧма Сыктывкарса искусствояслӧн училищеын, уджалӧма «Асъя кыа» канму ансамбльын хормейстерӧн. 1985—1987 воясын — Коми телевидениеын звукорежиссёр. 1988 воын бӧр локтӧма искусствояслӧн училишеӧ, босьтчӧма веськӧдлыны народнӧй хорлӧн юкӧнӧн, котыртӧма «Коми сьылан» фольклор котыр^[1].

Кулӧма 1993 вося ода-кора тӧлысь 15-ӧд лунӧ Сыктывкарын, кор сылы вӧлӧма сӧмын 44 арӧс^[1].

Шылад тэчӧм

Чувьюрова Л. ачыс лӧсьӧдіс и кывъяссӧ, и шыладсӧ. «Аддзысьлытӧдз», «Арся мойд», «Войвыв дзоридз», «Медбур кад», «Пелысь», «Пӧлӧзнича», «Разьсьӧ да разьсьӧ», «Сера вӧнь», «Сӧстӧм ёль», «Сярган» сьыланкывъясыс нималӧны коми йӧз пӧвстын. Коми музыкальнӧй культура сӧвмӧдӧмӧ ыджыд пай пуктӧмысь Л.Д. Чувьюровалы сетӧма «Коми Республикаса искусствоясын нимӧдана уджалысь» ним.

Семья

Василий Николаевич Чувьюров — вок, шылад тэчысь да «Василей» гажлы подув пуктысь^[2].

Небӧгъяс

• Чувьюрова Л.Д. Пелысь: популярные песни, впервые публикуемые в печати. — Сыктывкар, 1992. — 19 с.
• Чувьюрова Л.Д. Пелысь. Сборник песен. — Сыктывкар, 1998.

Наградаяс

• Коми Республикаса искусствоясын нимӧдана уджалысь.

Литература

• «Медым оз куслы комилöн сьылöм»
• «Миян йӧз. Лидия Чувьюроваӧс казьтылан рыт» видеосюжет

Ыстӧдъяс

↑ ¹ ² ³ Чувьюрова Лидия Даниловна (1949–1993) (неопр.). Усть-Куломская ЦБС. Шыӧдчан кадпас: 15 ода-кора тӧлысь 2025.
↑ В Сыктывкаре почтят память коми композитора-самородка Лидии Чувьюровой (неопр.). Регион (6 рака тӧлысь 2019). Шыӧдчан кадпас: 15 ода-кора тӧлысь 2025.

[УЦБС-1] ¹ ² ³ Чувьюрова Лидия Даниловна (1949–1993) (неопр.). Усть-Куломская ЦБС. Шыӧдчан кадпас: 15 ода-кора тӧлысь 2025.

[2] В Сыктывкаре почтят память коми композитора-самородка Лидии Чувьюровой (неопр.). Регион (6 рака тӧлысь 2019). Шыӧдчан кадпас: 15 ода-кора тӧлысь 2025.

[1]

[2]