Василей (гаж)

Видлалӧм гижӧд

«Василей» гаж
Вынсьӧдӧма	1994 воӧ
Кутшӧм кадсянь	тӧвшӧр тӧлысь 13-ӧд лунсянь
Кутшӧм кадӧдз	тӧвшӧр тӧлысь 14-ӧд лунӧдз

«Василей» гаж — асшӧр шылад тэчысьяс пӧвстын ӧнія коми сьыланкывъяслӧн республикаса конкурс-фестиваль, быд во нуӧдӧны Кулӧмдін сиктын Василей лунö, тӧвшӧр тӧлысь 13-ӧд лунӧ.

История

Асшӧр шылад тэчысьяслысь «Василей» гаж медводдзаысь нуӧдісны 1994-ӧд вося тӧвшӧр тӧлысь 13-ӧд лунӧ Кулӧмдінын Важ Выль во водзын. Гажыс муніс кыдзи район тшупӧдса фестиваль.

Гажлы нимсӧ сетӧма шылад тэчысьяслӧн нимъяс серти — куим Вась водзмӧстчисны да медводдзаӧн котыртісны тайӧ гажсӧ — Василий Лодыгин, Василий Гущин да Василий Чувьюров.

1995 восянь «Василей» нуӧдсьӧ кыдзи республикаса конкурс.

Фестивальлӧн могъяс — сӧвмӧдны коми сьылан искусство, паськӧдны коми шылад тэчысьяслысь уджсӧ йӧз костын. «Василей» гаж сетӧ бур позянлун висьтавны ас йывсьыс том шылад тэчысьяслы, сьылысьяслы да кывбур гижысьяслы. Сцена вывсянь юргысь эстраднӧй, челядьлы да йӧзкостса сьыланкывъяс, кодъяс сетӧны выль олӧм важся традицияяслы, пырӧны уна сьылысь котырлӧн репертуарӧ.

Медбур сьыланкывъясыс юргӧны оз сӧмын республикаса гаж да фестивальяс дырйи, но и пырӧны нималана сьылысьяслӧн репертуарӧ. Найӧс сьылӧны Коми Республикаса нимйӧза артист, Россияса культураын нимӧдана уджалысь Лидия Логинова, Коми Республикаса нимйӧза артист Альфия Коротаева, Россияса да Коми Республикаса нимӧдана уджалысь Любовь Розе, «Асъя кыа» сьылысь да йӧктысь ансамбль, Коми Филармониялӧн «Зарни ёль» котыр, «Эжваса дзоридзьяс» да мукӧд котыр.

Конкурсӧ асланыс сьыланкывъясӧн пырӧдчӧны Кулӧмдінысь асшӧр шылад тэчысьяс Василий Гущин да Василий Чувьюров, гижысь Василий Лодыгин, Сыктывкарысь Гений Горчаков да Пётр Шучалин, Койгортысь Марк Новосёлов, Кӧрткерӧсысь Ирина Латкина да Алексей Ген, Выльгортысь Михаил Оверин да Ирина Чувьюрова да мукӧд.

«Василей» гажын жюриӧ пырысьяс бӧрйӧны вермысьясӧс некымын нимпасын, налӧн лыдыс да нимъясын мукӧддырйи вежласьӧны. 2012 воын вӧліны татшӧм нимпасъяс: «Челядьлы сьыланкыв», «Чужан му йылысь сьыланкыв», «Радейтчӧм йылысь сьыланкыв», «Национальнӧй эстраднӧй сьыланкыв», «Шмонитана сьыланкыв», «Лирическӧй сьыланкыв».

Та кындзи, жюри вичмӧдӧ куим медводдза места вермысьяслы да Гран-при, а залын пукалысьяс — «Видзӧдысьяслысь приз».

Жюриӧн дыр кад чӧж веськӧдлӧма Михаил Герцман, бӧръя воясас — Станислав Васильев. Жюриӧ сідзжӧ пырӧны шылад тэчысьяс, артистъяс, гижысьяс. «Василейлысь» сценарийяс да медбур сьыланкывъяссӧ йӧзӧдӧны торъя небӧгӧн. Асшӧр шылад тэчысьяслӧн конкурс йылысь Коми Республикаса шылад тэчысьяслӧн котырӧн веськӧдлысь, Россияса искусствоясын нимӧдана уджалысь да Коми Республикаса искусствоясын нималана уджалысь [Герцман Михаил Львович|Михаил Герцман]] пасйӧма: «Композиторский конкурс — довольно редкое явление. А уж конкурс самодеятельных композиторов — вещь и вовсе уникальная».

Василей — 2013

Кулӧмдін районса Культура керка дзоньталӧм вӧсна «Василей» гаж 2013 воын муніс Сыктывкарын Опера да балет театрын. Конкурслысь гала-концерт сёрӧнджык нуӧдісны Кулӧмдін сиктын выльмӧдӧм Культура керка воссьӧм бӧрын.

Василей — 2014

Конкурс вылӧ вӧзйӧма 23 авторлысь 30 сьыланкыв: Сыктывкарысь, Воркутаысь, Сосногорскысь, Сыктывдін, Кӧрткерӧс, Кулӧмдін, Койгорт, Мылдін да Удора районъясысь.

Авторъяс лыдын шылад нималана гижысьяс: Василий Лодыгин, Марк Новосёлов, Михаил Оверин, Василий Чувьюров. Медводдзаысь петкӧдчӧны: Николай Хозяинов (Паджга), Александр Руденко (Воркута), Елена Бервено (Сосногорск), Михаил Смирнов (Дон), Людмила Скорова (Сосногорск), Василий Тюрнин (Югыдъяг), Владимир Лодыгин (Зимстан).

Василей — 2015

«Василей» фестивальын петкӧдчӧма 13 сьыланкыв. Видзӧдысьяслӧн приз вичмӧма «Шудлысь юала» сьыланкывлы (шыладыс Василий Гущинлӧн, кывъясыс Надежда Груздевалӧн), сійӧс сьыліс «Июль» ансамбль. Медводдза места шедӧдіс «Медмусаин» сьыланкыв (кывъясыс да шыладыс Василий Лодыгинлӧн), сьыліс Наталья Траилина. Мӧдӧн лои «Кыдз пу дорын» сьылан (кывъясыс Мария Шаховалӧн, шыладыс Михаил Шаховлӧн), сьыліс Вера Булышева. Коймӧд места «Ас му вылын» сьыланкывлӧн (кывъясыс Виталий Уляшевлӧн, шыладыс Василий Чувьюровлӧн), кодӧс вӧзйис «Коми сьылан» котыр. Гран-при вичмӧдӧма Таисия Чаплыгиналы, коді гижӧма «Коми муын» сьыланкывлы кывъяссӧ да шыладсӧ; сьылӧма Уква карса «Лысва войт» ансамбль.

XXII-ӧд фестивальын режиссёралӧма Алексей Полубояров. Быд сьыланкыв дорӧ лыа анимация дасьтӧма Анастасия Яркова, а Коми Республикаса Юралысь Гайзер Вячеслав Михайловичлы сцена вылын козьналӧма кӧзапиӧс.

Василей — 2016

Конкурс вылӧ вӧлі мӧдӧдӧма 36 сьыланкыв, на пиысь бӧрйӧма 14 (а абу 13, кыдзи и век). Жюриӧн веськӧдліс Коми Республикаса нималана уджалысь Станислав Васильев.

Василей — 2017

XXIII-ӧд конкурс вылӧ 25 шылад тэчысь мӧдӧдӧма 37 сьыланкыв. На пиысь бӧрйӧма 14-ӧс, кодъяс вермасясны 4 нимпасын. Медводдзаысь вӧзйисны ассьыныс уджъяссӧ Евгения Удалова, Алексей Чашников, Александр Уляшев да Анна Ульянова.

Василей — 2018

Кулӧмдінса Культура керка водзын сулалысь светодиоднӧй экран вылын концертсӧ транслируйтісны налы, кодъяслы эз сюр залӧ билет. Сідзжӧ медводдзаысь «Василей» вӧлі кык юкӧнысь: 15.00 да 18.00 чассянь.

Жюрилӧн кывкӧртӧд серти вермысьлысь диплом вичмис Михаил Оверинлӧн Геннадий Юшковлӧн кывбуръяс вылӧ лӧсьӧдӧм «Шондібан» сьыланкывлы;
• мӧд места вичмис Лидия Логиновалӧн «Висьтасьӧм» сьыланкывлы, сьыліс Александр Кузнецов;
• коймӧд места босьтіс Ксения Мишариналӧн «Нылӧ» композиция, сылы вичмис и видзӧдысьяслӧн сьӧлӧм вылӧ воӧм приз.
• Гран-при вичмис «Чужан грездӧй» сьыланкывлы. Шыладсӧ гижис Сыктывкарысь Сергей Кузьмичёв, кывъяссӧ гижис Ольга Рогожникова.

Василей — 2019

Конкурсантъясӧс донъялісны вит номинацияын: «Национальнӧй эстраднӧй сьыланкыв», «Чужан му йылысь сьыланкыв», «Радейтчӧм йылысь сьыланкыв», «Шмонитана сьыланкыв», «Коми йӧзкостса сьыланкыв авторскӧя обработайтӧм». Поэт Иван Куратовлӧн чужӧмсянь 180 во тырӧмкӧд йитӧдын лӧсьӧдісны торъя номинация - «И. А. Куратовлы сиӧм сьыланкыв».

Василей — 2020

Конкурсын 4 номинацияын вермасис 10 сьыланкыв. Медводдзаысь вӧлі пыртӧма «Том йӧзлы сьыланкыв» нимпас.
Гран-при шедӧдіс «Асланым олӧм» сьыланкыв (шыладыс Александр Уляшевлӧн, кывъясыс В. Г. Лодыгинлӧн), сьыліс Кулӧмдінысь «Июль» йӧзкостса сьылан котыр.

Василей — 2021

2021 вося конкурс медводдзаысь вӧлі нуӧдӧма онлайн форматын.
Жюри вӧчис татшӧм кывкӧртӧдъяс:
• Гран-при да видзӧдысьяслӧн сьӧлӧм вылӧ воӧм приз шедӧдіс «Шондi югöрыс водз асыв чеччöдiс», шыладыс Светлана Кондратюклӧн, кывъясыс Альбина Селивановалӧн;
• I места - «Тӧв» сьыланкыв, шыладыс да кывъясыс Татьяна Паюсовалӧн, комиӧдіс Елена Ельцова, а сьыліс Карина Игнатова;
• II места - «Ижма йылысь сьылам» сьыланкыв, шыладыс Николай Филипповлӧн, кывъясыс Елена Вокуевалӧн, сьылісны Валерия да Николай Филипповъяс;
• ііі места - «Коми муöй, сьöлöмшöрöй» сьыланкыв, шыладыс Пётр Шучалинлӧн, кывъясыс Николай Тюрнинлӧн, сьылісны Наталья Траилина и Пётр Шучалин;
• «Чужан му йылысь сьыланкыв» номинацияын вермысьӧн лоис «Майлöн 9-öд лун», шыладыс Лидия Терентьевалӧн, кывъясыс Фёдор Вокуевлӧн, сьылісны Мария и Георгий Кузнецовъяс;
• Медбур «Муслун йылысь сьыланкывйӧн» лоис «Ыджыд мам», шыладыс да кывъясыс Ирина Чувьюровалӧн, сьыліс «Зӧнзӧвӧй» йӧзкостса хор да «Шуда кад» йӧзкостса хор;
• «Том йӧзлӧн сьыланкыв» номинацияын вермис «Кор усьö лым». Гижис и сьыліс Алексей Жилин;
• «Национальнӧй эстраднӧй сьыланкыв» номинацияын медбурӧн лои «Катшасин» сьыланкыв, шыладыс Алексей Гаврюшенколӧн, кывъясыс Алёна Бизиналӧн, Эльза Темниковалӧн, сьылісны Константин Фрейман да Ольга Нарицина.

Василей — 2022

2022 вося конкурсын 4 номинацияын юргис 15 сьыланкыв. Комиын паськыда тӧдса режиссёр-постановщик, Россия Федерацияса культураын нимӧдана уджалысь, Коми Республикаса нимӧдана уджалысь Виктор Напалковлӧн веськӧдлӧм улын улын жюри вӧчис татшӧм кывкӧртӧдъяс:
• Гран-при да видзӧдысьяслӧн сьӧлӧм вылӧ воӧм приз шедӧдіс «Чужан му», композитор да сьылысь Валентина Лебедева, кывъясыс Нина Обрезковалӧн (Сыктывкар);
• I места - «Арланьö» сьыланкыв, шыладыс да кывъясыс Светлана Симпелевалӧн, сьыліс Коми Республикаса нимӧдана артистка Пыстина Виктория;
• II места - «Олöм» сьыланкыв, шыладсӧ и гижис да сьыліс Коми Республикаса нимйӧза артистка Вера Булышева, кывъясыс Пётр Поповлӧн;
• ііі места - «Вöрса вöрпа» сьыланкыв, шыладыс Тимофей Боровковлӧн, кывъяссӧ гижис да сьыліс Алексей Исаков;
• «Чужан му йылысь сьыланкыв» номинацияын вермысьӧн лоис «Коми муын сьöлöм сьылö» сьыланкыв, шыладыс Александр Альхимёноклӧн, кывъясыс Ольга Рогожниковалӧн, сьыліс «Лолалöм» йӧзкостса сьыланкыв ансамбль (веськӧдлысь – Лариса Якунина);
• Медбур «Муслун йылысь сьыланкывйӧн» лоис «Шуда вой» сьыланкыв, шыладыс – Нина Тарабукина, кывъясыс Раиса Куклиналӧн, сьыліс Анна Попова;
• «Том йӧзлӧн сьыланкыв» номинацияын вермис «Ён сьöлöм» сьыланкыв, шыладыс Михаил Кукинлӧн, кывъясыс Альберт Ванеевлӧн, сьыліс «Войвыв ру» ВИА (веськӧдлысь – Михаил Кукин);
• «Шмонитана сьыланкыв» номинацияын медбурӧн лои «Василей» сьыланкыв, шыладыс и кывъясыс Геннадий Поповлӧн, сьыліс «Сипертас» коллектив (веськӧдлысь – Мария Попова).

Василей — 2023

2023 вося конкурсын 4 номинацияын юргис 14 сьыланкыв. Россия Федерацияса да Коми Республикаса искусствоын нимӧдана уджалысь Михаил Герцманлӧн юрнуӧдӧм улын жюри вӧчис татшӧм кывкӧртӧдъяс:
• Гран-при да видзӧдысьяслӧн сьӧлӧм вылӧ воӧм приз шедӧдіс «Кутшӧм мича» сьыланкыв, кывъясыс да шыладыс Александр Уляшевлӧн (Кулӧмдін район), сьылысь Виктор Уляшев (Кулӧмдін район);
• I места - «А кӧні тэ?» сьыланкыв, шыладыс да кывъясыс Алексей Жилинлӧн (Удора район), сьыліс ачыс автор;
• II места - «Тані миян чужанін» сьыланкыв, шыладыс да кывъясыс Ева Сенькиналӧн (Кулӧмдін район), сьыліс «Июль» йӧзкостса сьылан ансамбль (веськӧдлысьыс Ева Сенькина, Кулӧмдін район);
• ііі места - «Сёйӧй шаньга, юӧй сур» сьыланкыв, шыладыс Михаил Оверинлӧн (Сыктывдін район), кывъясыс Геннадий Юшковлӧн, сьылысьыс Дмитрий Мартынов да «Зарава» В. Д. Марсов нима йӧзкостса хор (юрнуӧдысьыс Дмитрий Мартынов, Сыктывдін район);
• «Чужан му йылысь сьыланкыв» номинацияын вермысьӧн лоис «Коми войвыв менам» сьыланкыв, шыладыс Василий Гущинлӧн (Кулӧмдін район), кывъясыс Ангелина Ливсонлӧн (Кӧрткерӧс район), коми кыв вылӧ вуджӧмыс Надежда Груздевалӧн (Кулӧмдін район), сьылысьыс Наталья Траилина (Сыктывкар);
• Медбур «Муслун йылысь сьыланкывйӧн» лоис «Пирӧг да шаньга» сьыланкыв, шыладыс да кывъясыс Геннадий Поповлӧн (Кӧрткерӧс район), сьыліс «Сипертас» йӧзкостса фольклор котыр (веськӧдлысьыс Мария Попова, Кӧрткерӧс район);
• «Том йӧзлӧн сьыланкыв» номинацияын вермис «Сиктса зонъяс» сьыланкыв, кывъясыс да шыладыс Ирина Чувьюровалӧн (Сыктывдін район), сьыліс «Союз» ансамбль (юрнуӧдысьыс Александр Мишарин, Кӧрткерӧс район);
• «Шмонитана сьыланкыв» номинацияын медбурӧн лои «Эк-ёк, макаръёк» сьыланкыв, шыладыс Евдокия Рочевалӧн (Сыктывкар) да Сергей Анисимовлӧн (Ухта), кывъясыс Евдокия Рочевалӧн, сьыліс «Сударушки» сьылан котыр (юрнуӧдысьыс Сергей Анисимов, Ухта).

Василей — 2024

2024 вося конкурсын 4 номинацияын юргис 14 сьыланкыв. Россия Федерацияса композиторъяс котырӧ пырысь Жанна Габова (Москва) юрнуӧдӧм улын жюри вӧчис татшӧм кывкӧртӧдъяс:
• Гран-при шедӧдіс «Тэнӧ ме ог виччысь» сьыланкыв, шыладыс Светлана Кондратюклӧн, кывъясыс Альбина Селивановалӧн, сьыліс Алёна Лодыгина;
• Видзӧдысьяслӧн сьӧлӧм вылӧ воӧм приз шедӧдіс «Тэ юӧртiн меным» сьыланкыв, шыладыс Максим Уляшевлӧн, кывъясыс Владимир Тиминлӧн, сьылысь Виктор Уляшев (Кулӧмдін район);
• I места - «Коми муын шуда оланiн» сьыланкыв, шыладыс Вероника Иляниналӧн, кывъясыс Эльза Темниковалӧн, сьыліс «Лысва войт» котыр;
• II места - «Макалика» перым-коми сьыланкыв, шыладыс Вера Паршуковалӧн, кывъясыс йӧзкостса, содтіс Валентина Попова, сьылісны В.Т. Чисталёв нима Коми Республикаса культура колледжын ӧткӧн да хорӧн йӧзкостса сьылан юкӧнса студентъяс;
• ііі места - «Дед да баб йылысь» сьыланкыв, шыладыс Ирина Любименколӧн, кывъясыс Александр Уляшевлӧн, сьыліс «Зарава» В. Д. Марсов нима йӧзкостса хор (юрнуӧдысьыс Дмитрий Мартынов, Сыктывдін район);
• «Чужан му йылысь сьыланкыв» номинацияын вермысьӧн лоис «Коми сиктӧй» сьыланкыв, шыладыс да кывъясыс Виктор Ударцевлӧн, сьыліс «Мадаяс» сьылан котыр;
• Медбур «Муслун йылысь сьыланкывйӧн» лоис «Виччыся, эн пов!» сьыланкыв, шыладыс Пётр Леоненколӧн, кывъясыс Константин Сердитовлӧн, сьыліс «Сердечко» йӧзкостса фольклор котыр (веськӧдлысьыс Пётр Леоненко);
• «Том йӧзлӧн сьыланкыв» номинацияын вермис «Муслун кӧра гожӧм» сьыланкыв, шыладыс Ева Сенькиналӧн, аранжировкаыс Михаил Наумовлӧн, кывъясыс Анна Поповалӧн, сьыліс Юлианна Чувьюрова;
• «Шмонитана сьыланкыв» номинацияын медбурӧн лои «Илля Вась» сьыланкыв, авторыс Мария Парначёва, сьыліс «Рябинушка» сьылан котыр;
• «Йӧзкостса сьыланкыв авторскӧя обработайтӧм» номинацияын медбурӧн лои «Удорская плясовая» сьыланкыв, аранжировкаыс Михаил Наумовлӧн, сьыліс Владимир Трошев.

Видеоыс тані: Ас му вылын. Республиканский фестиваль современной коми песни «Василей-2024».

Василей — 2025

2025 вося конкурсын 4 номинацияын юргис 14 сьыланкыв. Россия Федерацияса нимӧдана артист Александр Титаренко юрнуӧдӧм улын жюри вӧчис татшӧм кывкӧртӧдъяс:
• Гран-при шедӧдіс «Катшасинъяс» сьыланкыв, шыладыс да кывъясыс Ирина Чувьюровалӧн, сьыліс Коми Республикаса нимйӧза артистка Вера Булышева да «Зöнзöвöй» сьылан котыр;
• Видзӧдысьяслӧн сьӧлӧм вылӧ воӧм приз шедӧдіс «Кулöмдiнса коми ань» сьыланкыв, шыладыс Максим Уляшевлӧн, кывъясыс Владимир Тиминлӧн, сьыліс Виктор Уляшев;
• I места - «Сиктöй менам» сьыланкыв, шыладыс Антон Куратовлӧн, кывъясыс Альберт Ванеевлӧн, сьыліс Коми Республикаса вужвойтырлӧн шылада-драмаа театрса «Komi.Folk» инструментальнӧй ансамбль, солист Антон Куратов;
• II места - «Кулöмдiнса коми ань» сьыланкыв, шыладыс Максим Уляшевлӧн, кывъясыс Владимир Тиминлӧн, сьыліс Виктор Уляшев;
• ііі места - «Муса грездöй» сьыланкыв, шыладыс Константин Каневлӧн, кывъясыс Андрей Терентьевлӧн, сьыліс Надежда Агулова;
• «Чужан му йылысь сьыланкыв» номинацияын вермысьӧн лоис «Муса сикт» сьыланкыв, кывъясыс Елена Касевалон, шыладыс Алексей Генлӧн, сьыліс «Зыряночка» сьылан котыр;
• Медбур «Муслун йылысь сьыланкывйӧн» лоис «Сöстöм ва» сьыланкыв, кывъясыс Константин Сердитовлӧн, шыладыс Пётр Леоненколӧн, сьыліс «Сердечко» ансамбль;
• «Том йӧзлӧн сьыланкыв» номинацияын вермис «Войыс сэтшöм мича» сьыланкыв, кывъясыс Александр Уляшевлӧн, шыладыс Алена Митиналӧн, сьыліс Алена Митина;
• «Шмонитана сьыланкыв» номинацияын медбурӧн лои «Анькытш» сьыланкыв, кывъясыс Александр Некрасовлӧн, шыладыс Татьяна Паюсовалӧн, сьыліс «Шудлун» ансамбль.

Видеоыс тані:"Василей-2025" - Прямая трансляция.

ӧшмӧсъяс

• Конкурс самодеятельных авторов и композиторов современной коми песни "Василей"
• В Усть-Куломе завершился традиционный праздник соврменной коми песни «ВАСИЛЕЙ 2012»
• 13 января 2013 года в Театре оперы и балета Республики Коми состоится 20-летний юбилей ежегодного Республиканского фестиваля современной коми песни «Василей»
• Республиканский конкурс современной коми песни «Василей» / сост.: О. П. Третьякова, Е. А. Филиппова. - Сыктывкар : ГУ РК «Региональный ресурсный центр культуры», 2006. - 66 л. б.
• Василей: Сборник песен коми самодеятельных композиторов / Мин.культуры РК; ГЦНТ РК. - Сыктывкар, 2002. - 133 с.
• 30 лет фестивалю коми песни «Василей» : [альбом] / Министерство культуры, туризма и архивного дела Республики Коми, Государственное автономное учреждение Республики Коми «Центр народного творчества и повышения квалификации», Управление культуры и национальной политики администрации муниципального района «Усть-Куломский», Муниципальное бюджетное учреждение культуры «Усть-Куломский Районный Дом культуры» ; ответственный редактор: Голайдо А. В. ; редакционная коллегия: Гущин В. Я. [и др.]. - Сыктывкар : Коми республиканская типография, 2022. - 120 с. : ил., цв. ил., фот., портр.

Ыстӧгъяс