Шмонитан лун

Босьтӧма Рувикиысь
Шмонитан лун
Копенгагенын метро стрӧитӧмлы сиӧм шмонь, 2001 во
Копенгагенын метро стрӧитӧмлы сиӧм шмонь, 2001 во
Вежӧртас Юмор
Пасйӧны косму тӧлысь 1 лун
Кутшӧм кадсянь XVI нэмсянь
Кадпас косму тӧлысь 1 лун
Празднуйтӧм Европаын да вӧвлӧм СССР канмуясын
Логотип РУВИКИ.Медиа Медиафайлы на РУВИКИ.Медиа

Шмонитан лун (рочӧн День смеха, April Fools' Day «Йӧй лун»[1] (Ыджыд Британия), Pesce d’ Aprile «Косму тӧлысся чери» (Италия)[2], Jour de Poisson d’avril «Косму тӧлысся чери лун» (Франция)[3], El Día de los Santos Inocentes «Мыжтӧм вежаяслӧн лун» (Испания)[4], April Gowk Day «Кӧклӧн лун» (Шотландия)[5] — войтыркостса гаж, пасйӧны уна странаын косму тӧлысь 1 лунӧ. Тайӧ лунӧ шмонитӧны, бур нога вильшасьӧны тӧдсаяс да уджъёртъяс вылын[6].

Хаджеттепе университетса (турок Hacettepe Üniversitesi, Турция) сестринскӧй делӧ факультетса общественнӧй дзоньвидзалун видзысь медсестраяс кафедраса учёнӧйяс да Роспотребнадзорлӧн эпидемиология ЦНИИ-ысь CMD молекулярнӧй диагностика шӧринса экспертъяс петкӧдлӧмаӧсь, мый серам бура тӧдчӧ мортлӧн дзоньвидзалун вылӧ[7][8].

История

[вежны | Вежны кодировкаын]

Тайӧ гажлысь артмӧмсӧ гӧгӧрвоӧдӧны уна ногӧн. Пырджык Европаса уна канму (Франция, Италия, Ыджыд Британия да мукӧд) йитӧны Шмонитан лунлысь чужӧмсӧ асланыс культуракӧд[9].

Рытыввыв Европаын Шӧр нэмъясӧ Выль восӧ пасйылісны рака тӧлысь помын. Гаж вежоныс помасис косму тӧлысь 1 лунӧ. Выль вокӧд йитӧдын котыртлісны серамбана гуляйтӧмъяс[10]. XVI нэм шӧрын (1564 во) Карл IX король вежис Францияын календар (юлиан календарсянь вуджисны григорий календарӧ), та вӧсна Выль во кутіс усьны тӧвшӧр тӧлысь 1 лунӧ[11].

Ирландияын олысьяс лыддьӧны, мый Шмонитан лун лоис важ кельтъяс дырйи, а став шмоньсӧ да розыгрышъяссӧ вӧлі сиӧма серам енлы[6][10]. Исландияын тайӧ гажыслӧн историяыс йитчӧма енъяскӧд (косму тӧлысь 1 лун — Скадея (Скади), Тиасс енлӧн (Тьяцци) нывлӧн паметь лун)[11].

Индияын олысьяс лыддьӧны, мый Шмонитан лунлы подулӧн лоӧ Холи[ru] фестиваль (тулыслӧн, радлунлӧн гаж). Ӧнія итальянечьяс эскӧдӧны, мый Шмонитан лун пасйӧмлӧн традицияыс чужӧма Италияын. Важ Римын тӧв помын пасйылісны Йӧйяслысь гаж (календар реформа бӧрын сійӧ вуджис косму тӧлысь 1 лунӧ)[10][12].

Фольклорист, философ, культура туялысь М. Шахнович эскӧдӧ, мый Шмонитан лун йитчӧма тӧв колльӧдан обычайкӧд, важ римса серам енлы (греч. мифология — Гелос). Римса империя киссьӧм бӧрын Европаын паськаліс серам енлы сиӧм гаж[13].

Пасъян традицияяс

[вежны | Вежны кодировкаын]

Шмонитан лунсӧ унджык странаын пасйӧны асланыс традицияяс серти[9][6]. Шуам, Выль Зеландияын, Ыджыд Британияын, Австралияын да мукӧдлаын Шмонитан лунсӧ пасйӧны сӧмын лун шӧрӧдз, а найӧс, кодъяс шмонитӧны лун шӧр бӧрас, шуӧны «косму тӧлысся йӧйясӧн»[6]. Шотландияын тайӧ лунсӧ шуӧны «Кӧклӧн лунӧн» да пасйӧны 2 лун помся[5], а Германияын косму тӧлысь 1 лунсӧ лыддьылісны шудтӧм лунӧн.

Италия[вежны | Вежны кодировкаын]

Шмонитан лунсӧ Италияын шуӧны Pesce d’ Aprile — «Косму тӧлысся чери»[2]. Тайӧ лунӧ итальянечьяс мышканыс лемалӧны ас киӧн серпасалӧм тешкодь кабала чери. Сідзкӧ, косму тӧлысь 1 лунся символӧн Италияын лоӧ чери. Гаж водзвылын странаса вузасянінъясын заводитӧны вузавны шоколадысь вӧчӧм чери фигураяс[14]. Эм некымын версия тайӧ традицияыслӧн артмӧм йылысь. Медшӧръясысь ӧтиыс йитчӧма юлиан календарсянь григорий календар вылӧ вуджӧмкӧд, мый вӧсна Выль во пасйӧмсӧ вуджӧдісны косму тӧлысь 1 лунсянь тӧвшӧр тӧлысь 1 лунӧ. Та вылӧ видзӧдтӧг, йӧзыс шмонитӧмӧн пасйылісны гажсӧ кыкысь[2]. Тайӧ кадӧ шондіыс вӧлі Чери чукӧра кодзулын, таысь и лоис гаж нимыс[15].

Испания[вежны | Вежны кодировкаын]

Испанияын традиционнӧя пасйӧны тайӧ войтыркостса гажсӧ оз косму тӧлысь 1 лунӧ, а ӧшым тӧлысь 28-ӧд лунӧ[6]. Сійӧ шусьӧ «Мыжтӧм вежаяслӧн лун» (el Día de los Santos Inocentes).Гажыслӧн вужъясыс локтӧны ылі Библия кадсянь да йитчӧмаӧсь кагаясӧс виӧмкӧд. 2 сюрс во сайын Иудеяса сар Ирӧд тшӧктӧма вины Вифлеем карын 2 арӧсысь ичӧтджык став кагасӧ[4]. Мӧд версия серти, шмонитан лун пасйӧмлӧн традицияыс чужлӧма ХVI нэмын, кор Выль во водзвылын испанечьяс сетлӧмаӧсь милӧстина гӧль да йӧймӧм «гректӧм ен йӧзлы». Гажлӧн символӧн лои кабалаысь вундалӧм морт фигура (colgar un monigote de la espalda). Тайӧ лунӧ испанечьяс тӧдлытӧг лемалӧны сійӧс рӧдвужыслы, ёртъясыслы да тӧдсаясыслы мышканыс[16].

Индия[вежны | Вежны кодировкаын]

Индусъяс эскӧны, мый Шмонитан гаж чужис важӧн буретш Индияын. Сійӧс ӧткодялӧны ӧнія индияса Холи фестивалькӧд (Holi Festival) — тулыс, дзоридзалӧм да нимкодясьӧм гажкӧд. Холи фестивальсӧ нуӧдӧны оз ӧти стӧч кадпасӧ. Гажыс мунӧ тыр тӧлысьлӧн бӧръя лунӧ, пхалгун тӧлысьын (урасьӧм тӧлысь-рака тӧлысь), водз тулысын да помасьӧ чайтра тӧлысьлӧн медводдза лунӧ (рака тӧлысь-косму тӧлысь)[10][17]. Тайӧ лунӧ Индияын шмонитӧны ӧта-мӧд вылын, шыбласьӧны быдсикас татчӧс специяясӧн, мавтӧны уна рӧма краскаясӧн чужӧм да паськӧм, купайтчӧны вежа Ганг юын[5].

Ыджыд Британия[вежны | Вежны кодировкаын]

Англияын да Войвыв Ирландияын Шмонитан лун пасйӧны сӧмын лун шӧрӧдз, а найӧс, кодъяс шмонитӧны тайӧ кад бӧрас, шуӧны «косму толысся йӧйясӧн»[6]. Ыджыд Британияын лыддьӧны, мый ӧбед бӧрын кӧ кодӧскӧ ылӧдлан — шудтӧ воштан, сідзкӧ, шмонитны да вӧчны розыгрышъяс позьӧ сӧмын лун шӧрӧдз[11]. Шотландияын косму тӧлысь 1 лун — April Gowk Day «Кӧклӧн лун». Тайӧ гажсӧ пасйӧны кык лун[5]. Мӧд луныс шусьӧ Taily Day «Бӧж лунӧн»[11]. Шотландияса олысьяс пукталӧны ӧта-мӧдныслы улӧс вылӧ торъя резина мешӧкъяс, на вылӧ пуксигӧн кылӧны мисьтӧм шыяс. «Бӧж лунлӧн» девизыс — шмонитана кывтэчас: «Чужйы менӧ».

Британечьяс шмонитісны и Медводдза мирӧвӧй война дырйи. 1915 вося косму тӧлысь 1 лунӧ Великобританияса ВВС-лӧн самолёт шыбитіс бомба немечьяслӧн лагер вылӧ. Немечьяс уськӧдчисны разӧдчыны, но взрыв эз ло. Бомба вылас вӧлі гижӧма «Косму тӧлысь 1 лунӧн!»[18].

Косму тӧлысь 1 лунӧ йӧзӧдӧны шмонитана юӧръяс и англияса газетъясын. Сідз, 1957 воын Би-би-си йӧзӧдіс Швейцарияын макаронлысь вӧвлытӧм урожай йылысь репортаж. Тайӧ воясас спагетти вӧлі Великобританияса олысьяслы экзотическӧй сёянӧн, мый вӧсна кыптіс вӧвлытӧм ажиотаж[19].

Германия[вежны | Вежны кодировкаын]

Историкъяслӧн висьталӧм серти, косму тӧлысь 1 лунӧ чужлӧма Иуда Искариот, та вӧсна шӧр нэмъясӧ Германияын олысьяс лыддьылісны тайӧ лунсӧ шудтӧмӧн[6]. Тайӧ каднас сиктъясын эз уджавны, эз панлыны выль уджъяс, эз лэдзлыны скӧтӧс картаысь. Верстьӧяс да челядь ылӧдлісны ӧта-мӧднысӧ, ыстылісны пӧртны олӧмӧ збыльмӧдны позьтӧм тшӧктӧмъяс. Ӧнія кадӧ татшӧм эскӧмыс пӧшти абу нин, та вӧсна Шмонитан лунсӧ немечьяс лыддьӧны гажлун, радлун да шмонитӧм войтыркостса гажӧн[20].

Франция[вежны | Вежны кодировкаын]

Францияын, кыдз и Италияын, косму тӧлысь 1 апреля — «Косму тӧлысся черилӧн лун» (Jour de Poisson d’avril)[3]. Найӧ сідзжӧ клеитӧны ёртъяслӧн мышъясӧ кабалаысь вӧчӧм чериясӧс. 1444 вося петицияын гижӧма:

«Подобная разрядка необходима, поскольку безумие, составляющее наше второе я, и, судя по всему, извечно присущее человеку, благодаря этому может прорываться наружу… Бочки с вином взрываются, если время от времени не вынимать затычку. А мы, люди, — плохо сколоченные бочки, которые вино мудрости разорвало бы, если бы оставалось в постоянном брожении под воздействием набожности и страха перед Господом. Поэтому в определенные дни мы позволяем себе безумства, чтобы потом с еще большим усердием вернуться к служению Господу».[21]

Францияса газет-журнал зіля пырӧдчӧны гаж пасйӧмӧ. Сідз, 1986 воын Le Parisien газет юӧртіс лыддьысьысьяслы Эйфель башня регыд кадӧ разьӧм йылысь. Шмоньсӧ гӧгӧрвоисны веськыда: редакцияӧ гижис уна скӧрмӧм йӧз[19].

Россия[вежны | Вежны кодировкаын]

Косму тӧлысь 1 лун пасъян традицияыс Россияын йитчӧма язычествокӧд[22]. Тайӧ лунӧ пасйылісны Олысялысь садьмӧмсӧ, коді, кыдзи лыддьылісны, тӧвнас узис[10]. Йӧз шмонитісны, гажӧдчисны, сералісны, ылӧдлісны садьмӧм Олысяӧс[11]. Россияын медводдза розыгрыш, мый йылысь эм документ, вӧлі 1703 воын Москваын. Глашатаяс ветлӧдлісны уличаяс кузя да корисны ставнысӧ локны немеч театральнӧй труппалӧн представление вылӧ. Кор воссис занавес, ставӧн аддзисны сцена вылысь дӧра, кытчӧ вӧлі гижӧма: «Первый апрель — никому не верь!» (историк И. Голиковлӧн юӧртӧм серти, «Апреля первое число, а тем всё дело кончено, и завеса опущена»)[23]. Фольклорист, философ, культуралӧн историк М. Шахнович тшӧтш гижӧ 1700 вося татшӧм сяма ылӧдлӧмъяс йылысь. ХVIII нэм помсянь уна роч гижысь да поэт гижисны косму тӧлысь 1 лунӧ розыгрышъяс йылысь. 1774 воын Екатерина II Г. Потёмкинлы ӧти запискаын гижліс[24]:

«Ныне вить не апрель первое число, что прислать бумагу и в ней написать ничего. Знатно сие есть следствие Вашего сновидения, чтоб лишней ласкою не избаловать. Но как я лукавству худо выучилась, то статься может, что иногда и я не догадываюсь, что безмолствие значит».

А. Пушкин гижис А. Дельвиглы (1825 во)[25]:

Брови царь нахмуря,
Говорил: «Вчера
повалила буря
Памятник Петра».
Тот перепугался:
«Я не знал!.. Ужель?» -
Царь расхохотался:
«Первый, брат, апрель!»

Тайӧ лунӧ россияса газет-журналъясын гижӧны шмонитӧмъяс. Шуам, 1988 воын «Известия» газетын вӧлі гижӧма, мый аргентинаса нималана футболист Д. Марадона кутас ворсны «Спартак» командаын[19]. Шмонитӧмсӧ бара жӧ гӧгӧрвоисны кыдзи збыльтор. 2000 восянь ӧтуввезйын тайӧ лунӧ вӧдитчӧны важ роч орфографияӧн[19][23].

Пасйӧдъяс

[вежны | Вежны кодировкаын]
  1. ↑ Праздники в Великобритании. SkyEng (31 йирым тӧлысь 2022). Шыӧдчан кадпас: 23 моз тӧлысь 2023.
  2. ↑ 1 2 3 1 апреля в Италии. Rome with love (14 моз тӧлысь 2022). Шыӧдчан кадпас: 23 моз тӧлысь 2023.
  3. ↑ 1 2 День смеха во Франции. Путеводитель по Парижу (4 йирым тӧлысь 2019). Шыӧдчан кадпас: 23 моз тӧлысь 2023.
  4. ↑ 1 2 28 декабря – День дурака по-испански. Ilovevalencia (19 ӧшым тӧлысь 2021). Шыӧдчан кадпас: 30 моз тӧлысь 2023.
  5. ↑ 1 2 3 4 День смеха: история и традиции праздника. РИА Новости (1 рака тӧлысь 2020). Шыӧдчан кадпас: 30 моз тӧлысь 2023.
  6. ↑ 1 2 3 4 5 6 7 Bland A. The Big Question: How did the April Fool's Day tradition begin, and what are the best tricks? The Independent (1 косму тӧлысь 2009). Шыӧдчан кадпас: 30 моз тӧлысь 2023.
  7. ↑ Нилгюн К. А., Донмез А. А. Систематический обзор влияния йоги смеха на физические функции и психосоциальные результаты у пожилых людей // Дополнительные методы лечения в клинической практике. — 2020. — Т. 41.
  8. ↑ Глинка К. Смейтесь на здоровье! Источник: https://www.cmd-online.ru. Центр молекулярной диагностики (CMD) (5 косму тӧлысь 2021). Шыӧдчан кадпас: 30 моз тӧлысь 2023.
  9. ↑ 1 2 Гудкова Е. Когда в России начали отмечать День смеха? История праздника. Культура. РФ. Шыӧдчан кадпас: 30 моз тӧлысь 2023.
  10. ↑ 1 2 3 4 5 1 апреля в России: какого числа празднуется День смеха. Комсомольская Правда. Шыӧдчан кадпас: 30 моз тӧлысь 2023. Архивируйтӧма 22 рака тӧлысь 2022.
  11. ↑ 1 2 3 4 5 День смеха: история и традиции праздника. РИА Новости (1 косму тӧлысь 2013). Шыӧдчан кадпас: 30 моз тӧлысь 2023. Архивируйтӧма 13 кӧч тӧлысь 2021.
  12. ↑ 1 апреля - День смеха. ТАСС (1 косму тӧлысь 2012). Шыӧдчан кадпас: 30 моз тӧлысь 2023.
  13. ↑ Лещинская В. В. Праздники для старшеклассников. — М.: Аделант, 2009. — С. 132. — 544 с.
  14. ↑ Праздники Италии. Итальянский перекресток (24 рака тӧлысь 2013). Шыӧдчан кадпас: 23 моз тӧлысь 2023.
  15. ↑ Праздник "Апрельской рыбки". Intergid.ru. Шыӧдчан кадпас: 23 моз тӧлысь 2023.
  16. ↑ День святых простаков в Испании. ProEspañol (24 ӧшым тӧлысь 2021). Шыӧдчан кадпас: 30 моз тӧлысь 2023.
  17. ↑ Филлипова М. Праздники Индии. Холи. Туроператор «Кайлаш» (28 рака тӧлысь 2017). Шыӧдчан кадпас: 30 моз тӧлысь 2023.
  18. ↑ Top 100 April Fool's Day Hoaxes of All Time (англ.). Museum of Hoaxes. Шыӧдчан кадпас: 23 моз тӧлысь 2023. Архивируйтӧма 20 моз тӧлысь 2020.
  19. ↑ 1 2 3 4 Самые резонансные первоапрельские розыгрыши СМИ. ТАСС (1 косму тӧлысь 2019). Шыӧдчан кадпас: 30 моз тӧлысь 2023.
  20. ↑ Хаметшина Н. 1 Апреля в Германии: как шутят немцы. Deutsch Online (30 рака тӧлысь 2023). Шыӧдчан кадпас: 30 моз тӧлысь 2023.
  21. ↑ Ковалев В. А. Игра на престоле: ритуалы власти в Средние века и современная культура // Vox medii aevi. — 2018. — № 1. — doi:10.24411/2587-6619-2018-00001.
  22. ↑ День смеха. РИА Новости (1 косму тӧлысь 2020). Шыӧдчан кадпас: 30 моз тӧлысь 2023.
  23. ↑ 1 2 Дню смеха 300 лет. Вечерняя Москва (1 косму тӧлысь 2003). Шыӧдчан кадпас: 30 моз тӧлысь 2023. Архивируйтӧма 25 ода-кора тӧлысь 2022.
  24. ↑ Екатерина II и Г. А. Потёмкин. Личная переписка 1769—1791. — М.: Наука, 1997. — № 390.
  25. ↑ А.С. Пушкин. Письма. Дельвигу А. А. Русская Виртуальная Библиотека. Шыӧдчан кадпас: 30 моз тӧлысь 2023.

Литература

[вежны | Вежны кодировкаын]
  • Иванова Т. А. «Апреля в первый день обман...» // Избранные труды / Под ред С. А. Авериной. — СПб.: Филологический факультет СПбГУ, 2004. — С. 261—266. — 324 с. — ISBN 5-8465-0125-7.
  • Шахнович М. И. Приметы верные и суеверные. Атеистические очерки народного знания и бытового суеверия. — Л.: Лениздат, 1984. — 190 с.
  • Юдин В. Н. Дни величальные : страницы народного христианского календаря. — Саратов: Приволжское книжное издательство, 1992. — 320 с.

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Шмонитан_лун&oldid=322776"-ысь