Выль во
Выль во | |
---|---|
![]() Выльвося коз | |
Вежӧртас | Выль олӧм кадколаст заводитчӧм |
Пасйӧны | Григорий календарӧн вӧдитчысь странаясын |
Кадпас | Григорий календар серти волӧн медводдза лун (тӧвшӧр тӧлысь 1 лун) |
Празднуйтӧм | Фейерверкъяс, гажӧдчӧмъяс |
Йитчӧма | Рӧштво, Важ Выль во |
![]() |
Выль во — календар серти медшӧр гаж, мый овлӧ волӧн бӧръя лунсянь локтан волӧн медводдза лунӧ вуджигӧн[1]. Пасйӧны уна войтыр примитӧм календар серти.
Во заводитчӧмсӧ тӧвшӧр тӧлысь 1 лунсянь индіс Римса император Юлий Цезар миян эраӧдз 46 воын[2]. Важъя Римын тайӧ лунсӧ вӧлі сиӧма Януслы — бӧрйӧмъяс, ӧдзӧсъяс да быдтор заводитӧмъяс енлы. Январ нимсӧ сетӧма Янус ен серти, кодӧс петкӧдлӧны кык чужӧмаӧн: ӧтиыс видзӧдӧ водзӧ, а мӧдыс - бӧрӧ[3].
История
Ӧнія комияс Выль во пасйӧны григорий календар серти тӧвшӧр тӧлысь 1 лунӧ.
Водзынсӧ мирын олысь войтырлӧн Выль во пансьылӧма тулысын либӧ арын, а та вылӧ тӧдчӧма тӧлысь либӧ шонді серти оласног. Миян нэмӧдз 45-ӧд воын римса император Юлий Цезарь вуджӧдӧма Выль восӧ тӧвшӧр тӧлысь 1 лунӧ.
Важ Рочмуын во заводитчӧмсӧ пасйӧмаӧсь рака тӧлысьын, кор тулыс вайӧ аскӧдыс шонді, шоныд да бур урожай вылӧ лача.
Кор Русь 10 нэм помын пыртчис Кристос эскӧмӧ, Выль во пондісны пасйыны византияса календар серти арнас — кӧч тӧлысь 1 лунсянь.
1699 воын Пётр I сетӧ индӧд выльвоасьны Европаса странаясын моз тӧвшӧр тӧлысь 1 лунӧ. Россияын кӧ сэки виччысисны нин мир артмӧмсянь 7207 во, то Европаын 1699 во Иисус Кристос чужӧмсянь.
Сідзжӧ император тшӧктӧ мичмӧдны керкаяссӧ пожӧм да коз увъясӧн, чолӧмавны да козьнавны рӧдвужсӧ да тӧдсаяссӧ, гажӧдчыны войшӧр каднас бипур гӧгӧр.
Кристос эскӧмӧ пырттӧдз комияс олісны вӧралан календар серти, кӧні тӧдчӧдӧма, кутшӧм кадӧ позьӧ кыйны-вийны дона куа вӧрса пемӧсъясӧс. Тайӧ календарыс важӧн петіс олӧмысь, и ӧні комияс, кыдзи и мукӧд войтыр, пасйӧны Выль восӧ тӧвшӧр тӧлысь медводдза лунӧ.
Пасйӧм
Выль во паныдалӧм йитчӧма выльвося коз дорын гажӧдчӧмкӧд, Кӧдзыд Пӧлькӧд, Лымнывкӧд, козинъяскӧд да семьяӧн выльвося вой гажаа коллялӧмкӧд.
Школаясын, челядь садъясын мунӧны выльвося утренникъяс, кӧні посни ныв-зон лыддьӧны Кӧдзыд Пӧльлы кывбуръяс да нимӧдӧны сійӧс[4].
Выль во водзын канмуса да регионса веськӧдлысьяс шыӧдчӧны йӧз дорӧ кыпыд чолӧмалӧмӧн[5][6].
Пиротехника[вежны | Вежны кодировкаын]
Выль во пасйигӧн ёна вӧдитчӧны быдсикас пиротехническӧй вӧчӧмторъясӧн: хлопушкаясӧн, бенгальскӧй биясӧн да, бӧръя дас вонас, — салютъясӧн, ракетаясӧн, римса сисьясӧн, гырысь и посни петардаясӧн да мукӧдӧн.
Выль во пасйигӧн пиротехникаӧн заводитӧмаӧсь вӧдитчыны Азияса странаясын, медводз Китайын, сы вӧсна мый чайтӧмаӧсь, мый порок взрывъясысь артмӧм гора шум да яръюгыд би отсалӧ вӧтлыны пеж ловъяссӧ. Бӧрынджык тайӧ традицияыс паськаліс став мир пасьта.
Уна сикас странаын медся тӧдса традицияӧн лоӧ Китайса Выль во кежлӧ фейерверкъяс ӧзтӧм, а сідзжӧ выль вося медводдза лун чӧж петардаяс взрывайтӧм. Та дырйи ачыс пороксӧ, петардаяссӧ да фейерверкъяссӧ вӧлі вӧчӧма абу нин сэтшӧм важӧн, но Выль во вочаалігӧн шум да гам лӧсьӧдан традициялы сетӧны сюрс вося история. Подулас куйлӧ легенда сы йылысь, мый Выль во водзвылын разнӧй местаясысь вӧтлӧм пеж ловъяс корсьӧны аслыныс выль оланін, а кор аддзӧны лӧсялана ин, овмӧдчӧны сэтчӧ да локтан во чӧж вӧчӧны кӧзяевалы быдсяма лёксӧ. Выль во паныдалігӧн шумыс вӧтлӧ гортсьыд лёксӧ.
Ӧні мирса уна юркар либӧ весиг торъя канмуяс видзӧны Выль во паныдалігӧн пиротехника вылӧ уна миллион доллар.
Важ Выль во
Важ Выль во — юлиан календар серти Выль вося гаж. 1901 восянь 2100 воӧдз григорий да юлиан календаръяс костын торъялӧмыс лоӧ 13 лун да юлиан календар серти Выль воыс усьӧ ӧшым тӧлысь 31-ӧд лун (тӧвшӧр тӧлысь 13-ӧд лун) да тӧвшӧр тӧлысь 1 лун (тӧвшӧр тӧлысь 14-ӧд лун) войӧ. Пасйӧны Россияын, Беларусьын, Украинаын, Казахстанын, Грузияын, Арменияын, Азербайджанын, Сербияын, Швейцарияын да мукӧд странаын.
Ӧшмӧс
Ыстӧгъяс
- ↑ Новый год : [арх. 8 ӧшым тӧлысь 2022] / Е. С. // Николай Кузанский — Океан. — М. : Большая российская энциклопедия, 2013. — С. 246. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 23). — ISBN 978-5-85270-360-6.
- ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 288—289. — 478 с. — 105 000 экз. — ISBN 5-02-014354-5.
- ↑ The World Book Encyclopedia. 1984. Т. 14. С. 237.
- ↑ Маршаковка подготовила для читателей подборку новогодних стихов на коми и русском языках
- ↑ Новогоднее обращение к гражданам России
- ↑ Новогоднее видеопоздравление Главы Республики Коми Владимира Уйба