Ыджыд Инта
| Ыджыд Инта | |
|---|---|
 | |
| Характеристика | |
| Кузьта | 105 км |
| Бассейн | 1180 км² |
| Ва визлас | |
| Ю йыв | |
| • Ин | Вой кытшбердса Урал |
| • Джуджда[?] | 400 гӧгӧр м |
| • География координатаяс | 65°43′02″ с. ш. 60°43′33″ в. д.GЯO |
| Ю вом | Косью |
| • Ин | 38 км ю вомсянь |
| • Джуджда | 45,8 м |
| • География координатаяс | 66°06′08″ с. ш. 59°51′35″ в. д.GЯO |
| Ю пӧкат | 3,4 м/км |
| Ин | |
| Ва система | Косью → Усва → Печӧра → Баренц саридз |
|
|
|
| Страна | |
| Регион | Коми Республика |
| Район | Инта муниципальнӧй кытш |
| Канму ва реестрын код | 03050200112103000069832[1] |
| Географическӧй нимъяслӧн канму каталогын номер | 0167898 |
|
|
|
 — исток,  — устье |
|
Ыджыд Инта (рочӧн Большая Инта)[2][3] — Коми Республикаын ю, Косьюлӧн веськыд вож (Усва юлӧн ковтыс).
Юлӧн кузьтаыс — 105 км, ковтыс ыдждаыс — 1180 км²[4].
Этимология
Ним подулас, тыдалӧ, куйлӧ и(д) ненеч кывйысь апеллятив «ва» да -та суффикс «озырлун, эмлун» вежӧртаса, артмӧ «ваӧн озыр ин», «уна ваа», «вывті васӧд ин»[5][6].
География
Заводитчӧ Вой кытшбердса Урал гӧра кокадъясын Пясяда тундраын[7]. Ю йылас визувтӧ асыв-войвывлань, водзӧ визувтӧ рытыв-войвылӧ. Улыс юкӧнас визувтӧ нюрсялӧм увтасӧд — визулыс тані чукыльӧсь, сэні уна ваэ ю сёртас. Берегъясас сулалӧ Инта кар да Юсьтыдор посёлок[8]. Усьӧ Косьюӧ веськыд берегтіыс[9] 38 км сылӧн ю вомсянь да 13 км карсянь рытыв-войвывлань.
Ковтыслӧн ыджыд юкӧныс вевттьысьӧма пармаӧн.
Шӧр визулас юсӧ вомӧналӧ «Котлас-Воркута» кӧрт туй.
Вожъяс
Ю усьӧ 61 вож[3].
(ю вомсянь, скобкаясын индӧма юыслысь кузьтасӧ)
- 16 км шуйга: Чёрнӧй (34)
- 26 км шуйга: Угольнӧй (26)
- 38 км веськыд: Нюр (13)
- 52 км веськыд: Анкудин-Ёль (40)
- 68 км веськыд: Медвежка (27)
- 72 км шуйга: Тангабцешор (Миссурица) (22)
- 87 км веськыд: нимтӧм (10)
Мортлӧн тӧдчӧм
Эм плӧтина (автотуйӧн вуджанінӧн) Инта карын, карсянь асыввылӧ 6 км ылнаын воргасӧ потшӧма ва босьтанінӧн. Юысь вана вӧдитчӧны тшӧтш Интаса ТЭЦ-лӧн могъяс вылӧ.
Ю кывтыдсӧ ёна няйтчӧдӧ карысь лэччӧм ва, аслас ваыс оз тырмы, медым сӧстӧммӧдны карысь кисьтӧм васӧ[10].
Ва реестрысь мыччӧдъяс
Россияса канму ва реестр серти пырӧ Двина-Печӧраса ковтыс кытшӧ, ва овмӧс участок — Усва, ю ковтыс — Печӧра, ю ковтысув — Усва[4].
Ва объект код — 03050200112103000069832[4].
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Топонимический словарь Республики Коми // Инта́. dutum.ru. Архивируйтӧма оригинала 14 косму тӧлысь 2014 года.
- ↑ 1 2 Братцев А. Большая Инта // Республика Коми. Энциклопедия Т. 1. — Сыктывкар: Коми книжное издательство, 1997. — С. 267. — 472 с. — ISBN 5-7555-0617-5.
- ↑ 1 2 3 Б. Инта : [рус.] / textual.ru // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996., РТА ИЮ Коми туялан шӧринса КЛИИ-ын кыв юкӧд. Шыӧдчан кадпас: 4 рака тӧлысь 2025.
- ↑ Поспелов, 2008, с. 205.
- ↑ Лист карты Q-41-73,74 Верхняя Инта. Масштаб: 1 : 100 000. Состояние местности на 1988 год. Издание 1994 г.
- ↑ Лист карты Q-41-61,62 Инта. Масштаб: 1 : 100 000. Состояние местности на 1975 год. Издание 1982 г.
- ↑ Лист карты Q-40-71,72 Косьювом. Масштаб: 1 : 100 000. Издание 1982 г.
- ↑ Бутнякова Н.В., Бугоркова В.А. Качественный состав и особенности природных вод в Республике Коми. УхтГТУ. Шыӧдчан кадпас: 21 ӧшым тӧлысь 2018. Архивируйтӧма 22 ӧшым тӧлысь 2018.