Косью
| Косью | |
|---|---|
 Печӧра юлӧн ковтыс | |
| Характеристика | |
| Кузьта | 259 км |
| Бассейн | 14 800 км² |
| Ва рӧскод | 120 м³/с (45 км ю вомсянь) |
| Ва визлас | |
| Ю йыв | |
| • Ин | Вой кытшбердса Урал |
| • Джуджда | 785,9 м |
| • География координатаяс | 64°59′48″ с. ш. 60°00′45″ в. д.GЯO |
| Ю вом | Усва |
| • Ин | 206 км шуйга вадортіыс |
| • Джуджда | 43 м |
| • География координатаяс | 66°17′57″ с. ш. 59°52′37″ в. д.GЯO |
| Ин | |
| Ва система | Усва → Печӧра → Баренц саридз |
|
|
|
| Страна | |
| Регион | Коми Республика |
| Канму ва реестрын код | 03050200112103000068637[1] |
| Географическӧй нимъяслӧн канму каталогын номер | 0168143 |
|
|
|
 — исток,  — устье |
|
Косью[2] — Коми Республикаын (Инта муниципальнӧй кытшын) ю, Усва юлӧн шуйга вож (Печӧра юлӧн ковтыс).
Этимология
Нимыс артмӧма коми кывйысь кось ю «изъя борган ю»[3]. Тадзи жӧ артмӧма Косьва ю ним.
География
Кузьтаыс — 259 км, ковтыс — 14 800 км²[4]. Ваыс содӧ лым да зэр тшӧт весьтӧ. Ю вомсяньыс 45 км ылнаын валӧн шӧркодь рӧскодыс — 120 м³/с. Кынмӧ йирым тӧлысь помын — вӧльгым тӧлысь заводитчигӧн, воссьӧ ода-кора тӧлысьын.
Медыджыд вожъясыс — Вангыр, Ыджыд Саръюга, Ичӧт Саръюга (шуйгавыв); Кожим, Ыджыд Инта (веськыдвыв). Косью заводитчӧ Вой кытшбердса Ураллӧн рытыввыв пӧкатъясын Ханты-Манси асвеськӧдлан кытш — Йӧграмукӧд граница дорын, Урал гора визьлӧн Народная да Манарага медджуджыд йывъяс дорын[5].
Ю йылас визувтӧ рытыв-войвылӧ овтӧминъясті, ӧдйӧ чукӧртӧ васӧ уна неыджыд вожъясысь. Медводзсӧ сійӧ лоӧ гӧравывса юӧн, сэсся юыс паськалӧ 50-100 метраӧдз, визулас уна косьяс, изъяс, крежа поньӧд. Визулыс зэв ён, косьяс вылын ӧддзӧ. Некымынлаті юыс писькӧдчӧ креж вӧрӧтаяс пыр, тайӧ местаясас векняммӧ 10 метрӧдз. Берегъясыс кыртаӧсь, джуджыдӧсь, тырӧмаӧсь вӧрӧн. Усьӧм бӧрас Вангыр[6] бергӧдчӧ войвылӧ, косьясыс бырӧны, но визулыслӧн ӧдыс водзӧ кольӧ ыджыд. Берегъясыс ляпкыдджыкӧсь, берегъясас вӧрыс вежласьӧ нюръясӧн, сёнлӧн пасьтаыс 100—150 метра. Косью вомӧналӧ «Котлас-Печӧра-Вӧркута» кӧрт туй Косью грезд да сійӧ жӧ нима станция дорын[7]. Улынджык Кожымвом сикт дорын[8] ёна паськалӧ 200—500 метрӧдз, визулыслӧн ӧдыс ёна чинӧ, юыс заводитӧ кытшлавны нюрсялӧм местаяс пӧвстті да артмӧдны діяс да висъяс. Усваӧ усьӧмсянь 40 километр сайын Косью босьтӧ веськыдвывсянь Ыджыд Инта ю[9], сыысь вылынджык сулалӧ Инта кар. Усваӧ усьӧ 206 километрын[9].
Косью ю кузя мунӧ «Югыд ва» национал парклӧн рытыввыв границаыс[10].
Ва реестрысь мыччӧдъяс
Ва ресурсъяслӧн федеральнӧй агентствоӧн дасьтӧм Россияса канму ва реестрлӧн да Россия Федерацияса мутасын ва овмӧс районируйтан геоинформационнӧй системалӧн мыччӧдъяс серти[4]:
• Ковтыс кытш — Двина-Печӧраса;
• Ю ковтыс — Печӧра;
• Ю ковтысув — Усва;
• Ва овмӧс участок — Усва;
• Ва объектлӧн код — 03050200112103000068637.
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Косью (№ 0168143) / Реестр наименований географических объектов на территорию Республики Коми // Государственный каталог географических названий / rosreestr.ru.
- ↑ Коми Республикаса топонимия (А.П. Афанасьев серти) | Коми кывтӧдӧм (неопр.). Шыӧдчан кадпас: 21 урасьӧм тӧлысь 2022. Архивируйтӧма 23 ӧшым тӧлысь 2021.
- ↑ 1 2 Косью : [рус.] / textual.ru // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ Лист карты Q-40-119,120 база Омегашор. Масштаб: 1 : 100 000. Состояние местности на 1959 год. Издание 1968 г.
- ↑ Лист карты Q-40-93,94 Косью. Масштаб: 1 : 100 000. Состояние местности на 1974 год. Издание 1982 г.
- ↑ Лист карты Q-40-95,96 Лазурный. Масштаб: 1 : 100 000. Состояние местности на 1975 год. Издание 1982 г.
- ↑ Лист карты Q-40-83,84 Кожым. Масштаб: 1 : 100 000. Состояние местности на 1975 год. Издание 1982 г.
- ↑ 1 2 Лист карты Q-40-71,72 Косьювом. Масштаб: 1 : 100 000. Издание 1982 г.
- ↑ Югыд Ва | ООПТ России. oopt.aari.ru. Шыӧдчан кадпас: 14 тӧвшӧр тӧлысь 2021. Архивируйтӧма 19 тӧвшӧр тӧлысь 2021.
Литература
• Косью // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978..