Юшкин Николай Павлович

Юшкин Николай Павлович
Чужан лун	1936-ӧд вося ода-кора тӧлысь 20-ӧд лун(1936-05-20)
Чужанін	Тверь обласьт, РСФСР, Сӧветскӧй Социалистическӧй Республикаяслӧн Союз
Кулан лун	2012-ӧд вося кӧч тӧлысь 17-ӧд лун(2012-09-17) (76 арӧс)
Куланін	Сыктывкар, Россия
Страна	Сӧветскӧй Социалистическӧй Республикаяслӧн Союз  Россия
Мыйся уджыс	минералог
Ошканпасъяс да премияяс
Автограф
Медиафайлы на РУВИКИ.Медиа

Юшкин Николай Павлович (1936—2012) — роч геолог да минералог, Россия наукаяс академияса академик (1991), геолого-минералогическöй наукаясса доктор (1968), Коми наука шӧринса Геология институтын директор (1985-), Сыктывкарса канму университетын геология кафедраöн веськöдлысь, профессор (1981).

Олан туй

• 1936, ода-кора тӧлысь 20 лун — чужис Калинин обласьтын (öнi — Тверь) Весьегон районса Иван-Гора грездын, кресьтянин семьяын.
• 1955 — помалiс Кировса горно-химическöй техникумысь геологоразведочнöй юкöн.
• 1965 — помалiс Ташкентын политехническöй институтысь геологоразведочнöй факультет (заочнö).
• 1961 восянь Н.Юшкин уджалö СССР-са наука академилöн Коми филиалын (öнi — Россияса наука академияысь Урал юкöнлöн Коми наука шöрин) Геология институтын.
• 1985 — лоис Геология институтын директорöн.
• 1968 — «Минералогия и парагенезис самородной серы в экзогенных месторождениях» тема туялöмысь сылы сетiсны геология-минералогия наукаясса доктор ним.
• 1987 — Николай Юшкинöс бöрйöны СССР наука академияса член-корреспондентöн геология, геофизика, геохимия и горнöй наукаяс юкöнын.
• 1991 — сiйöс бöрйöны Россияса наукаяс академия действительнöй шленöн.
• 2012, кӧч тӧлысь 17-ӧд лун — куліс Сыктывкарын.

Уджъяс

Николай Юшкин гижис 16 монография да 450 сайö научнöй удж:

• «Минералогия и генезис серы в экзогенных месторождениях» (Л., 1968)
• «Механические свойства минералов» (Л., 1972)
• «Теория и методы минералогии» (Л., 1977)
• «Топоминералогия» (М., 1982)
• «Законы симметрии в минералогии» (Л., 1987),
• «Онтогенический метод в минералогии» (Киев, 1988) (мукöдкöд)

Гижис 100 научно-популярнöй удж, на лыдын:

• «На островах Ледовитого»,
• «Уральскими маршрутами»
• «Начало пути».

Наградаяс

• Уджвывса Гӧрд Дӧрапас орден
• «Айму водзын бур уджысь» орденлӧн IV тшупöда (1996)
• «Айму водзын бур уджысь» орденлӧн III тшупöда (2006)
• Некымын медаль.
• Коми АССР-са наукаын нимӧдана уджалысь почёт ним
• РСФСР-са наукаын нимӧдана уджалысь ним,
• Ленинса комсомол премиа босьтысь (1968)
• СССР-са министръяслöн Сöветысь премиа босьтысь (1982)
• Ферсман нима премиа босьтысь
• СССР-са наукаяс академиялысь да Болгарияса наукаяс академиялысь премиа босьтысь (1987)
• Демидов нима премиа босьтысь (1998) — минералогия да минералъяслöн кристаллография сöвмöдöмö ыджыд пай пуктöмысь, минералъяслысь выль видъяс да минералъяслысь выль аддзöминъяс восьтöмысь.

Мукöдтор

• Николай нимöн шуöма сульфид сикасысь выль минерал — «юшкинит», кодöс вöлi восьтöма Войвыв Уралын Пай-Хой вылын.
• Николай Юшкин — витаминералогия да топоминералогиялы подув пуктысьяс лыдын.
• Дасьтiс 30 сайö доктор да кандидатöс.

Öшмöсъяс

• Асхабов А. М. Юшкин Николай Павлович // Республика Коми: Энциклопедия: В 3-х т. — Сыктывкар: Коми кн. изд-во, 2000. — Т. 3. — С. 346.

Ыстӧдъяс