Бойков Николай Сафронович
| Бойков Николай Сафронович | |||
|---|---|---|---|
 | |||
| Чужан лун | 1920 во | ||
| Чужанін | Покоть грезд, Чечерскӧй район, Гомель обласьт | ||
| Кулан лун | 1943 вося йирым тӧлысь 3-ӧд лун | ||
| Канму |
 СССР |
||
| Войска сикас | пехота | ||
| Служитан вояс | 1941—1943 | ||
| Звание |
 |
||
| Тышъяс/вӧйнаяс | Айму вӧсна Ыджыд тыш | ||
| Наградаяс да премияяс |
|
||
Бойков Николай Сафронович (1920 во, Гомель обласьтса Чечерскӧй районын Покоть грезд — 1943 вося йирым тӧлысь 3-ӧд лун, Украина) — красноармееч, Айму вӧсна Ыджыд тышса участник, Сӧветскӧй Союзса Герой (1943).
Олантуй
• Николай Бойков чужлӧма 1920 воын Покоть грездын (ӧні — Гомель обласьтса Чечерскӧй район) кресьтянин семьяын.
• 10 во мысти семьяӧн найӧ вуджӧмаӧсь овны Ленинградӧ. Школа помалӧм бӧрын сійӧ пырӧма велӧдчыны Художественнӧй институтӧ[1].
• Недыр мысти сійӧс мыждӧмаӧсь ды ыстӧмаӧсь пукавны Коми АССР-ӧ, Печорлагӧ [1]. 1941 вося лӧддза-номъя тӧлысь 21-ӧд лунӧ Печора районса Кожваса военкоматсянь босьтӧмаӧсь служитны Гӧрд Армияӧ да мӧдӧдӧмаӧсь Айму вӧсна Ыджыд тыш вылӧ штрафбатӧ[1][2].
• 1943 вося кӧч тӧлысь кежлӧ красноармееч Николай Бойков вӧлі Центральнӧй фронтса 13-ӧд армиялӧн 74-ӧд стрелкӧвӧй дивизияса 78-ӧд стрелкӧвӧй полкса стрелокӧн. Петкӧдліс асьсӧ геройӧн Днепр вӧсна тышын[3].
• 1943 вося кӧч тӧлысь помын Бойков аслас подразделениеын медводдзаяс лыдын форсируйтіс Днепр Киевсянь войвывлань. Участвуйтіс ю рытыввыв берегын плацдарм кутӧмын, ранитчис, но тышысь эз эновтчы да водзӧ паныд сулаліс противниклӧн контратакаяслы, мыйӧн отсаліс аслас роталы бура вуджны ю вомӧн[3].
• Вошӧма юӧртӧг 1943 вося йирым тӧлысь 3-ӧд лунӧ[3].
• СССР-са Верховнӧй Сӧвет Президиумлӧн 1943 во йирым тӧлысь 16-ӧд лунся Индӧдӧн красноармееч Николай Бойковлы вӧлі сетӧма Сӧветскӧй Союзса Геройлысь ним. Сідзжӧ вӧлі наградитӧма Ленин орденӧн да некымын медальӧн[3].
Наградаяс
• Сӧветскӧй Союзса Герой
• Ленин орден
• «Тышын заслугаясысь» медаль
Паметь
• 2016 воын Федеральнӧй военнӧй мемориальнӧй шойнаын сувтӧдӧма кенотаф — гувывса паметник, но сулалӧ сэні, кӧні абу кулӧм мортлӧн шойыс, аслыспӧлӧс символическӧй гу
[4].
• «Юрган» телеканал вылын вӧлі вӧчӧма Н. Бойковлы сиӧм кино: 
«Герои. История подвига. Николай Бойков»
Пасйӧдъяс
- ↑ 1 2 3 Фильм КРТК «Юрган» «Герои. История подвига. Николай Бойков»
- ↑ Герои Советского Союза. Бойков Николай Сафронович
- ↑ 1 2 3 4 Книга памяти Республики Коми. Бойков Николай Сафронович
- ↑ 144 памятника-кенотафа Героям установят на Федеральном кладбище в Москве (рус.). Некрополь России (24 йирым тӧлысь 2016). Шыӧдчан кадпас: 22 косму тӧлысь 2019. Архивируйтӧма 22 косму тӧлысь 2019.
Литература
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Днепр — река героев. — Киев, 1983. — С.287.
Ыстӧгъяс
- Николай Сафронович Бойков. Книга памяти Республики Коми. Шыӧдчан кадпас: 22 йирым тӧлысь 2012.
Видео
- Видеоролик Герои. История подвига. Николай Бойков
 |
|---|
