Бушенёв Пётр Феликсович
| Бушенёв Пётр Феликсович | |
|---|---|
| Миниатюра лӧсьӧдӧмын сорсьӧм: Оз артмы видзны миниатюрасӧ коланаинӧ | |
| Чужан лун | 1956-ӧд вося сора тӧлысь 12-ӧд лун (70 арӧс) |
| Чужанін | |
| Мыйся уджыс | журналист, гижысь |
Бушенёв Пётр Феликсович (1956-ӧд вося сора тӧлысь 12-ӧд лун, Мутьдін, Коми АССР) — коми гижысь, журналист.
Олантуй
Пётр Бушенёв чужис 1956 вося сора тӧлысь 12-ӧд лунӧ Удорса районса Мутьдін грездын.
Оліс Ыджыдъяг посёлокын, 1962 восянь сэні велӧдчис 8 класса школаын. 1973 воын Косланса шӧр школа помалӧм бӧрын уджаліс слесарӧн Косланса вӧр пунктын. 1974 восянь велӧдчис Коми канмуса педагогика институтысь физика-математика факультетын. Велӧдіс Косланса шӧр школаын физика да астрономия. Уджаліс ДЮСШ-ын директорӧн[1].
1986 восянь «Выль туйӧд» газетын корреспондентӧн да экономика юкӧдын редакторӧн[2].
Гижан удж
Пётр Феликсович медводдза кывбуръяссӧ йӧзӧдіс Войвыв кодзув журналын 1977 воын. Сылысь гижӧдъяссӧ йӧзӧдлісны «Войвыв кодзув» да «Чушканзі» журналъясын, районса да республикаса газетъясын, «Парма гор», «Ӧшкамӧшка» да мукӧд ӧтувъя сборникын. Петалісны и торъя кывбур чукӧръяс: «Син водзын» (1989) да «Пипу кор» (1993).
Небӧгъяс
• Син водзын : кывбуръяс. Сыктывкар: Коми книжнӧй издательство, 1989. 32 лб.
• Пипу кор : кывбуръяс. Сыктывкар: Коми книжнӧй издательство, 1993. 16 лб.
Пасйӧдъяс
- ↑ Автобиография. Шыӧдчан кадпас: 8 йирым тӧлысь 2025.
- ↑ Горинова Н. Петр Феликсович Бушенев // Писатели Коми: биобиблиографический словарь. Том I. — Сыктывкар: Анбур, 2017. — С. 117—119.
Литература
- Петр Феликсович Бушенев : олантуй // Пунегова Л. А. Посни войтырлы коми литература йылысь. Сыктывкар, 1993. Лб. 208—209.
- Петр Бушенев : автор йылысь // Удора, Удора, кык мича ю дорын… Сыктывкар, 2000. Лб. 44.
- Пётр Феликсович Бушенев : редакторлӧн кыв. 2006. № 7. Лб. 34.