Гаврилов Иван Самсонович

Босьтӧма Рувикиысь
Иван Самсонович Гаврилов
Гаврилов Иван Самсонович.jpg
Чужан лун 1912 или 1913
Чужанін 
Кулан лун 1944-ӧд вося тӧвшӧр тӧлысь 2-ӧд лун(1944-01-02)
Куланін 
Канму  СССР
Войска сикас стрелковӧй вӧйска
Служитан вояс 1943—1944
Звание
Сержант
Часьт 1318-ӧд стрелковӧй полк
Тышъяс/вӧйнаяс Айму вӧсна Ыджыд тыш
Наградаяс да премияяс
Сӧветскӧй Союзса Герой — 1943
Ленин орден — 1943 «Смеллунысь» медаль (СССР)
Логотип РУВИКИ.Медиа Медиафайлы на РУВИКИ.Медиа

Гаврилов Иван Самсонович (1912 во[1][2][3][4] либӧ 1913 во[5][6][7][8][9], Донецк обласьтса Ханженково станица — 1944 вося тӧвшӧр тӧлысь 2-ӧд лун, Киев обласьтса Ставище посёлок) — Айму вӧсна Ыджыд тышын участвуйтысь, сержант. Сӧветскӧй Союзса Герой (1943)[10].

Олантуй

Иван Гаврилов чужлӧма 1912 воын (мукӧд юӧръяс серти 1913 воын) Россияса империялӧн Донскӧй войска обласьтса Таганрог кытшса Ханженково станицаын (ӧні Россияса Донецкӧй Народнӧй Республикаса Макеевка кар пытшкын) уджалысьяс семьяын. Роч. Помалӧма Ханженковоса 41 №-а шӧр школаысь сизим класс да 21 №-а шахта бердын фабрично-заводскӧй ученичестволысь школа. Уджалӧма Макеевкаса шахтаясын крепильщикӧн, десятникӧн, участокса начальниклы отсасьысьӧн.

1939 вося кӧч тӧлысьын пырис ВКП (б)-ӧ.

1940 воын «Арктикуголь» тресткӧд сёрнитчӧм серти уджалӧ Шпицберген ді вылын Баренцбург посёлокса шахтаын. Баренц саридзын тайӧ діыс вӧлі Норвегиялӧн, но международнӧй сёрнитчӧм серти Сӧветскӧй Союз перйис татысь из шом Войвыв флотса корабльяслы. Заполярьеысь 1941 вося сора тӧлысьын Иван Гавриловӧс мӧдӧдӧмаӧсь Карагандаӧ, кӧні сійӧ уджалӧма 12 №-а шахтаын шахтапытшса транспортса начальникӧн.

1942 вося тулысын «О развитии добычи воркуто-интинских углей и мероприятиях по обеспечению их вывозки» СССР-са Совнаркомлӧн урасьӧм тӧлысь 12-ӧд лунся постановление серти Карагандаын заводитісны бӧрйыны доброволечьясӧс, кодъяс дасьӧсь мунны Заполярьеса шахтаясӧ.

1942 вося лӧддза-номъя тӧлысьын нин И. С. Гаврилов воис Вӧркутаӧ. Лӧддза-номъя тӧлысь 23-ӧд лунсянь кӧч тӧлысь 17-ӧд лунӧдз уджаліс 1/2 №-а шахтаса участокса начальниклы отсасьысьӧн, а сэсся вӧлі индӧма сӧмын на стройӧ пырысь 4 №-а шахтаса участокса начальникӧн. 1943 вося рак тӧлысь заводитчигӧн сійӧс вуджӧдӧны медводдза номера «Капитальнӧй» шахтаӧ, но уджавны тані сылы лои эз дыр[11]. Гӧрд Армияӧ И. С. Гавриловӧс Кожваса райвоенкомат босьтіс 1943 вося рака тӧлысь 8-ӧд лунӧ.

Дженьыдик дасьтысян курсъяс бӧрын младшӧй сержант Гавриловӧс мӧдӧдісны Воронежса 27-ӧд армиялӧн 163-ӧд стрелкӧвӧй дивизияса 1318-ӧд стрелкӧвӧй полкӧ. 1943 вося косму тӧлысь 14-ӧд лунсянь — 3-ӧд стрелкӧвӧй батальонса отделениеса командир. 1943 вося моз тӧлысьӧдз 27-ӧд армия вӧлі фронтлӧн резервын да вуджис наступлениеӧ 1943 вося моз тӧлысьын Белгородско-Харьковскӧй операция дырйи, Курскӧй битва дырйи. Курскӧй дуга вылын тыш бӧрын пӧшти коставлытӧг заводитчис Днепр вӧсна тыш. 6-ӧд гвардейскӧй армия, а сэсся 38-ӧд армия составын , Воронежскӧй фронтлӧн Сумско-Прилукскӧй наступательнӧй операция дырйи Ромна да Прилуки каръяс мездӧм бӧрын, 163-ӧд стрелкӧвӧй дивизия 1943 вося кӧч тӧлысь помын петіс Днепр ю дорӧ Киевлы паныд. Юсӧ форсируйтны медводзсӧ эз артмы. Мӧдысь видлісны дивизияса полкъясӧн Киевсянь лунвылынджык Бортничи сикт дорын. 1318-ӧд стрелкӧвӧй полклы колӧ вӧлі форсируйтны Днепр Киев лунвывсянь Жуков ді районын. 1943 вося йирым тӧлысь 2-ӧд лунлы паныда войӧ младшӧй сержант И. С. Гавриловлӧн отделениеыс форсируйтіс юсӧ, атакуйтіс немецкӧй позицияяс да босьтіс траншеяяс. Противник вӧчис вит контратака, медым бырӧдны десантсӧ, но став атакасӧ вӧлі бӧрыньтӧма. Мукӧд частьясыс бура форсируйтісны Днепр да регыд мысти мездісны Киевбердса Чапаевка посёлок.

1943 вося йирым тӧлысь 29-ӧд лунӧ Днепр ю бура форсируйтӧмысь, Днепр юлӧн рытыввыв берегын плацдарм зумыда крепитӧмысь да та дырйи петкӧдлӧм повтӧмлунысь да геройствоысь сержант Иван Самсонович Гавриловлы СССР-са Медвылыс Сӧвет Президиумлӧн индӧдӧн вӧлі сетӧма Сӧветскӧй Союзса Геройлысь ним.

1943 вося вӧльгым тӧлысь заводитчигӧн 163-ӧд стрелкӧвӧй дивизиясӧ вуджӧдісны Лютежскӧй плацдармӧ. И. Гаврилов участвуйтіс Киевса наступайтан да Киевса дорйысян операцияясын (1943 вося вӧльгым тӧлысь помсянь медводдза Украинскӧй фронтса 40-ӧд армия составын). 1943 вося ӧшым тӧлысь помын Фастов дорын тышъясын И. С. Гаврилов вӧлі сьӧкыда ранитчӧма. Сійӧс эвакуируйтісны Ставище сиктса госпитальӧ, но 1944 вося тӧвшӧр тӧлысь 2-ӧд лунӧ сійӧ кувсис ранаясысь.

Дзебӧма И. С. Гавриловӧс Украинаса Киев обласьтса Ставище посёлокын.

Наградаяс

• «Зарни Кодзув» медаль (29.10.1943).
• Ленин орден (29.10.1943).
• «Отвагаысь» медаль (24.08.1943).

Паметь

• Нимсӧ нэммӧдӧма обелискын Ставище посёлокса Шӧр паркын (Украина).
• И. С. Гавриловлысь нимсӧ сетӧма уличаяслы Макеевка карын да Ставище посёлокын (Украина).
• 2016 вося тӧвшӧр тӧлысь 26-ӧд лунӧ кыпыда восьтісны сылы сиӧм мемориальнӧй пӧв Вӧркутаса 23 №-а шӧр школа фасадын[11].

Пасйӧдъяс

  1. ↑ Списки безвозвратных потерь 163-й стрелковой дивизии ЦАМО, ф. 58, оп. 18002, д. 374.
  2. ↑ Гаврилов Иван Самсонович. Наградной лист с представлением к званию Героя Советского Союза. Страницы: 1. Архивируйтӧма 29 ода-кора тӧлысь 2012. 2. Архивируйтӧма 29 ода-кора тӧлысь 2012.
  3. ↑ Приказ 1318-го стрелкового полка о награждении И. С. Гаврилова медалью «За отвагу».
  4. ↑ На могильной плите И. С. Гаврилова Архивса копия 6 йирым тӧлысь 2014 Wayback Machine ресурсын в пгт Ставище указаны годы жизни 1912—1944.
  5. ↑ Александров А. Гаврилов Иван Самсонович // Республика Коми. Энциклопедия. Том I. — Сыктывкар: Коми книжное издательство, 1997. — С. 350.
  6. ↑ Гаврилов Иван Самсонович на сайте «Герои страны». Архивируйтӧма 29 ода-кора тӧлысь 2012.
  7. ↑ Книга памяти Республики Коми. Гаврилов Иван Самсонович
  8. ↑ Книга памяти Украины.
  9. ↑ статья о Гаврилове И. С. в книге: «Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.»
  10. ↑ Сведения о звании И. С. Гаврилова противоречивы: в приказе о награждении медалью «За отвагу» указано звание старший сержант, в представлении к званию Героя Советского Союза — младший сержант, в указе Президиума Верховного Совета СССР о присвоении звания Героя Советского Союза — сержант.
  11. ↑ 1 2 Зайцева О. Торжественное открытие мемориальной доски Герою Советского Союза Ивану Самсоновичу Гаврилову.

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои Советского Союза - казахстанцы: в 2 т / сост.: П. С. Белан, Н. П. Калита. — Алма-Ата: Казахстан, 1968. — Т. 1. — С. 191—192. — 475 с.

Документъяс

• Общедоступный электронный банк документов «Подвиг Народа в Великой Отечественной войне 1941—1945 гг.» Архивируйтӧма 13 рака тӧлысь 2012. № в базе данных 150006536. Архивируйтӧма 16 ода-кора тӧлысь 2012., 12103138. Архивируйтӧма 16 ода-кора тӧлысь 2012., 47333171. Архивируйтӧма 16 ода-кора тӧлысь 2012., 18457567. Архивируйтӧма 16 ода-кора тӧлысь 2012.
• Обобщённый банк данных «Мемориал». Архивируйтӧма 10 ода-кора тӧлысь 2012. ЦАМО, ф. 58, оп. 18002, д. 374. Архивируйтӧма 10 сора тӧлысь 2013.

Ыстӧгъяс

• Гаврилов Иван Самсонович на www.az-libr.ru.
• Книга памяти Республики Коми.
• Книга памяти Украины. Архивируйтӧма 16 ода-кора тӧлысь 2012.
• Казахстан. История. Люди. Герои-освободители. Архивируйтӧма 16 ода-кора тӧлысь 2013.
• Биография И. С. Гаврилова на сайте КГУ «Карагандинская областная юношеская библиотека». Архивируйтӧма 16 ода-кора тӧлысь 2013.
• Звёздные герои Воркуты. МБУ «Воркутинский муниципальный архив». Архивируйтӧма 16 ода-кора тӧлысь 2013.

Босьтӧма "https://kv.ruwiki.ru/w/index.php?title=Гаврилов_Иван_Самсонович&oldid=471169"-ысь