Ген Николай Леонидович
| Николай Леонидович Ген | |
|---|---|
 | |
| Чужан лун | 1958 вося косму тӧлысь 29-ӧд лун |
| Чужанін | Пӧдтыбок, Кӧрткерӧс район, Коми АССР, РСФСР, СССР |
| Кулан лун | 2002 вося моз тӧлысь 4-ӧд лун |
| Куланін | Адзорӧм, Кӧрткерӧс район, Коми Республика |
| Гражданство |
 СССР  Россия |
| Мыйся уджыс | юрист, политик |
| Велӧдчӧм | Перым канму университет |
 Медиафайлы на РУВИКИ.Медиа | |
Ген Николай Леонидович (1958-ӧд вося косму тӧлысь 29-ӧд лун, Пӧдтыбок, Коми АССР — 2002-ӧд вося моз тӧлысь 4-ӧд лун, Адзорӧм (Кӧрткерӧс район)) — СССР-са прокуратураын уджалысь, сӧветскӧй да россияса юрист, канморт,Россия Федерацияса народнӧй депутат, Россия Федерацияса Медвылыс Сӧветлӧн Президиумӧ пырысь, Россия Федерацияса Государственнӧй думаын I созывын депутат[1].
Олантуй
Николай Леонидович Ген чужис 1958 вося косму тӧлысь 29-ӧд лунӧ Кӧрткерӧс районса Пӧдтыбок посёлокын (Коми АССР).
1977—1979 воясын служитіс Сӧветскӧй армияын.
1981 воын помаліс Перым канму университетын юридическӧй факультет[2].
Уджаліс ВЛКСМ-лӧн Кӧрткерӧс районса комитетын, Сыктывкарын карса народнӧй судын, Коми АССР-са юстиция министерствоын.
Уджаліс СССР-са прокуратураын прокурӧн, торъя тӧдчана делӧяс серти старшӧй следовательӧн, Коми АССР-са прокурорлӧн торъя тшӧктӧмъяс серти старшӧй отсасьысьӧн[2].
1990 воын бӧрйисны Россия Федерацияса народнӧй депутатӧн. Вӧлі Россия Федерацияса Медвылыс Сӧвет Президиумса членӧн, федеральнӧй да войтыркостса йитӧдъяс комитетӧн веськӧдлысьӧн, законодательство комитетса секретарӧн, Россия Федерацияса Медвылыс Сӧветлӧн национально-государственнӧй тэчасног кузя комиссияӧн веськӧдлысьӧс вежысьӧн[2].
1993 воын бӧрйисны Россия Федерацияса Федеральнӧй Собраниелӧн медводдза созывын Государственнӧй Думаса депутатӧн Сыктывкарса 18-ӧд номера ӧти мандата бӧрйысян кытшсянь (Коми Республика)[3], вӧлі Государственнӧй Думаса национальносьт делӧяс кузя комитетӧ пырысьӧн[4].
Куліс 2002 вося моз тӧлысь 4-ӧд лунӧ, дзебӧма Кӧрткерӧс районса Адзорӧмын (Коми Республика).
Видзӧдласъяс
Выступайтіс правовӧй канму лӧсьӧдӧм вӧсна, олӧмӧ пӧртысь власьт да оланпас пыртан власьт торйӧдӧм вӧсна, канму власьт да правопӧрадок органъясысь партийнӧй аппарат ӧтдортӧм вӧсна. Чуксаліс лӧсьӧдны вына правовӧй механизм, коді вермас сувтӧдны армияӧн да государственнӧй безопасносьт органъясӧн войтырлы паныд вӧдитчӧмсӧ, а сідзжӧ корис лӧсьӧдны экономическӧй, политическӧй да правовӧй рычагъяс, медым водзсасьны гуся экономикалы, коррупциялы да мыж вӧчӧмлы паныд[5].
Семья
Вӧлі гӧтыра, быдтіс 3 челядь.
Пасйӧдъяс
- ↑ Состав Государственной Думы первого созыва (рус.). Государственная Дума. Шыӧдчан кадпас: 17 ода-кора тӧлысь 2020. Архивируйтӧма 30 косму тӧлысь 2020.
- ↑ 1 2 3 Lobbying.ru | Ген Николай Леонидович. lobbying.ru. Шыӧдчан кадпас: 31 ода-кора тӧлысь 2020.
- ↑ Результаты выборов депутатов Государственной Думы Федерального Собрания Российской Федерации 12 декабря 1993 года по одномандатным избирательным округам. www.cikrf.ru. Шыӧдчан кадпас: 31 ода-кора тӧлысь 2020. Архивируйтӧма 24 йирым тӧлысь 2021.
- ↑ Ген Николай Леонидович (рус.). www.gosduma.net. Шыӧдчан кадпас: 31 ода-кора тӧлысь 2020.
- ↑ Ген Николай Леонидович – биография (рус.). Виперсон. Шыӧдчан кадпас: 14 йирым тӧлысь 2025.