Герасимов Филипп Филиппович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Герасимов.
Филипп Филиппович Герасимов
Герасимов Ф.Ф..jpg
Чужан лун 1921-ӧд вося ӧшым тӧлысь 19-ӧд лун(1921-12-19)
Чужанін  Клюево грезд, Островскӧй уезд, Псков губерния
Кулан лун 1991-ӧд вося вӧльгым тӧлысь 4-ӧд лун(1991-11-04) (69 арӧс)
Куланін 
Канму  СССР
Войска сикас СССР-са ВМФ-лӧн ВВС
Служитан вояс 1939—1946, 1966—1973
Звание
Мичман
Тышъяс/вӧйнаяс Айму вӧсна Ыджыд тыш
Наградаяс да премияяс
Сӧветскӧй Союзса Герой — 1942
Ленин орден — 1942 Гӧрд Дӧрапас орден  — 1941 Гӧрд Дӧрапас орден  — 1942 Гӧрд Дӧрапас орден  — 1944
Гӧрд Дӧрапас орден  — 1945 Айму вӧсна Ыджыд тышса орден— 1985 Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» SU Medal For the Defence of Sevastopol ribbon.svg
«Кавказ дорйӧмысь» медаль «1941—1945 воясся Айму вӧсна Ыджыд тышын Германияӧс вермӧмысь» медаль SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg
SU Medal Forty Years of Victory in the Great Patriotic War 1941-1945 ribbon.svg Медаль «Ветеран труда» SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg
SU Medal 70 Years of the Armed Forces of the USSR ribbon.svg «Бура служитӧмысь» III тшупӧда медаль

Герасимов Филипп Филиппович (1921 вося ӧшым тӧлысь 19-ӧд лун, Клюево грезд (ӧні Псков обласьтса Островскӧй район) — 1991 вося вӧльгым тӧлысь 4-ӧд лун, Петыркар) — СССР-са лётчик-ас, Айму вӧсна Ыджыд тышын участвуйтысь, Комиысь Сӧветскӧй Союзса Герой[1][2].

Олантуй

[вежны | Вежны кодировкаын]

Филипп Герасимов чужліс 1921 вося ӧшым тӧлысь 19-ӧд лунӧ[3] Клюево грездын (ӧні — Псков обласьтса Островскӧй район) крестьянин семьяын.

Помаліс школаын, сэсся Ленинград карса 7 №-а госмашзавод бердын фабрично-заводскӧй школаын, сизим класс. Уджаліс токарӧн Ленинградса «Арсенал» заводын. 1928—1939 воясӧ велӧдчӧма Осоавиахимлӧн Ленинградса медводдза аэроклубын[4].

1939 вося кӧч тӧлыссянь СССР-са ВМФ-лӧн авиацияын. 1941 воын помаліс Ейскын Сталин нима военно-морскӧй авиационнӧй училище. 1941 вося лӧддза-номъя тӧлыссянь сержант Ф. Герасимов служитіс пилотӧн 93-ӧд торъя эскадрильяын, моз тӧлыссянь — Черноморскӧй флотса ВВС-лӧн 91-ӧд торъя эскадрильяын.

1941 вося сора тӧлыссянь Айму вӧсна Ыджыд тыш вылын. Участвуйтіс Одесса да Севастополь дорйӧмын, сынӧдсянь дорйис Геленджик, Новороссийск да Поти[5].

1942 вося тӧвшӧр тӧлысь заводитчигӧн ранитчис. 1942 вося рака тӧлыссянь командуйтіс звеноӧн 8-ӧд (косму тӧлысьын лои 6-ӧд гвардейскӧй) истребительнӧй авиаполкын. Лэбаліс «И-16», «У-2», «Як-1», «Як-7Б», «ЛаГГ-3», «Як-9» самолётъясӧн[6].

1942 вося ода-кора тӧлысь кежлӧ гвардияса лейтенант Филипп Герасимов вӧчис вражескӧй вӧйска да техника чукӧръяс штурмуйтӧм могысь 238 боевӧй рейс, участвуйтіс 26 сынӧдса косьын, кӧні уськӧдіс ӧти самолёт аслыс да кыкӧс группаӧн[6].

1942 вося косму тӧлысьын бура пӧртіс олӧмӧ Черноморскӧй флот штаблысь спецзадание. Герасимовлы медводдзаӧн удайтчис бура пуксьӧдны «У-2» самолётсӧ Крым гӧраясӧ, вайис сэтчӧс партизанъяслы радистӧс да рацияяс. Гӧраясысь самолётӧн лэбны позьтӧм вӧсна Герасимов сотіс ассьыс самолётсӧ, а ачыс партизанъяскӧд вуджис фронтлысь линиясӧ[7].

«Военно-морскӧй флотса начальствуйтысь составлы Сӧветскӧй Союзса Геройлысь звание сетӧм йылысь» СССР-са Медвылыс Сӧвет Президиумлӧн 1942 во лӧддза-номъя тӧлысь 14-ӧд лунся Индӧдӧн «немецкӧй захватчикъяскӧд тыш нуӧдігӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи повтӧмлун да героизм петкӧдлӧмысь» сетӧма Сӧветскӧй Союзса Геройлысь ним[8] Ленин орден да 860 №-а «Зарни Кодзув» медаль сетӧмӧн[6].

Аслас частьӧ воӧм бӧрын водзӧ лэбаліс. 1942 вося вӧльгым тӧлысь помын Герасимов самолётнас усис, парашютӧн пуксис йиа саридзӧ, сійӧс мездіс пехотинеч, та бӧрын дыр висис.

1943 вося рака тӧлысьын сійӧс индісны Черноморскӧй флотса ВВС-лӧн 25-ӧд истребительнӧй авиаполкса звеноса командирӧн.

1943 вося сора тӧлысь 10-ӧд лунӧ «дисциплина торкӧмысь да юӧмысь» вӧлі разжалуйтӧма рядӧвӧйӧ да мӧдӧдӧма морскӧй пехоталӧн 255-ӧд бригадаса штрафнӧй взводӧ. Кыдзи висьталӧ ачыс Герасимов, сійӧс накажитісны авиатехникӧс нӧйтӧмысь, код вӧсна Герасимов тӧкӧтьӧ абу пӧгибнитӧма самолётас. Штрафнӧй часьтын участвуйтіс Ичӧт му (рочӧн Малая Земля) вылын тышъясын да Новороссийскса десант операцияын. Тышъясын бырӧдіс 2 дзот, 4 пулемётнӧй точка да 7[1].

1943 вося йирым тӧлысь 13-ӧд лунӧ бӧр сетісны старшӧй лейтенант звание, да сійӧ муніс аслас полкӧ. 1943 вося ӧшым тӧлысьын вуджӧдӧмаӧсь лётчикӧн Черноморскӧй флотса ВМФ ВВС 9-ӧд истребительнӧй авиационнӧй полкӧ, регыд лоӧма сэні звеноса командирӧн. Участвуйтіс Крым доръян операцияын[9].

1944 вося ода-кора тӧлысьын Крым мездӧм бӧрын полксӧ ставнас вуджӧдісны Балтика флотса ВВС-ӧ да вӧйна помасьтӧдзыс участвуйтісны Балтика саридзса тышъясын. Участвуйтіс Выборгса операцияын, ПВО «Ниобе» крейсер вӧйтӧмын, Балтикабердса операцияын, прӧтивниклӧн Курляндскӧй группировкаӧс блокируйтӧмын. Ставнас вӧйна чӧж Ф. Ф. Герасимов вӧчис 385 боевӧй рейс, участвуйтіс 44 сынӧдса косьын, кӧні официальнӧй мыччӧдъяс серти уськӧдіс 6 самолёт ачыс да 4 — группаӧн[1], а М. Ю. Быковлӧн туялӧмъяс серти, уськӧдіс 7 самолёт ачыс да 2 группаӧн[10].

Вӧйна помасьӧм бӧрын Герасимов водзӧ служитіс СССР-са ВМФ-лӧн авиацияын. 1946 вося лӧддза-номъя тӧлысь 4-ӧд лунӧ Войвыв Балтика флотса ВВС-лӧн военнӧй трибунал шуис сійӧс мыжаӧн вылынджык чина начальникӧс оскорбитӧмын да дисциплина торкӧмысь да офицерлысь звание дискредитируйтӧмысь РСФСР-са УК-лӧн 193 (5) статья серти шуис пуксьӧдны 5 во кежлӧ дзескыдінӧ. 1946 вося лӧддза-номъя тӧлысь 22-ӧд лунӧ сылысь мырддисны «старшӧй лейтенант» воинскӧй званиеысь да вӧтлісны ВМФ-ысь. 1948 вося вӧльгым тӧлысь 4-ӧд лунӧ СССР-са Медвылыс Сӧвет Президиумлӧн индӧдӧн мырддисны Сӧветскӧй Союзса Геройлысь ним да став канму наградаяс[6].

Пукаліс Вӧркутаын. Воис Вӧркутаӧ 1948 вося косму тӧлысь 9-ӧд лунӧ, а условнӧя мездӧмаӧсь кадысь водз 1950 вося вӧльгым тӧлысь 28-ӧд лунӧ. Мыж вештан кадсӧ чинтісны 4 тӧлысь вылӧ. Вӧркутаса МВД-лӧн архивын Ф. Герасимовлӧн личнӧй делӧыс абу кольӧма. Сійӧс вӧлі бырӧдӧма 1956 воын на.

Мездӧм бӧрас бергӧдчис Ленинградӧ. Уджаліс стрӧитчан бригадаын, чери рӧдмӧдан овмӧсын.

1951 воын Герасимовлысь мыждӧмсӧ вӧлі киритӧма. 1964 воын сійӧ воӧма Крымӧ, кӧні сійӧс лыддисны пӧгибнитӧмаӧн да пыртӧмаӧсь сійӧ кад кежлас пӧгибнитӧмаяслӧн мемориал вылӧ нимсӧ. Вӧвлӧм партизанъяслӧн ходатайство серти СССР-са Медвылыс Сӧвет Президиумлӧн 1965 во кӧч тӧлысь 30-ӧд лунся Индӧдӧн Герасимовлы бӧр вӧлі сетӧма Сӧветскӧй Союзса Геройлысь нимсӧ[6].

Вице-адмирал Н. М. Кулаков отсаліс пырны Герасимовлы 1966 вося моз тӧлысьын Ленинградса высшӧй военно-морскӧй училищеӧ сверхсрочнӧй служащӧйӧн, кӧні сійӧ служитіс корабльлӧн винёвлун кафедраса старшӧй инструкторӧн. 1973 вося ӧшым тӧлысьын мичман званиеын сійӧ петіс отставкаӧ.

Оліс Ленинградын. Кувсис 1991 вося вӧльгым тӧлысь 4-ӧд лунӧ, дзебӧмаӧсь Петыркарса Песочинскӧй шойнаын.

Наградаяс

[вежны | Вежны кодировкаын]

• «Зарни Кодзув» медаль (1942.06.14);
• Сӧветскӧй Союзса Герой ним (1942.06.14);
• Ленин орден (1942.06.14);
• нёль Гӧрд Дӧрапас орден (1941.12.08, 1942.02.18, 1944.08.07, 1945.05.23);
• Айму вӧсна Ыджыд тышса I тшупӧда орден (1985.03.11);
• медальяс[6].

Паметь

[вежны | Вежны кодировкаын]

• Севастополь дорын пос. Кача посёлокын Геройяс аллеяын сувтӧдӧма Герасимовлысь бюст.
• Документальнӧй кино: «Великая Отечественная война в Крыму».

Пасйӧдъяс

[вежны | Вежны кодировкаын]
  1. ↑ 1 2 3 Воробьев Е., Кудрявцева Л. Морские лётчики — Герои Советского Союза. Герасимов Филипп Филиппович. // Морской сборник. — 2010. — № 6. — С. 84—85.
  2. ↑ Репортаж 10. Наш Герой — лейтенант ВВС Герасимов Филипп Филиппович
  3. ↑ В некоторых публикациях датой рождения указывается 6 декабря 1921 г.
  4. ↑ Арсеньев А. Я., Арсеньева А. П. Псковичи — Герои Советского Союза. — Л.: Лениздат, 1983. — С. 104—105.
  5. ↑ Негробов Н. Д. Легендарный Севастополь. — М.: Просвещение, 1968. — С. 86—87.
  6. ↑ 1 2 3 4 5 6 Герасимов Филипп Филиппович. Сайт «Герои страны».
  7. ↑ Емельяненко В. Б. Воздушный мост: спасение во тьме. — М.: Советская Россия, 1998. — 352 с.
  8. ↑ Указ Президиума Верховного Совета СССР «О присвоении звания Героя Советского Союза начальствующему составу Военно-морского флота» от 14 июня 1942 года // Ведомости Верховного Совета Союза Советских Социалистических Республик : газета. — 1942. — 30 лӧддза-номъя тӧлысь (№ 24 (183)). — С. 1. Архивировано 8 вӧльгым тӧлысь 2021 года.
  9. ↑ Денисов К. Д. Под нами — Чёрное море. — М.: Воениздат, 1977. — С. 120.
  10. ↑ Биография, многочисленные фотографии и список воздушных побед Ф. Ф. Герасимова на сайте «Советские асы» Архивса копия 2 вӧльгым тӧлысь 2022 Wayback Machine ресурсын.

Литература

[вежны | Вежны кодировкаын]

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Арсеньев А. Я., Арсеньева А. П. Псковичи — Герои Советского Союза. — Л., 1983.
• Вергасов И. З. Избранное. — М.: Советский писатель, 1982.
• Казарян А. А. Герои боёв за Крым. — Симферополь: Таврия, 1972. — С. 74—75.
• Герои Советского Союза Военно-Морского Флота. 1937—1945. — М.: Воениздат, 1977.
• Конев В. Герои без золотых звёзд. Прокляты и забыты. — М.: Яуза, Эксмо, 2008. — 352 с. — ISBN 978-5-699-27812-1. — С. 31—46 (Глава «Дважды разжалованный»).
• Фронтовая слава Воркуты. 1941—1945: Подвигу советского народа в Великой Отечественной войне 1941—1945 гг. посвящается. — Воркута: МБУК «ЦБС», 2016. — 212 с.
• Денисов К. Д. Под нами — Черное море. М., 1989. — (Военные мемуары).
• Емельяненко, В. Б. Воздушный мост : Спасение во тьме. М., 1998.

Босьтӧма "https://kv.ruwiki.ru/w/index.php?title=Герасимов_Филипп_Филиппович&oldid=317735"-ысь