Горчаков Александр Гениевич
Горчаков Александр Гениевич (1951-ӧд вося урасьӧм тӧлысь 23-ӧд лун, Луздор районса Абъячой сикт) — коми шылад тэчысь, Коми Республикаса нимйӧза артист.
Олантуй
Александр Горчаков чужӧма 1951-ӧд вося урасьӧм тӧлысь 23-ӧд лунӧ Луздор районса Абъячой сиктын.
Велӧдчӧма Сыктывкарса шылад школаын, Сыктывкарса шылад училишӧын (1967—1971), кӧні РСФСР-са культураын нимӧдана уджалысь, шылад тэчысь Яков Перепелица веськӧдлӧм улын тӧдмасьӧма коми шылада фольклорӧн. 1971-ӧд восянь нёль во уджалӧма Абъячойын шылада школаын баянӧн ворсны велӧдысьӧн. 1975-ӧд воын Сыктывкарӧ бергӧдчӧм бӧрын выльысь пырӧма велӧдчыны Шылада училишӧӧ теоретическӧй юкӧнӧ.
Уджавлӧма Коми наука шӧринса Кыв, литература да история институтын фольклор секторын, йӧзӧдӧма некымын туясян удж.
Уджалӧ Коми Республикаса вужвойтырлӧн шылада-драмаа театрын шылад юкӧнӧн веськӧдлысьӧн.
Семья
Культура юкӧнын уджалысьяслӧн семьяысь: батьыс — Россияса культураын нимӧдана уджалысь, гижысь, драматург, шылад тэчысь да режиссёр Г. Д. Горчаков, чойыс — Россияса искусствоын нимӧдана уджалысь, режиссёр, актриса С. Г. Горчакова.
Мукӧдтор
Горчаков А. Г. — «Эжва йӧлӧга» сьылан котырын веськӧдлысь да концертмейстер.
Йӧзӧдӧмъяс
• Горчаков А. Г. Тэ мунін [Нотаяс] / Шыладыс А. Г. Горчаковлӧн, кывбурыс С. А. Поповлӧн. — [Сыктывкар, 1986]. — 10 л.б.
• Горчаков А. Г. Ручильӧй да кӧчильӧй [Нотаяс]: кык юкӧна опера-мойд / либретто Г. Горчакова по мотивам народной сказки «Лиса и заяц» (ред. А. Горчакова); Клавир. — Сыктывкар, 2008. — 212 л.б.
• Горчаков А. Г. Мичасьыс на мича [Нотаяс] / Шыладыс А. Г. Горчаковлӧн; кывбурыс В. Г. Лодыгинлӧн. — [Сыктывкар]. — 11 л.б.
Наградаяс
• Коми Республикаса канму премия босьтысь (1996)
• Коми Республикаса нимӧдана уджалысь (2006)
• Россияса культура да йӧзкӧд йитӧд серти министрлӧн Аттьӧалӧм (2007)
• Коми Республикаса Веськӧдлан котырлысь премия босьтысь (2011)
• Коми Республикаса нимйӧза артист (2019)
Ӧшмӧсъяс
• В Коми стало на одного Народного артиста больше // «Комиинформ» юӧр сетан агентство (2019.03.16 лун; рочӧн)
• Коми Республикаса Вужвойтырлӧн небӧгаинын А. Г. Горчаков йылысь