Лодыгин Василий Григорьевич

Босьтӧма Рувикиысь
Видлалӧм гижӧд
Василий Лодыгин
Лодыгин В.Г..jpg
Сайним Василий Григорьев, Григорий Васильев.
Чужан лун 1947-ӧд вося тӧвшӧр тӧлысь 6-ӧд лун
Чужанін Коми АССР-ын Кулӧмдiн районса Дзоль сельсовет улӧ пырысь Габов грезд
Кулан лун 2022-ӧд вося сора тӧлысь 15-ӧд лун
Куланін Коми Республикаса Кулӧмдін сикт
Уджсикас кывбуралысь, сьыланкывъяс гижысь, журналист, гижысь
Гижан кыв Коми кыв, роч кыв
Наградаяс

Коми комсомоллысь премия босьтысь (1976); Коми АССР-са культураын нимӧдана уджалысь (1991); Коми Республикаса Правительстволысь И.А. Куратов нима премия босьтысь (2006); Россияса культураын нимӧдана уджалысь (2011 во) – культураын, печатьын да уна вося бур уджысь; «Коми Республикалы 95 во» казьтылана медаль (2016); Коми Республикаса нимйӧза кывбуралысь почёт ним (2017.01.09); «Эзысь борд» республикаса конкурсын «проза» нимпасын вермысь (2018);

Кулӧмдін районса Почёта гражданин (2022.07.15)

Лодыгин Василий Григорьевич (1947-ӧд вося тӧвшӧр тӧлысь 6-ӧд лун, Коми АССР-ын Кулӧмдiн районса Дзоль сельсовет улӧ пырысь Габов грезд — 2022-ӧд вося сора тӧлысь 15-ӧд лун, Сыктывкар) — коми гижысь, Коми Республикаса нимйӧза кывбуралысь (2017), журналист, общественнӧй удж вӧчысь[1].

Россияса журналист котырö пырысь (1981), СССР-са гижысь котырö пырысь (1982) [2].

Олантуй

Василий Лодыгин чужӧма 1947-ӧд вося тӧвшӧр тӧлысь 6-ӧд лунӧ Коми АССР-ын (öнi — Коми Республика) Кулӧмдiн районса Дзоль сельсовет улӧ пырысь Габов грездын.
1959-1963 воясын велӧдчӧма кӧкъямыс класса Улыс Воч сиктса школаын.
1966-ӧд воын помалӧма Керчомъяса шöр школа.
1966–1970 воясӧ велӧдчӧма Коми канмуса педагогика институтын филология факультетын.
1970–1971 воясӧ уджалӧма роч кыв да литература велӧдысьӧн Улыс Вочса шӧр школаын[3].
1971–1972 воясӧ служитӧма армияын.
1972–1973 воясӧ — республикаса радиовещаниеын уджалысь.
1973–1983 воясӧ, 1985–1990 воясӧ — «Ленин туйӧд» газетын уджалысь.
1990–2005 воясӧ — Кулӧмдін районын «Коми му» газетса корреспондент.
1973-ӧд восянь уджалӧма Кулӧмдiн районса «Парма гор» газетын: 2007-2013 воясӧ вӧлі медшöр редакторӧн, кывкутысь секретарӧн.

Кулӧма 2022-ӧд вося сора тӧлысь 15-ӧд лунӧ[4]. Колльӧдчӧмаӧсь Сыктывкарын, Кулӧмдінын[5]. Гуалӧма чужанінас, Кулӧмдiн районса Габов грездын, 2022-ӧд вося сора тӧлысь 18-ӧд лунӧ.

Гижан удж

Василий Лодыгин йöзöдсьö 1968-ӧд восянь. Гижöдъяссö позьö аддзыны уна газет да журналысь: «Би кинь», «Войвыв кодзув», «Север»; «Югыд туй», «Молодёжь Севера»; «Ленин туйӧд», «Звезда», «Маяк Сысолы», «Выль туйöд».

В.Лодыгин петкӧдчӧ кыдзи кывбуралысь, сьыланкывъяс лӧсьӧдысь, гижысь, журналист, вуджӧдчысь. Талун кежлӧ Лодыгинлӧн йӧзӧдӧма 15 небӧг коми кывйӧн [3]:
• «Вуграсигöн» (1970),
• «Менам улича» (1972),
• «Ставыс на водзын» (1978),
• «Мича лун» (1986),
• «Козин» (1990),
• «Вуджанiн» (1993),
• «Паса шор» (1995),
• «Мусукасян рöм» (1998),
• «Чалльöг» (2005),
• «Гыбад» (2007),
• «Чибльӧг» (2012),
• «Лӧсас» (2013),
• «Габовсаяс» (2015),
• «Миянладорын» (2017),
• «Неджӧг» (2019).

«Мусукасян рöм» (1998) небӧгӧ пыртӧма абу сӧмын кывбуръяс, но и висьтъяс, неыджыд пасйӧдъяс да коми сьыланкывъяс. Василий Лодыгин гижӧ чужан му, уджалысь йӧз, томулов да радейтчӧм йылысь. Тöдчана пай сылöн поэзияас босьтö философскöй миниатюраяс – 4-8 визя кывбуръяс.

Гижö оз сöмын верстьöлы, но и медся ичöт лыддьысьысьяслы. Дзöля челядьлы сылöн петавлiс Коми небöг лэдзанiнын куим небöг: «Вуграсигöн» (1970), «Козин» (1990) да «Паса шор» (1995). Бöръя небöгас кывбуръяс, висьтъяс, мойдъяс да сьыланкывъяс.

Ас кадö ветлiс том гижысьяслöн VI Ставсоюзса чукöртчöм вылö. Вöлi пырö Коми гижысь котырлöн правлениеö, «Войвыв кодзув» журнал редколлегияö. Россияса журналист котырö пырысь (1981), СССР-са гижысь котырö пырысь (1982)[6].

Веськöдліс «Парма гор» газет редакция бердын лöсьöдöм районса гижысь войтырлӧн «Эжва» котырöн.

В. Г. Лодыгин вöлi сьыланкыв лöсьöдысьяслöн да асшöр шылад тэчысьяслöн «Василей» гаж котыртысьяс да пырöдчысьяс лыдын. «Василей» гажсӧ котыртiс Кулӧмдiн сиктын 1994 воын Василий Гущин да Василий Чувьюровкöд (Кузьнеч Вась) öтвылысь.

Общественнӧй удж вӧчысь

1990-ӧд воын Кулӧмдiн районын вöлi лöсьöдöма «Эжватас» котыр, а веськöдлысьнас бöрйöма Василий Лодыгинӧс.

Небӧгъяс

Комиöн

• Менам улича: кывбуръяс / Ред. В.А. Попов; серпасалiс С.А. Добряков. – Сыктывкар: Коми кн. изд-во, 1972. – 70 л.б.
• Ставыс на водзын: кывбуръяс / Ред. В.А. Попов; Серпасалiс В. И. Осипов. – Сыктывкар: Коми кн. изд-во, 1978. – 126.
• Мича лун: кывбуръяс, поэма / Ред. В.А. Попов; серпасалiс Е. П. Борисевич. – Сыктывкар: Коми кн. изд-во, 1986. – 87 л.б.
• Вуджанiн: кывбуръяс / Ред. В.Е. Напалков; отв. за вып. А.В. Тентюков; серпасалic. А.А. Размыслов. – Сыктывкар: Коми кн. изд-во, 1993. – 103 л.б.
• Мусукасян рöм: кывбуръяс, висьтъяс, дженьыдик пасйöдъяс, сьыланкывъяс / Ред. А.В. Тентюков; серпасалic Г.Н. Шарипков. – Сыктывкар: Коми кн. изд-во, 1998. – 286 л.б.
• Чалльöг: кывбуръяс / [серпасалic Ю.Н. Лисовский]. – Сыктывкар: Коми небöг лэдзанiн, 2005. – 238 л.б.
• Гыбад: висьтъяс, повесьт, чöвталöмъяс, шмонь / Серпасалic Ю.Н. Лисовский. – Сыктывкар: «Анбур», 2007. – 335 л.б.
• Лӧсас: Кывбуръяс, поэмаяс, вуджӧдӧмъяс / Ред. В.И. Трошева; Серпасаліс Г.Н. Шарипков. — Сыктывкар: ООО «Анбур», 2013. — 320 л.б. («Звёзды Севера» серия).
• Миянладорын. — Сыктывкар, 2018. — 240 л.б. (тираж — 750 экз.)

Челядьлы

• Вуграсигöн: [кывбуръяс] / Ред. В.А. Попов; серпасалiс А.В. Мошев. – Сыктывкар: Коми кн. изд-во, 1970. – 8 л.б.
• Козин: челядьлы кывбуръяс / Ред. А.В. Тентюков; серпасалiс А.В. Мошев. – Сыктывкар: Коми кн. изд-во, 1990. – 31 л.б.
• Паса шор: кывбуръяс, висьтъяс, мойдъяс, сьыланкывъяс / Ред. А.В. Тентюков; серпасалic Г.Н. Шарипков. – Сыктывкар: Коми кн. изд-во, 1995. – 140 л.б.
• Йöрын да вöрын: кывбуръяс / Серпасалiс В.А. Клейман. – Сыктывкар:Анбур, 2008. – 93 л.б.

Небӧг лӧсьӧдысь

• Чисталев В.Т. Эжва йывса колип: бöрйöм гижöдъяс; лöсьöдiс В.Г. Лодыгин; серпасалiс В.А. Моторин. – Сыктывкар: Коми небöг лэдзанiн, 2000. – 222 л.б.
• Аняби: Эжва йывса гижысьяслöн кывбуръяс да висьтъяс / Чукöртiс да лöсьöдiс В. Г. Лодыгин. – Сыктывкар: Эскӧм, 2001. – 35 л.б.
• Тiльгун: Эжва йывса том гижысьяслöн кывбуръяс да висьтъяс / Чукöртic да лöсьöдiс В.Г. Лодыгин. – Кулӧмдiн, 2007. – 51 л.б.
• «Парма гор» — чужан кывъя шор: Кулöмдiн районса «Парма гор» газет редакцияын уджалысьяс да налы отсасьысьяс йылысь висьт / АУ МО МР «Усть-Куломский»; Лöсьöдiс В.Г. Лодыгин; Серпасалiсны: Н.А. да Л.И. Лютоевъяс. — Сыктывкар: 2009. — 165 л.б.

Наградаяс

• Коми комсомоллысь премия босьтысь (1976);
• Коми АССР-са культураын нимӧдана уджалысь (1991);
• Коми Республикаса Правительстволысь И.А. Куратов нима премия босьтысь (2006);
• Россияса культураын нимӧдана уджалысь (2011 во) – культураын, печатьын да уна вося бур уджысь;
• «Коми Республикалы 95 во» казьтылана медаль (2016)[7];
• Коми Республикаса нимйӧза кывбуралысь почёт ним (2017.01.09)[8];
• «Эзысь борд» республикаса конкурсын «проза» нимпасын вермысь (2018);
• Кулӧмдін районса Почёта гражданин (2022.07.15).

Öшмöсъяс

• Мартынов, В. И. Лодыгин Василий Григорьевич [Электронный ресурс] // Литературная энциклопедия земли Коми / В. И. Мартынов. Сыктывкар, 2004. – Разд.: Персоналии. – 1 электрон. опт. диск (CD-ROM).
• Список членов союза писателей

Ыстӧдъяс

  1. ↑ Ванеева И. Лодыгин Василий Григорьевич // Республика Коми. Энциклопедия. Том II. — Сыктывкар: Коми книжное издательство, 1999. — С. 227.
  2. ↑ Малева А. Василий Григорьевич Лодыгин // Писатели Коми: биобиблиографический словарь. Том I. — Сыктывкар: Анбур, 2017. — С. 565-574.
  3. ↑ 1 2 Уляшева Л.И., Чаланова Н.А. Василий Григорьевич Лодыгин: биобиблиографический указатель. — Сыктывкар: Коми республиканская библиотека, 2022.
  4. ↑ Ушел из жизни коми поэт Василий Лодыгин
  5. ↑ С поэтом Василием Лодыгиным простятся в Сыктывкаре и в Усть-Куломском районе
  6. ↑ Лодыгин Василий Григорьевич
  7. ↑ Врио Главы Республики Коми Сергей Гапликов вручил государственные награды жителям региона // «Республика Коми» портал (2016.08.18 лун; рочӧн)
  8. ↑ В Коми появился еще один народный поэт // «Комиинформ» (2017.01.10; рочӧн)
Босьтӧма "https://kv.ruwiki.ru/w/index.php?title=Лодыгин_Василий_Григорьевич&oldid=442969"-ысь