Гуляева Людмила Петровна
| Гуляева Людмила Петровна | |
|---|---|
 | |
| Чужан лун | 1952-ӧд вося рака тӧлысь 12-ӧд лун (74 арӧс) |
| Чужанін | |
| Страна | |
| Мыйся уджыс | велӧдысь, гижысь |
Гуляева Людмила Петровна (1952-ӧд вося рака тӧлысь 12-ӧд лун, Антипин[d]) — перым коми кыв да литература велӧдысь, гижысь.
Олантуй
Людмила Гуляева чужӧма 1952-ӧд вося рака тӧлысь 12-ӧд лунӧ Перым Коми кытшын Юсьва районса Ларин грездын. 1959—1969-ӧд воясын велӧдчӧма школаын. 1974-ӧд воын помалӧма Перым педагогика институтысь филология факультетса коми-роч юкӧн. Велӧдӧма Перым Коми кытшса школаясын роч да перым коми кыв да литература: Кудымкар районса Мелехин школаын, нёль во — Антипин школаын[1]. 1981 восянь 30 во уджалӧма Юсьва районса Крыкалёв шӧр школаын, на пиысь 18-сӧ — директоралӧма[2]. Петіс пенсия вылӧ 2011 воӧ.
Гижан удж
Кывбуръяссӧ заводитӧма гижны школаын велӧдчигӧн. Ыджыд отсӧг гижӧмын сетісны Василий Климов да Леонид Никитин[1]. Медводдза кывбурыс вӧлі йӧзӧдӧма «Ленин туй вылӧт» газетын 1973 воӧ. Медводзза кывбуръяса сборник — «Оланын биок» — вӧлі лэдзӧма 1991 воӧ[1].
Йӧзӧдчылӧма кытшса газет-журналъясын да литературно-художественнӧй чукӧръясын. Гижӧ верстьӧлы да поснилы кывбуръяс да проза.
2019 восянь Россияса гижысьяслӧн котырӧ пырысь[3].
2022 воӧ Людмила Гуляева вӧлі «Коми-пермяцкӧй кыв сьӧрті ӧтласа диктантлы» текст авторӧн[4].
2007-ӧд воын челядьлы «Гажа кад» небӧгысь Л. П. Гуляевалы сетӧма Перым Коми кытшса премия.
Небӧгъяс
• Людмила Гуляева. Оланын биок. — Кудымкар: Пермское книжное издательство, Коми-Пермяцкое отделение, 1991. — 79 с.
• Людмила Гуляева. Годдэз и каддэз. — Кудымкар: Коми-Пермяцкое книжное издательство, 2001. — 224 с.
• Людмила Гуляева. Гажа кад. — Кудымкар: Коми-Пермяцкое книжное издательство, 2007. — 104 с.
• Людмила Гуляева. Арся думаэз. — Кудымкар: ПРОО "Общество радетелей коми-пермяцкого языка и культуры "Югӧр", 2017. — 295 с. — ISBN 978-5-91983-044-3.
• И шонтісьӧ бы лов. Аймам керкуын. Олан туй [Кывбуръяс]; Акробатъяс [Висьт] // Войвыв кодзув. 2018. — 2 №. — Л.б. 20—24.
Наградаяс
- М. Лихачёв нима литературнӧй премия босьтысь (2008)
- А. Зубов нима литературнӧй премия бостысь (2019)
- Юсьва районса Почёта гражданин (2015)
Пасйӧдъяс
- ↑ 1 2 3 Писатели Коми-Пермяцкого округа // Гуляева Людмила Петровна. Коми-Пермяцкая центральная национальная библиотека им. М. П. Лихачёва. Шыӧдчан кадпас: 15 йирым тӧлысь 2025.
- ↑ Сегодня день рождения Людмилы Петровны Гуляевой, Почётного гражданина Юсьвинского района. Официальный сайт Юсьвинского муниципального округа (12 рака тӧлысь 2024). Шыӧдчан кадпас: 15 йирым тӧлысь 2025.
- ↑ Два коми-пермяцких автора приняты в Союз писателей России. Коми-Пермяцкая центральная национальная библиотека им. М. П. Лихачёва (22 тӧвшӧр тӧлысь 2019). Шыӧдчан кадпас: 15 йирым тӧлысь 2025.
- ↑ Этнокультурная акция «Всеобщий диктант по коми-пермяцкому языку» - 2022 г. Коми-Пермяцкая центральная национальная библиотека им. М. П. Лихачёва (17 урасьӧм тӧлысь 2022). Шыӧдчан кадпас: 15 йирым тӧлысь 2025.
Литература
- Даты, события, люди …: справочное издание / Сост. Л. П. Ратегова. — Кудымкар: Коми-Перм. кн. изд-во, 2001. — С. 290—293.
- Гуляева Людмила Петровна // Войвыв кодзув. 2018. — 2 №. — Л.б. 20.
- Л. П. Гуляева йылысь