Шатохин Дмитрий Александрович
| Дмитрий Александрович Шатохин | |
|---|---|
 | |
|
| |
 Коми Республикаса олӧмӧ пӧртысь власьт органсянь Россия Федерацияса Федеральнӧй Собраниелӧн Федерация Сӧветӧ пырысь
 |
|
| 2016 вося кӧч тӧлысь 22-ӧд лун — 2020 вося кӧч тӧлысь 23-ӧд лун | |
| Водзвывса уджалысь | Владимир Александрович Торлопов |
| Удж водзӧ нуӧдысь | Ольга Николаевна Епифанова |
|
|
|
| Чужис |
1980-ӧд вося косму тӧлысь 8-ӧд лун (46 арӧс) Діасёрья, Кулӧмдін район, Коми АССР, РСФСР, СССР |
| Ютыр | Единая Россия |
| Велӧдчӧм | |
 Медиафайлы на РУВИКИ.Медиа | |
Шатохин Дмитрий Александрович (1980 вося косму тӧлысь 8-ӧд лун, Діасёръя, Кулӧмдін район, Коми АССР, РСФСР) — Россияса канморт, Коми Республикаса олӧмӧ пӧртысь канму власьт органсянь Россия Федерация Сӧветӧ пырысь (2016 восянь 2020 вося кӧч тӧлысьӧдз).
Олантуй
Чужис 1980 вося косму тӧлысь 8-ӧд лунӧ Коми АССР-са Кулӧмдін районлӧн Діасёръя посёлокын[1].
Мамыс, Нина Егоровна, — коми, чужлӧма Пожӧг сиктын. Батьыс, Александр Кириллович, — роч, сійӧ чужлӧма Приморскӧй крайын. Кыкнанныс талун олӧны Діасеръя посёлокын. Челядьыс семьяын вӧлі куим, Дмитрий — шӧркост[2].
1987 восянь 1997 воӧдз велӧдчис Вӧльса шӧр школаын.
2000 воын помаліс Сыктывкарса педагогика колледж, 2003 воын — Сыктывкарса канму университет[1]. 2013 воын Веськӧдлан кадръяс дасьтан Президентскӧй уджтас серти помаліс «Менеджмент» нырвизь серти Сыктывкарса канму университет.
2015 воын кыпӧдіс квалификация Сыктывкарса вӧр институтын («С. М. Киров нима Санкт-Петербургса канму лесотехническӧй университетлӧн» филиалын) «Канму да муниципальнӧй веськӧдлан системаын юрнуӧдысь дорӧ выль корӧмъяс» нырвизь серти.
2018 воын босьтіс уджсикасын выль тӧдӧмлунъяс «Веськӧдлан кадръяслысь резерв дасьтӧм да выльысь велӧдӧм» уджтас серти (РАНХиГС, Президентскӧй уджтас — «Канму да муниципальнӧй веськӧдлӧмын специалист» квалификация)
Эм «Коми Республикаса канму гражданскӧй службаын 3 класса сӧветник» класснӧй чин.
Удж
2003—2007 вояс — содтӧд тӧдӧмлун сетысь педагог, социальнӧй уджалысь, «Веськӧдлан резерв лицей» СТСКРКУ-ын воспитательнӧй юкӧнӧн заведуйтысь (Сыктывкар);
2007—2010 вояс — Коми Республикаса Каналан Сӧветын социальнӧй политика комитетлӧн юкӧнын нуӧдысь специалист-эксперт, медыджыд специалист-эксперт, консультант-эксперт;
2010—2011 вояс — «Сыктывкар» кар кытшлӧн муниципальнӧй юкӧнса администрацияӧн юрнуӧдысьӧс вежысь;
2011—2015 вояс — «Кулӧмдін» муниципальнӧй районлӧн муниципальнӧй юкӧнса юралысь — районса администрацияӧн юрнуӧдысь;
2015—2016 вояс — Коми Республикаса Каналан Сӧветын сьӧмкуд, вот да экономическӧй политика комитетӧн веськӧдлысь;
2016 вося кӧч тӧлысь 22-ӧд лун — 2020 вося кӧч тӧлысь 23-ӧд лун — Россия Федерацияса Федеральнӧй Собраниелӧн Федерация Сӧветӧ пырысь, Коми Республикаса олӧмӧ пӧртысь канму власьт органсянь петкӧдлысь. Федерация Сӧветлӧн сьӧмкуд да сьӧм овмӧс рынок комитетӧ пырысь;
2021—2022 вояс — Россия Федерацияса пенсия фондлӧн цифровизация да канму услугаяс департаментса начальник;
2023 вося рака тӧлыссянь — Россияса сьӧм овмӧс министерстволӧн Наука туялан сьӧм овмӧс институтын Водзмӧстчӧмӧн сьӧмкуд лӧсьӧдан шӧринӧн юрнуӧдысьӧс вежысь[3].
Наука удж
Наукаын интересъяс: водзмӧстчӧмӧн (партисипараторнӧя) сьӧмкуд лӧсьӧдӧм, сы лыдын том йӧзлысь, студентъяслысь; ӧтувъя сьӧм овмӧс, меставывса асвеськӧдлӧм, зумыда сӧвмӧм, услугаяс цифровизируйтӧм, асшӧр удж.
Медшӧр проектъяс: Россия Федерацияса субъектъясын да муниципальнӧй юкӧнъясын водзмӧстчӧмӧн сьӧмкуд лӧсьӧдӧмсӧ сӧвмӧдан медбур практика йылысь докладъяс дасьтӧм (Россияса сьӧм овмӧс министерство, 2022—2023 вояс).
Водзмӧстчӧмӧн сьӧмкуд лӧсьӧдӧмсӧ сӧвмӧдӧмкӧд йитчӧм темаяс серти квалификация кыпӧдан уджсикасӧ содтӧд велӧдан уджтасъяс велӧдысь.
Котыртӧ водзмӧстчӧмӧн сьӧмкуд лӧсьӧдӧм серти консультантъяслысь Гожся (Перым, Алтай край) да Войвыв (ХМАО-Югра) школа, Водзмӧстчӧмӧн сьӧмкуд лӧсьӧдӧм серти ставроссияса конференция, Том йӧзлысь водзмӧстчӧмӧн сьӧмкуд лӧсьӧдӧм серти ставроссияса конференция.
Россия Федерацияса водзмӧстчӧмӧн сьӧмкуд лӧсьӧдӧмсӧ сӧвмӧдан юкӧнын Россия Федерацияса Веськӧдлан котырлысь ӧткымын федеральнӧй оланпас, шуӧм да тшӧктӧм лӧсьӧдӧмын участвуйтӧм.
Медшӧр публикацияяс
• Водзмӧстчӧмӧн сьӧмкуд лӧсьӧдӧм йылысь 72 юалӧм / В. В. Вагин, И. А. Кугуелова, М. В. Кураколов, В. А. Паксиваткина, И. В. Петрова, Э. А. Титов, Н. М. Филиппова, Н. А. Шаповалова, Д. А. Шатохин. — Россия Федерацияса сьӧм овмӧс министерстволӧн наука туялан финансӧвӧй институт, 2023. — 117 л.б.
• Россия Федерацияса субъектъясын да муниципальнӧй юкӧнъясын водзмӧстчӧмӧн сьӧмкуд лӧсьӧдӧмсӧ сӧвмӧдӧмын медбур практикаяс йылысь доклад. Россия Федерацияса сьӧм овмӧс министерство. Москва. 2022, 2023.
• Кыдзи лоны медводдзаӧн водзмӧстчӧмӧн сьӧмкуд лӧсьӧдан экологическӧй проектъясын. Методическӧй рекомендацияяс / В. В. Вагин, Д. А. Шатохин, Е. А. Титов, Б. В. Куприянов, Е. М. Карпова, Н. А. Шаповалова, М. А. Шевелев, В. А. Паксиваткина, Д. В. Сорокин, В. З. Газизов. — Россия Федерацияса сьӧм овмӧс министерстволӧн наука туялан финансӧвӧй институт. — О-Краткое: Киров, 2023.
• Шатохин, Д.А., Паксиваткина, В.А., Петрова, И.В. Дінму тӧдчанлуна юалӧмъяс решитӧм серти мероприятиеяс збыльмӧдігӧн гражданаӧн участвуйтан инструментъясӧн вӧдитчӧмын инӧда да котыртан позянлунъяс йылысь // Наука туялан удж. — Москва, 2023. — 27 л.б.
• Шатохин Д. А. Чӧжӧс чукӧртан проектъяс отсалӧны ичӧт да шӧр предпринимательстволы да сӧвмӧдӧны мутас. — «Бюджет» журнал, 12 (264). — Москва, 2024. — 43.л.б.
Россияса научнӧй да научно-практическӧй изданиеясын йӧзӧданторъяслӧн автор[4]
Общественнӧй удж
2004—2007 вояс — Коми Республикаса том йӧзлӧн парламентӧн веськӧдлысь, Россия Федерацияса Федеральнӧй Собраниелӧн Каналан Дума бердын Том йӧзлӧн Ӧтйӧза палатаӧ пырысь;
2004—2007 вояс — «Коми Республикаын том йӧз парламентлӧн сӧвет» абу коммерческӧй уджъёртасьӧмлӧн директор;
2007 во — Коми Республикаса ӧтйӧза палатаӧ пырысь;
2012 восянь — Тыр арлыдтӧм челядьӧс реабилитируйтан Кебанъёльса шӧринлӧн Попечительскӧй сӧветӧ пырысь;
2015 восянь — Россия Федерацияса Федеральнӧй Собраниелӧн Федерация Сӧвет бердын Том оланпас пыртысьяслӧн палатаӧ пырысь;
2015 во — «Коми Республикаса муниципальнӧй юкӧнъяслӧн сӧвет» ассоциацияӧн веськӧдлысь;
2016 восянь — Сыктывкарын Кулӧмдінса землячествоӧн веськӧдлысь;
2017 восянь — Коми Республикаын футбол федерацияса президент;
2017 восянь пыртӧма Медицинскӧя быть страхуйтан федеральнӧй фондлӧн правлениеӧ;
2017 восянь пырис Россияса Президентлӧн патронаж улын веськӧдлан кадръяслӧн резервӧ (Президентлӧн кадрӧвӧй резервын «медводдза сё» лыдӧ пырысь).
Ютырын удж
2011 восянь — «Единая Россия» ставроссияса кансяма ютырӧ пырысь; «Единая Россия» ставроссияса кансяма ютырлӧн Коми дінму юкӧнса политсӧветӧ пырысь;
2017 восянь пырис Рытыв-Войвыв кытшын «Единая Россия» дінмукостса координационнӧй сӧветӧн веськӧдлысьяс лыдӧ.
Ас семья
Гӧтыра, быдтӧ кык челядьӧс.
Наградаяс
• «Коми Республика водзын заслугаясысь» Коми Республикаса отличие пас (2011);
• Роч православнӧй вичколӧн Сыктывкарса да Вӧркутаса епархиясянь куим вежа Герасимлӧн, Питиримлӧн да Ионалӧн епархиальнӧй медаль (2012);
• Коми Республикаса вӧр-ва озырлун да гӧгӧртас видзан министерствосянь аттьӧалӧм (2013);
• Коми Республикаса культура министерстволӧн почёт грамота (2013);
• Коми Республикаса бӧрйысян комиссиясянь аттьӧалӧм (2013);
• Коми Республикаса Почёт грамота (2014);
• Коми Республикаса национальнӧй политика министерствосянь аттьӧалана гижӧд (2016);
• Россия Федерацияса ӧтйӧза палатасянь аттьӧалана гижӧд (2017).