Ельцин Борис Николаевич

Босьтӧма Рувикиысь
Aprove.svg

РНА-лӧн экспертиза

Arrow-Right.png
Logo-ran.png
Нуӧдӧма экспертиза
Россияса Наукаяс Академияӧн
Российская Академия Наук

Дасьтысьӧм

Отсалам дасьтысьны ЕГЭ/ОГЭ экзаменъяс кежлӧ

Экспертизасӧ нуӧдіс
Российская академия наук
Материалы для подготовки к ЕГЭ/ОГЭ
Learning.svg

Б. Н. Ельцин нима Президентскӧй небӧгаинысь

Arrow-Right.png
Library.png
Тайӧ гижӧдын вӧдитчӧма
Б. Н. Ельцин нима Президентскӧй небӧгаин фондъясысь материалъясӧн
Паськыдджыка
Борис Николаевич Ельцин
Борис Николаевич Ельцин-1 (cropped) (cropped).jpg
Флаг
медводдза Россия Федерацияса президент
Флаг
1991 вося ӧшым тӧлысь 25-ӧд лун — 1999 вося ӧшым тӧлысь 31-ӧд лун
Веськӧдлан котырӧн юрнуӧдысь Гайдар Егор Тимурович (удж вӧчысь, 1992)
Черномырдин Виктор Степанович (1992—1998)
Кириенко Сергей Владиленович(1998)
Черномырдин Виктор Степанович (удж вӧчысь, 1998)
Примаков Евгений Максимович (1998—1999)
Степашин Сергей Вадимович (1999)
Путин Владимир Владимирович (1999—2000)
Вице-президент Руцкой Александр Владимирович (1991—1993)
чиныс бырӧдома (1993 во бӧрын)
Водзвывса уджалысь чинсӧ лӧсьӧдӧма; кыдз РСФСР-са президент
Удж водзӧ нуӧдысь Черномырдин Виктор Степанович (удж вӧчысь, 1996.11.5-6)
Путин Владимир Владимирович
1993 вося кӧч тӧлысь 22-ӧд лунсянь йирым тӧлысь 4-од лунӧдз чин сертиыс вензис Руцкой Александр Владимирович
Флаг
СНГ канмуясӧн веськӧдлысьяслӧн сӧветса председатель
Флаг
1994 вося тӧвшӧр тӧлысь 1 лун — 1999 вося ӧшым тӧлысь 31-ӧд лун
Водзвывса уджалысь чиныс лӧсьӧдӧма
Удж водзӧ нуӧдысь Путин Владимир Владимирович
Флаг
Россия Федерацияса правительствоӧн веськӧдлысь
кыдзи Россия Федерацияса президент
Флаг
1991 вося вӧльгым тӧлысь 6-ӧд лун — 1992 вося лӧддза-номъя тӧлысь 15-ӧд лун
Водзвывса уджалысь Силаев Иван Степанович
Удж водзӧ нуӧдысь Гайдар Егор Тимурович (удж вӧчысь)
Черномырдин Виктор Степанович
Флаг
Россия Федерацияса оборона министрлысь
удж вӧчысь
Флаг
рака тӧлысь 16-ӧд лун — 1992 вося ода-кора тӧлысь 18-ӧд лун
Президент ачыс
Водзвывса уджалысь Кобец Константин Иванович
Удж водзӧ нуӧдысь Грачёв Павел Сергеевич
Флаг
РСФСР-са президент
Флаг
сора тӧлысь 10-ӧд лун — 1991 вося ӧшым тӧлысь 25-ӧд лун
Веськӧдлан котырӧн юрнуӧдысь Силаев Иван Степанович (1990—1991)
ачыс (правительствоӧн веськӧдлысь кыдз президент, 1991—1992)
Водзвывса уджалысь чиныс бырӧдӧма;
сійӧ ачыс кыдз РСФСР-са Медвылыс Сӧветлӧн председатель
Удж водзӧ нуӧдысь чиныс бырӧдӧма; сійӧ ачыс кыдз Россия Федерацияса президент
Флаг
РСФСР-са Медвылыс Сӧветлӧн председатель[lower-alpha 1]
Флаг
1990 вося ода-кора тӧлысь 29-ӧд лун — 1991 вося сора тӧлысь 10-ӧд лун
Водзвывса уджалысь Грибачёв Николай Матвеевич
Удж водзӧ нуӧдысь Хасбулатов Руслан Имранович
Флаг
КПСС-лӧн ЦК-са Политбюроӧ
пырысьпу
Флаг
1986 вося урасьӧм тӧлысь 18-ӧд лун — 1988 вося урасьӧм тӧлысь 18-ӧд лун
Флаг
КПСС-лӧн ЦК-са секретар
Флаг
1985 вося сора тӧлысь 1 лун — 1986 вося урасьӧм тӧлысь 18-ӧд лун
Флаг
КПСС-лӧн Москваса горкомлӧн
медводдза секретар
Флаг
1985 вося ӧшым тӧлысь 24-ӧд лун — 1987 вося вӧльгым тӧлысь 11-ӧд лун
Водзвывса уджалысь Гришин Виктор Васильевич
Удж водзӧ нуӧдысь Зайков Лев Николаевич
Флаг
КПСС-лӧн Свердловск горкомлӧн
медводдза секретар
Флаг
1976 вося вӧльгым тӧлысь 2-ӧд лун — 1985 вося косму тӧлысь 18-ӧд лун
Водзвывса уджалысь Рябов Яков Петрович
Удж водзӧ нуӧдысь Петров Юрий Владимирович
Чужис 1931 вося урасьӧм тӧлысь 1 лун
Бутка, Бутка район, Урал обласьт, РСФСР, СССР
Куліс 2007 вося косму тӧлысь 23-ӧд лун
Москва, Россия
Гуалӧма Новодевичье шойнаын
Ютыр КПСС (1961—1990)
абу партияын (1990—2007)
Велӧдчӧм Уральскӧй канму техническӧй университет
Уджсикас инженер-строитель
Эскӧм православие
Автограф Изображение автографа
Наградаяс
Логотип РУВИКИ.Медиа Медиафайлы на РУВИКИ.Медиа
Логотип Викитеки Произведения в Викитеке

Ельцин Борис Николаевич (1931 вося урасьӧм тӧлысь 1 лун, Бутка, Бутка район, Урал обласьт, РСФСР, СССР — 2007 вося косму тӧлысь 23-ӧд лун, Москва, Россия) — советскӧй да россияса партийнӧй уджалысь да канморт, Россия Федерацияса медводдза став йӧзӧн бӧрйӧм Президент (1991—1999)[lower-alpha 2]; Россияса общественно-политическӧй да экономическӧй тэчасног вежысь. 1991 вося вӧльгым тӧлыссянь 1992 вося лӧддза-номъя тӧлысьӧдз тшӧтш веськӧдліс Правительствоӧн[2][3]. 1992 вося рака тӧлыссянь ода-кора тӧлысьӧдз пӧртіс олӧмӧ Россия Федерацияса оборона министрлысь могъяс.

СССР-са Медвылыс Сӧветлӧн Союз Сӧветын 10-ӧд да 11-ӧд созывъясса депутат (1979—1989); СССР-са Медвылыс Сӧвет Президиумӧ пырысь (1984—1988). СССР-са народнӧй депутат да СССР-са Медвылыс Сӧветлӧн Национальносьтъяс Сӧветӧ пырысь (1989—1990). РСФСР-са народнӧй депутат да РСФСР-са Медвылыс Сӧветса председатель (1990—1991). КПСС-ӧ пырысь (1961—1990), КПСС-лӧн ЦК-ӧ пырысь (1981—1990); партияын вӧлі КПСС-лӧн Свердловск обкомса медводдза секретарӧн (1976—1985), КПСС-лӧн ЦК-са секретарӧн (1985—1986) да КПСС-лӧн Москва горкомса медводдза секретарӧн (1985—1987). Ленин ордена кавалер (1981).

Челядьдыр да томдыр

Чужис 1931 вося урасьӧм тӧлысь 1 лунӧ, Бутка сиктын (Бутка район, Урал обласьт, РСФСР, СССР) кресьтянин семьяын[4][5].

Борис Ельцин (шуйгавывсянь мӧд) ёртъяскӧд

Мамыс — Клавдия Васильевна Ельцина (Старыгина, 1908—1993[6]), вурсьысь[7][8].

Группа (тшӧтш Николай да Андриан Ельцинъясӧс) мыждӧм йылысь Татарскӧй АССР-са ОГПУ-лӧн полномочнӧй представительстволӧн 1934 во ода-кора тӧлысь 23-ӧд лунся 12 №-а заседаниевывса протоколысь гижӧд

Батьыс — Николай Игнатьевич Ельцин (1906-1977), стрӧитель[9]. 1934 вося косму тӧлысь 28-ӧд лунӧ арестуйтӧмаӧсь Андриан вокыскӧд да нӧшта нёль уджалыськӧд, найӧс мыжалӧмаӧсь уджалысьяс пӧвстын антисӧветскӧй агитацияысь. 1934 вося ода-кора тӧлысь 23-ӧд лунӧ Татарскӧй АССР-ын ОГПУ ПП-лӧн тройкаӧн сійӧс РСФСР-са УК-лӧн 58 статьяысь 10 пункт серти (Сӧветъяслы паныд пропаганда да агитация нуӧдӧм) мыждӧмаӧсь 3 во кежлӧ ИТЛ-ӧ.

1936 вося кӧч тӧлысь 29-ӧд лунӧ Н. И. Ельцинӧс мездісны дзескыдінысь кадысь водз примернӧй поведение вӧсна, 1936 вося йирым тӧлысь заводитчигӧн сійӧ бӧр воис Казаньӧ да овмӧдчис сійӧ жӧ керкаас[10]. Тані 1937 воын Николайлӧн да Клавдиялӧн чужис мӧд пи — Михаил[11][12].

1937 воын Ельцинъяс бӧр локтісны Уралӧ, кӧні Н. И. Ельцин уджаліс мастерӧн Березникиын химкомбинат стрӧитігӧн, а некымын во мысти лои завод бердын стрӧитчан юкӧнса начальникӧн[7][13].

Челядьдырсӧ Ельцин колляліс Перым обласьтса Березники карын, сэні жӧ помаліс школа (ӧні А. С. Пушкин нима 1 №-а школа). Ельцинлӧн официальнӧй биография серти[7] да СМИ-лӧн юӧръяс серти, велӧдчӧма бура, вӧлӧма классӧн старӧстаӧн, но абу вывті бура асьсӧ кутӧма, радейтӧма тышкасьны[8].

Казаньын Карагандинскӧй улича вылын керка, кӧні 1934—1937 воясӧ оліс Б. Н. Ельцин

Шуйга киас Ельцинлӧн эз вӧв кык чунь да коймӧдлӧн чунь рӧч[14]. Ельцинлӧн висьталӧм серти, сійӧ воштіс найӧс граната взрыв вӧсна, кор сійӧ кӧсйис восьтыны гранатасӧ[14]. Тайӧ версияӧ эз эскыны Сергей Кара-Мурза[15] да Мухин Юрий Игнатьевич. Чуньяс абутӧм вӧсна Ельцин эз служит армияын[14].

1955 вося косму тӧлысь 8-ӧд лунӧ ас киӧн гижӧм олантуй серти, 1949 воын пырӧма С. М. Киров нима Уралса политехническӧй институтӧ стрӧитчан факультетӧ[4][16], 1955 воын помалӧма сійӧс «Промышленнӧй да гражданскӧй стрӧитчӧм» специальносьт кузя да босьтӧма «инженер-стрӧитель» квалификация[5].

Студенталігас сьӧлӧмсяньыс ворсӧма волейболӧн, петкӧдчӧма карса сборнӧй командаын, лоӧма СССР-са спортса мастерӧн. 1952 воын вӧлі Молотов обласьтса нывбабаяслӧн волейбольнӧй командалӧн тренерӧн, коді участвуйтіс РСФСР-са первенство вылӧ зональнӧй ордйысьӧмъясын (командаыс босьтіс 6-ӧд места)[17].

Удж да партия

1955 воын сійӧс ыстісны уджавны «Уралтяжтрубстрой» трестӧ, кӧні сійӧ ӧти воӧн велӧдчис уджавны некымын стрӧитчан специальносьт серти, сэсся уджаліс мастерӧн, участокса начальникӧн. 1957 воын лоӧ прорабӧн[7]. 1961 воын пырӧ КПСС-ӧ. 1963 воын лоис Свердловскса домостроительнӧй комбинатын шӧр инженерӧн[5]. 1966 восянь — Свердловскса домостроительнӧй комбинатын директор[18].

1963 воын Свердловскын Киров районса партийнӧй организациялӧн XXIV конференция вылын бӧрйисны делегатӧн карса конференция вылӧ. XXV районса конференция вылын бӧрйисны КПСС-лӧн Киров райкомӧ пырысьӧн да Свердловск областнӧй конференция вылӧ делегатӧн.

КПСС-лӧн Свердловск обкомын

Б. Ельцинлӧн служебнӧй машина

1968 воын вуджӧдӧмаӧсь партийнӧй удж вылӧ КПСС-лӧн Свердловск обкомӧ, кӧні веськӧдлӧма стрӧитчан юкӧнӧн. 1975 воын сійӧс бӧрйисны КПСС-лӧн Свердловск обкомса секретарӧн, кывкутіс обласьтсӧ промышленнӧя сӧвмӧдӧм вӧсна[4][5].

1976 воын КПСС-лӧн ЦК-са Политбюролӧн вӧзйӧм серти бӧрйисны КПСС-лӧн Свердловск обкомса медводдза секретарӧн (Свердловск областьса фактическӧй веськӧдлысьӧн), уджаліс тайӧ чинын 1985 воӧдз [4].

СССР-са Медвылыс Сӧветын

1978-1989 воясӧ — СССР-са Медвылыс Сӧветса депутат (Союз Сӧветӧ пырысь). 1984 восянь 1988 воӧдз — СССР-са Медвылыс Сӧветлӧн Президиумӧ пырысь. Таысь кындзи, 1981 воын КПСС-лӧн XXVI съезд вылын сійӧс бӧрйисны КПСС-лӧн ЦК-ӧ пырысьӧн да 1990 воын партияысь петтӧдз пырис сэтчӧ[4][5].

1985 воын, кор М. С. Горбачёвӧс бӧрйисны КПСС-лӧн ЦК-са Генеральнӧй секретарӧн, сійӧс вуджӧдісны уджавны Москваӧ (Е. К. Лигачевлӧн вӧзйӧм серти), косму тӧлысьын веськӧдліс КПСС-лӧн ЦК-са стрӧитчан отделӧн, а 1985 вося лӧддза-номъя тӧлысьын бӧрйисны КПСС-лӧн ЦК-са стрӧитчан юалӧмъяс кузя секретарӧн[4].

КПСС-лӧн Москваса горкомын

1985 вося ӧшым тӧлысьын КПСС ЦК-лӧн Политбюро вӧзйис сылы лоны КПСС-лӧн Москваса горкомын медводдза секретарӧн. Тайӧ чинӧ воӧм бӧрын заводитіс весавны юркарса партийнӧй да сӧветскӧй аппарат, мездіс удж вывсьыс горкомса уна веськӧдлысьӧс да райкомъясысь медводдза секретаръясӧс. Нималіс лавкаяс да складъяс личнӧя прӧверитӧмӧн, общественнӧй транспортын ветлӧмӧн. Котыртліс Москваын сёян-юан ярмангаяс. Ельцин дырйи заводитӧны лӧсьӧдны Москвалы сӧвмӧдан выль Генеральнӧй план, пыртӧны история боксянь тӧдчана стрӧйбаяс разьӧм вылӧ запрет, заводитӧны пасйыны Москвалысь лун[7].

1986 вося урасьӧм тӧлысьын КПСС XXVII съезд вылын сійӧс бӧрйисны КПСС-лӧн ЦК-са Политбюроӧ пырысь кандидатӧн, вӧліс тайӧ чинас 1988 вося урасьӧм тӧлысь 18-ӧд лунӧдз[5].

1987 вося арын заводитіс публичнӧя критикуйтны партияӧн веськӧдлысьясӧс. Йирым тӧлысь 21-ӧд лунӧ КПСС-лӧн ЦК-са Пленум вылын чорыда выступитіс (критикуйтіс Политбюроса ӧткымын членъяслысь уджаланногсӧ, торйӧн кӧ, Егор Лигачёвӧс, перестройкалысь ньӧжмыд ӧдсӧ, мукӧдторъяс лыдын висьталіс Михаил Горбачёвӧс «пернаӧ пӧртӧм» заводитчӧм йылысь), мый бӧрын корис мездыны сійӧс Политбюроса пырысьпулӧн могъясысь[5]. Та бӧрын сійӧс паныдалісны паныда критикаӧн, тшӧтш и насянь, кодъяс сійӧс водзті поддерживайтлісны (шуам, «перестройкаса архитектор» Александр Яковлев). Медбӧрын сылы лои каитчыны аслас сорасьӧмъясын.

Вӧльгым тӧлысь 3-ӧд лунӧ Ельцин мӧдӧдіс Горбачёвлы письмӧ, кӧні корис кольны сійӧс Москваса горкомын медводдза секретарӧн[19].

Вӧльгым тӧлысь 9-ӧд лунӧ сьӧлӧм висьмӧм вӧсна веськаліс больничаӧ[7].

Вӧльгым тӧлысь 11-ӧд лунӧ Москваса горкомлӧн Пленум вылын выльысь каитчис[20], признайтіс ассьыс ӧшыбкаяссӧ, но вӧлі мездӧма Москваса горкомса медводдза секретар чинысь.

1988 вося тӧвшӧр тӧлысь 14-ӧд лунӧ Ельцинӧс индісны СССР-са Госстройӧн веськӧдлысьӧс медводдза вежысьӧн — СССР-са министрӧн[4][18][5].

Урасьӧм тӧлысь 18-ӧд лунӧ КПСС-лӧн ЦК-са Пленумлӧн шуӧмӧн сійӧс вӧлі мездӧма КПСС-лӧн ЦК-са Политбюроӧ пырысь кандидатлӧн уджмогъясысь, но кольӧма ЦК-са членӧн.

Б. Н. Ельцин выступайтӧ Союз Керкаса Колоннӧй залын, медым лоны СССР-са народнӧй депутатӧн, 1989.02.21

СССР-са народнӧй депутат

1989 вося рака тӧлысь 26-ӧд лунӧ Ельцинӧс бӧрйисны СССР-са народнӧй депутатӧн медводдза номера национально-территориальнӧй кытшын (Москва кар), москвичьяс сылы сетісны 91,53% гӧлӧс, явкаыс вӧлі матӧ 90%[7]. Ельцинлы паныд сувтіс ЗИЛ-са генеральнӧй директор Евгений Браков. Бӧрйӧмкӧд йитӧдын Ельцинӧс вӧлі мездӧма СССР-са министрлӧн могъясысь (сэк жӧ кольӧма СССР-са Государственнӧй строительнӧй комитетса председательӧс медводдза вежысьӧн)[21]. Съезд вылын Ельцинлӧн эз артмы пырны Медвылыс Сӧветӧ, но депутат А. И. Казанник ӧткажитчис аслас мандатсьыс да сетіс Ельцинлы (1993 вося йирым тӧлысьын Ельцин индіс сійӧс Россия Федерацияса Генеральнӧй прокурорӧн).

1989 вося лоддза-номъя тӧлыссянь 1990 вося ӧшым тӧлысь 26-ӧд лунӧдз Борис Ельцин — СССР-са Медвылыс Сӧветлӧн Национальносьтъяс Сӧветӧ пырысь[22]. Бӧрйисны СССР-са Медвылыс Сӧветлӧн стрӧитчӧм да архитектура комитетса председательӧн да пырис СССР-са Медвылыс Сӧветлӧн Президиумӧ. Вӧлі регионкостса депутат котырӧн веськӧдлысьясысь ӧтиӧн.

РСФСР-са Медвылыс Сӧветса председатель

1990 вося ода-кора тӧлысь 29-ӧд лунӧ Ельцинӧс бӧрйисны РСФСР-са Медвылыс Сӧветӧ председательӧн — коймӧдысь гӧлӧсуйтӧм бӧрын, сы вӧсна кипасалісны 535 морт, а «Кремльса кандидат» Александр Власовлӧн вӧлі 467 гӧлӧс[7].

Ельцин веськӧдлӧм улын Медвылыс Сӧвет вынсьӧдіс некымын оланпас, кодъяс тӧдчисны страналӧн водзӧ сӧвмӧм вылӧ, на лыдын РСФСР-ын эмбур йылысь оланпас.

1990 вося лӧддза-номъя тӧлысь 12-ӧд лунӧ РСФСР-са народнӧй депутатъяслӧн съезд вынсьӧдіс РСФСР-лӧн канму суверенитет йылысь Декларация, кӧні вӧлі индӧма, мый россияса оланпастэчасыс вылынджык союзнӧй оланпастэчас серти. Тайӧ ёна содтіс РСФСР-са Медвылыс Сӧветса председательлысь политическӧй тӧдчанлунсӧ. 1991 воын лӧддза-номъя тӧлысь 12-ӧд лун лои Россия Федерацияса Медвылыс Сӧветлӧн шуӧм серти[23], Россия Федерацияса канму гажӧн — Россия лунӧн.

Сора тӧлысь 12-ӧд лунӧ КПСС-лӧн XXVІІ съезд вылын Ельцин чорыда критикуйтіс партиясӧ да сыӧн веськӧдлысь Михаил Горбачёвӧс да юӧртіс КПСС-ысь аслас петӧм йылысь.

1990 вося моз тӧлысьын-йирым тӧлысьын союзнӧй республикаяслӧн «суверенитет парад» бӧрын заводитчис автономияа юкӧнъяслӧн да весиг РСФСР-са ӧткымын регионъяслӧн «суверенитет парад»[5][18]. Вӧлі примитӧма Карел АССР-лӧн канму суверенитет йылысь декларация, йӧзӧдӧма канму суверенитет Коми АССР-лысь, Татар АССР-лысь, Удмурт да Якутия-Саха АССР-лысь, Чукотка асвеськӧдлан кытшлысь, Адыгея АССР-лысь, Бурят АССР-лысь, Башкир АССР-лысь, Калмык АССР-лысь, Мари АССР-лысь, Чуваш АССР-лысь, Ямал-Яран асвеськӧдлан кытшлысь, Горно-Алтайск АО (Горно-Алтайскӧй АССР), Иркутск обласьтлысь да с.в. Та дырйи, век жӧ канмулӧн тырвыйӧ асшӧрлун йылысь да РСФСР-ысь петӧм йылысь эз сёрнитны, федеральнӧй шӧринкӧд йитӧдъяссӧ водзӧ вылӧ кӧсйисны ладмӧдны сыкӧд сёрнитчӧмъяс кырымалӧмӧн.

Ӧткымын СМИ-ын гижӧма, мый Борис Ельцин шуис татшӧм фраза: «босьтӧй сы мында суверенитет, мыйта верманныд ньылыштны»[24], мый быттьӧкӧ сійӧ шуӧма Уфаын 1990 вося моз тӧлысьын. Збыль вылас сійӧ шуис неуна мӧд ногаджык: «ми шуам Башкирияса Медвылыс сӧветлы, правительстволы: ті босьтӧй сы ыджда власьт юкӧн, мый асьныд верманныд ньылыштны (рочӧн вы возьмите ту долю власти, которую сами можете проглотить)»[25][26].

СССР-са президент М. С. Горбачёв 1990 вося ӧшым тӧлысьын вӧзйис выль Союзнӧй Договорлысь проект. 1990 вося ӧшым тӧлысь 24-ӧд лунӧ СССР-са народнӧй депутатъяслӧн IV съезд шуис, мый СССР-сӧ колӧ видзны, кыдзи ӧткодь правоа сувереннӧй республикаяслысь выльмӧдӧм федерация, кӧні тырвыйӧ кутасны могмӧдсьыны став войтырсикаслӧн инӧдъяс да вӧля[27].

1991 вося урасьӧм тӧлысь 19-ӧд лунӧ телевидение пыр выступайтігӧн Борис Ельцин Ригаын да Вильнюсын лоӧмторъяс бӧрын, кор СССР-са веськӧдлысьяс военнӧй вын отсӧгӧн дугӧдісны йӧзлысь выступлениеяс, критикуйтіс тайӧ вӧчӧмторъяссӧ да медводдзаысь корис Михаил Горбачёвӧс мунны отставкаӧ да сетны власьтсӧ Федерация Сӧветлы, кӧні вӧліны союзнӧй республикаясса веськӧдлысьяс. Кык лун мысти РСФСР-са Медвылыс Сӧветлӧн заседание вылын вӧлі йӧзӧдӧма «квайтӧнлысь письмӧ» (Медвылыс Сӧветса председательӧс вежысьяс С. П. Горячева да Б. М. Исаев, кыкнан палатаса председательяс В. Б. Исаков да Р. Г. Абдулатипов да найӧс вежысьяс А. А. Вешняков да В. Г. Сыроватко), кодъяс критикуйтісны Медвылыс Сӧвет уджӧн веськӧдлӧмын Ельцинлысь авторитарнӧй стильсӧ. Но Ельцинӧс кутіс дорйыны Р. И. Хасбулатов (председательӧс медводдза вежысь), и депутатъяс эз сетны тайӧ шыӧдчӧмыслы туй.

Рака тӧлысь 17-ӧд лунӧ Ставсоюзса референдумын СССР-ӧс видзӧм да выльмӧдӧм дор сувтіс унджык гражданаыс, квайт республикаысь (Литваысь, Эстонияысь, Латвияысь, Грузияысь, Молдоваысь, Арменияысь) олысьяс кындзи, кӧні вылыс власьт органъяс ӧткажитчисны нуӧдны референдумсӧ.

Россияса президент

Медводдза президенталӧм

1991 вося урасьӧм тӧлысь 7-ӧд лунӧ РСФСР-са Медвылыс Сӧвет примитіс «СССР-ын референдум да РСФСР-ын 1991 вося рака тӧлысь 17-ӧд лунӧ референдум нуӧдӧм могмӧдӧм йылысь» 581-I №-а шуӧм, кӧні вӧлі тшӧктӧма нуӧдны Россия пасьтала СССР видзӧм йылысь ставсоюзса референдум да РСФСР-ын президентлысь чин пыртӧм йылысь референдум[28].

1991 вося рака тӧлысь 17-ӧд лунӧ Россияса бӧрйысьысьяс пиысь 71,34% шуисны видзны СССР; Россияса бӧрйысьысьяс пиысь 69,85% вӧліны Россияын президент чин пыртӧм вӧсна[29][30]. 1991 вося косму тӧлысь 5-ӧд лунӧ Россияса народнӧй депутатъяслӧн съезд индіс РСФСР-са президентӧс бӧрйыны 1991 вося лӧддза-номъя тӧлысь 12-ӧд лунӧ[31]. Сійӧ жӧ вося косму тӧлысь 24-ӧд лунӧ РСФСР-са Медвылыс Сӧвет референдумлӧн кывкӧртӧдъяс серти примитіс «РСФСР-са Президент йылысь» да президентӧс бӧрйӧм йылысь оланпасъяс[32][33].

1991 вося лӧддза-номъя тӧлысь 12-ӧд лунӧ бӧрйысьӧмъясын вермис Борис Ельцин, сы вӧсна гӧлӧсуйтіс 57,30% бӧрйысьысь. Сійӧ босьтчис уджӧ 1991 вося сора тӧлысь 10-ӧд лунӧ, лоис став йӧзӧн бӧрйӧм медводдза россияса канму юралысьӧн[4].

Борис Ельцин (шӧрас) Мавзолей трибуна вылын, 1995.05.09

Мӧд президенталӧм

Борис Ельцинӧс бӧрйисны мӧд президенталан кадколаст кежлӧ 1996 вося гожӧмын кык тура бӧрйысьӧмъяс вылын[4], кӧні Ельцинлӧн медшӧр соперникнас лои Г. А. Зюганов[18]. Б. Н. Ельцинлӧн мӧд президенталан кадколаст дырйи Россияын лои экономика кризис, мый вайӧдіс 1998 вося моз тӧлысь 17-ӧд лунӧ дефолтӧдз. Россияса правительстволӧн вежсис вит состав. КПРФ фракция Государственнӧй Думаын 1999 вося ода-кора тӧлысьын объявитіс президентлы импичмент. Заводитчис мӧд чеченскӧй вӧйна.

1999 вося ӧшым тӧлысь 31-ӧд лунӧ Борис Ельцин юӧртіс Россияса президент чинысь эновтчӧм йылысь[4]. Президентлысь могъяс недыр олӧмӧ пӧртысьӧн вӧлі индӧма Россияса правительствоӧн веськӧдлысь Владимир Путинӧс, коді вермис 2000 вося рака тӧлысьын президентӧс бӧрйигӧн[18].

Отставкаын

Борис Ельцин аслас керка дорын (1996 во)

2000 вося тӧвшӧр тӧлысь 6-ӧд лунӧ, кор сійӧ эз нин вӧв президентӧн, Б. Ельцин юрнуӧдіс россияса делегацияӧн Вифлеем карӧ ветлігӧн, тайӧ ветлӧмсӧ вӧлі планируйтӧма сылӧн веськӧдлан кадӧ на[34]. Косму тӧлысь 5-ӧд лунӧ Россияса Пенсия фондӧн веськӧдлысь Михаил Зурабов сетіс Борис Ельцинлы 2000 вося рака тӧлысь 31-ӧд лунӧ гижӧм пенсионнӧй удостоверение[35].

2000 вося ода-кора тӧлысь 7-ӧд лунӧ Борис Ельцин вӧліс Россияса президент Владимир Путинлӧн инаугурация вылын[36].

Кувсьӧм

Борис Ельцинлӧн Новодевичей шойна вылын гуыс. Паметникыс — россияса триколор

Борис Ельцин кувсис 2007 вося косму тӧлысь 23-ӧд лунӧ Москваса кад серти 15:45 часын Центральнӧй клиническӧй больничаын сьӧлӧм сувтӧм понда, мый лоис сылӧн сьӧлӧм висьӧм, а сэсся - полиорганнӧй тырмытӧмлун вӧсна, мӧд ногӧн кӧ, пытшкӧсса уна органлӧн уджыс торксис сьӧлӧм висьӧм вӧсна, - висьталіс «РИА Новостилы» интервьюын Россияса Президентлӧн делӧясӧн веськӧдланінса медшӧринӧн веськӧдлысь Сергей Миронов[37]. Ӧттшӧтш «Вести» телепередачаын сійӧ юӧртіс экс-президентлӧн кулӧмлысь мӧд помка: «Ельцин висьмӧма катарально-вируснӧй инфекцияӧн (простудаӧн), коді зэв ёна нӧйтӧма став органсӧ да пытшкӧс системасӧ». Ельцинӧс водтӧдісны больничаӧ кувтӧдзыс 12 лун водзджык. Но сьӧлӧм бурдӧдысь хирург Ренат Акчуринлӧн кывъяс серти, коді вӧчис экс-президентлы операциясӧ, Ельцинлӧн вермана кувсьӧм вылӧ «водзвыв нинӧм эз инды». Борис Ельцинлӧн рӧдвужлӧн корӧм серти шойсӧ эз кырлавны.

Б. Ельцинлысь удж донъялӧм

2023 вося урасьӧм тӧлысьын вӧчӧм туялӧм серти Борис Ельцинлысь уджсӧ бура донъялісны сӧмын 8%, лёка — юасьӧм россияна пиысь джынйыс, а 35% донъялісны нейтральнӧя. Колӧ пасйыны, мый медся том (18-24 арӧса) респондентъяс бурджыка видзӧдӧны медводдза президент вылӧ, бур видзӧдласыс тшӧкыдджыка паныдасьлӧ москвичьяслӧн да Telegram-каналъяс лыддьысьяслӧн (30% гӧгӧр). Омӧль видзӧдласыс ёнджыкасӧ олӧма йӧзлӧн, неыджыд каръясын олысьяслӧн да телевизорысь юӧръяс видзӧдысьяслӧн да телевизорлы эскӧсьяслӧн.

Рытыввывса политикъяс да СМИ ёна торъялӧны Ельцинлысь уджсӧ донъялӧмын. Ельцинлӧн уджын бурторйӧн шуӧны, торйӧн кӧ, СССР-ӧс дзикӧдз кисьтӧмсӧ («Financial Times»), экономикаын реформаяс нуӧдӧмсӧ, коммунистическӧй оппозициякӧд тыш нуӧдӧмсӧ. Ельцинӧс мыжалӧны, торйӧн кӧ, власьтлӧн некомпетентносьтысь, канму активъяс донтӧм донысь вузалӧмӧн олигархъясӧс лӧсьӧдӧмысь, Чечняын вӧйнаясысь, коррупция да анархия паськалӧмысь, йӧзлӧн оласног усьӧмысь да экономика киссьӧмысь, а сідзжӧ власьтсӧ Владимир Путинлы сетӧмысь, сы вӧсна мый ӧткымын рытыввывса источникъяслӧн видзӧдлас серти, Путинлӧн веськӧдлӧмыс «абу демократичнӧй» да «авторитаритарнӧй»[38][39][40].

Борис Ельцин и Билл Клинтон, 1995 во

АӦШ-са вӧвлӧм президент Билл Клинтон лыддис, мый Ельцин «унатор вӧчис сы могысь, медым мирыс вежсис. Сы отсӧгӧн мирыс унаторйын вежсис бурланьӧ». Вылӧ донъяліс Клинтон Ельцинлысь «кутшӧмсюрӧ компромиссъяс вылӧ» мунны кужӧмлунлы. Клинтонлӧн видзӧдлас серти, Ельцин дырйи «Россияын збыльысь сӧвмис демократическӧй плюрализм, свободнӧй пресса да активнӧй гражданскӧй общество». Клинтон казьтыліс, мый 2000 воын висьтавліс Ельцинлы Путин йылысь ассьыс майшасьӧмсӧ: Клинтон эз ёна эскы, мый Путин «сэтшӧм жӧ ёна сьӧлӧмӧн сетчӧ демократия принципъяслы да дась кутчысьны наӧ сідз жӧ, кыдзи и Ельцин».

2001 воын Китайса Народнӧй Республикаӧн веськӧдлысь Цзян Цзэминь шуис Б. Ельцинӧс «китай войтырлӧн важ ёртӧн»[41].

Паметь

Борис Ельцинлы паметник, сійӧс пуктісны олӧм дырйиыс на Чолпон-Ата карын, Кыргызстан
Ельцинлӧн бюст (авторыс — Неизвестный Эрнст Иосифович). «Ельцин-центр»
Б. Н. Ельцин нима Президентскӧй библиотека, Петыркар
«Ельцин-центр» Екатеринбургын
Ельцинлӧн уджалан кабинет, вуджӧдӧма Кремльысь «Ельцин-центрӧ»
  • ХХІ нэм заводитчигӧн Киевын уджаліс Борис Ельцин нима украина-россияса менеджмент да бизнес институт (МАУП).
  • 2008 вося косму тӧлысь 8-ӧд лунӧ Екатеринбургын Екатеринбург-Сити деловӧй шӧринса медшӧр уличасӧ нимтӧма Борис Ельцин уличаӧн[42].
  • 2008 вося косму тӧлысь 23-ӧд лунӧ Новодевичей шойна вылын кыпыда восьтісны Борис Ельцинлы паметник, сійӧс вӧчис нималана скульптор Георгий Франгулян. Мемориалсӧ вӧчӧма Россияса дӧрапас рӧмӧн — еджыд мраморысь, кельыдлӧз византийскӧй мозаикаысь да гӧрд порфирысь. Брусчатка вылас триколор улын вӧчӧма православнӧй крест. Церемония вылын вӧліны Борис Ельцинлӧн семьяыс, Россияса президент Владимир Путин, Россияса Веськӧдлан котырӧн веськӧдлысь Виктор Зубков, Россияса Веськӧдлан котырӧн веськӧдлысьӧс медводдза вежысь, Россияса бӧрйӧм президент Дмитрий Медведев, Россияса президентлӧн администрацияса юралысь Сергей Собянин, правительствоӧ пырысьяс, ёртъяс, уджъёртъяс да йӧз, кодъяс уджалісны Россия Федерацияса медводдза президенткӧд.
  • 2008 вося косму тӧлысь 23-ӧд лунӧ Уральскӧй канму техническӧй университетлы сетӧма Борис Ельцинлысь нимсӧ[43].
  • Ельцинлӧн кувсьӧмсянь во тыран лунӧ Бутка сиктын Россияса медводдза президентлӧн керка стенӧ сувтӧдісны мемориальнӧй пӧв да ӧти улича нимтісны «Ельцин нима уличаӧн»[44].
  • 2009 вося ода-кора тӧлысьын Петыркарын воссис Б. Н. Ельцин нима Президентскӧй библиотека.
  • Кыргызстанса юркарын, Бишкекын, Б. Н. Ельцинлысь нимсӧ ловъя дырйиыс на сетӧмаӧсь Кыргызстанса да Россияса славяналы университетлы.
  • Кыргызстанса Иссык-Куль обласьтын Россияса медводдза президентлысь нимсӧ сетӧма Тянь-Шаньса гӧра йывлы (джудждаыс 5168 метра).
  • 2011 вося урасьӧм тӧлысь 1 лунӧ Екатеринбургын Борис Ельцинлӧн 80 арӧс тырӧмкӧд йитӧдын вӧлі восьтӧма скульптор Георгий Франгулянӧн вӧчӧм паметник «Демидов-Плазаын»[45].
  • 2013 вося моз тӧлысь 22-ӧд лунӧ Таллинын, дзик важ кар шӧрас Нунне уличавывса из стена вылӧ Эстонияса правительстволӧн здание дорын, вӧлі сувтӧдӧма Борис Ельцинлы барельеф да казьтылан пӧв. Сэні гижӧма эст, роч да англичан кывъяс вылын: «Россияса медводдза президент Борис Ельцинӧс казьтылӧм могысь 1990-1991 воясын Эстониялысь асшӧрлун мирнӧя бӧр лӧсьӧдӧмӧ пай пуктӧмысь». Барельефсӧ восьтісны Эстонияса парламентӧн веськӧдлысь Эне Эргма да медводдза президентлӧн дӧва Наина Ельцина. Церемония вылын сідзжӧ вӧлісны Эстонияса велӧдан да наука министр Яак Аавиксоо, странаса коймӧд президент Арнольд Рюйтель, Таллин карса мэр Эдгар Сависаар, Беларусьса Медвылыс Сӧветлӧн вӧвлӧм председатель Станислав Шушкевич, 1990-ӧд воясся Россияын нималана политикъяс Геннадий Бурбулис, Фёдор Шелов-Коведяев да мукӧд[46].
  • 2015 вося вӧльгым тӧлысь 25-ӧд лунӧ Екатеринбургын воссис Борис Ельцинлӧн Президентскӧй шӧрин. Шӧрин восьтӧм вылӧ вӧлі корӧма 500 сайӧ мортӧс: Россияса президент Владимир Путинӧс, премьер-министр Дмитрий Медведевӧс, Борис Ельцинкӧд уджалысь канмуясӧн юрнуӧдысьясӧс, нималана политикъясӧс, культураын зільысьясӧс, журналистъясӧс. Воисны и йӧз, кодъяс бура тӧдісны Россияса медводдза президентӧс: сыкӧд ӧти курсын велӧдчысьяс, президент командаӧ пырысьяс, Ельцинлӧн рӧдвужыс[47].

Б. Н. Ельцинлӧн небӧгъяс

Б. Н. Ельцин гижис 4 небӧг:

  • Б. Н. Ельцин. Средний Урал: рубежи созидания. Свердловск, Средне-Уральское книжное издательство, 1981. — 160 стр[48];
  • «Исповедь на заданную тему» (Москва. Издательство «ПИК», 1990 г.)[14];
  • «Записки президента» (1994)[49];
  • «Президентский марафон» (2000)[50].

Фильмография

Художественнӧй кинояс

• «Проект „Ельцин“» (Spinning Boris), 2003 во, режиссёр Роджер Споттисвуд.

Киноын петкӧдлӧм

• «Три августовских дня», 1992 во, режиссёр Жан Юнг, Ельцинлысь рольсӧ ворсіс Александр Скороход[51].
• «Полицейская академия 7: Миссия в Москве», 1994 во, режиссёр Алан Меттер, Ельцинлысь рольсӧ ворсіс Александр Скороход.
• «Президент и его внучка», 1999 во, Ельцинлысь рольсӧ ворсіс Олег Табаков.
• «Неизвестный путч», 2009 во, Ельцинлысь рольсӧ ворсіс Владимир Новиков.
• «Ельцин. Три дня в августе», 2011 во, режиссёр Александр Мохов, Ельцинлысь рольсӧ ворсіс Дмитрий Назаров.
• «Маргарита Назарова», 2015 во, Ельцинлысь рольсӧ ворсіс сыграл актёр Сергей Марухин.
• «Так сложились звёзды», 2016 во, Ельцинлысь рольсӧ ворсіс Алексей Гуськов.
• «Пьяная фирма», 2016 во, Ельцинлысь рольсӧ ворсіс Сергей Колтаков.
• «Перевал Дятлова», 2020 во, Ельцинлысь рольсӧ ворсіс Евгений Романцов.
• «Корона (телесериал)», 5 сезонса 6 серияын Ельцинлысь рольсӧ ворсіс Анатолий Котенёв.

Документальнӧй кинояс

• «Пример интонации» (Россия, Александр Сокуров, 1991)[52][53].
• «Царь Борис» (Великобритания, ВВС, 1997).
• «Президент Всея Руси» (Россия, НТВ, 1999—2000)[54].
• «Б. Н.» (Россия, ВГТРК, 2006)[55].
• «Борис Ельцин. Прощание с эпохой» (Россия,ТВЦ,2007)[56].
• «Борис Ельцин. Жизнь и судьба» (Россия, ВГТРК, 2011).
• «Борис Ельцин. Первый» (Россия, Первый канал, 2011).
• «Борис Ельцин. Отступать нельзя» (Россия, Первый канал, 2016)[57].

Компьютера ворсӧмъясын

• «Кужлевка» (2023). Рольсӧ шыӧдіс Всеволод Кузнецов[58].

Пасйӧдъяс

Комментарийяс

  1. ↑ Тайӧ чинын вӧлі ӧттшӧтш парламентса спикерӧн и РСФСР-са медвылыс чина мортӧн. РСФСР-са Медвылыс Сӧветлӧн став воддза да бӧръя Председательыс вӧліны сӧмын парламентса спикеръясӧн.
  2. ↑ 1993 вося кӧч тӧлысь 22-ӧд лунӧ президент Ельцин да оланпас пыртан власьт (Медвылыс Сӧвет да Народнӧй депутатъяслӧн Съезд) костын чорыд паныд сулалӧм дырйи, Медвылыс Сӧвет, кодӧс разӧдӧм йылысь Ельцин юӧртіс аслас индӧдӧн, вочакыв пыдди шуис дугӧдны президентлысь полномочиеяссӧ. Президентлысь могъяс недыр олӧмӧ пӧртысьӧн вӧлі индӧма вице-президент Александр Руцкойӧс. Борис Ельцин, кодӧс поддержитісны правительство да силовӧй ведомствоясӧн веськӧдлысьяс, ӧткажитчис ӧтдортчыны власьтысь. Власьт юкӧнъяс костын кык вежонся водзсасьӧм помасис ӧружиеӧн тышкасьӧмӧн, Москва шӧрын уна вир кисьтӧмӧн да парламент жугӧдӧмӧн.

Ыстӧгъяс

  1. ↑ Ельцин, Борис Николаевич // Кто есть кто в России и в ближнем зарубежье: Справочник. — М: Издательский дом «Новое время», «Всё для Вас», 1993, С. 232—233 — ISBN 5-86564-033-X
  2. ↑ Указ Президента РСФСР «Об организации работы Правительства РСФСР в условиях экономической реформы». № 172 - Документ - Архив Егора Гайдара - база данных документов. gaidar-arc.ru. Шыӧдчан кадпас: 8 ӧшым тӧлысь 2019. Архивируйтӧма оригинала 4 вӧльгым тӧлысь 2016 года.
  3. ↑ УКАЗ Президента РФ от 15.06.1992 № 633 «ОБ ИСПОЛНЯЮЩЕМ ОБЯЗАННОСТИ ПРЕДСЕДАТЕЛЯ ПРАВИТЕЛЬСТВА РОССИЙСКОЙ ФЕДЕРАЦИИ». Шыӧдчан кадпас: 25 моз тӧлысь 2015. Архивируйтӧма оригинала 4 рака тӧлысь 2016 года.
  4. ↑ 1 2 3 4 5 6 7 8 9 10 Ельцин, Борис Николаевич. Президент России. Шыӧдчан кадпас: 19 косму тӧлысь 2024.
  5. ↑ 1 2 3 4 5 6 7 8 9 Ельцин Борис. История.РФ. Шыӧдчан кадпас: 19 косму тӧлысь 2024.
  6. ↑ Московские могилы. Ельцина К.В. moscow-tombs.ru. Шыӧдчан кадпас: 8 ӧшым тӧлысь 2019. Архивируйтӧма 5 ӧшым тӧлысь 2019.
  7. ↑ 1 2 3 4 5 6 7 8 Б. Минаев. Ельцин. — М.: Молодая гвардия, 2010. — (ЖЗЛ).
  8. ↑ 1 2 Ельцин, Борис (рус.). Lenta.ru. Шыӧдчан кадпас: 8 ӧшым тӧлысь 2019. Архивируйтӧма 8 лӧддза-номъя тӧлысь 2019.
  9. ↑ Ельцин Николай Игнатьевич (рус.). Бессмертный барак. Шыӧдчан кадпас: 8 ӧшым тӧлысь 2019. Архивируйтӧма 8 ӧшым тӧлысь 2019.
  10. ↑ vvr2a. Ельцин Николай Игнатьевич (1906-1977) (рус.). Москва-Волга (6 ода-кора тӧлысь 2017). Шыӧдчан кадпас: 8 ӧшым тӧлысь 2019. Архивируйтӧма 30 ӧшым тӧлысь 2019.
  11. ↑ Кем был отец Бориса Ельцына. Шыӧдчан кадпас: 24 урасьӧм тӧлысь 2017. Архивируйтӧма оригинала 24 урасьӧм тӧлысь 2017 года.
  12. ↑ Кузнецов Г., Игнатьева И. Подаренную Ельциными квартиру Суховым придётся подождать // Вечерняя Казань. — 1999. — № 139 (1 сентября). — С. 1.
  13. ↑ Владимир Максимович Михайлюк. Не один пуд соли. Березники в судьбе России / Т. К. Бекетова, зам. главы администрации г. Березники. — М 69. — Пермь: "Пушка", 1997. — С. 193. — 368 с.
  14. ↑ 1 2 3 4 Б. Н. Ельцин. Исповедь на заданную тему. — М.: Советско-британская творческая ассоциация «Огонёк» — «Вариант», 1990.
  15. ↑

    Гашкӧ, тайӧ висьтсӧ колӧ гӧгӧрвоны кыдз аллегория. Вывті нин уна тешкодьтор: сьӧкыд пилитны решёткасӧ, пока часӧвӧй кытшовтӧ вичкосӧ, гранатаяссӧ оз видзны запалъясӧн, киын взорвитчӧм граната нетшкӧ оз сӧмын кык чунь, а ещӧ мыйсюрӧ.

    — С. Г. Кара-Мурза «Советская цивилизация» (том II)
  16. ↑ Фотокопия собственноручно заполненной 8 апреля 1955 года автобиографии Ельцина опубликована на ненумерованой вклейке перед страницей 65: Ельцин Б. Н. Исповедь на заданную тему. — М.: Синдбад, 2015.
  17. ↑ Загадка фотографии Бориса Ельцина (рус.). Курган и курганцы (6 лӧддза-номъя тӧлысь 2018). Шыӧдчан кадпас: 8 ӧшым тӧлысь 2019. Архивируйтӧма 4 ода-кора тӧлысь 2019.
  18. ↑ 1 2 3 4 5 Ельцин, Борис Николаевич
  19. ↑ Горбачев Михаил Сергеевич. Глава 12. Решающий шаг. Дело Ельцина // Жизнь и реформы. Книга 1. — М.: Новости, 1995. — 596,[1] с. — ISBN 5-7020-0953-3.
  20. ↑ Вадим Белоцерковский. Ельцин. Жизнь «над пропастью во лжи». Шыӧдчан кадпас: 29 моз тӧлысь 2007. Архивируйтӧма оригинала 3 урасьӧм тӧлысь 2007 года.
  21. ↑ Указ Президиума Верховного Совета СССР от 23 мая 1989 года № 10487—XI. Шыӧдчан кадпас: 3 косму тӧлысь 2017. Архивируйтӧма 4 косму тӧлысь 2017.
  22. ↑ Постановление Съезда народных депутатов СССР от 26 декабря 1990 г. № 1866-I «О сложении полномочий членов Верховного Совета СССР, обратившихся с личными заявлениями о выходе из его состава»
  23. ↑ Постановление Верховного Совета Российской Федерации от 11 июня 1992 г. № 2981-I «О праздничном дне 12 июня». www.innovbusiness.ru. Шыӧдчан кадпас: 8 ӧшым тӧлысь 2019. Архивируйтӧма оригинала 3 лӧддза-номъя тӧлысь 2011 года.
  24. ↑ Известия, 8 августа 1990
  25. ↑ Загадочная история Бориса Ельцина (рус.). Mir24. Шыӧдчан кадпас: 8 ӧшым тӧлысь 2019. Архивируйтӧма 29 йирым тӧлысь 2019.
  26. ↑ Союз можно было сохранить. Белая книга: Документы и факты о политике М. С. Горбачёва по реформированию и сохранению многонационального государства. М.: АПРЕЛЬ-85, 1995., c. 110—111
  27. ↑ Постановление СНД СССР от 24 декабря 1990 года № 1853-1 «О сохранении Союза ССР как обновлённой федерации равноправных суверенных республик» // Ведомости СНД и ВС СССР. — 1990. — № 52. — ст. 1158.
  28. ↑ О мерах по обеспечению проведения референдума СССР и референдума РСФСР 17 марта 1991 года. pravo.gov.ru. Шыӧдчан кадпас: 19 моз тӧлысь 2021. Архивируйтӧма 19 моз тӧлысь 2021.
  29. ↑ Сообщение Центральной комиссии РСФСР по проведению референдумов Архивса копия 19 моз тӧлысь 2021 Wayback Machine ресурсын // Российская газета. — 1991. — № 57 (103). — 26 марта.
  30. ↑ Сообщение Центральной комиссии РСФСР по проведению референдумов (Архивса копия 8 тӧвшӧр тӧлысь 2012 Wayback Machine ресурсын) // Известия. — 1991. — 26 марта.
  31. ↑ Постановление Съезда народных депутатов РСФСР от 5 апреля 1991 года «О перераспределении полномочий между высшими государственными органами РСФСР для осуществления антикризисных мер и выполнения решений Съездов народных депутатов РСФСР», пункт 3
  32. ↑ О Президенте РСФСР. pravo.gov.ru. Шыӧдчан кадпас: 19 моз тӧлысь 2021. Архивируйтӧма 19 моз тӧлысь 2021.
  33. ↑ История должности президента России. Досье. ТАСС. Шыӧдчан кадпас: 19 моз тӧлысь 2021. Архивируйтӧма 19 моз тӧлысь 2021.
  34. ↑ Дмитрий Горностаев. Паломничество Бориса Ельцина. ng.ru. Независимая газета (6 тӧвшӧр тӧлысь 2000). Шыӧдчан кадпас: 4 рака тӧлысь 2021. Архивируйтӧма 18 ода-кора тӧлысь 2021.
  35. ↑ Ельцину тоже задержали пенсию. На девять лет. Газета «Коммерсантъ», № 59 (1944), 06.04.2000. Шыӧдчан кадпас: 26 кӧч тӧлысь 2011. Архивируйтӧма 4 рака тӧлысь 2016.
  36. ↑ Президент России
  37. ↑ Названа причина смерти Бориса Ельцина Архивса копия 28 ода-кора тӧлысь 2007 Wayback Machine ресурсын РИА «Новости», 23 апреля 2007
  38. ↑ Россия Ельцина Архивса копия 17 косму тӧлысь 2012 Wayback Machine ресурсын // The Wall Street Journal, 24 апреля 2007, [1]
  39. ↑ Разрушитель, а не строитель // The Guardian, 29 августа 2007
  40. ↑ Борис Ельцин Архивса копия 9 кӧч тӧлысь 2016 Wayback Machine ресурсын // The Washington Post, 24 апреля 2007,[2]
  41. ↑ Председатель КНР Цзян Цзэминь пожелал Ельцину исполнения 10 тысяч желаний Архивса копия 7 рака тӧлысь 2014 Wayback Machine ресурсын 02.02.2001
  42. ↑ Одна из улиц Екатеринбурга названа в честь Бориса Ельцина (видео). Шыӧдчан кадпас: 24 косму тӧлысь 2008. Архивируйтӧма 27 косму тӧлысь 2008.
  43. ↑ Взгляд. Шыӧдчан кадпас: 30 сора тӧлысь 2020. Архивируйтӧма 29 сора тӧлысь 2020.
  44. ↑ В родном селе Бориса Ельцина открыли мемориальную доску. РИА Новости (24 косму тӧлысь 2008). Шыӧдчан кадпас: 3 кӧч тӧлысь 2010. Архивируйтӧма 22 моз тӧлысь 2011.
  45. ↑ Дмитрий Медведев возложил цветы к памятнику Борису Ельцину, E1.RU (1 урасьӧм тӧлысь 2011). Архивируйтӧма 4 урасьӧм тӧлысь 2011 вося. Шыӧдчан кадпас: 1 урасьӧм тӧлысь 2011.
  46. ↑ Барельеф первому президенту РФ Борису Ельцину открыт в Таллине. РИА "Новости" (22 моз тӧлысь 2013). Шыӧдчан кадпас: 25 моз тӧлысь 2013. Архивируйтӧма 25 моз тӧлысь 2013.
  47. ↑ 25 ноября в Екатеринбурге открылся Президентский центр Бориса Ельцина. Шыӧдчан кадпас: 30 сора тӧлысь 2020. Архивируйтӧма 14 косму тӧлысь 2016.
  48. ↑ Книги, посвящённые деятельности Б.Н.Ельцина | Уральский Центр Бориса Николаевича Ельцина. ural-yeltsin.ru. Шыӧдчан кадпас: 8 ӧшым тӧлысь 2019. Архивируйтӧма 22 рака тӧлысь 2019.
  49. ↑ Борис Николаевич Ельцин
  50. ↑ Ельцин Б. Н. Президентский марафон. — М.: АСТ, 2000. — ISBN 5-17-003500-4.
  51. ↑ Двойник Ельцина выразил соболезнования. Шыӧдчан кадпас: 1 вӧльгым тӧлысь 2015. Архивируйтӧма 28 тӧвшӧр тӧлысь 2016.
  52. ↑ Пример интонации. sokurov.spb.ru. Шыӧдчан кадпас: 28 урасьӧм тӧлысь 2023.
  53. ↑ Дни Александра Сокурова. «Пример интонации»​ (рус.). Ельцин Центр. Шыӧдчан кадпас: 28 урасьӧм тӧлысь 2023.
  54. ↑ Фильм телекомпании НТВ «Президент всея Руси» | Ельцин Центр. Шыӧдчан кадпас: 22 лӧддза-номъя тӧлысь 2021. Архивируйтӧма 24 лӧддза-номъя тӧлысь 2021.
  55. ↑ «Б. Н.» Шыӧдчан кадпас: 26 урасьӧм тӧлысь 2020. Архивируйтӧма 26 урасьӧм тӧлысь 2020.
  56. ↑ «Борис Ельцин. Прощание с эпохой» | Ельцин Центр. Шыӧдчан кадпас: 22 лӧддза-номъя тӧлысь 2021. Архивируйтӧма 24 лӧддза-номъя тӧлысь 2021.
  57. ↑ «Борис Ельцин. Отступать нельзя». Документальный фильм. Шыӧдчан кадпас: 18 кӧч тӧлысь 2021. Архивируйтӧма 10 урасьӧм тӧлысь 2022.
  58. ↑ «Никак вы, *****, не научитесь!»: Всеволод Кузнецов озвучил Ельцина и сортир в российской адвенчуре «Кужлевка», DTF (29 вӧльгым тӧлысь 2022).

Литература

Роч кыв вылын
  • 3089465 // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
  • Воронин Ю. М. Стреноженная Россия. Политико-экономический портрет ельцинизма. М.: Республика, 2003. — 656 с. — 2000 экз. — ISBN 5-250-01871-8
  • Докторов Б. З., Ослон А. А., Петренко Е. С. Эпоха Ельцина: мнения россиян. Социологические очерки. Архивса копия 16 тӧвшӧр тӧлысь 2018 Wayback Machine ресурсын — М.: Фонд «Общественное мнение», 2002. — 382 с. — ISBN 5-93947-006-8
  • Ельцин — Хасбулатов. Единство, компромисс, борьба. — М., 1994
  • Коржаков А. В. Борис Ельцин: от рассвета до заката. — М.: Интербук, 1997, — 480 с. — 150 000 экз. — ISBN 5-88589-039-0
  • Коржаков А. В. Борис Ельцин: от рассвета до заката. Послесловие. — М.: Детектив-Пресс, 2004. — 552 c. — ISBN 5-89935-063-6
  • Коржаков А. В. Ближний круг «царя Бориса». — М.: Алгоритм, 2012. — 288 с. — (Спецхран. Сенсационные мемуары). — 3000 экз. — ISBN 978-5-4444-0052-4
  • Кривопуск Ю. А. «У мечты должны быть крылья». Эпоха Ельцина глазами простых людей. — М., 2011. — ISBN 978-5-91039-030-4
  • Кузнецов А. Камера для Президента: Маленькие демократические истории Кремля ельцинской эпохи. — АСТ, 2007. — ISBN 5-9713-5700-X.
  • Лигачёв Е. К. Борис был не прав. — М.: Алгоритм, 2012. — 320 с. — (Политические тайны XXI века). — 3000 экз. — ISBN 978-5-4438-0089-9
  • Млечин Л. М. Формула власти. От Ельцина к Путину. — М., 2000
  • Млечин Л. М. Борис Ельцин. Послесловие. — 2007
  • Попцов О. М. Тревожные сны царя Бориса. — М.: Алгоритм, 2011. — 368 с. — (Эпоха Ельцина). — 3000 экз. — ISBN 978-5-4320-0021-7
  • Суханов Л. Е. Три года с Ельциным. Записки первого помощника. — М., 1992
  • Сушков А. В., Разинков С. Л. Руководители Свердловской области: первые секретари обкома ВКП(б)—КПСС и председатели облисполкома. 1934—1991: биографический справочник. Архивса копия 3 ода-кора тӧлысь 2015 Wayback Machine ресурсын — Екатеринбург: Банк культурной информации, 2003. — 287 с. — 300 экз. — ISBN 5-7851-0455-5
  • Хинштейн А. Е. Ельцин. Кремль. История болезни. — 2007
  • Черняк А. Кремль 90-х: Жертвы и фавориты Бориса Ельцина. — М.: Алгоритм, 2011. — 256 с. — (Эпоха Ельцина). — 3000 экз. — ISBN 978-5-9265-0701-7
  • Шевцова Л. Ф. Режим Бориса Ельцина. — М., 1999
  • Коктейль Полторанина: Тайны ельцинского закулисья. Архивса копия 18 косму тӧлысь 2021 Wayback Machine ресурсын М.: «Алгоритм», 2013. — 224 с. — («Наследие царя Бориса»). — ISBN 978-5-4438-0357-9
  • Эпоха Ельцина. Очерки политической истории. — М., 2001
Англичан кыв вылын
  • Yeltsin, Boris. Against the Grain. London: Jonathan Cape, 1990.
  • Yeltsin, Boris. The Struggle for Russia. New York: Times Books, 1994.
  • Shevtsova, Lilia. Yeltsin’s Russia: Myths and Reality. Washington: Carnegie Endowment for International Peace, 1999.
  • Уильям Бёрнс. Невидимая сила. Как работает американская дипломатия = William J. Burns. The Back Channel: A Memoir of American Diplomacy and the Case for Its Renewal. — М.: Альпина Паблишер, 2020. — ISBN 978-5-9614-2828-5.
  • . — ISBN 0-295-98637-9..
  • Aron, Leon. Boris Yeltsin: A Revolutionary Life. — London : HarperCollins, 2000. — ISBN 978-0002559225.
  • Barnes, A. «Property, Power, and the Presidency: Ownership Policy Reform and Russian Executive-Legislative Relations, 1990—1999» Communist and Post-Communist Politics 34#1 (2001) : 39-61.
  • Biryukov, N., & S. Sergeyev. Russian Politics in Transition: Institutional Conflict in a Nascent Democracy (Ashgate, 1997).
  • Breslauer, George W. Gorbachev and Yeltsin as leaders (Cambridge UP, 2002).
  • Brown, Archie, and Lilia Shevtsova, eds. Gorbachev, Yeltsin, and Putin: political leadership in Russia’s transition (Carnegie Endowment, 2013) excerpt.
  • Colton, Timothy J. Yeltsin: A Life. — New York : Basic Books, 2008. — ISBN 978-0-465-01271-8.
  • Depoy, Erik. «Boris Yeltsin and the 1996 Russian presidential election.» Presidential Studies Quarterly 26.4 (1996): 1140—1164. online Архивса копия 2 ода-кора тӧлысь 2021 Wayback Machine ресурсын
  • Doder, Dusko. Gorbachev: Heretic in the Kremlin / Dusko Doder, Louise Branson. — London : Futura, 1990. — ISBN 978-0708849408.
  • Gill, Graeme. «The Yeltsin Era.» in Routledge Handbook of Russian Politics and Society (Routledge, 2015) pp 3-12.
  • Mason, David S., and Svetlana Sidorenko-Stephenson. «Public opinion and the 1996 elections in Russia: Nostalgic and statist, yet pro-market and pro-Yeltsin.» Slavic Review 56.4 (1997): 698—717 online Архивса копия 2 ода-кора тӧлысь 2021 Wayback Machine ресурсын.
  • O’Brien, Thomas A. «The role of the transitional leader: A comparative analysis of Adolfo Suárez and Boris Yeltsin.» Leadership 3.4 (2007): 419—432 online Архивса копия 2 ода-кора тӧлысь 2021 Wayback Machine ресурсын; compares Suárez of Spain.
  • Rivera, David W., and Sharon Werning Rivera. «Yeltsin, Putin, and Clinton: presidential leadership and Russian democratization in comparative perspective.» Perspectives on Politics (2009): 591—610 online Архивса копия 2 ода-кора тӧлысь 2021 Wayback Machine ресурсын.
  • Shevt͡sova, Lilii͡a. Russia lost in transition: the Yeltsin and Putin legacies (Carnegie Endowment, 2007).
  • Skinner, Kiron, et al. The Strategy of Campaigning: Lessons from Ronald Reagan and Boris Yeltsin (U of Michigan Press, 2010).
Француз кыв вылын
  • Lilly Marcou, Les Héritiers, Paris, Flammarion-Pygmallion, 2003.
  • Au cœur du pouvoir russe. — Paris : La Découverte, 2014. — ISBN 978-2-7071-8325-5..
Немеч кыв вылын
  • Aufzeichnungen eines Unbequemen, aus dem Russischen von Annelore Nitschke. Droemer Knaur, München 1990, ISBN 3-426-26467-6.
  • Die Alternative. Demokratie statt Diktatur. Mit weiteren Beiträgen von Ruslan Chasbulatow, Grigori Jawlinski und Viktor Jaroschenko (mit der Rede Jelzins «An die Bürger Rußlands» vom 19. August 1991), Goldmann, München 1991.
  • Auf des Messers Schneide. Tagebuch des Präsidenten. Siedler, Berlin 1994, ISBN 3-88680-520-4.
  • Mitternachtstagebuch. Meine Jahre im Kreml. Propyläen, Berlin / München 2000, ISBN 978-3-5490-7120-5.
  • Barbara Kerneck-Samson: Boris Jelzin — Ein Porträt. Heyne, München 1991, ISBN 3-453-04451-7.
  • John Morrison: Boris Jelzin — Retter der Freiheit. Ullstein, Berlin 1991, ISBN 3-550-07510-3.
  • Wladimir I. Solowjow; Elena Klepikowa: Der Präsident. Boris Jelzin — Eine politische Biographie. Rowohlt, Berlin 1992, ISBN 3-87134-043-X.
  • Wolfgang Strauß: Drei Tage, die die Welt erschütterten. Vom Untergang des sowjetischen Multikulturalismus — Boris Jelzin und die russische Augustrevolution. Gesamtdeutscher Verlag, Wesseling 1992, ISBN 3-928415-04-2.
  • Oleg M. Popzow: Boris Jelzin. Der Präsident, der nicht zum Zaren wurde — Russland und der Kreml 1991—1995. Edition Q, Berlin 1995, ISBN 3-86124-226-5.
  • Ljew Suchanow: Drei Jahre mit Jelzin: Aufzeichnungen des engsten Mitarbeiters. Coppenrath, Münster 1995, ISBN 3-8157-1295-5.
  • Heiko Pleines: Wirtschaftseliten und Politik im Russland der Jelzin-Ära (1994—1999). LIT, Münster 2003, ISBN 978-3-8258-6561-0.

Ыстӧгъяс

Босьтӧма "https://kv.ruwiki.ru/w/index.php?title=Ельцин_Борис_Николаевич&oldid=482476"-ысь