Ермолин Рем Николаевич
| Рем Ермолин | |
|---|---|
 | |
| Чужан лун | 1926-ӧд вося ӧшым тӧлысь 24-ӧд лун |
| Чужанін | Ленинград |
| Кулан лун | 2004-ӧд вося ода-кора тӧлысь 15-ӧд лун |
| Куланін | Сыктывкар |
| Гражданство |
 СССР →  Россия |
| Жанр | Портрет, натюрморт, пейзаж |
| Велӧдчӧм |
Ленинградса художественно-графическӧй педагогика училишӧ; |
| Стиль | соцреализм |
| Наградаяс |
  |
Ермолин Рем Николаевич (1926-ӧд вося ӧшым тӧлысь 24-ӧд лун, Ленинград — 2004-ӧд вося ода-кора тӧлысь 15-ӧд лун, Сыктывкар) — СССР да россияса серпасалысь, РСФСР-са нимйӧза серпасалысь, Коми АССР-са нимйӧза серпасалысь.
Олантуй
Рем Ермолин чужӧма Ленинградын 1926-ӧд вося ӧшым тӧлысь 24-ӧд лунӧ.
Дас сизим арӧса зонкаӧн Рем Ермолинӧс мобилизуйтісны армияӧ. Военнӧй присягасӧ примитіс 1943 вося урасьӧм тӧлысь 12-ӧд лунӧ 33-ӧд запаснӧй стрелкӧвӧй полкын, коді базируйтчис Кардорын. 1943 вося йирым тӧлыссянь 1944 вося кӧч тӧлысьӧдз вӧлі пулемётнӧй отделениеса курсантӧн, 1944 вося кӧч тӧлыссянь 1945 вося кӧч тӧлысьӧдз — пулемётчикъяс отделениеса командирӧн. Службасӧ помаліс 1945 вося ӧшым тӧлысьын младшӧй сержант званиеын, 104-ӧд Военно-строительнӧй полкса хозяйственнӧй обслуживание отделениеса командирӧн, коді выльмӧдіс Мурманск обласьтса Петсамо посёлокын киссьӧм комбинат[1].
Велӧдчӧма Ленинградса художественно-графическӧй педагогика училишӧын (1947—1951) да Репин нима Ленинградса живопись, скульптура да архитектура институтын (1954—1960) В. М. Орешниковлӧн живопись факультетын[2].
СССР-са серпасалысь котырын 1962-ӧд восянь. Велӧдчӧм бӧрын олӧма да уджалӧма Коми АССР-ын. Вӧлӧма СССР-са серпасалысь котырлӧн Коми республикаса юкӧнын веськӧдлысьӧс вежысьӧн да веськӧдлысьӧн (1970—1986).
Кулӧма 2004-ӧд вося ода-кора тӧлысь 15-ӧд лунӧ Сыктывкарын[3].
Серпасасьӧм
Уджалӧма уна жанрын, но медшӧрыс — темаа серпасъяс да портретъяс. Уна серпасалӧма Коми муысь йӧзӧс, уджалӧмсӧ, войвывса вӧр-васӧ. Сылысь бура тӧдӧны Чилимдінлы сиӧм серпас чукӧр, мыйысь 1972-ӧд воын сылы сетӧма Коми АССР-са канму премия. 1975-ӧд воын «Чилимдінса гӧрка» уджысь сылы вичмӧма СССР-са художествоа академиялӧн Диплом.
Серпасалӧма Коми лыжникъясӧс (1977), В. В. Поляковлысь (1967), коми гижысьяс И. А. Куратовлысь (1977), И. Г. Тороповлысь (1986), шылад тэчысь А. Г. Осиповлысь (1968), портретъяс и с.в. Асьсӧ серпасалӧма некымынысь.
1957-ӧд восянь пырӧдчӧма Коми республикаса художествов выставкаясӧ; «Советский Север» выставкаясӧ; Москваын котыртӧм выставкаясӧ: «Советская Россия» (1967—1985), ставсоюзсаясӧ (1961—1985), РСФСР-са асвеськӧдлан республикаясысь серпасалысьяслӧн выставкаӧ (1971), «По родной стране» (1972, 1983), «СССР — наша родина» (1972) да мукӧд.
Асшӧр выставка вӧлӧмаӧсь 1976-ӧд воын — Москваын; 1986 воын — Ленинградын да Москваын; 1987, 1992, 1996 воясын — Сыктывкарын; суйӧр сайын: 1972 воын – ГДР-ын, Польшаын, Чехословакияын да Румынияын; 1976—1985 воясын — Болгарияын.
Галерея
Серебро Печоры, 1969
Лыжники Коми, 1977
22 июня 1941 года, 1971 год.
Наградаяс
• РСФСР-са нимйӧза серпасалысь (1985)
• Коми АССР-са нимйӧза серпасалысь (1980)
• Коми АССР-са канму премия босьтысь (1972)
Паметь
• «Художник Р. Н. Ермолинлӧн портрет» — 1974 воын вӧчӧм скульптура. Авторыс — скульптор Юрий Борисов.
• «Рем Ермолинлӧн портрет» — 1974 воын чугунысь вӧчӧм скульптура. Авторыс — скульптор Юрий Борисов.
Литература
• Республика Коми: Энциклопедия: в 3-х т. — Сыктывкар, 1997. Т. 1. — С. 426.
• Поповцева Э. К. Изобразительное искусство Республики Коми. 1943—2000. — Сыктывкар, 2011.
• Краевидение сайт
Ыстӧгъяс
- ↑ Художники, прошедшие войну: Рем Николаевич Ермолин (1926-2004 гг.). Вӧртас. Шыӧдчан кадпас: 15 ода-кора тӧлысь 2025.
- ↑ Поповцева Э. Ермолин Рем Николаевич // Республика Коми. Энциклопедия. Том I. — Сыктывкар: Коми книжное издательство, 1997. — С. 426.
- ↑ Известный художник Коми Рем Ермолин скончался на 78-м году жизни. Комиинформ (17 ода-кора тӧлысь 2004). Шыӧдчан кадпас: 15 ода-кора тӧлысь 2025.