Изьва (аэропорт)

Босьтӧма Рувикиысь
Изьва аэропорт
Аэропортлӧн ИАТА код: ИЖМ – ИКАО: UUYV (УУЫЖ)
Информация
Аэропорт сикас гражданскӧй
Страна Россия
Ин Коми Республика
Оператор ГАП «Комиавиа»
Саридз веркӧсвесьтса вылна +62 м
Час кытш UTC+3
Карта
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтИЖМ (Республика Коми)
Описание изображения
Точка
ИЖМ
Аэропортыс Коми Республика карта вылын
Лэбзян-пуксян полосаяс
Номер Ыджда (м) Веркӧс сикас
17/35 1325х42 асфальтобетон

Изьва аэропорт  (рочӧн Аэропорт Ижма) — Коми Республикаын меставывса сынӧд линияяслӧн вӧвлӧм аэропорт Изьва сикт дорын. Ӧні вӧдитчӧны сӧмын вертолёт площадкаӧн, самолётъяслӧн кыпӧдчӧм да пуксьӧм вылӧ лэбзян-пуксян полосаыс[1] шогмытӧм. Начальник - Сергей Сотников.

Аэродромсӧ вӧлі тупкӧма самолётъяс примитӧм вылӧ 2003 воын, водзынджык примитліс 3 да 4 класса самолётъяс: Як-40, Ан-24, Л-410, Ан-2 да на кодьясӧс [2].

2013 воын туялӧма Изьваса аэродромлысь лэбзян-пуксян полосасӧ, медым тӧдмавны, уна-ӧ колӧ дзоньтасьны, медым ВПП-сӧ лӧсьӧдны Л-410 самолётъяс примитӧм вылӧ[3].

Стрӧитӧм да уджӧдӧм

[вежны | Вежны кодировкаын]

СССР-ын авиасообщение сӧвмӧм вӧсна меставывса сынӧд линияяслысь аэропорт вӧлі восьтӧма Изьва сиктын 1978 воын. Аэропортын уджаліс 126 морт, рейсъяс быд лун мунісны Сыктывкарӧ да водзӧ пассажиръяс вермисны лэбзьыны аэропортъясӧ, кодъяскӧд вӧлі йитчӧма Коми АССР-лӧн юркар: Москваӧ, Ленинградӧ, Казаньӧ, Свердловскӧ, лунвывса каръясӧ - Минводыӧ, Адлерӧ, Сочиӧ, Симферопольӧ да мукӧдлаӧ[4].

1990-ӧд воясӧ Изьвасянь рейсъяслӧн лыдыс кутіс чинны: вежоннас вит лун, нёль, кык. Аэропортса персоналсӧ тшӧтш чинтісны: 70 морт, сэсся 40, сэсся 8, сэсся 2 [5].

1998 воын аэропортсӧ вӧлі перепрофилируйтӧма вертолёт площадкаӧ да сійӧс могмӧдӧм вылӧ колисны ӧти специалистӧс - Сергей Михайлович Сотниковӧс, коді уджаліс предприятиеын 1978 восянь, кор сійӧ воис Изьваӧ 20 арӧсаӧн Москва дорын Егорьевскӧй авиационно-техническӧй училище помалӧм бӧрын[5].

Сотников уджалӧма техникӧн, ГСМ службаса начальникӧн, 1997 воын индӧмаӧсь аэропортса, а во мысти вертолёт площадкаса начальникӧн. 12 во чӧж сійӧ видзис пӧрадокын став ВПП-сӧ, а эз сӧмын МИ-8-лы пуксян квадратсӧ: весаліс важ турунсьыс дренажъяссӧ, медым эз киссьы полосаыс, весаліс бетон плитаяс вылысь важ арматурасӧ, пыр кераліс том пуяссӧ. Сэтчӧс олысьяс эз ӧтчыдысь кӧсйыны вӧчны полосасӧ склад местаӧн либӧ автостоянкаӧн, но Сотников тайӧс эз лэдз. «Мед шуӧны, мый аэродром быттьӧ эновтӧма, но сэні жӧ эм морт, коді уджалӧ, сідзкӧ ме кывкута, сідз ӧд? Ме кӧ эксплуатируйта перрон, кӧні сулалӧ МИ-8 да МИ-2 вылӧ пуксян квадрат, то со орччӧн - лэбзян полоса сэтшӧм гажтӧм состояниеын, парсалӧ ӧд сьӧлӧмӧс. Мунан да мыйкӧ вӧчан», - шулывліс сійӧ [5].

Лоӧмторъяс

[вежны | Вежны кодировкаын]

2010 вося кӧч тӧлысь 7-ӧд лунӧ уджавтӧм аэропортын светосигнальнӧй оборудованиетӧм да приводнӧй радиостанциятӧм, лэбзьыны-пуксьыны шогмытӧм полоса вылӧ быть пуксис "Алроса" акционер котырлӧн Мирнинскӧй авиапредприятиелӧн Ту-154М самолёт, коді вӧчис Полярнӧй-Москва рейс. Став 72 пассажирыс да экипажын 9 морт колисны ловйӧн[6].

Бура пуксьыны отсаліс сійӧ, мый вертолёт площадкаса начальник Сергей Сотников кывкутӧмӧн видис эновтӧм полосасӧ[7]. 2012 вося урасьӧм тӧлысьын Сергей Сотниковлы сетӧма «Айму водзын заслугаясысь II степеня» орденлысь медаль[8].

2011 вося рака тӧлысь 24-ӧд лунӧ самолёт лэбзис Изьваысь Ухтаӧ. 11 тонна ломтас запаса медся кокньӧдӧм самолётлӧн котӧртан кузьтаыс вӧлі 800 метр. Ремонт бӧрын шассилысь стойкаяссӧ места вылын прӧверитны позьтӧм вӧсна лэбисны шассилысь лэдзӧм стойкаясӧн[9]. Бортсӧ нуӧдысь лётчик-испытатель Рубен Есаянлӧн кывъяс серти, лэбӧмсӧ вӧлі планируйтӧма 3600 метр вылнаын 425 км/ч ӧдӧн. Самолёт кыпӧдчис некутшӧм лоӧмторъястӧг, вӧчис Изьва весьтті кытш да босьтіс курс Ухталань. Сійӧ жӧ луннас самолётсӧ заправитӧм бӧрын нуисны Ухтаысь Самараӧ, "Авиакор" самарскӧй авиационнӧй заводын дзоньталӧм вылӧ[10][11][12]. 2011 вося лӧддза-номъя тӧлысь 16-ӧд лун кежлӧ дзоньталӧмыс помасис да самолётсӧ вӧлі сетӧма кӧзяиныслы, медым сійӧ вермис вӧдитчыны регулярнӧй авиарейсъяс вылын[13]. Вунӧдлытӧм лоӧмторъяс бӧрын куим во мысти Изьва вертолёт площадкасӧ вӧлі дзикӧдз бырӧдӧма, да сэтысь электричествосӧ вӧлі босьтӧма. Сотниковлы ковмис петны удж вывсьыс 2013 вося вӧльгым тӧлысь 1 лунӧ[14]. Аэродромыслӧн вертолёт площадка статус[15].

Удж петкӧдласъяс

[вежны | Вежны кодировкаын]
Пассажиропоток:
во 2014 2015 2016 2017
пассажир 3176 3866 2369 4312
Источники:[16][17][18]

Пасйӧдъяс

[вежны | Вежны кодировкаын]
  1. ↑ ВПП 17/35 Видеорепортаж с Youtube Архивса копия 15 урасьӧм тӧлысь 2018 Wayback Machine ресурсын // Маркировка 17 на 13:32-13:34
  2. ↑ Aviapages.ru — Аэропорты — ИЖМА / IZHMA Архивса копия 13 моз тӧлысь 2010 Wayback Machine ресурсын // aviapages.ru  (Шыӧдчан кадпас: 8 кӧч тӧлысь 2010)
  3. ↑ Обследование взлетной полосы аэропорта с. Ижма Архивса копия 25 моз тӧлысь 2013 Wayback Machine ресурсын
  4. ↑ Игорь Жеребцов. Комиретро: в Коми летчики появились раньше, чем самолеты. Комиинформ (25 сора тӧлысь 2016). Шыӧдчан кадпас: 29 тӧвшӧр тӧлысь 2022. Архивируйтӧма 29 тӧвшӧр тӧлысь 2022.
  5. ↑ 1 2 3 Клим Подкова. Ижемское чудо Сергея Сотникова. zavtra.ru (17 ода-кора тӧлысь 2017). Шыӧдчан кадпас: 29 тӧвшӧр тӧлысь 2022. Архивируйтӧма 29 тӧвшӧр тӧлысь 2022.
  6. ↑ Полина Никольская, Анастасия Берсенева. Самолет сел на героизме Архивса копия 10 кӧч тӧлысь 2010 Wayback Machine ресурсын // gazeta.ru  (Шыӧдчан кадпас: 8 кӧч тӧлысь 2010)
  7. ↑ Дарья Муратшина. Экипаж и пассажиров спас работник аэродрома, который 12 лет чистил полосу от мусора. Комсомольская правда (22 кӧч тӧлысь 2010). Архивируйтӧма 9 ода-кора тӧлысь 2012.
  8. ↑ Награждён начальник ижемского аэродрома, где аварийно сел Ту-154 Архивса копия 24 ӧшым тӧлысь 2013 Wayback Machine ресурсын
  9. ↑ Видеоматериалы с Youtube. Шыӧдчан кадпас: 2 йирым тӧлысь 2017. Архивируйтӧма 18 лӧддза-номъя тӧлысь 2019.
  10. ↑ Ту-154М «Алросы» вылетел из Ухты в Самару. Шыӧдчан кадпас: 1 косму тӧлысь 2011. Архивируйтӧма 20 ӧшым тӧлысь 2013.
  11. ↑ 1 Канал. Видео: Аварийный самолет Ту-154, который чудом удалось посадить в тайге, снова подняли в воздух. Шыӧдчан кадпас: 1 косму тӧлысь 2011. Архивируйтӧма 26 рака тӧлысь 2011.
  12. ↑ Ту-154, у которого осенью отказали все приборы, снова поднялся в воздух — Первый канал. Шыӧдчан кадпас: 1 косму тӧлысь 2011. Архивируйтӧма 27 тӧвшӧр тӧлысь 2013.
  13. ↑ Аварийно севший в Коми Ту-154М после ремонта готов к регулярным рейсам. Шыӧдчан кадпас: 21 лӧддза-номъя тӧлысь 2011. Архивируйтӧма оригинала 22 сора тӧлысь 2011 года.
  14. ↑ Герой России, спасший самолет на заброшенном аэродроме в тайге, вынужден уволиться. Шыӧдчан кадпас: 8 кӧч тӧлысь 2016. Архивируйтӧма 3 ӧшым тӧлысь 2016.
  15. ↑ Спасший 80 жизней начальник аэропорта в Ижме ушел на пенсию. Шыӧдчан кадпас: 2 йирым тӧлысь 2019. Архивируйтӧма 2 йирым тӧлысь 2019.
  16. ↑ Объемы перевозок через аэропорты России за январь-декабрь 2014-2015 гг. Росавиация. Шыӧдчан кадпас: 16 тӧвшӧр тӧлысь 2018. Архивируйтӧма оригинала 17 сора тӧлысь 2016 года.
  17. ↑ Объемы перевозок через аэропорты России за январь-декабрь 2015-2016 гг. Росавиация. Шыӧдчан кадпас: 16 тӧвшӧр тӧлысь 2018. Архивируйтӧма оригинала 21 урасьӧм тӧлысь 2017 года.
  18. ↑ Объемы перевозок через аэропорты России за январь-декабрь 2016-2017 гг. Росавиация. Шыӧдчан кадпас: 28 рака тӧлысь 2018. Архивируйтӧма оригинала 28 рака тӧлысь 2018 года.

Ыстӧгъяс

[вежны | Вежны кодировкаын]


Коми Республикаса аэропортъяс Coat of arms of the Komi Republic Flag of the Komi Republic

Воркута • Вуктыл • Емва • Изьва • Инта • Печора • Сыктывкар • Усинск • Кулӧмдін • Чилимдін • Ухта •

Босьтӧма "https://kv.ruwiki.ru/w/index.php?title=Изьва_(аэропорт)&oldid=226147"-ысь