Интервидение (сьыланкыв конкурс)

Босьтӧма Рувикиысь
«Интервидение» сьыланкыв конкурс
рочӧн Конкурс песни «Интервидение»
пол. Konkurs Piosenki Interwizji
Изображение логотипа
конкурслӧн логотип
конкурслӧн логотип
Жанр сьыланкыв конкурс
Лӧсьӧдысь TVP
Уджтасӧн веськӧдлысьяс «Pagart» (1977—1980)
Юрий Аксюта, Лариса Синельщикова (2008)
Нуӧдысьяс Ирена Дзедзиц и Яцек Бромский (1977—1980)
Андрей Малахов, Яна Чурикова, Иосиф Кобзон, Анна Седакова, Иван Ургант, Александр Цекало и Дмитрий Шепелев (2008)
Композитор Анджей Курылевич
Кутшӧм странаясын вӧчисны  Польша,  Россия
Кывъяс польша кыв, роч кыв
Число выпусков 4 конкурс
Производство
Студия OIRT (1977—1980)
Медводдза канал и «Красный квадрат» (2008)
Трансляция
Трансляция кадколаст 1977.08.24 — 1980.08.23
2008.08.28 — 2008.08.31
Хронология
Воддза передачаяс Сопотын сьыланкыв конкурс (1961—1980; 1984—2009; 2012—)
«Пять звёзд» (2004—2008)
Татшӧм сяма передачаяс Евровидение(1956—)
Бундесвидение (2005—)
АВС-ын конкурсъяс (2012—)
Тюрквидение(2013—)
Логотип РУВИКИ.Медиа Медиафайлы на РУВИКИ.Медиа

«Интервидение» сьыланкыв конкурс (рочӧн Конкурс песни «Интервидение») — эстраднӧй сьыланкывъяс конкурс, сійӧс лӧсьӧдіс радиовещание да телевидение кузя войтыркостса организация (OIRT). Нуӧдлісны сійӧс Сопотын 1977—1980 воясӧ Сопотын сьыланкывлӧн нёль войтыркостса фестиваль дырйи[1].

2008 воын «Красный Квадрат» компания видлӧма ловзьӧдны Сочиын конкурссӧ[2]. 2014 вося ода-кора тӧлысьын вӧлі юӧртӧма, мый конкурсыс бара лоас йирым тӧлысьын, и мый сэтчӧ пырӧдчасны вӧвлӧм сӧветскӧй канмуяс да Шанхайса ёртасьӧм кузя организацияӧ пырысьяс[3]. 2024 воын «Интервидение» сьыланкыв конкурс муніс Москваын[4].

2024 вося лӧддза-номъя тӧлысь 13-ӧд лунӧ войтыркостса культураын ёртасьӧм кузя Россия Федерацияса президентлӧн торъя петкӧдлысь Михаил Швыдкой юӧртіс конкурс нуӧдан выль кадпас йылысь — 2025 во заводитчигӧн[5].

2025 вося урасьӧм тӧлысь 3-ӧд лунӧ Россия Федерацияса президент Владимир Путин кырымаліс 2025 воын «Интервидение» шылад конкурс нуӧдӧм йылысь индӧд[6]. Конкурсыс лоас Москваын «Live Арена» вылын кӧч тӧлысь 20-ӧд лунӧ[7].

История

Шылад конкурссӧ вӧлі котыртӧма войтыркостса «Интервидение» организация. Асьсӧ организациясӧ вӧлі котыртӧма 1960 вося урасьӧм тӧлысьын Радиовещание да телевидение кузя войтыркостса организация пытшкын. «Интервидениеӧ» пырисны ёнджыкасӧ социалистическӧй канмуяс. «Интервидениелӧн» пырся органъясыс: Сӧвет, Техническӧй координационнӧй шӧрин, Программаяс координируйтан шӧрин — вӧліны Прагаын. Медводзсӧ «Интервидениеӧ» пырлісны СССР, ГДР, Польша, Венгрия, Чехословакия. Организацияса асшӧр членъясӧн сідзжӧ лыддьысисны Украина, Эстония, Латвия. Тайӧ странаясыслӧн 1962 восянь вӧліны позянлунъяс веськыда вежласьны телевизионнӧй программаясӧн да нуӧдны трансляцияяс. 1963 вося косму тӧлыссянь «Интервидениеын» участвуйтісны Болгария да Румыния. Бӧрынджык пырисны Литва, Беларусь, Молдавия, Куба, Монголия, Финляндия, Вьетнам, Афганистан. «Интервидение» уджын участвуйтісны сідзжӧ Югославияса телевизионнӧй организацияяс. Уджтасъяс пӧвстын ёнджыкасӧ вӧліны спорт ордйысьӧмъяслӧн репортажъяс да трансляцияяс, таысь кындзи петкӧдлісны челядьлы, шылада да гажӧдчан передачаяс. Быд во Польшаса Сопот карын нуӧдлісны сьыланкывъяслысь конкурс, коді 1977 воын официальнӧя шусис «Интервидение». Фестиваль вылын петкӧдчисны и гӧсьтъяс, на лыдын Глория Гейнор, Петула Кларк, «Boney M» группа да мукӧд.

Сьыланкыв конкурссӧ эз сетны сӧвмӧдны Польшаын политическӧй событиеяс: 1980 вося гожӧм кежлӧ Гданьскын уна сюрс уджалысь бастуйтісны «Солидарность» ӧтмунӧмлӧн юрнуӧдӧм улын. Мӧд вонас Польшаса власьтъяс лӧсьӧдісны военнӧй положение, уличаяс вылӧ петісны танкъяс да вооружённӧй полиция, и Сопотын конкурс эз нуӧдсьы.

1983 воын «Интервидение» вӧлі котыртӧма да нуӧдӧма конкурс сизим карын, на лыдын Тампереын, Москваын, Варшаваын, Софияын, Прагаын (сійӧ примитліс конкурсантъясӧс кыкысь, тшӧтш и финал рытӧ). Гран-при босьтіс польшаса сьылысь Збигнев Водецкий «Ме радейта бӧр локны сэтчӧ, кӧні вӧлі нин» (Lubie wracac tam gdzie bylem) сьыланкывйӧн[8][9], лауреатъяс лыдын — Марина Флореа (Румыния), Маргарита Горанова (Болгария), Карел Чернох (Чехословакия). Кор 1984 воын сьыланкыв конкурссӧ нуӧдісны Польшаын, сійӧ бара кутіс шусьыны шылад фестивальӧн Сопотын[10].

«Интервидениесӧ» дугдісны нуӧдны социалистическӧй лагерь киссьӧм бӧрын. Сэксянь унаысь чужліс конкурссӧ ловзьӧдӧм йылысь мӧвп. Торйӧн кӧ, вӧлі вӧзйӧма бӧр ловзьӧдны Шанхайса ёртасьӧм серти организацияын конкурс.

«Пять Звёзд. Интервидение»

2008 воын «Красный Квадрат» компания Медводдза каналкӧд ӧтвылысь кӧсйисны ловзьӧдны Сочиын конкурссӧ[2]. Важысянь нин кӧсйисны сетны том сьылысьяслӧн «Пять Звёзд» ставроссияса конкурслы войтыркостса статус. Куим во Медводдза канал нуӧдіс тайӧ фестивальсӧ национальнӧй форматын, и быд во оргкомитетӧ волывлісны заявкаяс мукӧд странаысь. Нёльӧдысь нин мероприятиелысь правилӧяссӧ выльысь видлалӧ бӧрын шуисны вежны конкурслысь форматсӧ да нимтыны сійӧс «Пять Звёзд. Интервидение».

И бара пом

2008 вося выль правилӧяс серти «Интервидение» локтан конкурссӧ колӧ вӧлі нуӧдны конкурсын вермысь странаын. 2009 вося тулысын Душанбеӧ волісны конкурс котыртысьяс, кодъяс таджикъяскӧд ӧтвылысь шуисны нуӧдны конкурссӧ «Кохи Борбад» культурно-развлекательнӧй комплексын. Но бӧрынджык мероприятиесӧ вӧлі вуджӧдӧма моз тӧлыссянь йирым тӧлысь вылӧ[11]. 2009 вося йирым тӧлысьын Таджикистанса телевидение да радиовещание кузя комитетӧн веськӧдлысьӧс медводдза вежысь Абдурахмон Абдуманнонов висьталіс, мый Россиясянь воис «Красный Квадрат» да Медводдза канал компанияяссянь официальнӧй письмӧ, кӧні найӧ юӧртісны Таджикистанлы, мый «найӧ абу дасьӧсь нуӧдны конкурссӧ Душанбеын таво»[12]. Сідзжӧ «Интервидение» котыртысьяс шуисны пыртны конкурсӧ Шанхайса ёртасьӧм серти организацияӧ пырысь странаясӧс, и такӧд йитӧдын вӧлі шуӧма вуджӧдны сійӧс нуӧдан кадсӧ 2010 во вылӧ.

Ловзьӧдӧм

2009 воын Россияса премьер-министр Владимир Путин вӧзйис выльысь заводитны конкурссӧ Россия, Китай да мукӧд Центральнӧй Азияса канмуяс костын (кодъяс кызвыннас лоӧны Шанхайскӧй сотрудничество организацияса, ШОС-са членъясӧн)[13][14][15]. 2014 вося ода-кора тӧлысьын вӧлі юӧртӧма, мый конкурсыс бара лоас йирым тӧлысьын, кытчӧ пырӧдчасны вӧвлӧм сӧветскӧй канмуяс да ШОС-ӧ пырысьяс[3]. Та бӧрын том сьылысьяслы выльысь ловзьӧдӧм «Интервидение-2014» войтыркостса конкурс вӧлі шуӧма нуӧдны 2014 вося йирым тӧлысьын Сочиын[16]. «Пять звёзд» шылад конкурслӧн Россияса бӧрйысян тур муніс Ялтаын 2014 вося лӧддза-номъя тӧлысьын. Бӧрынджык конкурссӧ вӧлі вуджӧдӧма тулыс вылӧ, кыдзи висьталіс конкурс котыртысь Виктор Дробыш — политическӧй обстановка вӧсна[17]. Юӧртӧм кадколаст кольӧм бӧрын котыртысьяссянь некутшӧм официальнӧй юӧр эз волы — конкурс эз вӧв.

Интервидение—2025

2025 вося урасьӧм тӧлысь 3-ӧд лунӧ Россия Федерацияса президент Владимир Путин кырымаліс «Интервидение» шылада конкурс 2025 воын нуӧдӧм йылысь индӧд, сійӧс нуӧдасны Москваын да Москва обласьтын[6]. Конкурс вылӧ ыстӧсны 20-ысь унджык странаысь заявка[18].

Урасьӧм тӧлысь 25-ӧд лунӧ Россия Федерацияса Веськӧдлан котыр вынсьӧдіс конкурс котыртан комитетӧ пырысьясӧс. Сэтчӧ пырисны Россия Федерацияса культура министр Ольга Любимова, Медводдза каналса генеральнӧй директор Константин Эрнст да президентлӧн международнӧй культурнӧй сотрудничество кузя спецпредставитель Михаил Швыдкой[19].

Рака тӧлысь 20-ӧд лунӧ лои тӧдса, мый правительство вичмӧдас 750 млн шайт «Интервидение» нуӧдӧм вылӧ[20].

Россияӧс конкурсын петкӧдлас Россияса нимӧдана артист Ярослав Дронов, кодӧс тӧдӧны Shaman псевдоним улын[21]. «Интервидение» войтыркостса шылада конкурсын Россияса участник йылысь вӧлі юӧртӧма ода-кора тӧлысь 19-ӧд лунӧ Медводдза каналын «Пусть говорят» уджтас эфирын[22].

Нуӧдасны конкурссӧ кӧч тӧлысь 20-ӧд лунӧ Москваын «Live Арена» вылын[7].

Пырӧдчысь странаяс

Интервидениелӧн мусерпас. Пырӧдчысьяс 1977 восянь:

  Странаяс, кодъяс пырӧдчисны конкурсӧ

  Странаяс, кодъяс вермӧны пырӧдчыны конкурсӧ, но оз кӧсйыны

  Странаяс, кодъяс кӧсйисны пырӧдчыны конкурсӧ, но эз вӧчны тайӧс.

Конкурсын вермасны петкӧдчыны Асшӧр Канмуяслӧн Ӧтувъялунӧ, Шанхайса ёртасьӧмлӧн организацияӧ да вӧвлӧм СССР-са республикаясӧ пырысь канмуяс (на лыдын Балтияса канмуяс), а сідзжӧ Лунвыв Корея да Япония. Оз на тӧдны, корласны-ӧ ордйысьӧм вылӧ ШОС-са блокысь видзӧдысь странаясӧс (Индия, Иран, Монголия, Пакистан да Афганистан). Водзті вермисны участвуйтны Восточнӧй блокса странаяс да ӧткымын мукӧд странаяс[23][24][25].

Разнӧй кадӧ конкурсӧ пырӧдчис 30 страна: Армения, Азербайджан, Беларусь, Бельгия, Болгария, Канада, Китай, Куба, Финляндия, Венгрия, Казахстан, Кыргызстан, Латвия, Молдова, Марокко, Нидерландъяс, Польша, Португалия, Румыния, Россия, Испания, Швейцария, Таджикистан, Туркменистан, Украина, Узбекистан; а сідзжӧ вӧвлӧм странаяс Чехословакия, ГДР, СССР и Югославия.

Страны, кодъяс водзті пырӧдчисны конкурсӧ, но ӧні оз: Армения, Азербайджан, Беларусь, Бельгия, Болгария, Канада, Куба, Финляндия, Венгрия, Латвия, Молдова, Марокко, Нидерландъяс, Польша, Португалия, Румыния, Испания, Швейцария, Туркменистан, Украина.

5 страна, кодъяс вермӧны пырӧдчыны конкурсӧ, но эз на вӧчлыны тайӧс: Грузия, Литва, Эстония, Лунвыв Корея и Япония[23][24][25].

Пырӧдчысьяс

Медым паськодны ӧтувтӧм ячейкаяссӧ, личкӧй «Во» ячейка вылӧ.
Во Нуӧданін Кадпас Став участник

(морт/страна)

Дебютъяс Бӧр воысьяс Мунысьяс Вермысь
1977  Польша моз тӧлысь 24-27 лун 20 / 11 11:  Болгария,  Венгрия,  ГДР,  Испания,  Куба,  Польша,  Румыния,  СССР,  Финляндия,  Чехословакия,  Югославия — —  Чехословакия
1978  Польша моз тӧлысь 23-26 лун 12 / 10 1:  Канада 2:  Куба,  Югославия  СССР,
 Чехословакия
1979  Польша моз тӧлысь 22-25 лун 13 3:  Бельгия,  Марокко,  Португалия 1:  Куба 1:  Канада  Польша
1980  Польша моз тӧлысь 20-23 лун 14 / 13 2:  Нидерландъяс,  Швейцария 1:  Югославия 3:  Бельгия,  Марокко,  Португалия  СССР,
 Финляндия,
 Чехословакия
1983  СССР,
 Финляндия,
 Чехословакия,
 Польша,
 Болгария 		 Польша
2008  Россия моз тӧлысь 28-31 лун 11 11:  Азербайджан,  Армения,  Беларусь,  Казахстан,  Кыргызстан,  Латвия,  Молдова,  Россия,  Таджикистан,  Туркменистан,  Украина — 13:  Болгария,  Венгрия,  ГДР (дзикӧдз),  Испания,  Куба,  Нидерландъяс,  Польша,  Румыния,  СССР (дзикӧдз),  Финляндия,  Чехословакия (дзикӧдз),  Швейцария,  Югославия (дзикӧдз)  Таджикистан

Странаяслӧн рейтинг

№ Страна Ⅰ Ⅱ Ⅲ Ⅳ Ⅴ
1  Чехословакия 3 0 0 0 0
2  СССР 2 0 0 1 1
3  Польша 1 0 2 1 0
4  Таджикистан 1 0 0 0 0
 Финляндия 1 0 0 0 0
5  Испания 0 2 0 0 0
6  ГДР 0 1 0 1 2
7  Куба 0 1 0 0 0
8  Россия 0 1 0 0 0
9  Румыния 0 0 1 1 0
10  Венгрия 0 0 1 0 1
11  Армения 0 0 1 0 0
12  Болгария 0 0 0 2 0
13  Кыргызстан 0 0 0 1 0
 Нидерландъяс 0 0 0 1 0
14  Казахстан 0 0 0 0 1

Вермысьяс

Во Страна Сьылысь Сьыланкыв Балл Коласт Мӧд места Кадпас Нуӧданін
1977  Чехословакия Гелена Вондрачкова Malovaný džbánku 174 24  Куба моз тӧлысь 27-ӧд лун Флаг Польши Сопот
1978[26]  СССР Алла Пугачёва «Всё могут короли» 88 24  ГДР[27] моз тӧлысь 26-ӧд лун Флаг Польши Сопот
 Чехословакия Вацлав Нецкарж Patrik
1979  Польша Чеслав Немен Nim przyjdzie wiosna 82 16  Испания моз тӧлысь 25-ӧд лун Флаг Польши Сопот
1980[28]  СССР Николай Гнатюк «На ветрах осенних» 30 6  Испания[29] моз тӧлысь 23-ӧд лун Флаг Польши Сопот
 Финляндия Марион Рунг Where Is The love
 Чехословакия Марика Гомбитова I Want to Share With You
1981-2007 воясӧ конкурссӧ эз нуӧдны
2008  Таджикистан Тахмина Ниязова Hero 216 1  Россия[30] моз тӧлысь 31-ӧд лун Флаг России Сочи
2009 восянь конкурссӧ эз нуӧдны

Пасйӧдъяс

  1. ↑ История фестиваля в Сопоте. Шыӧдчан кадпас: 2 тӧвшӧр тӧлысь 2013. Архивируйтӧма оригинала 19 тӧвшӧр тӧлысь 2010 года.
  2. ↑ 1 2 Пять звёзд. Интервидение в Сочи (2008). Красный квадрат. Шыӧдчан кадпас: 23 сора тӧлысь 2017. Архивируйтӧма оригинала 6 рака тӧлысь 2019 года.
  3. ↑ Russia: Intervision To Return This October. Шыӧдчан кадпас: 7 сора тӧлысь 2014. Архивируйтӧма 17 йирым тӧлысь 2015.
  4. ↑ Конкурс песни "Интервидение" пройдет в Москве в 2024 году, РИА Новости (21.03.2024). Шыӧдчан кадпас: 21 рака тӧлысь 2024.
  5. ↑ "Интервидение" могут провести в Москве в начале 2025 года. ТАСС (13 лӧддза-номъя тӧлысь 2024). Шыӧдчан кадпас: 13 лӧддза-номъя тӧлысь 2024.
  6. ↑ 1 2 Музыкальный конкурс "Интервидение" пройдет в 2025 году в Московском регионе. interfax.ru (3 урасьӧм тӧлысь 2025). Шыӧдчан кадпас: 3 урасьӧм тӧлысь 2025.
  7. ↑ 1 2 "Интервидение" пройдет 20 сентября, TACC (30 косму тӧлысь 2025). Шыӧдчан кадпас: 30 косму тӧлысь 2025.
  8. ↑ Lubię wracać tam gdzie byłem - Utwory - Cyfrowa Biblioteka Polskiej Piosenki. Шыӧдчан кадпас: 17 ӧшым тӧлысь 2018. Архивируйтӧма 16 рака тӧлысь 2021.
  9. ↑ Мелодии и ритмы зарубежной эстрады. Шыӧдчан кадпас: 23 косму тӧлысь 2018. Архивируйтӧма 27 йирым тӧлысь 2020.
  10. ↑ Политические скандалы. Шыӧдчан кадпас: 28 ода-кора тӧлысь 2014. Архивируйтӧма 29 ода-кора тӧлысь 2014.
  11. ↑ Сроки проведения конкурса «Пять звезд. Интервидение» переносятся (рус.). Шыӧдчан кадпас: 24 ода-кора тӧлысь 2014. Архивируйтӧма оригинала 25 сора тӧлысь 2014 года.
  12. ↑ Международный конкурс «Пять звезд. Интервидение» в этом году не состоится, - КТР (рус.). Шыӧдчан кадпас: 24 ода-кора тӧлысь 2014. Архивируйтӧма оригинала 25 сора тӧлысь 2014 года.
  13. ↑ Intervision: The Russian proposed song contest with China, Central Asia Архивса копия 13 вӧльгым тӧлысь 2017 Wayback Machine ресурсын (Shanghaiist: Shanghai News, Food, Arts & Events)
  14. ↑ Putin mulls Intervision Song Contest Архивса копия 16 сора тӧлысь 2013 Wayback Machine ресурсын (BBC World Service)
  15. ↑ Vladimir Putin proposes rival to Eurovision Song Contest between Russia and central Asian countries Архивса копия 13 сора тӧлысь 2015 Wayback Machine ресурсын (Daily Mail)
  16. ↑ Федоткина, Татьяна На каждое «Евровидение» у России найдется своё «Интервидение» (рус.). Московский комсомолец (21 ода-кора тӧлысь 2014). Шыӧдчан кадпас: 24 ода-кора тӧлысь 2014. Архивируйтӧма 24 ода-кора тӧлысь 2014.
  17. ↑ Конкурс «Интервидение» откладывается из-за политической ситуации (рус.). Русская служба новостей (26 моз тӧлысь 2014). Шыӧдчан кадпас: 2 кӧч тӧлысь 2014. Архивируйтӧма оригинала 3 кӧч тӧлысь 2014 года.
  18. ↑ Более 20 стран подтвердили участие в конкуре «Интервидение» в Москве
  19. ↑ Правительство утвердило состав оргкомитета "Интервидения", РИА Новости (25 урасьӧм тӧлысь 2025). Шыӧдчан кадпас: 25 урасьӧм тӧлысь 2025.
  20. ↑ МИД получит 750 млн руб. на проведение песенного «Интервидения», РБК (21 рака тӧлысь 2025). Шыӧдчан кадпас: 21 рака тӧлысь 2025.
  21. ↑ Shaman представит Россию на «Интервидении», РБК (19 ода-кора тӧлысь 2025). Шыӧдчан кадпас: 19 ода-кора тӧлысь 2025.
  22. ↑ Представителя РФ на "Интервидении" объявят 19 мая на Первом канале, TACC (18.05.2025). Шыӧдчан кадпас: 18 ода-кора тӧлысь 2025.
  23. ↑ 1 2 Granger, Anthony Russia: Intervision To Return This October. Eurovoix (23 ода-кора тӧлысь 2014). Шыӧдчан кадпас: 26 ода-кора тӧлысь 2014. Архивируйтӧма 17 йирым тӧлысь 2015.
  24. ↑ 1 2 Bartlett, Paul Bearded Lady Spurs Russia to Revive Soviet-Era Song Contest. eurasianet.org (23 ода-кора тӧлысь 2014). Шыӧдчан кадпас: 30 ода-кора тӧлысь 2014. Архивируйтӧма 25 ода-кора тӧлысь 2014.
  25. ↑ 1 2 Россия нашла замену "Евровидению" (Russian). Архивируйтӧма 9 тӧвшӧр тӧлысь 2019 вося. Шыӧдчан кадпас: 1 лӧддза-номъя тӧлысь 2014.
  26. ↑ 1978 воын вӧлі ӧткодь балла кык вермысь (СССР и Чехословакия)
  27. ↑ ГДР-лӧн 3-ӧд места
  28. ↑ СССР, Финляндия и Чехословакия босьтӧсны ӧткодь баллъяс
  29. ↑ Испаниялӧн 4-ӧд места
  30. ↑ Победитель "Интервидения" - Тахмина Ниязова (Таджикистан) (рус.). Первый канал (31 моз тӧлысь 2008). Шыӧдчан кадпас: 13 моз тӧлысь 2014. Архивируйтӧма 25 урасьӧм тӧлысь 2014.

Ыстӧгъяс

Босьтӧма "https://kv.ruwiki.ru/w/index.php?title=Интервидение_(сьыланкыв_конкурс)&oldid=482329"-ысь