Любимова Ольга Борисовна

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Любимов.
Ольга Борисовна Любимова
Olga Liubimova (2020-12-07).jpg
Флаг
Россия Федерацияса культура министр
Флаг
2020.01.21
(у. в. 2024.05.7—13)
Веськӧдлан котырӧн юрнуӧдысь Михаил Мишустин
Андрей Белоусов (у. в.)
Михаил Мишустин
Президент Владимир Путин
Водзвывса уджалысь Владимир Мединский
Чужис 1980 вося ӧшым тӧлысь 31-ӧд лун
Москва, СССР
Ютыр абу партияын
Велӧдчӧм ГИТИС
Уджсикас журналист, театровед
Логотип РУВИКИ.Медиа Медиафайлы на РУВИКИ.Медиа

Любимова Ольга Борисовна (1980-ӧд вося ӧшым тӧлысь 31-ӧд лун, Москва) — россияса канморт, журналист да театровед. Россия Федерацияса культура министр 2020 вося тӧвшӧр тӧлысь 21-ӧд лунсянь[1].

«Историяӧн тӧдмӧдан ведомствокостса комиссиялӧн юалӧмъяс» Россия Федерацияса Президентлӧн 2024 во ӧшым тӧлысь 27-ӧд лунся 1120 №-а Индӧд серти вӧлі пыртӧма Историяӧн тӧдмӧдан ведомствокостса комиссиялӧн президиумӧ[2].

Олантуй

Ольга Любимова чужис 1980 вося ӧшым тӧлысь 31-ӧд лунӧ Москваын. Помаліс Москваса 1234 №-а шӧр школа англичан кыв пыдісянь велӧдӧмӧн[3]; 5-ӧд классянь 7-ӧд классӧдз велӧдчис Преподобнӧй Нестор Летописец нима историко-филологическӧй православнӧй гимназияын[4].

Велӧдчӧма Москваса канму университетса журналистика факультетын, бӧрынджык Любимова помалӧма ГИТИС-ын театроведение факультет «театровед» специальносьт серти.

Москваса канму университетса журналистика факультетын велӧдчигӧн практика дырйи уджаліс РЕН ТВ, ТВ Центр телеканалъясын, «Наше радио», «Радио Рокс» радиостанцияясын[3].

2000 воын уджаліс «Европа Плюс» радиостанцияын корреспондентӧн[3].

2001 восянь Любимова уджаліс телевидениеын. Медводз вӧліс Россияса православнӧй вичколӧн юӧртан агентствоӧн вӧчӧм «Ортодокс» уджтасын (ТВЦ канал) корреспондентӧн.

2001 восянь 2009 воӧдз (коставлӧмӧн) Любимова уджаліс «Коймӧд каналын». Медводз (2003 воӧдз) вӧлі «Итоги недели с Глебом Пьяных», «Главная тема», «Цена вопроса», «Дольче Вита», «Выводы с Петром Толстым» уджтасъясын корреспондентӧн[4]. Сэсся вӧлі «Регион» (2003—2004) да «Русский взгляд» (2003—2004, 2006—2009) уджтасъясса шеф-редакторӧн.

2005 вося сора тӧлыссянь 2009 вося сора тӧлысьӧдз Любимова нуӧдіс «Столица» телеканалын «Горожанка» ток-шоу, «Москва-2009», «Город и люди» уджтасъяс.

2010 вося ӧшым тӧлыссянь 2011 воӧдз Любимова — «Культура» телеканалын «Контекст» кывкӧрталана юӧртан да аналитическӧй уджтасӧн юрнуӧдысь[5].

2011—2012 воясӧ — «Телеканал ТВ-3» ИКК-лӧн уджтасъяс департаментса документальнӧй кино кузя старшӧй продюсер[6].

Такод тшӧтш Любимова водзӧ уджаліс Роч православнӧй вичколӧн юӧр сетан агентствоын, кӧні вӧлі разнӧй кадӧ «Православнӧй календар» (РТР), «Русский взгляд» («Коймӧд каналкӧд» ӧтвылысь) уджтасъясын шеф-редакторӧн, участвуйтіс «Спас» телеканаллы уджтасъяс лӧсьӧдӧмын («И Татьянин день», «Фома», «Семинаристы»), Кристос Спаситель Храмсянь да Ерусалимысь Благодатнӧй би петӧмлы сиӧм вичко службаяслысь веськыд трансляцияяс котыртӧмын[4].

Участвуйтіс 80-ысь унджык документальнӧй кино лӧсьӧдӧмын, на лыдын «Россия-1», «Культура», «Первый канал» телеканалъяслы снимайтӧмъясын. «Путь Патриарха» (2009), «Чужая земля» (2013), «Война и мифы» (2014), «Никита Михалков» (2015, сценарий тшӧтш гижысь) да мукӧд документальнӧй кинояслӧн сценарий автор[7].

Любимова йӧзӧдчыліс «Русский взгляд» журналын (кӧні сідзжӧ вӧлі культура юкӧнӧн веськӧдлысьӧн), «Политический журнал», «Афиша» журналъясын[8][9], «Esquire» журналын[3].

2015 вося вӧльгым тӧлысьын Любимова лоис культура министерстволӧн кинематография департаментӧн веськӧдлысьлӧн сӧветникӧн (абу ворсана да анимация фильмъяслы канмусянь отсӧг сетан юкӧнын)[10]. Водзті татшӧм чиныс эз вӧв[11].

2016 вося йирым тӧлыссянь 2018 вося тӧвшӧр тӧлысьӧдз — «Первый канал» акционер котырлӧн социальнӧй да публицистическӧй уджтасъяс дирекцияса директорӧс вежысь[12].

2018 вося тӧвшӧр тӧлысь 17-ӧд лунсянь 2020 вося тӧвшӧр тӧлысь 21-ӧд лунӧдз — Россия Федерацияса культура министерствоысь кинематография департаментӧн веськӧдлысь[13].

Любимова лоӧ отечественнӧй кинематографиялы социальнӧй да экономическӧй отсӧг сетан федеральнӧй фондлӧн (Кино фонд) попечительскӧй сӧветӧн веськӧдлысьӧс вежысьӧн, Соловецкӧй архипелаг видзан да сӧвмӧдан фондлӧн попечительскӧй сӧветӧ пырысьӧн. Пырис «Ленфильм» акционер котырса директоръяслӧн сӧветӧ[1].

Эм Россия Федерацияса президентлӧн аттьӧалана гижӧд (2019)[1].

Культура министр

2020 вося тӧвшӧр тӧлысь 21-ӧд лунсянь — Россия Федерацияса культура министр[14].

2024 вося ода-кора тӧлысь 14-ӧд лунӧ Госдума выльысь вынсьӧдіс сійӧс Россия Федерацияса культура министрӧн[15], тайӧ жӧ лунӧ Россия Федерацияса президент кырымаліс индӧд[16].

Семья

• Пӧльыс — Николай Михайлович Любимов (1912—1992), сӧветскӧй вуджӧдчысь, мемуаръяслӧн автор.
• Батьыс — Борис Николаевич Любимов (чужис 1947), сӧветскӧй да россияса театровед да педагог, театральнӧй критик, искусствоведениеса кандидат, РСФСР-са искусствоын нимӧдана уджалысь, профессор, М. С. Щепкин нима Вылыс театральнӧй училищеса ректор, Россияса канму академическӧй Ичӧт театрса художественнӧй веськӧдлысьӧс вежысь, ГИТИС-ын Россияса театр история кафедраӧн заведуйтысь[17].
• Мамыс — Мария Вадимовна Шверубович (1949—2018)[18], актриса да театровед.
• Дядь — Алексей Бартошевич (чужис 1939)[19], шекспировед, театровед.
• Ольгалӧн бать визь серти пӧль-пӧчьяс лыдын — Вӧлӧгдаса губернатор Михаил Николаевич Кормилицын (прапрадед) да Рязаньса губернатор Николай Аркадьевич Болдарев (прапрадед), а сідзжӧ медводдза граф Гендриков, коді вӧлі гӧтрасьӧма императрица Екатерина І-лӧн чой вылӧ. Мам визь серти театрын уджалысь Вадим Васильевич Шверубовичлӧн нучка да актёръяс Василий Иванович Качаловлӧн да Нина Николаевна Литовцевалӧн пранучка.
• Верӧс сайын 2006 восянь, верӧсыс — Евгений Александрович Баранов (чужис 1970.10.28), «Первый канал»-ын журналист да комментатор. Помавлӧма Москва карса 324-ӧд номера школа. Вылыс тшупӧда тӧдӧмлунсӧ босьтӧма Россияса канму гуманитарнӧй университетын (РГГУ) «историко-архивоведение» специальносьт серти (1987—1993)[20]. 2013 вося рака тӧлысь 17-ӧд лунӧ Барановлӧн петіс Ыджыд видз йылысь репортаж, кытчӧ пырис сылӧн гӧтырыслӧн комментарий[21].
• Челядь — Никита пи да Варвара ныв[7].

Любимова Ольга Борисовна — пӧль-пӧчьяс
 
 
 
 
 
 
 
 
 
 
 
 
 
 
 
 
 
 
Михаил Ермиевич Любимов
 
 
 
 
 
 
 
Михаил Михайлович Любимов
 
 
 
 
 
 
 
 
 
 
 
Анна Яковлевна Троицкая
 
 
 
 
 
 
 
Николай Михайлович Любимов
 
 
 
 
 
 
 
 
 
 
 
 
 
 
Михаил Николаевич Кормилицын
 
 
 
 
 
 
 
Елена Михайловна Кормилицына
 
 
 
 
 
 
 
 
 
 
 
Александра Николаевна Болдарева
 
 
 
 
 
 
 
Борис Николаевич Любимов
 
 
 
 
 
 
 
 
 
 
 
 
 
 
 
 
 
Роман Кессель
 
 
 
 
 
 
 
 
 
 
 
Маргарита Романовна Кессель
 
 
 
 
 
 
 
 
 
 
 
 
 
 
Ольга Борисовна Любимова
 
 
 
 
 
 
 
 
 
 
 
 
 
 
 
 
 
 
 
 
Иоанн Васильевич Шверубович
 
 
 
 
 
 
 
Василий Иванович Качалов
 
 
 
 
 
 
 
 
 
 
 
Мелитина Матвеевна Воржековская
 
 
 
 
 
 
 
[Вадим Васильевич Шверубович
 
 
 
 
 
 
 
 
 
 
 
 
 
 
Нина Николаевна Литовцева
 
 
 
 
 
 
 
 
 
 
 
Надежда Фёдоровна Рудакова
 
 
 
 
 
 
 
Мария Вадимовна Шверубович
 
 
 
 
 
 
 
 
 
 
 
 
 
 
 
 
 
Владимир Дмитраш
 
 
 
 
 
 
 
 
 
 
 
Елена Владимировна Дмитраш
 
 
 
 
 
 
 
 
 
 
 
 
 

Санкцияяс

2022 вося ӧшым тӧлысь 16-ӧд лунӧ Любимоваӧс пыртісны Евросоюзлӧн санкция лыддьӧгӧ, а 2023 вося урасьом тӧлысь 24-ӧд лунӧ — АӦШ-лӧн санкция лыддьӧгӧ[22]. Сідзжӧ Ыджыд Британиялӧн, Швейцариялӧн, Австралиялӧн и Выль Зеландиялӧн санкция лыддьӧгын.

Фильмография

Татшӧм кинояслы сценарий гижысь:

  • «Путь Патриарха» (2009)
  • «Великая Пасха» (2011)
  • «Столыпин. Выстрел в Россию. XX век» (2012)
  • «Изборск. Путешествие во времени» (2012)
  • «Чужая земля» (2013)
  • «Ангелы с моря» (2013)[23]
  • «Своя земля» (2014)[24]
  • «Преподобный Сергий Радонежский» (2014)
  • «Война и мифы» (2014)
  • «Флаг. Символ преемственности» (2014)[25]
  • «Никита Михалков» (2015) — соавтор

Наградаяс

  • Вежа благовернӧй великӧй князь Александр Невскӧй II тшупӧда орден (2022)[26].
  • Лунвыв Осетиялон Ёрталун орден(2024)[27].

Пасйӧдъяс

  1. ↑ 1 2 3 Любимова, Ольга Борисовна. Министр культуры РФ. ТАСС (2024). Шыӧдчан кадпас: 8 лӧддза-номъя тӧлысь 2024.
  2. ↑ Указ Президента Российской Федерации от 27.12.2024 № 1120 ∙ Официальное опубликование правовых актов (рус.). publication.pravo.gov.ru (27 ӧшым тӧлысь 2024). Шыӧдчан кадпас: 27 ӧшым тӧлысь 2024.
  3. ↑ 1 2 3 4 3 канал - Телеведущие и журналисты. Шыӧдчан кадпас: 21 тӧвшӧр тӧлысь 2020. Архивируйтӧма 22 урасьӧм тӧлысь 2008.
  4. ↑ 1 2 3 Ольга Любимова: Жизнь и смерть православного ТВ. www.pravmir.ru. Шыӧдчан кадпас: 21 тӧвшӧр тӧлысь 2020. Архивируйтӧма 26 тӧвшӧр тӧлысь 2020.
  5. ↑ Премьера. "Контекст". Культура (19 ӧшым тӧлысь 2010).
  6. ↑ Любимова Ольга Борисовна. Министерство культуры РФ (22 тӧвшӧр тӧлысь 2020). Шыӧдчан кадпас: 22 тӧвшӧр тӧлысь 2020. Архивируйтӧма 6 урасьӧм тӧлысь 2020.
  7. ↑ 1 2 Биография нового министра культуры Ольги Любимовой. ТАСС. Шыӧдчан кадпас: 21 тӧвшӧр тӧлысь 2020. Архивируйтӧма 20 рака тӧлысь 2021.
  8. ↑ Ответы. Федор Хитрук, режиссер. Афиша (11 косму тӧлысь 2005). Шыӧдчан кадпас: 8 урасьӧм тӧлысь 2020. Архивируйтӧма 10 косму тӧлысь 2020.
  9. ↑ Хитрук! Спасибо, что живой. Православный мир (5 ӧшым тӧлысь 2012). Шыӧдчан кадпас: 8 урасьӧм тӧлысь 2020. Архивируйтӧма 10 косму тӧлысь 2020.
  10. ↑ Ольга Любимова назначена и. о. руководителя департамента кинематографии Минкультуры. ТАСС. Шыӧдчан кадпас: 21 тӧвшӧр тӧлысь 2020. Архивируйтӧма 15 урасьӧм тӧлысь 2020.
  11. ↑ Предъявите ваши документы. Все сложно: итоги круглого стола о господдержке неигровых картин в 2014 году. Независимая газета (25 вӧльгым тӧлысь 2015). Шыӧдчан кадпас: 8 урасьӧм тӧлысь 2020. Архивируйтӧма 10 косму тӧлысь 2020.
  12. ↑ В рамках 39-го ММКФ пройдёт IX питчинг дебютантов. Мир фестивалей (7 лӧддза-номъя тӧлысь 2017). Шыӧдчан кадпас: 8 урасьӧм тӧлысь 2020. Архивируйтӧма 10 косму тӧлысь 2020.
  13. ↑ Назначен новый руководитель департамента кинематографии Минкульта // Профисинема. Шыӧдчан кадпас: 21 тӧвшӧр тӧлысь 2020. Архивируйтӧма 1 йирым тӧлысь 2020.
  14. ↑ Назначен новый министр культуры РФ. Российская Газета (21 тӧвшӧр тӧлысь 2020). Шыӧдчан кадпас: 29 вӧльгым тӧлысь 2023.
  15. ↑ Госдума утвердила Любимову на пост главы Минкультуры. РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  16. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  17. ↑ Департамент кино Минкультуры возглавила автор православных фильмов // РБК. Шыӧдчан кадпас: 21 тӧвшӧр тӧлысь 2020. Архивируйтӧма 29 рака тӧлысь 2020.
  18. ↑ Актриса «Современника» Мария Шверубович умерла на 69-м году жизни. Шыӧдчан кадпас: 22 тӧвшӧр тӧлысь 2020. Архивируйтӧма 12 тӧвшӧр тӧлысь 2021.
  19. ↑ «Ни хрена не культурный человек» из «великой семьи». Кто такая министр культуры Ольга Любимова. www.znak.com. Шыӧдчан кадпас: 27 тӧвшӧр тӧлысь 2020. Архивируйтӧма 29 урасьӧм тӧлысь 2020.
  20. ↑ Человек Михалкова из театральной династии. Шыӧдчан кадпас: 22 тӧвшӧр тӧлысь 2020. Архивируйтӧма 29 урасьӧм тӧлысь 2020.
  21. ↑ Начинается Великий пост — время, за которое нужно быть благодарным. Первый канал (17 рака тӧлысь 2013). Шыӧдчан кадпас: 8 урасьӧм тӧлысь 2020. Архивируйтӧма 10 косму тӧлысь 2020.
  22. ↑ The United States Takes Sweeping Actions on the One Year Anniversary of Russia’s War Against Ukraine. U.S. Department of State.
  23. ↑ Ангелы с моря. Россия-1. Шыӧдчан кадпас: 8 урасьӧм тӧлысь 2020. Архивируйтӧма 25 урасьӧм тӧлысь 2020.
  24. ↑ В Бурятию приехала съемочная группа Никиты Михалкова. Информ Полис. Шыӧдчан кадпас: 8 урасьӧм тӧлысь 2020. Архивируйтӧма 12 тӧвшӧр тӧлысь 2021.
  25. ↑ Д/ф «Флаг. Символ преемственности». История.РФ. Шыӧдчан кадпас: 8 урасьӧм тӧлысь 2020. Архивируйтӧма оригинала 19 кӧч тӧлысь 2020 года.
  26. ↑ В Неделю сыропустную Предстоятель Русской Церкви совершил Литургию в Храме Христа Спасителя. Шыӧдчан кадпас: 7 рака тӧлысь 2022. Архивируйтӧма 7 рака тӧлысь 2022.
  27. ↑ Любимову наградили орденом Дружбы Южной Осетии, TACC (13 кӧч тӧлысь 2024). Шыӧдчан кадпас: 13 кӧч тӧлысь 2024.

Ыстӧгъяс

Босьтӧма "https://kv.ruwiki.ru/w/index.php?title=Любимова_Ольга_Борисовна&oldid=482098"-ысь