Катунин Сергей Михайлович
| Сергей Михайлович Катунин | |||
|---|---|---|---|
 | |||
|
| |||
_(2005).png){kind=small} «Сыктывкар» МЮ администрацияса юралысь
.png){kind=small} |
|||
| 2002.03.06 — 2005.12 | |||
| Президент | Владимир Путин | ||
| Губернатор | Владимир Торлопов | ||
| Водзвывса уджалысь | Анатолий Чуткин у. в. | ||
| Удж водзӧ нуӧдысь | Александр Эпштейн | ||
|
|
|||
| Чужис |
1952 вося рака тӧлысь 13-ӧд лун Куйбышевское сикт, Бузскӧй район, Андижан обласьт, Узбек ССР |
||
| Ютыр | Справедливая Россия | ||
| Велӧдчӧм | Сыктывкарса канму университет | ||
| Уджсикас | бухгалтер | ||
| Эскӧм | христианство | ||
| Наградаяс |
|
||
Катунин Сергей Михайлович (1952 вося рака тӧлысь 13-ӧд лун, Куйбышевское сикт, Бузскӧй район, Андижан обласьт, Узбек ССР) — россияса канморт, «Сыктывкар» МЮ администрацияса вӧвлӧм юралысь (2002.03.06-2005.12).
Олантуй
Чужис 1952-ӧд вося рака тӧлысь 13-ӧд лунӧ Бузскӧй районса Куйбышевское сиктын.
Помаліс Сыктывкарса канму университет «Бухгалтерскӧй учёт» специальносьт серти.
1970—1973 воясӧ служитіс Сӧветскӧй Армияын.
Карьера
Уджавны заводитіс 1969 воын Сыктывкарын «Комипромжилстрой» трестлӧн 11 №-а стрӧитчан управлениеын электромонтажникӧн[1].
1973—1975 воясӧ — связьӧн веськӧдлан телефонно-телеграфнӧй станцияса монтёр.
1975—1978 воясӧ — 36 номера школаын техническӧй уджалысь (Сыктывкар).
1978 воын — Коми АССР-са сьӧм овмӧс министерстволӧн оланін да коммунальнӧй, вузасян да бытӧвӧя могмӧдан юкӧнын экономист.
1979—1986 воясӧ — Сосногорскса райисполкомӧн веськӧдлысьӧс вежысь, районса планӧвӧй комиссияӧн веськӧдлысь, сьӧм овмӧс юкӧнӧн веськӧдлысь[1].
1985 воын сійӧс бӧрйисны Сосногорск районса Сӧветӧ депутатӧн[1].
1986—1989 воясӧ — Коми АССР-са сьӧм овмӧсса министрӧс вежысь, госдоходъяс юкӧнса начальник[1].
1989—1990 воясӧ — КПСС ЦК-лӧн социально-экономическӧй юкӧнын инструктор[1].
1990 воын — Сыктывкарса горисполкомӧн веськӧдлысьӧс медводдза вежысь[1].
1990—1993 воясӧ — «Коминефть» ПО-са генеральнӧй директорӧс вежысь (Уква).
1993—1995 воясӧ — Сыктывкарын «Коминефть» акционер котырса генеральнӧй представитель, «Коминефть» акционер котырса генеральнӧй директорӧс вежысь[1].
1995—1999 воясӧ — «Коминефтьинвест» ТОО-са генеральнӧй директор[1].
1999—2002 воясӧ — Коми Республикаса ортсыса йитӧдъяс кузя министр[1].
2002—2005 воясӧ — «Сыктывкар» муниципальнӧй юкӧнлӧн Сӧветса депутат, «Сыктывкар» муниципальнӧй юкӧн Администрацияса юралысь[1].
2007—2011 воясӧ — Коми Республикаса Каналан Сӧветын IV созывса депутат да «Справедливая Россия: Родина/Пенсионеры/Жизнь» кансяма ютырлӧн дінму юкӧнса фракцияӧн юрнуӧдысь[1].
2015 вося вӧльгым тӧлыссянь — ТНТ-Сыктывкар телеканалын «Катунин. NET» передачаяслӧн автор да нуӧдысь[2].
Ӧні Сергей Катунин пенсия вылын, оз уджав[3].
Мыжалӧм
2005 вося сора тӧлысьын Сергей Катунин вылӧ панӧмаӧсь уголовнӧй делӧ ч. 3 ст. 129 УК РФ (клевета, мый йитчӧма мортӧс сьӧкыд либӧ торйӧн сьӧкыд мыж вӧчӧмысь мыждӧмкӧд) Коми Республикаса Юралысь Владимир Торлоповлӧн шыӧдчӧм серти, коді шуис, мый Катунин 2005 вося лӧддза-номъя тӧлысь 28-ӧд лунӧ Сыктывкарын «Русское радио» радиостанцияын выступайтігӧн тӧдӧмӧн паськӧдіс сы йылысь лӧж юӧръяс. Ёрд мыжаліс Катунинӧс да шуис Катунинлы мынтыны 10 сюрс шайт штрап[3].
Ас олӧм
Эм кык пи да ныв.
Прӧст кадӧ радейтӧ ворсны футболӧн[4].
Наградаяс
- «300 во Россияса флотлы» медаль;
- «За заслуги» Россияса МЧС-лӧн ведомствоса морӧсвыв пас;
- «Ставроссияса олысьяслысь перепись нуӧдӧмын заслугаясысь» медаль.
Пасйӧдъяс
- ↑ 1 2 3 4 5 6 7 8 9 10 11 Катунин Сергей Михайлович. Администрация МОГО «Сыктывкар». Шыӧдчан кадпас: 16 ода-кора тӧлысь 2025.
- ↑ Авторская программа Сергея Катунина «Катунин.NET» — КомиОнлайн. komionline.ru. Шыӧдчан кадпас: 9 тӧвшӧр тӧлысь 2021. Архивируйтӧма 21 тӧвшӧр тӧлысь 2021.
- ↑ 1 2 Валерий Козлов покидает пост мэра Сыктывкара: что сейчас с теми, кто был до него | Новости Сыктывкара | Про Город Сыктывкар. pg11.ru. Шыӧдчан кадпас: 8 ода-кора тӧлысь 2021. Архивируйтӧма 10 ода-кора тӧлысь 2021.
- ↑ Катунин Сергей Михайлович. Государственный совет Республики Коми. Шыӧдчан кадпас: 9 тӧвшӧр тӧлысь 2021. Архивируйтӧма 21 ӧшым тӧлысь 2018.